Þannig á að sjóða spaghetti

  Það er alveg merkilegt hvað fólki gengur illa að læra að sjóða spaghetti (eða pasta eða núðlur eða hvað á að kalla fyrirbærið).  Flestir falla í þá gryfju að sjóða það í saltvatni:  2 skeiðar af salti út í 3 lítra af vatni.  Eða eitthvað svoleiðis.  Besta aðferðin er að sleppa saltinu en nota þess í stað einn sprækan súputening.  Spaghettið bragðast ólíkt betur.  Það bragðast svo vel að hægt er að halda fjölmennar veislur með spaghetti eitt á boðstólum.  Ekki neitt annað.  Nema kannski tvær flöskur af kældu hvítvíni á kjaft.

  Annar kostur við súputening er að hann inniheldur miklu lægra hlutfall af salti en 2 skeiðar af borðsalti.  Almennt neytir fólk of mikils salts í fæðu yfir daginn.  Það er óhollt.  Skrúfar upp blóðþrýsting og fer illa með hjarta,  æðar,  nýru og fleira.  Það hefur vond áhrif á astma og veldur beinþynningu.  Bara svo fátt eitt sé nefnt. 

  8 grömm af salti á dag er hámark fyrir fullorðna manneskju.  Súputeningur er málið.

Frábærir hljómleikar á Ob-La-Di

 - Flytjendur:  Hljómsveit hússins:  Gunnar Þórðarson (gítar,  söngur),  Egill Ólafsson (söngur),  Magnús Einarsson (gítar,  söngur),  Eðvarð Lárusson (gítar),  Ásgeir Óskarsson (trommur),  Tómas M. Tómasson (bassi)

 - Staður:  Ob-La-Di

 - Staðsetning:  Laugavegur 45A

  Ég var að koma af frábærum hljómleikum á Ob-La-Di skemmtistaðnum.  Tilefnið var 69 ára afmæli Páls Magnússonar (Paul McCartney),  bassaleikara,  söngvara og söngvahöfundar Bítlanna (The Beatles).  Merkustu hljómsveitar sögunnar.  Hann fæddist 18. júní 1942.

  Ég hef ekki áður komið á Ob-La-Di.  Þessi staður er í götu á milli Laugavegar og Hverfisgötu.  Sama húsi og Las Vegas var í.  Nema á jarðhæð.  Þetta er frekar lítill og verulega "kósý" staður.  Á veggjum hanga stórar myndir af Bítlunum.  Stemmning er mjög góð.  Sjálfur barinn er þannig hannaður að á hornum hans er merkt "service".  Þar mega engir standa nema þeir sem eru að bíða eftir afgreiðslu á barnum.  Þetta fyrirkomulag mættu fleiri vel sóttir barir taka sér til fyrirmyndar.  Þetta kemur í veg fyrir óþarfan troðning við barinn.

  Hljómsveitin fór á kostum.  Alveg frá A-Ö.  Uppistaðan af lagavali kvöldsins voru lög Pauls frá Bítlaárunum.  Hátt hlutfall laganna var sótt í bestu plötu Bítlanna,  Abbey Road.  Einnig slæddust með lög eftir John Lennon.  Enda þeirra ferill svo samtvinnaður í Bítlunum að varla verður á milli skilið.  Þannig lagað.  Þó að annar þeirra tvímenninga hafi samið hitt eða þetta lagið þá setti hinn iðulega svo afgerandi mark á  flutning að hefðbundið Bítlalag var Lennon-McCartney í vitund almennings.  Þar fyrir utan sömdu þeir mörg lög í sameiningu. 

  Hljómsveitin valdi þá farsælu leið að herma ekki nákvæmlega eftir flutningi Bítlanna á þessum lögum.  Þess í stað voru sum lögin í "Bítlalegum" útsetningum sem þó voru ekki þær sömu og með Bítlunum.  Þarna var valinn snillingur í hverju rúmi.  Undrun vakti að Egill Ólafsson söng allt öðru vísi en sá Egill Ólafsson sem við eigum að venjast.  Hann varð "Bítill" án þess að reyna að vera Lennon eða McCartney.  Hann var bara "Bítill",  svo áreynslu- og tilgerðarlaust.  Aldeilis frábær.

  Gunnar Þórðarson átti einnig stjörnuleik.  Hann spilaði og söng bæði Bítlalög og frumsamin (Hljóma) "bítlalög".

  Óþarfi er að þylja upp glæsilega frammistöðu annarra í hljómsveitinni.  Ég verð þó að nefna skemmtilegar lagakynningar Magnúsar Einarssonar.  Það er freistandi að geta hugleiðingar hans um að ef Lennon hefði ekki kynnst McCartney og fengið hann með sér í hljómsveit þá væri Paul í dag að vinna í bókhaldi á endurskoðunarskrifstofu.  Skemmtileg pæling.

  Mér skilst að á fimmtudagskvöldum sé á Ob-La-Di boðið upp á lifandi (live) Bítlamúsík húshljómsveitarinnar.  Ókeypis aðgangur.  Í næstu viku verða Krummi í Mínus og söngvarinn í Jeff Who gestasöngvarar.  Það er spennandi dæmi.  

  Kjarninn í húshljómsveitinni eru Magnús Einarsson,  Eðvarð Lárusson og Tómas M. Tómasson.  Auk þeirra sem spiluðu með þeim í kvöld hafa spilað og sungið með þeim á Ob-La-Di til dæmis að taka Hilmar Örn Hilmarsson og Andrea Gylfadóttir.     

