Lulla frænka og karlamál

  Lulla frænka bjó alla tíð ein.  Þess á milli dvaldi hún á geðdeildum ýmissa stofnana.  Hún nefndi oft hversu fögur hún væri.  Sagðist vera svo lík ítölsku leikkonunni Sophiu Loren að fólk þekkti þær ekki í sundur.  Lulla nefndi oft að hún hefði verið með fallegasta hár allra í Skagafirði.  Sítt,  svart og þykkt hár sem allir dáðust að.

  Ég geri mér ekki grein fyrir því en ég held að Lulla hafi alveg verið nokkuð myndaleg.  Eitt sinn spurði ég hana að því hvort að hún hafi aldrei átt kærasta.  "Jú, ég átti kærasta sem hét Óli," svaraði Lulla.

  "Hvað varð um hann?"  spurði ég:  "Hann var vitleysingur," svaraði Lulla og gaf ekkert frekar út á það. 

  Ég:  "Af því að þú varst svona falleg þá hljóta karlmenn að hafa verið stöðugt að reyna við þig."

  Lulla:  "Já.  Þá gaf ég þeim svoleiðis á kjaftinn að þeir reyndu það ekki aftur."

-------------

Fleir sögur af Lullu frænku:  http://jensgud.blog.is/blog/jensgud/entry/1374813/

Athugasemdir

[Ásthildur Cesil Þórðardóttir, 3.5.2014 kl. 10:10]

Hahahaha!!

[Jens Guð, 3.5.2014 kl. 23:59]

Ásthildur Cesil, takk fyrir innlitið.

[Ásthildur Cesil Þórðardóttir, 4.5.2014 kl. 10:51]

Vil ekki missa af Lullu frænku.

[ingibjörg kr einarsdóttir (IP-tala skráð) 5.5.2014 kl. 10:10]

Alltaf er Lulla frænka orginal og snilld

[Ásthildur Cesil Þórðardóttir, 5.5.2014 kl. 11:45]

Ég sakna þessara einstaklinga, hvar eru þeir í dag, nú eru allir steyptir í sama mótið og mega ekki hugsa öðruvísi en umhverfið.

[Jens Guð, 5.5.2014 kl. 20:42]

Ingibjörg, svo sannarlega.

[Jens Guð, 5.5.2014 kl. 20:44]

Ásthildur Cesil, það er rétt hjá þér að nútímamaðurinn er einsleitari en áður. Áður fyrr fékk fólk að rækta sérkenni sín.

[Ásthildur Cesil Þórðardóttir, 5.5.2014 kl. 23:39]

Já og vera þeir sjálfir.

[Jens Guð, 17.7.2014 kl. 23:44]

Vind mér í það.