Skilur þú konur?

  Margir,  þar á meðal karlmenn,  hafa kvartað sáran undan því að eiga erfitt með að skilja konur.  Þeir skilja ekki upp né niður í þeim.  Maðurinn á ljósmyndinni hér fyrir neðan er einn af þeim ljónheppnu.  Hann komst í þessa bók sem hefur að geyma upplýsingar um það hvernig skilja megi konur.  Að vísu er þessi bók aðeins útdráttur úr raunverulegu bókinni.  Eða öllu heldur bókaflokknum því samtals eru þetta 112 bækur.  En útdrátturinn er fyrsta skrefið.  Hann gefur vísbendingu.

Stórkostleg leiksýning

 

- Titill:  Ferðalag Fönixins - um listina að deyja og fæðast á ný

- Höfundar og flytjendur:  María Ellingsen,  Eivör,  Reijo Kela

- Sýningarstaður:  Borgarleikhúsið

- Einkunn: ****

.

   Það var kominn tími til að kíkja á danssýningu.  Já,  í fyrsta skipti á ævi sem er að nálgast 60 árin.  Kannski ekki samt beinlínis danssýningu.  Að minnsta kosti ekki hefðbundna danssýningu.  Held ég. 

  "Ferðalag Fönixins" er leikhúsviðburður um goðsöguna um Fönixinn.  Ég þekki þá sögu ekki alveg út í hörgul.  Kannast bara rétt svo við hana í stærstum dráttum.  Af afspurn sem ég hef einhvern veginn heyrt út undan mér í tilvitnun í hana af og til.

  En það skiptir ekki miklu máli hversu vel leikhúsgestir þekkja söguna.  Tónlist Eivarar ber sýninguna uppi.  Alveg mögnuð tónlist.  Eivör er á heimavelli í að semja og flytja leikhústónlist.  Það á virkilega vel við hana að spinna og túlka með tónlist það sem er að gerast á sviðinu.

.

  Sviðið er ekki hefðbundið svið.  Það er á gólfinu í miðju leikhússins.  Gestir sitja umhverfis það.  Leiksýningin hefst á hringlaga völundarhúsi.  Völundarhúsið er teiknað á gólfið með hrísgrjónum eða hveiti eða einhverju svoleiðis. 

  Leikararnir og höfundar verksins,  Maria Ellingsen og finnski dansarinn Reijo Kela,  hefja leik á því að tipla um völundarhúsið undir tónlist Eivarar.  Eivör tónar lög sin án texta og spilar á hin ýmsu hljóðfæri:  Stundum syngur hún undurblítt og spilar á kassagítar.  Stundum rokkar hún með rafgítar.  Það er alltaf gaman að heyra Eivöru rokka á rafgítar.  Lokalagið,  gullfallegt,  syngur hún við texta Þórarins Eldjárns,  "Deyjandi ást".  Lagið er eftir Rumi sem var uppi,  kátur og hress,  á þrettándu öld.

  Leikmyndin er einföld.  3 járndrumbar (einn er kannski trjádrumbur) vofa yfir sviðinu.  Sá í miðið varpar ljósi sem leikur um tíma stórt hlutverk.  Finninn "brestur í dans" af minnsta tilefni.  Þau María veltast um sviðið og hendast um það.  Stundum dregur María Finnann.  Stundum dregur hann Maríu um sviðið.  Þetta er eins og ágætasta "myndbandsskreyting" við magnaða tónlist Eivarar.  Næsta víst er að einhver af lögunum í sýningunni eiga eftir að dúkka upp á plötu eða plötum Eivarar.

  Það er synd að einungis 4 sýningar séu í boði af þessu leikverki.  Ég var á næst síðustu sýningunni.  Það var troðið út úr dyrum.  Fjöldi gesta gerði sér að góðu að vera fyrir aftan stólaraðirnar.  Það var í fínu lagi.  Það fór vel um alla.  Og allir skemmtu sér vel.  Það skiptir mestu máli.

.

Furðulegar ljósmyndir

  Það er ekki alltaf gott að átta sig á hvað er í gangi þegar sumar myndir eru skoðaðar.  Þetta eru einhverskonar furðumyndir.

 

 Þarna hefur orðið umferðaróhapp.  Svo virðist sem virðuleg miðaldra kona hafi verið að keyra í mestu makindum á - að því er virðist - rafknúnum barnabíl.  Fyrir klaufaskap hefur hún keyrt niður grindverk sem umlykur skurð.  Og með það sama eru bíllinn og frúin komin ofan í skurðinn. 

  Hér erum við stödd við kistulagningu.  Nánasti aðstandandi látnu konunnar er eðlilega sorgmæddur á svip og gráti nær.  En hvers vegna gefur hann sigurmerki með puttunum?

  Hvað er krakkaskrattinn að gera?  Er hann að lauma spegli eða myndsíma undir pilsi konunnar?

  Ég átta mig á ekki hvað er í gangi.  En þetta er eitthvað skrýtið.

  Ennþá fleiri spurningamerki:  ???

  Smákrakki skoðar gínu í búðarglugga.  Þeir geta verið forvitnir,  þessir grislingar.

Svívirðileg framkoma

  Velvakandi er einhvert skemmtilegasta og áhugaverðasta lesefni í Morgublaðrinu.  Þar benda lesendur á sitthvað sem betur má fara.  Sumt á brýnt erindi og vekur til umhugsunar.  Á dögunum birtist þar lesendabréf frá Guðnýju nokkurri.  Hún las auglýsingu frá verslun á Laugarveginum.  Henni varð starsýnt á texta þar sem gestum var lofað kaffiglasi og kökubita.  Af bréfinu má ráða að Guðný hafi vaknað fyrir allar aldir,  lagt land undir fót og hangið á hurðarhúninum þegar verslunin var opnuð um morguninn.  Inn komin fann Guðný hvorki kaffiglas né kökubita - þrátt fyrir að leita vel og lengi. 