 

Barnaníð í kaþólsku kirkjunni á Íslandi. Af hverju kemur það ekki á óvart?

  Í Fréttatímanum sem kemur út á morgun (föstudag) er sagt frá stórfelldu og grófu barnaníði innan kaþólsku kirkjunnar á Íslandi.  Þar koma við sögu bæði karlkyns gerendur og kona.  Einhverra hluta vegna kemur þetta ekki á óvart.  Hvað er þetta með kaþólsku kirkjuna og barnaníð?  Og íslensku ríkiskirkjuna og kynferðisofbeldi?  Öll þessi kristnu barnaheimili og barnaníð?  Og kristna söfnuði og kynferðisofbeldi? 

  Sumir hafa nefnt að krafan um skírlífi kaþólskra presta sé hluti af skýringu á barnaníði kaþólskra presta.  Hvernig getur skírlífi samrýmst barnaníði?  Í bandaríska fréttaskýringaþættinum 60 Minutes var fullyrt að meirihluti barnaníðinga kaþólsku kirkjunnar séu prestar í hjónabandi.

 

www.aflidak.is

www.stigamot.is

www.solstafir.is

www.blattafram.is

Kalli bankans svarað

  Nú eru bankarnir farnir að moka út peningum til skuldugs fólks.  Það hljómar vel.  Landsbankinn reið á vaðið.  Fyrir bragðið er hann góði kallinn.  Í bili.  Eða þannig.  Til að sýna góðan lit brá ég mér í Landsbankann og borgaði þar reikning sem ég annars er vanur að borga í öðrum banka.  Þá sá ég í Landsbankanum auglýsingu með textanum:  "Vinsamlegast deildu skoðunum þínum með okkur.  Þitt álit skiptir okkur máli."

  Ég brást vel við og deildi skoðun með gjaldkeranum með því að segja:  "Mér þykir Abba ógeðslega leiðinleg hljómsveit."

  Gjaldkeradaman horfði rannsakandi á mig um leið og hún afgreiddi reikninginn og svaraði hægt:  "Ókey."  

  Þar með gekk ég út í sumarið og leið vel að vita að álit mitt skipti Landsbankann máli. 

 

Arion banki endurreiknar lán

Ferðast til Heljar

  Íslensku víkingarokkararnir í Skálmöld stóðu sig glæsilega vel í síðasta Popppunkti.  Þeir standa sig ennþá betur á sviði.  Frábær hljómsveit sem sendi frá sér eina albestu plötu síðasta árs,  Baldur.  Í næsta mánuði halda víkingarokkararnir í hljómleikaferð um Ísland og Færeyjar í samfloti með færeysku dómsdagsrokkurunum í Hamferð.  Hamferð er sömuleiðis frábær hljómsveit á sviði.  Hún sigraði í færeysku músíktilraununum,  Sementi,  í fyrra.  Í árslok sigraði hún titilinn "Bestu nýliðarnir" í færeysku tónlistarverðlaununum;  Planet Awards.

  Hamferð hefur sent frá sér eina plötu,  Vilst er síðsta fet.  Um hana má lesa með því að smella á þennan hlekk:  http://jensgud.blog.is/blog/jensgud/entry/1144831/

  Um plötu Skálmaldar má lesa með því að smella á þennan hlekk:  http://jensgud.blog.is/blog/jensgud/entry/1138185/

  Hljómleikaferð Skálmaldar og Hamferðar verður farin undir heitinu  Ferðast til Heljar.  Með í för verður finnskur ljósmyndari.  Sá mun skrásetja ferðina í máli og myndum og gefa út í bók.  Þetta verður rosalegt.  Þannig verður ferðin:

5.  júlí:  Sódóma,  Reykjavík.  Tvennir hljómleikar

6.  júlí:  Húsavík

7. - 9. júlí:  Eistnaflug 2011,  Neskaupstað

12.  júlí:  Seglloftið,  Tvöroyri í Færeyjum

13.  júlí:  Perlan,  Þórshöfn í Færeyjum (mikilvægt að rugla henni ekki saman við Þórshöfn á Langanesi)

14. - 16.  júlí:  G!Festival í Götu í Færeyjum

Færeyskir söngvar í 1. sæti í Danmörku og Bandaríkjunum

 

   Í fyrradag upplýsti ég á þessum vettvangi að splunkuný plata færeysku víkingarokkssveitarinnar Týs,  The Lay of Thrym,  hefði vippað sér úr 31. sæti í 1. sæti bandaríska rokklistans,  CMJ Loud.  Listinn byggir á útvarpsspilun í Bandaríkjunum og Kanada.  Í þessum skrifuðu orðum var plata með lagi Eivarar,  Tröllabundin,  að hreiðra um sig á ný í 1. sæti danska plötusölulistans.  Lagið er á plötunni  Engle eller Dæmoner  með danska rappdúóinu Nik & Jay. 

  Platan fór var í toppsætið fyrir 6 vikum,  hélt því næstu vikuna og seig síðar örlítið.  Var í 4. sæti fyrir viku.  Nú hefur platan aftur náð 1. sætinu.  Að margra mati í og með vegna  Tröllabundin.  Það lag er af gagnrýnendum og almenningi talið vera besta lag plötunnar.  Reyndar er það flottara með Eivöru einni.  En samt gaman að heyra hvernig Nik & Jay afgreiða það (sjá hér neðst).

  Þetta er í fyrsta skipti sem færeyskir söngvar eru samtímis í 1. sæti í Danmörku og í Bandaríkjunum. 

