Færeyskt fjör alla helgina

 

  Færeyskir dagar í Fjörukránni í Hafnarfirði hefjast í dag,  föstudag,  og standa fram á sunnudagskvöld.  Þeir samanstanda af færeyskum mat,  myndasýningu,  færeyskri tónlist fyrir matargesti og dansleikjum.  Færeyski listakokkurinn  Birgir Enni  mætir ásamt fríðu föruneyti og framreiðir fjölbreyttan veislumat. 

  Birgir er í hópi bestu kokka heims,  margverðlaunaður og var útnefndur Færeyingur ársins 2007.  Fjöldamörg af helstu sælkerablöðum heims hafa lofsungið matreiðslu Birgis.  Birgir kafar sjálfur eftir sjávarfangi og einna þekktastur er hann fyrir sérgrein sína,  matreiðslu á risaöðuskel.

  Matseðil Birgis og félaga í Fjörukránni um helgina má sjá á http://www.fjorukrain.is/fjorukrain/upload/files/pdf/matsedill_fram.pdf

  Í kvöld,  á milli klukkan 19.00 og 19.30,  verður Birgir með myndasýningu í Hellinum á Hótel Víking við hlið Fjörukrárinnar.  Þar gefst gestum kærkomið færi á að sötra fordrykki fyrir matinn.  Birgir er bróðir poppsöngvarans Brands Enni.

  Færeyski dúettinn  Neil Joensen og Eyðun Ásason  leika og syngja fyrir matargesti notalega kassagítarmúsík.  Ég hef nokkrum sinnum hlustað á þá spila í Færeyjum.  Þar ber jafnan hæst er þeir flytja lagið "Talað við gluggann" eftir Bubba Morthens.

  Á heimasíðunni www.fjorukrain.is segir að  hljómsveit Rúnars Þórs  leiki fyrir dansi í Fjörukránni í kvöld og annað kvöld.  Samkvæmt mínum færeyskum heimildum er það hinsvegar  færeyska stuðhljómsveitin 005 - með  Dagfinn Olsen  í broddi fylkingar - sem leikur fyrir dansi á Færeysku dögunum. 

Um Færeysku dagana:  http://www.fjorukrain.is/is/fjaran/faereyskir%5Fdagar/

Um Neil Joensen og Eyðun Ásason:  www.myspace.com/eydunasason  www.myspace.com/neiljoensen

Um Dagfinn Olsen: 

http://profile.myspace.com/index.cfm?fuseaction=user.viewprofile&friendid=388552538

 

Athugasemdir

[Res (IP-tala skráð) 24.10.2008 kl. 16:08]

Já sælll ,,,,,á þetta að vera Risahörpuskel,,bara forvitni..

[Ómar Ingi, 24.10.2008 kl. 16:59]

Er bannað að skrifa færslu án þess að minnast á vissan vibba ?

[Jens Guð, 24.10.2008 kl. 17:13]

  Res,  er þetta ekki öðuskelin?

  Ómar,  hvaða vibba áttu við?

[Siggi Lee Lewis, 24.10.2008 kl. 20:22]

Já og þú kíkir til mín Jens í fyrirpartý! Enging önnur en Leoncie ætlar að taka lagið og halda uppi stemningunni!

[Jens Guð, 24.10.2008 kl. 21:19]

  Siggi,  var ekki einhver að segja að hún væri búin að semja nýjan dans við lagið "Engann prikant hér"?

[Ómar Ingi, 24.10.2008 kl. 21:28]

Nú þetta sannar að ég hef ekki talað nógu skýrt um þennan heilaskemmda skallapoppara eftir neyslu og meðfætt vanvit.

En þú fýlar hann að ég tel eins og svo margir skrítnir hér á landi

Hann er til dæmis að fara fram á að fá samskonar virðingu og heimsfrægt tónlistarfólk hér á landi en það er ekki séns í helvíti að það gerist.

Hann er fyrrverandi kommúnisti og fyrrverandi kapítalismi og núverandi LOOSER 4 Life.

Margir hafa sem betur fer séð hverskonar aumingi og viðriðni maðurinn virkilega er

Hann er kallaður Bubbi