  Eðlilega gerði Guðný athugasemd við starfsfólkið.  Það kom fát á fólkið.  Það kannaðist við að kökubiti væri til staðar,  einhversstaðar í bakherbergi,  en hafði ekki rænu á að sækja kökubita handa henni.  Guðný snéri sér umsvifalaust til eiganda verslunarinnar.  Sú svaraði því til að það sé ekki venja að fólk mauli sætabrauð fyrir hádegi.  Þar við sat.  Ekki fylgdi sögunni hvort Guðný lagði á sig ferðalagið frá Keflavík eða Selfossi eða Borgarnesi til að fá kökubita og kaffisopa í versluninni.  En full ástæða er til að taka undir með henni að þetta sé svívirðileg framkoma.   

  Það er fyrir neðan allar hellur að narra fólk landshorna á milli með loforði um kaffiglas og kökubita án þess að taka fram að það standi aðeins til boða eftir hádegi.

Þannig var það fyrir daga tölvunnar

 

Fyrir daga tölvunnar:

-  Minni var eitthvað sem maður tapaði með aldrinum

-  Umsókn tengdist atvinnuleit

-  Prógramm var sjónvarpsefni

-  Lyklaborð var píanó

-  Vefur tilheyrði köngulóm

-  Vírus var flensa

-  Músamotta tilheyrði músahreiðri

  Það eru örfáar fleiri setningar þarna sem virka einungis á ensku.  Nema þið finnið flöt á að þýða þær þannig að þær virki á íslensku líka. 

Hvað er í gangi?

  Að undanförnu hafa rignt yfir mann útvarpsauglýsingum frá kaffitegund sem kallast Merrild.  Ég veit ekkert um þá kaffitegund frekar en aðrar kaffitegundir.  Ef undan er skilið að einhver kaffitegund er þannig að kettir éta kaffibaunirnar.  Eftir að þeir hafa skilað baununum af sér eru þær einhverjar bestu kaffibaunir sem um getur.  Ég held að það sé ekki Merrild.

  Í auglýsingunum frá Merrild hótar maður nokkur að verja með kaffikaupandanum heilum degi.  Það geti maður átt á hættu ef keypt er Merrild kaffi.  Þetta hljómar óspennandi: Að sitja uppi með ókunnugan mann í heilan dag.  Ætli þurfa að fóðra hann líka í heilan dag?  Og fara kannski með hann í Húsdýragarðinn eða niður á tjörn til að gefa öndunum brauð?  Þetta er skelfileg tilhugsun.  Er ekki hægt að kaupa einhverja aðra kaffitegund en Merrild og losna við þessi ósköp?

Jóhannes í Bónus á miklu flugi í Færeyjum

  Þegar skilanefnd tók yfir rekstur Bónus,  10-11,  Hagkaups,  Haga og þess alls gerði hún myndarlegan starfslokasamning við Jóhannes,  kenndan við Bónus.  Jóhannes fékk að halda eftir húseignum og verslunum SMS og Bónus í Færeyjum.  Til viðbótar fékk Jóhannes í nesti fullan poka af peningum.  Ég man ekki hvoru megin við 100 milljónir þeir töldu. 

  Rökin fyrir því að skilja Jóhannes ekki eftir slyppan,  snauðan og gjaldþrota voru þau að þá væri hætta á að hann myndi stofna nýja matvöruverslanakeðju.  Ef honum tækist það myndi hann fara í samkeppni við Bónus,  10-11 og Hagkaup.  Þar með myndi hann veikja rekstrargrundvöll þeirra verslana,  þær yrðu verðlausar og færu jafnvel á hausinn.  Ef Jóhannes myndi ekki stofna nýja matvöruverslanakeðju væri ólíklegt að nokkur annar tæki upp á því.

  Af sömu kænsku þótti ástæða til að gefa Jóhannesi eftir verslanirnar í Færeyjum.  Á meðan hann væri að sinna þeim myndi hann ekki hafa rænu á að stofna nýja matvöruverslanakeðju á Íslandi.

  Verslanir Bónus og SMS eru margar og áberandi í Færeyjum.  Þar fyrir utan er SMS samnefndur verslanaklasi í höfuðborg Færeyja,  Þórshöfn.  Einskonar færeyska Kringlan.  Nema SMS er miklu flottari.

  Jóhannes heldur ekki að sér höndum í Færeyjum.  Enda stórlax í færeysku viðskiptalífi.  Í þessum skrifuðu orðum var hann að kaupa verslunarmiðstöðina Miðlon í Þórshöfn.  Eftir því er ég kemst næst gerði hann eigendum Miðlon svo gott kauptilboð að útilokað var fyrir þá að hafna því.  Færeyingar nota orðið  lon  yfir raðhús og aðrar húsalengjur.  Nafnið Miðlon getur því útlagst Miðlengja. 

  Miðlon er ekki vel staðsett.  Hún er ofarlega í Þórshöfn og utan göngufæris flestra höfuðborgarbúa.  Hinsvegar hýsir hún ýmsar nauðsynjavöruverslanir.  Þar á meðal einu vínbúðina í Þórshöfn.  Einnig hýsir Miðlon banka, raftækjaverslunina Elding (einskonar færeysk Elkó),  gleraugnaverslun,  barnafatabúð og ýmsar aðrar verslanir.  Sennilega hátt í 10 alls. 