  CMJ stendur fyrir það sem hérlendis hefur verið kallað bandarískt háskólaútvarp (Collage Music Journal).  Það mætti þó kalla það norður-amerískt framhaldsskólaútvarp vegna þess að það nær einnig yfir kanadískar framhaldsskólaútvarpsstöðvar.  CMJ heldur utan um vinsældalista þessara útvarpsstöðva,  er vikutímarit og stendur einnig fyrir hljómleikahaldi og alls konar.  Tímaritinu fylgir geisladiskur með mest spennandi rokklögum hverju sinni.  Ég var áskrifandi að CMJ alveg þangað til krónan kolféll 2008 og uppgötvaði í gegnum það margt af því besta sem þá var í umferð í rokkinu.  Þegar ég skoða í dag þær plötur sem fylgdu tímaritinu sé ég að flestir flytjendur urðu síðar stórveldi.  CMJ er með puttann á púlsinum.  Vinsældalistar CMJ mæla það sem spilað er í norður-amerískum framhaldsskólaútvarpsstövum.  Þetta eru þær útvarpsstöðvar sem maður stillir á þegar maður er í Bandaríkjunum.  Það er ævintýri líkast að Týr sé þar í 1. sæti.  Verulega óvænt verð ég að segja. Norrænt víkingarokk hefur hingað til ekki átt upp á pallborð á þessum vettvangi.  Þetta þýðir rosalega spilun á plötu Týs í þessum útvarpsstöðvum.  Týr hefur stimplað sig rækilega inn á norður-ameríska markaðinn.  Og Eivör inn á þann danska.

1

4

6

NIK & JAY ENGLE ELLER DÆMONER

2

3

19

ADELE 21

3

1

2

LADY GAGA BORN THIS WAY

4

2

23

RIHANNA LOUD

5

5

35

AGNES OBEL PHILHARMONICS

6

6

22

BRUNO MARS DOO-WOPS & HOOLIGANS

7

13

37

FALLULAH THE BLACK CAT NEIGHBOURHOO

8

10

52

BURHAN G BURHAN G

9

9

9

KATO DISCOLIZED 2.0

10

1

EDDIE VEDDER UKULELE SONGS

Þú getur búið til glæsilegustu en ódýrustu ljósakrónuna í þínum landshluta

  Í fyrradag sýndi ég hér ljósmyndir af heimili breska þungarokkssöngvarans Ozzys Osbournes,  hlaðið rándýrum ljótum húsgögnum og kristalljósakrónum.  Ozzy er auðmaður og hefur efni á því að kaupa ljótar ljósakrónur fyrir háar fjárupphæðir.  Þú getur hinsvegar útbúið glæsilega ljósakrónu fyrir nánast engan pening. 

  Það eina sem þú þarft að gera er að geyma krukkurnar undan sýrðu gúrkunum,  marmelaðinu og jarðaberjasultunni.  Þegar þú átt 15 tómar krukkur þarf aðeins að gera gat á lokið til að koma rafmagnssnúru þar í gegn.  Endinn sem verður í krukkunni þarf að vera með perustæði.  Snúra með perustæði fæst í Húsasmiðjunni fyrir lítinn pening.  Nota skal smáar perur og frekar daufar.  Sterkar perur hita krukkuna og sprengja hana.  Það viljum við ekki. 

  

Skúbb! Týr í 1. sæti í Bandaríkjunum

  Í vikubyrjun kom út sjötta plata færeysku víkingarokkaranna í Tý.  Hljómsveitarinnar sem átti vinsælasta lagið á Íslandi 2002,  Ormurin langi  (Ormurin með einu n).  Nýja platan heitir  The Lay of Thrym.  Platan með  Orminum langa  heitir  How Far to Asgaard  og sat vikum saman í 1. sæti íslenska plötusölulistans 2002. 

  Síðan hefur færeyska víkingsrokkssveitin Týr náð yfir marga þröskulda heimsfrægðar.  Komst á plötusamning hjá stærsta alþjóðlega plötuútgáfufyrirtæki þungarokksins,  Napalm Records;  hefur spilað á öllum stærstu þungarokkshátíðum heims og er orðin nógu stórt nafn til að túra um Bandaríkin og Evrópu sem aðal nafn.  Það telst ekki lengur til tíðinda að fjallað sé um Tý í helstu þungarokksblöðum heims.  Né heldur að lög með Tý sé á fylgidiskum þeirra blaða ásamt lögum með Sepultura,  Soulfly og svo framvegis.  Munurinn er sá að þegar Týr seldi 5000 eintök af  How Far to Asgaard  á 320 þúsund manna íslenskum markaði þá erum við að tala um 310 milljón manna markað í Bandaríkjunum.  Þar fyrir utan fá vinsælar plötur í Bandaríkjunum viðskiptavild sem skilar sér rækilega á heimsmarkaði.

  Samt sem áður kom það liðsmönnum Týs í opna skjöldu þegar í dag kom í ljós að nýjasta plata Týs,  The Lay of Thrym,  er komin í 1. sæti bandaríska CMJ Loud Rock vinsældalistans.  Platan er spiluð sundur og saman í fjölda bandarískra útvarpsstöðva.  Þar á meðal útvarpsstöðva sem menn vissu varla að væru til.  Týs-æði hefur skollið á í Bandaríkjunum líkt því sem gerðist þegar Týr sló í gegn á Íslandi 2002.  Strákarnir í Tý vita ekki hvaðan á þá stendur veðrið. 

