Hver er besta plata Megasar?

  Fyrir nokkrum dögum lauk skoðanakönnun hér á þessari bloggsíðu um bestu íslensku smáskífurnar.  Niðurstöðuna má sjá á: http://jensgud.blog.is/blog/jensgud/entry/935563.  Ég á eftir að rýna betur í niðurstöðuna.  Núna er ný skoðanakönnun komin í gang.  Í henni er spurt um bestu plötur Megasar.  Ég varpa spurningunni til ykkar:  Vantar á listann einhverja plötu Megasar sem er betri en þær sem ég tilnefni?

Athugasemdir

[Gjagg (IP-tala skráð) 17.9.2009 kl. 22:18]

Nú er ég klaeddur og kominn á ról og Á bleikum náttkjólum eru bestar finnst mér.

[hilmar jónsson, 17.9.2009 kl. 22:28]

1. Drög að sjálfsmorði..ekki spurning .Reyndar live tónleikaplata, en alveg mögnuð. 2: Loftmynd. 3: Fyrsta platan, man ekki hvað hún heitir..

[Eyjólfur Ármannsson (IP-tala skráð) 17.9.2009 kl. 22:30]

Á bleikum náttkjólum því hún kenndi mér ungum að  Megas er alvöru!

Hef ekki betri aðferð til að meta þetta.

[Brynjar Jóhannsson, 17.9.2009 kl. 22:51]

Á bleikum náttkjólum er klárlega hans besti diskur og svo er líka fyrsti diskurinn hans fínn Megas sem kom út 1972.

[Ómar Bjarki Kristjánsson, 17.9.2009 kl. 22:54]

1.  Fram og aftur blindgötuna.

2.  Megas.

3.  Höfuðlausnir.

[S. Lúther Gestsson, 17.9.2009 kl. 23:00]

Mér finnst bara platan sem hann er sem mest vímaður best, en það er líklega ómögulegt að finna út hvaða plata það er.

P.s.

Jens: þú sendir inn á skilaboðaskjóðu bloggvina þinna áðan að þú hefðir aldrei notað þetta skilaboðakerfi áður?? Manstu ekki þegar þú gjörsamlega misnotaðir það í vor? Hraunaðir yfir mann og annnann eins og það ætti að loka kerfinu daginn eftir.

Nei líklega ekki.

[Ómar Ingi, 17.9.2009 kl. 23:23]

Allar jafn Dópaðar ?

[Emil Hannes Valgeirsson, 18.9.2009 kl. 01:05]

1. Megas

2. Fram og aftur Blindgötuna

3. Loftmynd

Á bleikum náttkjólum finnst mér dálítið ofmetin eða hinar vanmetnar. Allt frábært stöff samt.

[Villi Asgeirsson, 18.9.2009 kl. 04:19]

Ætlaði fyrst að segja Loftmynd. Hún er sennilega jafnbesta plata guttans. Ekki eitt lag sem dregur hana niður. Hún inniheldur svo algerar perlur. Reykjavíkurnætur, Skúla Fógeta og fleiri. Lögin eru skemmtileg, textarnir snilld, flutningurinn betri en á flestum öðrum og hún er sennilega best hljómandi plata Megasar.

Þrátt fyrir allt þetta, valdi ég Bleiku Náttkjólana. Veit ekki alveg af hverju. Textarnir eru auðvtað með því besta sem hann hefur gert, en það er líka tlraunastarfsemi í gangi sem ég held að hafi þurft mikinn kjark í. Kannski ekki hjá honum, meira hjá Spilverkinu, sem var "virt" hljómsveit og hafði meiru að tapa.

En hvernig er það, hefur hann ekkert gert a viti eftir Höfuðlausnir? Ég flutti erendis 1993 og þekki lítið til þess sem kom eftir Stellu. Á reyndar kasettu sem hann gaf mér með demóupptökum af þeirri plötu og þær hljóma margar betur en endanlegu útgáfurnar. Spyr því ég sé ekkert nýrra á listanum.

[Þorfinnur Ómarsson (IP-tala skráð) 18.9.2009 kl. 05:32]

1. Loftmynd

2. Drög að sjálfsmorði

3. Á bleikum náttkjólum.

[Stefán (IP-tala skráð) 18.9.2009 kl. 08:30]

Uppáhalds Megasar-platan mín er Þrír blóðdropar, sem er reyndar ekki þarna á listanum og svo eru Á bleikum náttkjólum og Loftmynd líka mikil meistaraverk.

[Gunnar Helgi Eysteinsson, 18.9.2009 kl. 08:43]

Megas hefur aldrei verið í miklu uppáhaldi hjá mér, þó mér finnist textarnir hrein snilld. Ég á bara afskaplega erfitt með söngröddina hans. 

