Ódýrasta bensínið?

  Hvert olíufyrirtækið á eftir öðru auglýsir grimmt þessa dagana.  Þar fullyrða þau hvert og eitt að þau bjóði upp á lægsta verð.  Hvernig er það hægt?  Lægsta verð þýðir að allir aðrir eru dýrari. Ef öll olíufélögin bjóða sama verð þá er ekkert þeirra ódýrast.  

  Er einhver að blekkja?  Ekki nóg með það heldur er Jón Ásgeir kominn í stjórn Skeljungs.  Í kjölfar var færeyski forstjórinn settur af.  Fleiri fuku í leiðinni.  Við lifum á spennandi tímum,  sagði Þorgerður Katrín þegar bankarnir voru keyrðir í þrot (og kúlulán upp á heila og hálfa milljarða voru afskrifuð á færibandi). 

Athugasemdir

[Þorsteinn Briem, 10.6.2019 kl. 02:02]

En minning hans mun lifa ár og aldir,
þótt allt hans starf sé löngu fyrir bí.
Á gröf hins látna blikar bensíntunna
frá Bjarna Ben. í Enn einum Company.

[Sigurður I B Guðmundsson, 10.6.2019 kl. 09:53]

Kannski á hann enn fyrir Diet Coke!!!

[Stefán (IP-tala skráð) 10.6.2019 kl. 14:10]

Það fyndna er að Orkan ( Skeljungur ) hefur alltaf auglýst sig með ódýrasta eldsneytið, en í raun hefur Orkan bara verið að elta verð annara olíufélaga í gegn um árin á þann hátt að um leið og hin olíufélögin lækka verð, þá laumast Orkan lymskulega aurum neðar. Þannig hafa t.d. Olís og nú að undanförnu Atlantsolía leikið sér að Orkunni eins og kettir að mús. Já og enn ein hreinsunin er að eiga sér stað núna hjá Skeljungi eftir stjórnarskipti. Ingunn Agnes Kro ( dóttir Valgerðar Sverris fyrrum ráðherra ) framkvæmdastjóri og færeyskur forstjóri eru farin með það sama. Er nýtt Baugsævintýri að fara af stað undir nafni Skeljungs ?

[Jens Guð, 11.6.2019 kl. 23:42]

Steini,  lagleg tilvísn í Stein Steinarr!

[Jens Guð, 11.6.2019 kl. 23:43]

Sigurður,  við vonum það svo sannarlega.

[Jens Guð, 11.6.2019 kl. 23:44]

Stefán,  Baugur er að rísa við sjóndeildarhring.

[Stefán (IP-tala skráð) 12.6.2019 kl. 19:34]

Fyrrum Skeljungsmenn Einar Örn og Jón Páll eru að reka stöðvar undir nafninu Dælan og eru ekki par ánægðir með Atlantsolíu, he, he. Svo ætlar Reykjavíkurborg að fara að loka fjölda eldsneytisstöðva, enda eru þær allt of margar og það mætti klárlega loka helmingi þeirra. 

[Jens Guð, 16.6.2019 kl. 00:31]

Stefán,.  takk fyrir upplýsingarnar.