  Sjá: 

http://www.heavymetalbuzz.com/2011/06/tyr-go-to-1-on-cmj-loud-rock-charts.html

  Sjálfur hef ég í dag fengið tvær fyrirspurnir frá bandarískum þungarokksunnendum sem voru að uppgötva Tý eftir að hafa heyrt lög þeirra spiluð í bandarískum útvarpsstöðvum.

Ótrúlegt! Svona er heima hjá Ozzy Osbourne í dag

  Fyrir nokkrum árum naut mikilla vinsælda sjónvarpssería að nafni Osbournes.  Í henni var fylgst með breska þungarokkssöngvaranum Ozzy Osbourne,  Sharon konu hans og tveimur yngstu börnum þeirra.  Þetta var svokallað raunveruleikasjónvarp.  Fjölskyldan þótti frekar sérkennileg um margt.  Einkum Ozzy,  sem hefur skaðað sjálfan sig til frambúðar með óhóflegri áfengis- og dópneyslu.  Það er betra að nota svoleiðis í hófi.  Skemmtilegu hófi.

  Heimili fjölskyldunnar,  það er að segja húsgögn og annað innbú,  vakti ekki sérstaka athygli.  Það var ósköp venjulegt.  Að minnsta kosti í samanburði við íbúana.  Nú hefur heimilið verið tekið í gegn frá A-Ö.  Það er óþekkjanlegt frá því sem áður var.  Og stingur rækilega í stúf við ímynd djöfladaðrarans Ozzys,  prins myrkursins,  eins og hann er stundum kallaður.   

  Svona munum við eftir Osbourne-hjónunum heima hjá sér.  Allt voða "kósý",  hlýlegt,  notalegt og heimilislegt:

 

  Nú hefur allt verið útfært í köldum og óvistlegum litum;  húsgögn,  skraut og annað haft í hörðum og óþægilegum fyrri alda stíl.  Það var Sharon sem tók ákvörðun um þennan vonda stíl og naut liðsinnis fagmanna.  Ozzy skipti sér ekkert af þessu.  Hann veit sem er að það er ekki hlustað á hann undir svona kringumstæðum.

  Kalt,  hart,  gler,  járn,  hvítir veggir,  hvítar veggflísar,  hvítur spegilrammi og það allra versta:  Kristalljósakróna í baðherbergi!

  Hvítir veggir,  hvítir gluggalistar,  hvítir hurðarkarmar;  ber og ómálaður stál gufugleypir og stál eldavél.  Stólarnir eru harðir og óþægilegir.  Þeir eru þó haganlega hannaðir að því leyti að undir setunni er hirsla.  Þar er hægt að geyma sokkapör og fleira.

  Þarna fær ómálaður járnrammi um spegilinn að njóta sín.  Sá er heldur betur skrautlegur,  eins og útskorinn skenkurinn.  Þvílíkt flúr.  Og dauðar trjáhríslur í skrautlegum glervösum.

  Á þessu speglaborði standa verðlaunagripir Ozzys.  Gott ef ekki bæði Grammy og Emmy verðlaun.  Stállitur borðlampi.  Blómavasinn er hugsanlega silfurhúðaður.  Það sést glitta í bera stálarma á stólnum.

  Óþægilegur tréstóll prýðir stigaopið á efri hæðinni.  Það er eins og ljósakrónan sé gullslegin.

  Ég veit ekki hvaða tilgangi þessar gegnsæju glerflöskur þjóna með svona íburðarmiklum járntöppum.  Líkast til eru þær aðeins skraut og tapparnir einhvers konar afbrigði af hinum ýmsu krossum.

  Uppstillingarnar á dótinu á náttborðahlunkunum er þær sömu.  Þær mynda ekki einu sinni spegilmynd.  Fyrir bragðið þarf sá/sú sem sefur vinstra megin að fara fram úr til að slökkva á borðlampanum.  Þessi kaldi fjólublái ráðandi litur er afskaplega óaðlaðandi í svefnherbergi.  Sem og speglandi gráar gólfflísarnar og járnsöplarnir á rúminu.  Kuldalegir gráir og fjólubláir draumar.  Það er ekkert rokk í þessu.

The Eagles eiga íslenska plötu

  Eins og fram hefur komið í fréttum er bandaríska kántrý-rokkshljómsveitin The Eagles komin til Íslands.  Hitt vita færri:  Að einn af gítarleikurum og söngvurum The Eagles,  Joe Walsh,  á plötu með íslenskum tónlistarmanni.  Frá þessu segir Herbert Guðmundsson á fésbók:

  "Skrapp í Hagkaup áðan, þegar ég kem fyrir hornið á hreinlætisvöru hillunum rakst ég á Joe Walsh gítarleikar Eagles og konuna hans þar sem þau voru að versla, tók í spaðann á kauða og stutt spjall og gaf honum svo eitt eintak af síðustu plötunni minn Spegli Sálarinnar, svo heppilega vildi til að ég var með eitt eintak í vasanum. Mjög viðkunnalegur náungi og almennilegur, svona er Ísland í dag."

Ernirnir lentir

Óvenjulegir legsteinar

  Íslendingar eru alvörugefnir þegar kemur að legsteinum.  Enda kannski ekki tilefni að grínast og galsast.  Sú er þó raunin í útlöndum.  Ekki síst í Bandaríkjum Norður-Ameríku.  Þar er iðulega brugðið á leik í léttum dúr.  Hér eru nokkur dæmi:

  Hér er legsteinninn nákvæm eftirlíking af stofu hins látna.  Það er eiginlega spurning hvort rétt sé að kalla þessa stórbrotnu skreytingu legstein. 