  Illar tungur fullyrða í mín eyru að tilgangurinn með kaupunum á Miðlon sé sá að flytja vínbúðina úr Miðlon yfir í SMS.  Ég veit ekki hvort að það sé rétt.  Vissulega yrði vínbúð í SMS öflug lyftistöng fyrir þann verslanaklasa.  Að sama skapi myndi brottför vínbúðarinnar úr Miðlon veikja þá verslunarmiðstöð verulega.  Hvað sem verður þá er assgoti góð markaðshlutdeild í Þórshöfn að hafa undir höndum bæði SMS og Miðlon. 

  Miðlon keypti Jóhannes í nafni SMS ásamt 3-arin  og Skousen.  SMS er með 50% hlut en 3-arin og Skousen með 25% hvor.  Ég veit ekki alveg hvernig fyrirtæki 3-arin er í dag.  Nafnið 3-arin þýðir 3-í-einu.  Nafnið var dregið af því að 3-arin var plötufyrirtæki,  ljósmynda- og framköllunarfyrirtæki og og man ekki hvert 3ja fyrirtækið var.  Í dag heitir plötudeildin Expert.  Ég veit ekki hvað varð um hin fyrirtækin.  Ég held að ljósmynda- og framköllunarfyrirtækið starfi ekki lengur.  Að minnsta kosti ekki á sama stað og það var í SMS.

  Skousen er - að mig minnir - heimilistækjaverslun (ísskápar,  þvottavélar...).  

Í þá gömlu góðu daga

  Sú var tíðin að austurríska vaxtaræktartröllið Arnold Schwarzenegger lifði á hassi,  sterum og marijúana.  Afleiðingarnar urðu þær að hann sigraði í allskonar keppnum.  Var krýndur fergurðardrottning (eða eitthvað svoleiðis);  heimsmeistari í vaxtarækt;  var um tíma ólöglegur innflytjandi í Bandaríkjum Norður-Ameríku;  varð blaðamaður hjá söluhæsta vaxtarræktartímariti heims;  mig rámar í að hann hafi skrifað bók eða bækur;  hann varð heimsfrægur kvikmyndaleikari;  giftist inn í Kennedy-fjölskylduna;  varð ríkisstjóri Kaliforníu;  barnaði barnfóstru þeirra hjóna...

  Hann hefur beðið konu sína og börn fyrirgefningar á framhjáhaldinu og 10 ára gömlu barni sem hann eignaðist með barnfóstrunni.

  Með því að smella á þennan hlekk   http://www.dailymotion.com/video/x132cm_arnold-schwarzenegger-smoking-pot_fun   má sjá hreyfimynd af kappanum reykja sitt daglega gras.  Í Kaliforníu  eru þjóðaratkvæðagreiðslur tíðar um allskonar.  Í þjóðaratkvæðagreiðslu höfnuðu Kaliforníubúar lögleiðingu kannabisefna ekki alls fyrir löngu.  Mig minnir þó að heilsulitlir megi reykja marijúana í Kaliforníu ef þeir biðja fallega.

.  

Gamlar myndir af Schwarzenegger og ástkonunni

Smásaga um rannsóknir á álfum

 

  Það er mikið um að vera hjá Álfarannsóknarstofunni.  Jói Jóns hefur hvergi undan.  Hann er eini starfsmaður fyrirtækisins.  Hann þarf að gera allt:  Svara í símann,  hella upp á kaffi,  taka á móti gestum og gangandi,  vaska upp,  sinna rannsóknum á álfum og halda að öðru leyti utan um starfsemina eins og hún leggur sig.  Sem betur fer er Jói Jóns vinnusamur og samviskusamur.  Sem betur fer hringir heldur enginn og aldrei koma neinir gestir.  Það veit enginn af tilvist Álfarannsóknarstofunnar.  Það gefur Jóa svigrúm til að einbeita sér enn betur að rannsóknum en annars.

  .Jói hefur aldrei séð álf.  Það gerir rannsóknir erfiðari.  Hann veit ekki hvað álfarnir á rannsóknarstofunni eru margir.  Það sem hann gerði var að ná tveimur álfasteinum úr sitthvorum landshlutanum:  Öðrum á Austjörðum og hinum á Vesturlandi.  Hann byrjaði á því að pakka steinunum inn í heyrúlluplast áður en þeir voru fluttir í rannsóknarstofuna.  Þannig kom hann í veg fyrir að álfarnir slyppu á hlaupum.  Steinarnir eru enn í plastinu.  Jói hefur sett á þá mörg lítil göt til að álfarnir fái nóg súrefni.  Einnig úðar hann vatni yfir plastið.  Eitthvað af vatninu fer inn um götin og álfarnir hafa ráð til að sækja sér vatnið utan á plastinu.  Plastið er ætíð þurrt daginn eftir.  Allt svona skráir Jói Jóns samviskusamlega niður.  Út á það gengur rannsóknin.  Svo heppilega vildi til að fyrsta daginn sem steinarnir voru á Álfarannsóknarstofunni kom Jói auga á könguló á öðrum plastaða steininum.  Daginn eftir var hún horfin.  Þannig komst Jói strax að því að álfar eru skordýraætur.  Eftir það veiðir hann daglega skordýr í skordýragildrur og sleppir þeim lausum á plastið.  Dýrin eru alltaf horfin daginn eftir.  Álfarnir eru gráðugir í skordýr.  Jói heldur nákvæma skrá yfir það.

.