Ég hef hlustað á allar plöturnar hans (Á bróðir sem aðdáandi Megasar) og því búinn að velja eina plötu sem mér finnst best.  

Es Takk Jens fyrir athugasemdina við færsluna mína... 

[Gunnar Salvarsson (IP-tala skráð) 18.9.2009 kl. 09:32]

Fram og aftur blindgötuna er að mínum dómi áberandi besta plata Megasar en þær þrjár sem eru í mestu eftirlæti eru þessar:

1. Fram og aftur blindgötuna

2. Megas

3. Á bleikum náttkjólum.

[Hljómplötuklúbburinn (IP-tala skráð) 18.9.2009 kl. 11:00]

Plötur Megasar sem rata í bókina "100 bestu plötur Íslandssögunnar" eru:

1. Megas

2. Millilending 

3. Fram og aftur blindgötuna

4. Á bleikum náttkjólum 

5. Drög að sjálfsmorði

6. Í góðri trú

7. Loftmynd

Heilar sjö plötur af hundrað! Vel af sér vikið hjá Magnúsi Þór. Einhver þeirra ætti líklega að verma fyrsta sætið í Megasar röðinni!?.

5. 

[Kristján Kristjánsson, 18.9.2009 kl. 14:19]

Þetta er að sjálfsögðu smekksatriði að velja eina plötu af öllum meistarastykkjum Megasar. Ég valdi Á Bleikum Náttkjólum þar sem hún hafði hvað sterkust áhrif á mig á sínum tíma. Hún var líka rokkuð sem mér líkaði vel :-)

[J. Einar Valur Bjarnason Maack , 18.9.2009 kl. 14:41]

Ég valdi 'Í Góðri Trú' enda sú plata sem kom mér uppá bragðið...

"Birta, Birta, Þarf að berja í þig ást og tryggð?"...

[Siggi Lee Lewis, 18.9.2009 kl. 20:04]

Það vantar alveg valmöguleikann: "Megas er viðbjóður djöfulsins."

[doddý, 18.9.2009 kl. 21:09]

fyrsta platan sem hreyf mig var á bleikum náttkjól því ég hafði skrýtin áhuga á gínum sem barn. tónlistaleg hrifning kom stuttu seinna - þar má minnast aftur systur minnar sem hefur séð um tónlistarlega uppeldið... svo stálum við þessari plötu af bókasafninu heima í héraði og það komst aldrei upp. kv d

(stundum er mjög gaman að vera viðbjóður)

[Jens Guð, 19.9.2009 kl. 00:04]

  Gjagg,  ég skellti  Nú er ég klæddur...  inn á listann.  Held samt að sú plata verði seint valin besta plata meistarans. 

[Jens Guð, 19.9.2009 kl. 00:06]

  Hilmar,  ég var á hljómleikunum.  Þegar platan kom út var ég ekki alsáttur við hljóðblöndun.  Einkum á söng Megasar.  En hljómleikarnir voru magnaðir.

[Jens Guð, 19.9.2009 kl. 00:15]

  Eyjó,  þú ert svo ungur að þú þekkir ekki andrúmsloftið þegar platan kom út.  Platan var nefnilega hálfgerð í tíðarandanum 1977.  Gömlu framsæknu hippahljómsveitirnar höfðu lagt upp laupa og það var komin upp staða mikillar þreytu gagnvart hipparokki.  Svokallaðar brennivínshljómsveitir (Haukar og aðrar álíka) og léttpopp hafði yfirtekið markaðinn.

  Þetta var sama staða og skóp pönkbyltinguna í Bretlandi.  Pönkið hafði ekki borist til Íslands en Megas pönkaði (Paradísarfuglinn  og  Við sem heima sitjum)  löngu áður en aðrir fóru að pönka á Íslandi.

[Jens Guð, 19.9.2009 kl. 00:19]

  Brynjar,  fyrsta plata Megasar var kjaftshögg.  Henni var slátrað af plötugagnrýnendum og enginn vildi selja hana nema Hljóðfæraverslun Sigríðar Helgadóttur.  Platan var jafnframt bönnuð í ríkisútvarpinu.  Hneykslisalda reið yfir.  Þótti bara klám,  guðlast og níð um gott fólk.

[Jens Guð, 19.9.2009 kl. 00:25]

  Ómar Bjarki,  ég var eldsnöggur að skella  Höfuðlausnum  inn í skoðanakönnunina.

[Jens Guð, 19.9.2009 kl. 00:32]

  Sigurður Lúther,  vímaðasta plata Megasar er  Á bleikum náttkjólum.

  Ég held (vona) að þig misminni með skilaboðakerfið.  Ég man ekki eftir þessu dæmi sem þú nefnir.  Það er fræðilegur möguleiki að ég hafi sloppið í bjór og lent í óminnishegra.  Hinsvegar er ég í sambandi við marga bloggvini sem tjá sig daglega um blogg mitt í símtölum.  Enginn hefur nefnt þetta við mig. 