  Ef vel er að gáð þá er legsteinninn skreyttur einskonar krossgátu eða "scrabble".  Efst til vinstri stendur "young" (lóðrétt) og "son" (lárétt).  Út frá g (í "young") stendur "gentle" (lárétt).  Niður á t (í "gentle") stendur "foot" (lóðrétt).  Og svo framvegis.

  Þarna hefur verið komið fyrir eftirlíkingu af þremur bjórdælum,  eins og notaðar eru á börum.

  "Mamma elskar pabba - Pabbi elskar konur.  Mamma stóð pabba að verki með 2 í sundi.  Hér hvílir pabbi"

  "Í minningu Dougs"

Skúbb! Íslensk kryddblanda slær í gegn í útlöndum

  Allir íslenskir gæðakokkar,  hvort sem þeir eru ómenntaðir leikmenn eða hámenntaðir fagmenn,  þekkja kryddblönduna  Best á lambið  og systurkryddblöndur hennar:  Best á fiskinn,  Best á kjúklinginn,  Best á borgarann,  Best á svínið,  Best á kalkúninn,  Best á nautið  og hvað þetta heitir allt saman.  Þessar kryddblöndur hafa notið gífurlegra vinsælda hérlendis undanfarin ár.

  Nú hefur hróður kryddblöndunnar  Best á lambið  borist til Færeyja.  Hún hefur slegið í gegn þar.  Eða eins og Færeyingar orða það:

  

Íslendsk kryddblanding ger innrás í Føroyum

Seinastu tíðina hevur verið gjørligt at keypt íslendsku kryddblandingarnar Krydd á lambið í summum handlum í Føroyum, men í framtíðini skal hetta gerast enn lættari. Íslendsku framleiðararnir hava verið í Føroyum á sjarmuferð, og við sær hava tey ikki bara havt vælumtókta ”Lambakryddið”, men heili seks ymisk sløg.

Søgan um íslendsku kryddblandingina tók dik á seg í 2001, eftir at Stefán Halldórsson undanfarnu árini hevði eksperimenterað við at blanda krydd, sum var serliga væl hóskandi til lambskjøt. Í 2001 hitta hann Hjördís Andrésdóttir, sum átti ein handil í Skerjafirði, og saman skipaðu tey framleiðsluna av kryddblandingini, soleiðis at hetta arbeiði nú hevur yvirtirkið bæði handil og alt annað arbeiðslív hjá teimum báðum.

KRADDAÐU KRYDD
So tað, sum byrjaði við, at vinfólk og familja hjá Stefáni kraddaði sær eitt sindur av kryddi, tá tey skuldu gera okkurt serligt til náttara, er í dag vaksið til eina veruliga framleiðslu-fyritøku.

Keflvíkingar eignast málverk af hershöfðingja

  Síðustu daga hefur ríkt þjóðhátíðarstemmning í Keflavík.  Um miðjan maí áskotnaðist Keflvíkingum nefnilega mynd af hershöfðingja.  Alvöru málverk af alvöru hershöfðingja.  Málverkið útvegaði bandaríska sendiráðið á Íslandi leikhúsinu á Ásbrú í Keflavík.  Maðurinn á málverkinu var til í alvörunni.  Hann var yfirhershöfðingi í bandaríska hernum.  1943 flaug hann á Fagradalsfjall og lést ásamt 13 undirmönnum sínum.

  Þetta er í fyrsta sinn sem Keflvíkingar eignast mynd af alvöru hershöfðingja.  Því er mikið um dýrðir,  íslenska fánanum er flaggað í flestum görðum, hús skreytt að utan með uppblásnum blöðrum og karlmenn ganga með hálsbindi.  Stöðugur straumur hefur verið í húsakynni Ásbrúar þar sem fólk lætur ljósmynda sig við hlið málverksins.

  Fyrir mörgum árum stóðu Keflvíkingar í þeirri trú að einn innfæddur,  Elli skrýtni,  hefði komist yfir ljósmynd af alvöru hershöfðingja.  Um nokkurra ára skeið hafði Elli tekjur af því að leyfa sveitungum sínum að skoða myndina og láta ljósmynda sig við hlið hennar.  Það ævintýri fékk snöggan endi þegar trúverðugur bandarískur hermaður sá eina slíka ljósmynd.  Hann sór og sárt við lagði í vitna viðurvist að myndin væri ekki af alvöru hershöfðingja.  Eftir það voru Keflvíkingar skömmustulegir.  En hafa nú fengið uppreista æru.  Enda er meiri reisn yfir málverkinu í Ásbrú en ljósmyndinni hans Ella skrýtna.

.

Bráðskemmtileg matarveisla

  Nýverið tapaði kona á Suðurnesjum máli sem veisluþjónusta höfðaði gegn henni.  Samið hafði verið um kaup á veisluföngum fyrir tiltekna upphæð.  Að mig minnir á 4ða hundrað þúsund.  Konan borgaði 100 þúsund kall fyrirfram.  Hún var ósátt við veisluföngin og neitaði að borga það sem út af stóð.  Taldi sig hafa verið svikna. 