  Nú hefur færst fjör í leikinn.  Heldur betur.  Það er kominn nýr álfur í Álfarannsóknarstofuna.  Hann keypti Jói af Nígeríusvindlara.  Álfurinn er nígerískur.  Hann kostaði 100 þúsund kall.  Ýmis aukakostnaður hlóðst utan á.  Það þurfti að greiða fyrir allskonar pappíra,  stimpla,  tryggingar og annað.  Þegar álfurinn var kominn í Álfarannsóknarstofuna hafði Jói borgað 15 milljónir fyrir umstangið í kringum álfinn.  Og sífellt bætast við kostnaðarliðir þó álfurinn sé kominn í hús.  Það er allt í lagi.  Jói skildi við konuna sína og seldi húsið þeirra.  Þar með losnaði um peninga. Jói er svo samviskusamur að hann staðgreiðir umyrðalaust alla reikninga sem honum berast frá Nígeríusvindlaranum. 

.

  Nígeríuálfurinn er í glerkassa. Álfurinn er tæplega háfur metri á hæð (að skotthúfu meðtalinni) og nettur.  Hann lifir á ósýnilegu fæði sem Jói Jóns kaupir reglulega frá Nígeríu.  Það kemur í úttroðnum litlum plastpokum.  Pokinn kostar ekki nema 50 þúsund kall og endist í heilan mánuð. 

  Jóa langar virkilega mikið til að sjá álfinn.  Nígeríusvindlarinn kann ráð við því.  Hann er búinn að selja Jóa teiknimynd af álfinum.  Hún kostaði 25 þúsund kall.  Til viðbótar hefur Nígeríusvindlarinn haft milligöngu um að kaupa, á hóflegu verði, fyrir Jóa Jóns uppskrift að því hverning álfurinn getur orðið Jóa sýnilegur.  Það eina sem þarf er að Jói borði tiltekinn skammt af eitruðum sveppum og skoli þeim niður með hálfum lítra af hreinum 96% spíra.  Og taki inn töfraduft sem Nígeríusvindlarinn seldi Jóa.

.

  Þetta er spennandi.  Jói bíður ekki boðanna.  Fljótlega finnur hann hvernig sveppirnir,  spírinn og töfraduftið byrja að hrífa.  Hann fellur í einskonar mók.  Litirnir í umhverfinu breytast og allt annað í umhverfinu breytist.  Áhrifin eru svo öflug að Jói getur varla haldið augum opnum   Samt nær hann að skynja umhverfið.  Skyndilega sér hann móta fyrir álfinum.  Þetta eru töfrar.  Í sama mund birtast 3 vitfirringar.  Þeir færa álfinum gjafir:  Gull,  reykelsi og myrru.  Svo hverfa þeir út í buskann.

  Þetta er ævintýri líkast.  Jói nær óljósu augnsambandi við álfinn.  Eyrun á álfinum eru löng og uppmjó.  Jói losar með stjörnuskrúfjárni lokið af glerkassanum, grípur um annað eyrað á álfinum og snýr hranalega upp á það.  Álfurinn æpir af sársauka.  Jói skráir þegar í stað í bókina sína:  "Nígerískur álfur er með viðkvæm eyru.  Hann kveinkar sér þegar tekið er á þeim."  Vegna móksins sem Jói er í tekur hann ekki eftir því að hann skrifar textann út fyrir bókina og á borðið.  Stafirnir eru stórir og klunnalegir.  Borðplatan dugir ekki til svo Jói skrifar niðurlag setningarinnar undir borðplötuna.  Það er drungi yfir Jóa.  Honum tekst ekki að sitja í keng undir borðinu til að ljúka að fullu við setninguna.  Hann fellur á gólfið.  Þar skríður hann um í smástund áður en hann reynir að koma sér á fætur á ný.  Á gólfinu verður á vegi hans stjörnuskrúfjárnið.  Jói nær með erfiðismunum taki á skrúfjárninu.  Svo reisir hann sig upp til hálfs.  Með snöggri hreyfingi kippir hann undrandi álfinum upp úr glerkassanum.  Því næst stingur Jói stjörnuskrúfjárninu af öllum kröftum á kaf í álfinn í hjartastað.  Álfurinn öskrar af sársauka og tekur nokkra kippi.  Síðan lippast hann líflaus á gólfið.  Hann er dáinn.  Það fer ekki á milli mála.  Jói klórar sér ringlaður í hausnum.  Þetta er allt svo skrýtið.  Jói fálmar eftir bókinni sinni ofan á borðinu og dregur hana til sín.  Rétt áður en Jói lognast steinsofnaður út af nær hann að skrifar í bókina:  "Nígeríuálfur er með bráðaofnæmi fyrir stjörnuskrúfjárni."

.

----------------------------------------------------------------------------

Fleiri smásögur og leikrit:

.

- Bóndi og hestur

 http://www.jensgud.blog.is/blog/jensgud/entry/1122498/

.

- Í plötubúð:

http://jensgud.blog.is/blog/jensgud/entry/260037

.

 - Gömul hjón

http://jensgud.blog.is/blog/jensgud/entry/1098829/

.

 - Hnefaleikakeppni aldarinnar:

http://www.jensgud.blog.is/blog/jensgud/entry/1077689/

.

 - Peysuklúbburinn

http://www.jensgud.blog.is/blog/jensgud/entry/1059543/

.

 - Vinalegur náungi:

http://jensgud.blog.is/blog/jensgud/entry/1041105

.

 - Gamall einbúi

 http://jensgud.blog.is/blog/jensgud/entry/1036775

.

- Saga af systrum

http://www.jensgud.blog.is/blog/jensgud/entry/1017021/

.

 - Jólasaga

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétta nunnan:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

.

Af hverju lýgur Viðskiptablaðið upp á Útvarp Sögu?

  Meðal mest lesnu frétta á netmiðlum um helgina var endurskrifuð lygafrétt Viðskiptablaðsins um Útvarp Sögu.  Í Viðskiptablaðinu var eftirfarandi haldið fram:  Björn Valur,  þingmaður VG,  mætti í viðtal á ÚS.  Í lok viðtalsins tók Pétur Gunnlaugsson skapofsakast,  sópaði öllu af borði hljóðstofunnar og gekk í skrokk á Birni Vali.