  Yfir hverja var ég að hrauna?  Ég stend í þeirri trú að þú sért að rugla mér saman við einhvern annan. 

[Jens Guð, 19.9.2009 kl. 00:36]

  Ómar Ingi, nei,  margar seinni tíma plötur Megasar hafa verið ódópaðar.

[Jens Guð, 19.9.2009 kl. 00:38]

  Emil,  Á bleikum náttkjólum  er ekki ofmetin.  Síst af öllu ef þú berð hana saman við annað sem hæst bar á Íslandi 1977.

[Jens Guð, 19.9.2009 kl. 00:51]

  Villi,  flestar seinni tíma plötur Megasar eru snilld.  En sá sem hóf feril sinn á mörgum meistaraperlum lendir síðar í samanburði við sjálfan sig.  Tíðarandinn breytist og það sem þótti djarft,  frumlegt og ferskt á sínum tíma getur haldið stöðu sinni í samanburði við samtímann en seinni tíma plötur gjalda breyttra tíma.  Þó þær séu ekki síðri ef þær væru metnar út frá öðrum forsendum (án tíðarandans).  Við getum tekið plötur Led Zeppelin og Rolling Stones sem dæmi um þetta.

[Jens Guð, 19.9.2009 kl. 00:52]

  Þorfinnur,  takk fyrir þátttökuna.

[Jens Guð, 19.9.2009 kl. 00:53]

  Stefán,  ég bætti  Þremur blóðdropum  við í skoðanakönnunina.

[Jens Guð, 19.9.2009 kl. 01:04]

  Gunnar Helgi,  Megas kæmist ekki yfir fyrsta þrep í Ædol.  Það þarf að hafa umburðarlyndi og smá húmor til að sætta sig við söngstílinn.  Hinu er ekki að neita að söngstíll Megasar gefur músík hans sérstakan "karakter" (persónuleika) sem fellur vel að sérstæðum textum kappans.   

  Þegar aðrir kráka (covera) lög hans hlustar maður allt öðruvísi á lögin.  Þá sprettur fram fegurð í sumum þessara laga sem í frumflutningi laganna hjá Megasi er dálítið falin vegna söngstíls hans sem stelur senunni.  Dæmi um þetta eru  Fílahirðirinn frá Súrí  í flutningi Möggu Stínu og  Tvær stjörnur  í flutningi Emilíönnu Torríni.

[Jens Guð, 19.9.2009 kl. 01:18]

  Gunnar Salvarsson,  takk fyrir innleggið.  Af því að ég veit að þú ert mikill Harrison-fan vil ég lauma því að hversu mjög Harrison-lög Bítlanna vaxa í tímans rás og eldast frábærlega vel.  Á tímabili varð ég dálítið upptekinn af sýru-húsi (acid house) tíunda áratugarins.  Svo rann upp fyrir mér ljós að Harrison var búinn að trompa það dæmi rækilega á sjöunda áratugnum. 

[Jens Guð, 19.9.2009 kl. 01:23]

  Hljómplötuklúbburinn,  þetta dæmi sýnir glöggt hvað plötur Megasar vega þungt í poppsögu Íslands.  Og eins og fram kemur hér í athugasemdum þá eru margir með vandræðagang að velja á milli 2ja eða 3ja platna meistarans.

[Jens Guð, 19.9.2009 kl. 01:28]

  Kiddi Rokk,  það kom mörgum í opna skjöldu þegar Megas varð fyrstu Íslendinga til að pönkrokka.  Á sínum tíma kom hann inn á markaðinn sem kassagítarvísnasöngvari.  Svo tók við léttpopp með Júdasi.  Þá kom þetta pönkrokk:  Paradísarfuglinn   og   Við sem heima sitjum.  Alveg á skjön við þá ímynd sem fólk hafði af vísnasöngvaranum og léttpopparanum Megasi.  Þetta var bomba.  Eða eins og Bubbi sagði:  B-o-b-a.

[Jens Guð, 19.9.2009 kl. 01:31]

  Einar Loki,  það er gaman að einhver hafi "kveikt á"  Megasi með   Í góðri trú.  Þá var karlinn orðinn deálítið "venjulegur" miðað við fyrri plötur.  Engu að síður:  Frábær plata.

[Jens Guð, 19.9.2009 kl. 01:35]

  Í anda Megasar:  Sorrý,  átti vitaskuld að vera "dálítið".  Með þessu er ég að vísa til þess er Megas fékk íslensku verðlaun Jónasar Hallgrímssonar.  Sjónvarpið spurði hann hvað íslenskuverðlaunin þýddu fyrir hann.  Megas svaraði:  "Böns of moní."