  Í svona tilfelli tapar kaupandinn alltaf málinu.  Þó að konan væri ósátt þá hafði hún fengið meira en 100 þúsund króna virði veisluföng.  Til að eiga möguleika á að vinna málið hefði konan þurft að fá óháðan matsmann til að meta raunvirði veislufanganna og borga þá upphæð.  Sem gat hugsanlega verið lægri upphæð en samið var um í upphafi.  Þetta þarf fólk að vita.  Ef það greiðir lægra verð fyrir vöru eða þjónustu en sanngjarnt þykir þá tapar það máli fyrir dómi.  Líka þó að fólkið hafi ekki fengið þau veisluföng og þá þjónustu sem um var samið.  Til að vinna svona mál þarf fólk að hafa borgað "sanngjarna" upphæð,  studda mati óháðs aðila.  Sá sem sækir málið tapar því. 

  Það er dýrt að tapa svona máli.  Miklu dýrara en að borga sanngjarnt verð.  Málskostnaður þess sem tapar máli telur nokkur hundruð þúsundkalla.

  Nú í kjölfar nýafstaðinna fermingarveislna og í upphafi ættarmóta er gaman að rifja upp eftirminnilega veislu.  Sú var haldin skömmu eftir bankahrun og veisluþjónustan klárlega í þröng.

  Samið var um þjóðlegan aðalrétt,  lambakjöt í karrý,  og súkkulaðitertu með rjóma sem desert.  Þegar til kom var á borðum ekki aðeins lambakjöt í karrý heldur einnig kjúklingapottréttur.  Eini gallinn var sá að karrýkjötið var af skornum skammti.  Góðu fréttirnar voru þær að nóg var til af kjúklingapottréttinum.

  Eins og venja er þegar hátt í hundrað manns koma saman til að snæða mat fór fólk að veisluborðinu í skipulagðri röð eftir því hvar borð þess voru staðsett.  Karrýrétturinn kláraðist fljótt.  Fólkið á síðustu borðunum hafði ekki um annað að velja en kjúklingapottréttinn.  Hann dugði öllum.  En sumir horfðu öfundaraugum á þá sem náðu karrýkjötinu.

  Skýringin sem var gefin var sú að kokkinn hefði misminnt hvað hann átti mikið af lambakjöti á lager.  En reddaði málinu með kjúklingapottréttinum.

  Næst var röðin komin að súkkulaðitertunni með rjóma.  Þá kom upp annað vandamál.  Það hafði gleymst að baka súkkulaðitertur og kaupa rjóma.  Þessu var reddað með því að bjóða upp á konfekt.  Einn mola á mann.  Stór skál með konfektmolum var látin ganga á milli borða.  Áður en röðin kom að síðustu borðum var konfektið á þrotum.  Gamansamur maður spurði þjóninn hvort hann gæti skorið síðasta konfektmolann í nokkra bita svo allir fengju smá konfekt.  Þjónninn kunni ekki að meta brandarann og sagði með þjósti að einhverjir hefðu greinilega tekið fleiri en einn konfektmola.  Molarnir hefðu verið taldir og áttu að vera jafn margir gestunum.  Þar með var það útrætt.

   Gosdrykki keyptu matargestir sérstaklega á barnum.  Einkum voru það krakkar sem sóttu í gosdrykkina.  Einn bað um sogrör.  Aðrir krakkar brugðu við skjótt og báðu einnig um sogrör.  Þjónninn brást vel við því.  Hann tók nokkur rör og klippti þau með skærum í tvennt.  Hvert barn fékk hálft rör sem var of stutt fyrir glösin.  Þjónninn upplýsti krakkana um að þeir yrðu að passa upp á rörin sín því þeir myndu ekki fá annað rör. 

  Eftir vel heppnaða matarveisluna sóttu gestir út í gott veðrið.  Utan við húsið,  til hliðar,  er stór trépallur.  Þar safnaðist fólkið saman,  spjallaði og söng nokkur lög.  Einhverjir sóttu sér bjórdós í bíla sína.  Aðrir keyptu bjór á barnum og báru út.  Inni á barnum voru spiluð fjörleg íslensk dægurlög.  Það er hægt að opna hurð á barnum út á trépallinn. 

  Þar sem allir voru komnir út bað ég þjóninn að opna út á trépallinn til að músíkin bærist þangað út.  Mér var svarað:  "Það er ekki mitt hlutverk að spila músík fyrir fólk sem kaupir ekki bjór á barnum heldur drekkur bjór úr dósum sem það kemur sjálft með."

  Ég benti honum á að margir væru að kaupa bjór á barnum.  Þjóninn svaraði:  "Þá getur það fólk verið hérna inni ef það vill heyra músík."

  Skömmu síðar var húsinu lokað með þeim orðum að staðurinn ætlaði ekki að halda opinni salernisaðstöðu fyrir fólk sem væri að drekka úr sínum eigin bjórdósum í stað þess að kaupa á barnum.

  Gleðskapurinn hélt þó áfram þarna fyrir utan.  Allir skemmtu sér vel og sýndu aðstæðum fullan skilning.  Þetta var,  jú,  í kjölfar bankahrunsins og veisluþjónustur urðu að horfa í hverja krónu.  Og gert var upp við veisluþjónustuna eins og tilboð hennar hljóðaði fyrir lambakjöt í karrý og súkkulaðitertu með rjóma.  Allir voru kátir og glaðir.  Nema kannski þjónninn sem vildi selja meira á barnum.   