  Vissulega var þetta stórfrétt.  Ef rétt hefði verið.  Hver netmiðillinn á fætur öðrum endurómaði fréttina.  Hið rétta er að þetta var lygafrétt.   Viðbrögð netmiðlanna var eðlileg.  Nema hvað að þeir hefðu mátt leita eftir sannleiksgildi fréttarinnar.  Það hefði verið góð fréttamennska.

  Í fyrsta lagi:  Pétur Gunnlaugsson,  lögfræðingur og stjórnlagaþingmaður,  er ljúfmenni.  Hann getur alveg verið aðgangsharður spyrill.  Það er hans aðall.  En skapofsamaður.  Nei.  Það þekkir hann enginn af slíku.

  Í öðru lagi:  Að sópa öllu af borðinu í hljóðstofu nær yfir tölvur,  heyrnartól,  pappíra,  ritföng,  kaffikönnur og þess háttar.  

  Í 3ja lagi:  Viðstaddir í hljóðstofu voru,  auk Péturs og Björns Vals,  Arnþrúður Karlsdóttir,  tæknimaðurinn Jóhann Kristjánsson og fréttamaðurinn Haukur Hólm.  Enginn þeirra kannast við atburðarrás líkri þeirri sem fréttin í Viðskiptablaðinu greindi frá.

  Lygafréttin í Viðskiptablaðinu byggir ekki á frásögn neinna viðstaddra.  Hún er upplogin.  Það hefði verið hægðarleikur hjá Viðskiptablaðinu að hafa samband við einhvern ofantaldra til að ganga úr skugga um að enginn fótur var fyrir sögunni. Lygafréttin var greinilega skrifuð og birt gegn betri vitund.  Ætlað að skaða Útvarp Sögu og trúverðugleika þeirrar útvarpsstöðvar.

   Næsta skref er sennilega það að birta svo lítið beri á smávægilega "leiðréttingu" í næsta tölublaði.  Í millitíðinni hafa allir helstu netmiðlar japlað á fréttinni ásamt nafnleysingjum á bloggi og fésbók.  Allur hópurinn hefur farið mikinn í að leggja út af lygafréttinni.

   Það er alveg sjálfsagt og eðlilegt að fólk hafi skiptar skoðanir á ÚS.  Eigendur og dagskrárgerðarmenn hafa sterkar skoðanir á mönnum og málefnum.  Og liggja ekki á þeim.  Það er kostur.  Sjálfur er ég ekkert alltaf sammála öllu sem þar er haldið fram.  Fremur en allir sem þar viðra sínar skoðanir.  En það er ósanngjörn ófrægingarherferð í gangi geng ÚS.  Eins og þessi lygafrétt í Viðskiptablaðinu er gott dæmi um. 

  Á tímabili fóru mikinn nafnleysingjar sem héldu því fram að úrslitum í daglegum skoðanakönnunum ÚS væri hagrætt.  Það var út í hött.  Bara svo eitt dæmi af mörgu furðulegum sé dregið fram.

  Vissulega er íslenski fjölmiðlamarkaðurinn harður.  Eftir bankahrunið er togast á um auglýsingar.  Hagsmunaaðilar fara hamförum.  Grátkór LÍÚ hefur fjárfest í dagblaði,  sjónvarpsstöð og öllum meðölum er beitt.  Lygafréttin í Viðskiptablaðinu er lágkúrulegasta útspilið til þessa.

   Ég er ekkert vel að mér um hvernig kaupin gerast á Eyrinni.  Getur verið að ritstjóri LÍÚ-Morgunblaðsins sé eigandi Viðskiptablaðsins?  Ég spyr vegna þess að héðan í frá er ekki hægt að trúa orði af því sem stendur í Viðskiptablaðinu. 

  

Gömul kona villtist í Hörpu

  Öldruð kona gerði sér dagamun í dag.  Hún fór í leigubíl ásamt vinkonu sinni í bæinn til að skoða Hörpu.  Í fyrstu atrennu tókst ekki betur til en svo að þær stöllur flæktust til tónlistarskólans Hörpu í Grafarvogi.  Þeim þótti það hús alveg ágætt.  Eftir að hafa rætt við viðstadda þar kom misskilningurinn í ljós.  Þá var hóað í annan leigubíl.  Áður en langt um leið komust þær í námunda við Tónlistar- og ráðstefnuhúsið Hörpu niður við höfn.

. Vopnaðar sitthvorri ljósmyndavélinni byrjuðu þær á því að taka tugi ljósmynda af húsinu utan frá.  Þar var þröngt á þingi.  Þúsundir annarra Reykvíkinga voru einnig að ljósmynda húsið utan frá.  Eitt hús hefur aldrei áður verið ljósmyndað jafn grimmt á einum degi í Reykjavík.  Hvað gerir allt þetta fólk við þessar myndir?  Hengir þær upp í stofunni?

  .Þegar inn í Hörpu kom var margfaldsinnum meiri örtröð.  Það var stappað af fólki.  Sú gamla týndi vinkonu sinni með það sama.  Bara rétt á meðan hún góndi upp í loftið og undraði sig á því hvað Harpa er miklu stærri innan dyra en utan.   

  Verið var að spila djass á gangi á annarri hæð.  Sú gamla vatt sér í rúllustigann til að komast á þá hljómleika.  Stiginn mjakaðist varla úr stað.  Gamla konan var hneyksluð yfir seinagangi stigans.  Eftir nokkrar mínútur uppgötvaði hún að þetta var ekki rúllustigi heldur venjulegur stigi.  Hún hneykslaðist ennþá meira yfir því.  Heilsan leyfir ekki langar stigagöngur.  Eflaust er lyfta í húsinu.  Einhversstaðar. 