[Jens Guð, 19.9.2009 kl. 01:36]

  Siggi Lee,  valmöguleikinn sem þú nefnir er ekki til.

[Jens Guð, 19.9.2009 kl. 01:39]

  Doddý,  skamm, skamm!  Reyndar er ólíklegasta fólk iðurlega að segja mér að það hafi stolið Poppbókinni sem ég skrifaði fyrir aldarfjórðungi:  Frá ættingjum,  vinum,  sumarbústöðum og bókasöfnum.  Meira að segja Óli Palli segist hafa stolið henni af bókasafni á Akranesi.

[Brynjar Jóhannsson, 19.9.2009 kl. 01:49]

Á plötunni ... Á bleikum náttkjólum eru lög eins og

 Við sem heima sitjum og Síra sæmi fróði - Paradísarfuglinn- saga úr sveitinni og gamli skrjóðurinn og blíðum í blænum. Áður en ég veit af hef ég talið upp öll lög plötunar. 

En öll þessi lög eru að mínu mati með því allra besta sem ég hef heyrt í íslenskri tónlist. Því finnst mér út í hött að reyna að halda því fram að þessi plata sé ofmetin. Það var eitthvað sem virtist hafa gerst með því að blanda saman spilverkinu við megas og er ég þeirrar skoðunar að slíkt muni ekki gerast oft aftur í íslenskri tónlistarsögu. 

[Siggi Lee Lewis, 19.9.2009 kl. 10:16]

Nei Jens minn. Þess vegna vantar hann ;-)

[Eyjólfur Ármannsson (IP-tala skráð) 19.9.2009 kl. 12:04]

Sæll Jens. Andrúmsloftið sem ég kynntist á Bleikum náttkjólum og fleiri Megasarplötum var þegar ég og félagi minn fengum far með ágætum skákmeistara af kvöldæfingum hjá Taflfélagi Reykjavíkur upp í Breiðholt, ég var 12-13 ára þarna og umræddur skákmeistari var jafnan með Megas á kasettu í bílnum og söng með þegar mikið lá við.

[Eyjólfur Ármannsson (IP-tala skráð) 19.9.2009 kl. 12:25]

Annars er það mér í barnsminni að í annaðhvort 50 eða 200 mílna Þorskastríðinu var fréttamaður frá RÚV um borð í varðskipi og útvarpaði því þegar að varðskipsmenn spiluðu Megas fyrir Bretana í gegnum talstöðina.

[Þráinn Árni Baldvinsson, 19.9.2009 kl. 17:53]

3 blóðdropar!!!

[Jens Guð, 19.9.2009 kl. 21:08]

  Brynjar,  það má heldur ekki gleyma að Kalli Sighvats fer hamförum á orgel á plötunni.  Plötuútgefandinn,  Jóhann Páll,  sagði að Kalli hafi losað um hömlur hjá Spilverksfólki á þann hátt að það fór að leyfa sér sitthvað sem það hefði ekki leyft sér á (öðrum) Spilverksplötum.  Hann taldi upp einhver dæmi sem ég er búinn að gleyma nema því einu að Kalli spólaði Egil Ólafs upp í að gólast á við orgelið í sólókafla  Við sem heima sitjum. 

[Jens Guð, 19.9.2009 kl. 21:10]

  Siggi Lee,  þennan valmöguleika vantar af því að hann er ekki til fremur en ð sem upphafsstafur. 

[Jens Guð, 19.9.2009 kl. 21:16]

  Eyjó,  mikið varstu heppinn að fá bílfar hjá manni með svona góðan músíksmekk. 

  Vegna sögunnar ágætu um að varðskipsmenn hafi spilað Megas fyrir enska landhelgisbrjóta þá er það þannig að margir Englendingar kunna vel að meta Megas og safna plötum hans.  Mark E. Smith í The Fall er svo heitur aðdáandi að hann hefur sungið inn á plötu 3 söngva um Megas.

[Jens Guð, 19.9.2009 kl. 21:17]

  Þráinn,  takk fyrir það.

[Gjagg (IP-tala skráð) 20.9.2009 kl. 15:36]

 

[Gjagg (IP-tala skráð) 20.9.2009 kl. 16:01]

http://topplistinn.blog.is/blog/topplistinn/entry/949993/#comment2611142

[Jens Guð, 20.9.2009 kl. 21:41]

  Gjagg,  takk fyrir hlekkinn.  Ég var reyndar búinn að kíkja þarna inn og meira skilja eftir mig spor í athugasemdakerfinu.

[J. Einar Valur Bjarnason Maack , 21.9.2009 kl. 12:22]

Jens: Samt ekki svo þegar haft er í huga hvenær platan kom út og hvenær ég er fæddur...