Kráka = cover song

  Poppkóngurinn Óli Palli á rás 2 tók í dag snúning á vandræðalegri þýðingu okkar Íslendinga á ensku orðunum "cover song".  Því miður hefur ekki fundist neitt gott íslenskt orð yfir fyrirbærið.  Menn hafa verið að vandræðast með orð eins og tökulög,  ábreiður,  mottur,  yfirhafnir,  kápur og svo framvegis.

  Fyrir 2 árum stakk Steini Briem upp á orðinu krákur.  Eins og Óli Palli hallast ég helst að því orði.  Samt er það ekki algott.  Rökin með  kráku  eru þessi:

  - Það hljómar líkt enska orðinu "cover".

  - Það er 2ja atkvæða og þar með töluvert þjálla en "ábreiðulag" eða "tökulag".

  -  Það gefur til kynna að um eftirhermu sé að ræða án þess að innihalda forskeytið "hermu".  En býður jafnframt upp á að talað sé um "hermikráku" þegar um nákvæma stælingu er að ræða.

  -  Hægt er að tala um kráku (cover) án þess að tala um krákulag (cover song).

  Ef þið hafið betri tillögu þá endilega leggið í púkk.

  Annað:  Hvað segið þið um kráku Perfect Circle á  Imagine?  Þarna er söngvari Tool ásamt bandarískum gruggurum að kráka lagið með öðrum hljómagangi og öðrum hrynjanda fyrir unga rokkunnendur.  Frumútgáfa Lennons á laginu er yfirleitt í efstu sætum yfir bestu lög poppsögunnar.  Útfærsla Perfect Circle er töluvert frábrugðin.  Og þar með ekki hermikráka heldur kráka.

Eivör heiðruð

  Kammerkórinn Ísold hefur komið nýr og ferskur inn í íslensku tónlistarflóruna.  Hann skipa söngkonur á aldrinum 17 - 25 ára.  Lagavalið er þess vegna "svalara" en hjá söngkórum aldraðra.  Í stað þess að syngja  Brennið þið vitar  og  Hraustir menn  þá afgreiðir Ísold með glæsibrag lög eftir Bítlana (The Beatles) og Eivöru.  Það er einmitt lag Eivarar,  Trees in the Wind,  sem slegið hefur rækilega í gegn á hljómleikum Ísoldar undanfarna daga. 

  Nú bíður fólk spennt eftir því að Ísold taki lagið upp í hljóðveri og gefi út á plötu.  Sem allra fyrst.  Þetta er svo spennandi.  Þangað til má hlusta flutning Ísoldar á laginu hér:

  Það er líka alltaf gaman að heyra lagið flutt af Eivöru sjálfri.  Hún kann færeysku og syngur það þess vegna á færeysku.  Þá heitir lagið  Livandi trö.

Ný plata frá Tý

  2002 sló færeyska víkingarokkssveitin Týr í gegn hérlendis,  fyrst færeyskra tónlistarmanna til að gera það frá því í gamla daga.  Kvæðalagið  Ormurin langi  með Tý varð vinsælasta lagið á Íslandi þetta ár.  Lagið og platan með laginu,  How Far to Asgaard,  sátu vikum saman í 1. sæti íslensku vinsældalistanna.  Þvílíkt fjör! 

  Íslendingar hafa haldið tryggð við Tý allar götur síðan.  Hljómsveitin hefur margoft sótt Íslendinga heim og haldið fjölda hljómleika þvers og kruss um landið.  Stundum hafa færri komist að en vildu.  Plötur Týs hafa jafnan selst vel hérlendis og enn í dag má heyra lög með Tý spiluð í íslensku útvarpi.

  Tý hefur sömuleiðis vegnað vel á alþjóðamarkaði.  Komst m.a. á samning hjá stærsta og atkvæðamesta víkingarokkplötufyrirtæki heims,  Napalm Records.  Jafnframt hefur Týr spilað á flestum stærstu þungarokkshátíðum heims,  auk þess að fara í sjálfstæðar og vel sóttar hljómleikaferðir þvers og kruss um heim.  Það er ekki óalgengt að rekast á skrif um Tý í helstu þungarokksblöðum eða lag með þeim á safnplötum sem fylgja gjarnan þannig blöðum.

  Sjötta plata Týs kom formlega út á sunnudaginn (29. maí).  Hún heitir  The Lay of Thrym.  Sem fyrr er yrkisefnið sótt í norrænu goðafræðina.  Þrymur var jötunn sem stal Þórshamri.  Bölvaður þrjóturinn.  Þór náði hamrinum aftur síðar og drap Þrym með honum.  Og einhverja fleiri í leiðinni.  Eins og gengur.

  Meðal laga á plötunni eru  Ellindur bóndi á Jaðri  og  Konning Hans.  Lög sem margir kannast við frá hljómleikum Týs.  Þá hefur platan að geyma tvær spennandi krákur (cover songs).  Aðra frá Black Sabbath,  I.  Hina frá Rainbow,  Stargazer.

  The Lay of Thrym  hefur þegar fengið lofsamlega dóma gagnrýnenda.  Í danska Heavy Metal fær platan 8 stjörnur af 10.  Sjá:  http://www.heavymetal.dk/releases_view.php?id=4323;parentnavlink=reviews_album_intro.php

  Í Danger Dog fær platan 4 (stjörnur) af 5:  http://www.dangerdog.com/2011-music-reviews/tyr-the-lay-of-thrym-review.php

  Kíkið líka á plötudóm Angry Metal Guy:  http://www.angrymetalguy.com/tyr-the-lay-of-thrym/

  Þangað til platan kemur í íslenskar plötubúðir má panta hana hjá www.tutl.com.