.

  Þá var ekki um annað að ræða en skoða sig um á jarðhæðinni.  Það var hægara sagt en gert.  Troðningurinn var svo mikill að sú gamla réði ekki hvert hún fór.  Hún barst hjálparlaus með straumnum.  Og rammvilltist með það sama.  Svo rækilega að hún vissi ekki af fyrr en hún var komin í verslun 10-11 í Austurstræti,  mörgum götum frá Hörpu.  En hún hélt að hún væri ennþá í Hörpu og hélt áfram að vera villt,  Það var þó rýmra um hana í 10-11.  Hún var því fegin.  Hún bað viðstadda um að leiðbeina sér út úr Hörpu.  Það reyndust aðeins vera útlendir ferðamenn í 10-11.  Gamla konan talar ekki útlensku.  Einhvernvegin tókst þó svo til að hópur útlendinga fylgdi konunni út og fann fyrir hana leigubíl.

.

  Sú gamla er hin ánægðasta með ljósmyndirnar sem hún tók af Hörpu.  Hún hefur ekki hugmynd um hvað hún sá af Hörpu innan húss.  Vinkona hennar hafði ekki ennþá skilað sér heim þegar gamla sagði mér frá ævintýri dagsins.  Kannski er hún ennþá að skoða Hörpu.  Af nógu er að taka.

„Bylting í músík“

Ofureinföld aðferð við að "þeyta" rjóma án þeytara

  Sumt fólk veit fátt betra en rjómatertur og rjómapönnukökur.  Það fólk setur þeyttan rjóma út á súkkulaðidrykkinn sinn og írska kaffið (Irish Coffie = viskí,  blandað með smá slurk af kaffi og kurluðu súkkulaði) og næstum hvað sem er.  Vandamál rjómaunnenda er að þeir hafa vanið sig á að þeyta rjómann með rafmagnsþeytara eða setja hann í stóran klunnalegan brúsa sem þeir skrúfa kolsýruhylki við og láta kolsýruna þeyta rjómann með hvæsi og látum.

  Þegar farið er í útilegu eða í fjallgöngur eða önnur ferðalög eða í sumarbústað freystast margir til að taka með sér útlendan úðabrúsa með sykursætum og ógeðslegum gervirjóma.  Sá viðbjóður eyðileggur allt brauðmeti og alla drykki.  En allt er hey í harðindum,  eins og beljurnar segja þegar þær japla á gaddavír.

  Þetta er óþarfi.  Það þarf hvorki rafmagnsþeytara,  kolsýrubrúsa né útlendan gervirjóma.  Það eina sem þarf er 5 krónu peningur og glær plastpoki.  Rjómanum er hellt í plastpokann og peningnum hent hranalega á eftir rjómanum.  Síðan er hnútur bundinn fyrir op pokans.  Töluvert loft þarf að vera í pokanum.  Svo er pokinn hristur í smástund þangað til rjóminn er orðinn þykkur og stífur. 

  Þetta er svo einfalt og auðvelt að það er sprenghlægilegt.  Af tillitssemi við sjálfa/n sig og aðra er snyrtilegt að þvo peninginn rækilega bæði fyrir og eftir notkun.  Maður veit aldrei nema einhver hafi ælt yfir hann.  Annað eins hefur nú gerst með peninga.

  Ef áhugi er fyrir að skreyta með rjómanum er hægt að klippa lítið gat á plastpokann og sprauta rjómanum þar út.

        

Þegar ég slapp naumlega frá ísbirni á Grænlandi

  Fyrir áratug eða svo átti ég einu sinni sem oftar erindi til Grænlands.  Þegar ég var þar aleinn á rölti í mesta sakleysi vissi ég ekki fyrr en fyrir framan mig stóð skyndilega stærðar ísbjörn,  eða hvítabjörn eins og réttara er að kalla dýrið.  Hann var ekki nema um það bil 4 metra frá mér.  Við horfðumst í augu og virtum hvorn annan fyrir okkur.  Ég rifjaði eldsnöggt upp allt sem ég hafði heyrt um það hvernig best væri að bregðast við í svona aðstæðum.  Það var ekki um annað að ræða en fylgja þeim leiðbeiningum út í hörgul.  Það er vonlaust að hlaupa undan hvítabirni.  Hann nær 100 metrunum á 5 sek eða eitthvað álíka.  Þar fyrir utan skilgreinir hvítabjörninn hlaupandi manneskju á flótta sem bráð.  Skemmtilega bráð sem gaman er að elta uppi og ná.  Það er leikur í þessum kvikindum.

 . Það sem ég gerði var að horfa eins blíðlega og mér var unnt í augu bjarnarins.  Reiðilegt eða hræðslulegt augnráð túlkar björninn sem ögrun.  Jafnframt rétti ég hendur eins hátt upp fyrir höfuð og hægt var og tyllti mér á tær.  Hvítabirnir meta styrk andstæðingsins eftir hæð hans.  Þeir þekkja það af samskiptum sínum við aðra hvítabirni að sá stærri sigrar alltaf í átökum.  Hvítabirnir berjast með því að standa í afturlappirnar og berja andstæðinginn með framfótunum (hrömmunum).  Stærðarmunur á skepnunum kemur vel fram undir þeim kringumstæðum.

.

  Hvítabjörninn greinir ekki á milli þess hvar höfuð andstæðingsins er staðsett í uppréttri stöðu og hver raunveruleg hæð hans er.  Hvítabjörninn metur hæðina aðeins eftir hæsta punkti andstæðingsins óháð því hvort þar er um að ræða fingurgóma á uppréttum höndum eða höfuð.  Björninn þekkir ekki þann möguleika að hægt sé að lyfta höndum upp fyrir höfuð.  Þess vegna metur hann manneskju með hendur upp í loft sem stóra og óárennilega skepnu.  Metur hana sér sterkari.  Mjög svangur björn getur þó látið reyna á hvort matið sé rétt.  Björninn telur sig ekki leggja annað undir en að tapa viðureigninni og forða sér síðan.  Hann þekkir ekki að önnur dýr éti hann þó hann tapi viðureigninni.  Né fari illa með hann að öðru leyti. 

..

  Það sem mestu máli skiptir í þessari stöðu er að syngja einnig kröftuglega.  Sérfróðir um hegðun hvítabjarna telja (þetta er ósannað) að syngjandi manneskja veki upp einhverskonar meðaumkun hjá birninum.  Söngrödd mannsins svipi til ámáttlegs hljóðs sem húnar gefa frá sér þegar þeir væla.  Víða erlendis þar sem fólk röltir um bjarnaslóðir (þetta á líka við um skógarbirni) syngja göngugarpar og er þá óhætt á meðan.

  Ég brá því á það ráð að syngja hátt og snjallt "Undir bláhimni blíðsumars nætur".  Um leið bakkaði ég ofurhægt frá birninum.  Björninn fylgdi ekki á eftir.  Hann gat það ekki.  Hann var uppstoppaður.  Og ég slapp óskaddaður frá þessum hildarleik.  Hjúkk!  Þarna munaði mjóu.    

. 

Galdurinn við að tala við engla

  Það er mikil kúnst að tala við engla.  Englar eru mjög viðkvæmar verur.  Það má ekki ávarpa þá höstuglega.  Þá fara þeir að gráta.  Það þarf að ávarpa þá blíðlegri og næstum hvíslandi röddu.  Ef vel er að þeim farið er hægt að virkja þá til að hjálpa sér við eitt og annað.  Þeir eru allir af vilja gerðir.  Afskaplega hjálplegir í alla staði.

  Þetta las ég um í auglýsingabæklingi fyrir námskeið í kúnstinni við að tala við engla og virkja þá til að aðstoða sig í amstri dagsins.  Eini gallinn við þetta er að námskeiðin eru í Bandaríkjunum.  Góðu fréttirnar eru að það hlýtur að koma að því að boðið verði upp á svona námskeið hérlendis.  Ekki veitir af.   

Ekki er allt sem sýnist

  Allar þessar leiðslur virðast vera eins og einhverskonar frumskógur.  Þær eru á sama svæði:  Á Indlandi.  Þær gegna veigamiklu hlutverki í þjónustu alnetsins (internetsins).  Ekki síst í Bandaríkjum Norður-Ameríku.  En einnig út um alla Evrópu og víðar.  Mörg af helstu þjónustufyrirtækjum heims á sviði internetsins eiga allt undir þessum vírahrúgum.  Þegar bandarískur almenningur og evrópskur hringir í internet-þjónustu númer fer símtalið til Indlands.  Þar sitja við enda þessa vírafrumskógar ljúfir og þjónustuliprir Indverjar sem leysa úr öllum vandamálum varðandi internetið.  Þeir kunna þetta.  Og sá sem hringir heldur að hann sé að tala við bandaríska eða evrópska tölvusérfræðinga þar sem allar tölvutengingar eru snyrtilega jarðlagðar. 

Allt í rugli í Eyjum

  Fyrir mörgum árum tók Fíknó upp á því að fylgjast með gestum þjóðhátíðar í Vestmannaeyjum.  Það var furðulegt uppátæki.  Fíkniefnaneysla hafði ekki verið til verulegra vandræða í Vestmannaeyjum,  svona almennt.  Almenningur varð lítið var við fíkniefnasölu og dópneyslu.  Þetta breyttist þegar Fíknó fór að skipta sér af.  Það var eins og Fíknó nærðist á að vandamálið væri til staðar og reyndi að ýta undir dópneyslu frekar en hitt.  Því miður virðist sem nærvera Fíknó magni upp vandamálið.  Tilfellin verða alltaf fleiri og stærri þar sem Fíknó er.

  Þetta sama gerðist mörgum árum áður þegar umferðarlögregla tók til starfa í Vestmannaeyjum.  Fram að þeim tíma varð almenningur lítið var við ólöglegan ökuhraða,  ölvunarakstur og önnur umferðarlagabrot.  Það breyttist heldur betur þegar umferðarlögreglan fór að skipta sér af.  Það er eins og umferðarlögreglan nærist á að vandamálið sé til staðar og reyni að ýta undir umferðalagabrot frekar en hitt.  Því miður virðist sem nærvera umferðarlögreglunnar magni upp vandamálið.  Tilfellin verða alltaf fleiri og stærri þar sem umferðarlögreglan er.

 

  Þarna voru næstum engin vandræði fyrr en lögreglan mætti á svæðið.  Þá undir eins drap bíll á sér úti á miðri götu.  Það var ekki einkennileg tilviljun að það var einmitt löggubíllinn. 

Eivör í 1. sæti danska vinsældalistans

  Það gekk eftir sem danskir poppfræðingar höfðu spáð:  Að platan  Engler Eller Dæmoner  myndi fljúga í efsta sæti danska metsölulistans strax í útgáfuvikunni.  Ójá.  Þetta er í fyrsta skipti sem færeyskur söngtexti heyrist á 1. sætis plötu í Danmörku.  Á plötunni blandar rappdúettinn Nik & Jay lagi Eivarar,  Tröllabundin,  saman við aðal lag plötunnar. 