Fyrri plötur Týs:

How Far to Asgaard (2002)

Eric the Red (2003)

Ragnarök (2006)

Land (2008)

By the Light of the Northern Star (2009)

 

Bráðnauðsynlegt að vita um auglýsingatexta

 

  Þessa dagana eru Íslendingar að leggja drög að því hvað skuli gera og hvert skuli fara í sumarfríinu.  Samtímis eru dagblöð og tímarit full af auglýsingum um freistandi gististaði:  Hótel,  gistihús,  tjaldstæði,  húsbílaaðstöðu og þess háttar.  Nánast öllum þessum stöðum er lýst sem "notalegum" í fögru umhverfi og með mörgum gönguleiðum.  Þetta eru klisjur sem segja í raun ekki neitt.  Engin gistiþjónusta er svo illa staðsett að ekki megi rölta hingað og þangað umhverfis hana.  Hvarvetna á Íslandi má benda á eitthvað í umhverfi sem telst fagurt.

  Það eru aðrar lýsingar sem taka þarf með fyrirvara.  Ekki er allt sem sýnist.  Hér eru nokkur dæmi:

  "Kyrrð og ró."  Þetta þýðir:  "Hér er allt steindautt.  Ekkert um að vera."

  "Persónulegt viðmót."  Þetta þýðir:  "Við erum rosalega forvitin.  Við hellum yfir gesti okkar spurningaflóði.  Spyrjum hvaðan þeir komi,  hverra manna þeir séu,  við hvað þeir vinni.  Gestirnir fá ekki stundlegan frið fyrir forvitni okkar."

  "Heimabakað brauðmeti."  Þetta þýðir:  "Við erum svo hrikalega afskekkt að það er engin verslun og ekkert bakarí í akstursfjarlægð."

  "Byggingin hefur fengið að halda uppruna sínum."  Þýðir:  "Ekkert aðgengi fyrir fatlaða.  Engin lyfta.  Það marrar í öllum gólfum og stigum.  Húsakynni eru þröng og óþægileg,  herbergi lítil..."

  "Umhverfið geymir náttúruperlur sem bíða þess að vera uppgötvaðar."  Þýðir:  "Við vitum ekki um neitt merkilegt í grenndinni."

  "Spennandi matseðill."  Þýðir:  "Við vitum aldrei hvað verður í matinn.  Við notum bara það hráefni hverju sinni sem lengst er síðan fór fram yfir síðasta söludag." 

  "Veitingar á sanngjörnu verði."  Þýðir:  "Þið eigið nógan pening fyrst þið hafið efni á að ferðast um landið.  Það er sanngjarnt að þið borgið rausnarlega fyrir veitingarnar."

  "Fjölskyldurekið fyrirtæki."  Þýðir:  "Það helst aldrei neinn í vinnu hjá okkur.  Við verðum að sjá um þetta sjálf."

  "Gestir geta fengið sér hressingu þegar þeir vilja."  Þýðir:  "Það er kóksjálfsali í anddyrinu.  Lítil kókdós kostar 300 kall."

  "Aðgengi að hundum."  Þýðir:  "Það þýðir ekkert að kvarta þegar hundarnir bíta þig.  Þú vissir að það væru hundar á bænum."

.

 

Sækja bara fallegar konur um í löggunni?

  Ég var að skoða og bera saman lögreglubúninga á milli hinna ýmsu landa og heimsálfa.  Þá tók ég skyndilega eftir merkilegu atriði:  Það er hvað allir kvenlögregluþjónar eru fallegir.  Það skiptir engu máli hvar í heiminum borið er niður.  Niðurstaðan er alls staðar sú sama.  Meira að segja í Englandi.  Lögreglukonur eru eina fallega fólkið þar.  Þessi er ágætt dæmi: 

  

Svo er það Singapore:

Hér eru 2 á Patreksfirði:

 

Og aðrar 2 á Akranesi:

Þessi er indversk:

Andfætlingar okkar í Ástralíu:

  Víetnömsk:

Tékknesk:

Pakistanskar

Indónesísk:

Hollensk:

Norður-Kórea:

Suður-Kórea:

Þessar eru rússnesk (fyrri mynd) og þýsk:

Malasía:

Frönsk:

Íranskar:

Kínverskar:

Þær bandarísku taka sér stundum hlé frá kleinuhringjaátinu.  Þá fá þær sér sveittan hamborgara,  kjúklingafötu,  nautalæri og ýmislegt annað snarl:

 

Átök við lögreglu í Barselóna

Byltingarkennd nýjung í kvikmyndatækni

 

  Sú tækni að áhorfandinn sjái kvikmynd í þrívídd er gömul og úrelt.  Það er áreiðanlega hálf öld eða eitthvað síðan menn áttuðu sig á því hvernig hægt væri að gera þrívíddarmyndir og koma þeim til skila með þar til hönnuðum gleraugum,  eða réttara sagt plastaugum.  Einhverra hluta vegna hafa frekar fáir kvikmyndaframleiðendur notfært sér þrívíddartæknina fyrr en á allra síðustu árum.

  Nú hafa japanskir uppfinningamenn fundið upp nýjung sem slær þrívíddartæknina út af borðinu.  Það er fjórvíddartækni.  Eina vandamálið sem á eftir að leysa er að einfalda gleraugnadæmið.  Eins og er þarf áhorfandinn að sitja með 4 gleraugu á nefinu til að sjá myndina í fjórvídd.  Ein gleraugu fyrir hverja vídd.

.