  Fyrir útgáfudag plötunnar voru tvenn kynningarmyndbönd sett inn á þútúpuna.  Þau gerðu bæði út á lagið með Eivöru.  Þetta má sjá og heyra með því að smella lipurlega á þessa hlekki: 

http://www.jensgud.blog.is/blog/jensgud/entry/1162435/

http://www.jensgud.blog.is/blog/jensgud/entry/1160978/

1

1

NIK & JAY ENGLE ELLER DÆMONER

COPENHAGEN RECORD

1

2

1

4

KATO DISCOLIZED 2.0

SONY MUSIC / DISC

1

3

3

14

ADELE 21

PLAYGROUND MUSIC

2

4

4

30

AGNES OBEL PHILHARMONICS

VME / PIAS

1

5

2

9

DIVERSE M:G:P 2011

UNIVERSAL MUSIC

1

6

17

18

RIHANNA LOUD

UNIVERSAL MUSIC

6

7

6

32

FALLULAH THE BLACK CAT NEIGHBOURHOO

SONY MUSIC

3

8

35

2

GREGORIAN BEST OF

SONY MUSIC / BLAC

8

9

5

4

FOO FIGHTERS WASTING LIGHT

SONY MUSIC

3

10

7

27

FLEMMING BAMSE JØRGENSEN TÆT PÅ

RECART/MBO

2

Pottþétt aðverð til að venja börn af matvendni

  Allir foreldrar þekkja matvönd börn.  Það hlálega er að matvendnin er sjaldnast tilkomin vegna þess að börnunum þyki tiltekinn matur vondur.  Þetta er aðeins aðferð barna til að kanna hvað þau komast upp með.  En matvendnin er jafn hvimleið fyrir því.  Einkum þegar mikið hefur verið haft fyrir matreiðslunni og barnið bara harðneitar að borða - þrátt fyrir að vera svangt.  Viðbrögð foreldrisins er jafnan að reyna að finna þá eitthvað annað handa barninu að borða.  Panta handa því pizzu eða eitthvað.

  Til er einföld aðferð sem slær matvönd börn út af laginu.  Hún er sú að hafa alltaf þríréttaða máltíð.  Barnið fær að velja hvaða réttur fer á disk þess.  Undir þeim kringumstæðum nær barnið ekki að hugsa hvort það eigi að neita að borða matinn eða ekki.  Það eina sem kemst að í huga barnsins er hvaða réttur sé bestur.

  Heppilegast er að hafa réttina sem ólíkasta.  Einn rétturinn getur til dæmis að taka verið grillaður humar með hvítlaukssmjöri.  Annar rétturinn getur verið pipruð nautalund með rauðvínssósu og lerkisveppa-kartöfluköku.  Þriðji rétturinn getur verið kjúklingabringur,  maríneraðar í tandoori-kryddi og eldaðar á fati ásamt tómötum,  fenugreek,  engifer og rjóma.

  Þeim rétti sem barnið velur er skipt út í næstu máltíð.  Hinir fá að halda sér í öllum næstu máltíðum alveg þangað til blessað barnið hefur valið þá líka.

Ósannindi um Osama bin Laden

  Þetta má ekki hljóma eins og ég sé að verja Osama bin Laden eða gera lítið úr blóðugri fortíð hans eða eitthvað í þá áttina.  Ég þarf ekkert að rekja hans glæpaferil til að taka fram að samúð mín með honum er 0%.  Hitt er annað mál að ég hef tekið eftir því að á íslenskum fréttasíðum og enn fremur á fésbók og í bloggi hefur mikið verið gert úr því að í skotgröfunum sem leiddu til þess að hann var felldur hafi hann notað eiginkonu sína sem lifandi skjöld er hann skiptist á skotum við bandarísku sérsveitina í 40 mínútur.  Samt kom snemma fram að þetta úrhrak var vopnalaust og fyrstu fréttir af því að hann hafi notað konuna sem skjöld voru ósannar.  Samt er haldið áfram að hampa þeirri söguskýringu og leggja út af henni sem dæmi um hversu ómerkilegur pappír kauði var.  Honum hefði svo sem verið vel trúandi til þess að hafa falið sig á bak við konuna á meðan hann skiptist á skotum við böðla sína.  En það var bara ekki þannig.  Barnung dóttir hans,  sem varð vitni að atburðarrásinni,  upplýsti strax að Osama var fyrst handtekinn óvopnaður og síðar skotinn í handjárnum.  Í vinstra augað.  Fyrsta útgáfa fréttarinnar er engu að síður lífseig á fésbók og í bloggfærslum.

.

Reyndi að nota eiginkonuna sem skjöld

Ljósmyndin af hræi Osama bin Laden er fölsuð!

  Fjölmiðlar,  allt frá breska dagblaðinu Gardian til þýska Spiegel,  hafa nú afhjúpað að ljósmyndin sem fjölmiðlum hafa birt og átti að sýna hræið af Osama bin Laden er fölsuð.  Hér má sjá myndina sem fjölmiðlar birtu í morgun:

  Þannig leit myndin út í Daily Mail.  Hér fyrir neðan er sýnt hvernig myndin var fölsuð:

  Nokkrum andlitsdráttum af Osama var blandað saman við ljósmynd af líki annars manns. 

  Hvers vegna "bandamenn" eða einhverjir aðrir standa svona að því að sýna fram á að Osama bin Laden sé dauður vekur upp einhverjar spurningar.  Ég er ekkert að draga í efa að kallinn sé dauður.  Enda hafa bæði bandaríska leyniþjónustan og ýmsir háttsettir annarsstaðar fullyrt ítrekað árum saman, alveg frá 2001, að Osama bin Laden sé dauður.  Ég hef alltaf trúað þeim.  Enda aldrei haft ástæðu til að gruna þá um ósannsögli eða annarskonar ónákvæmni.

.

Sýndu bin Laden látinn