Einföld aðferð til að afhomma

  Það þarf ekki meira til.  Þetta kennslumyndband tekur innan við 3 mínútur.  Að vísu þarf að horfa á það tvisvar eða þrisvar til að læra aðferðina utan að.  En hún er einföld og auðlærð.  Og pottþétt.  Þetta er ekki leikið grínatriði.   

Ekki kaupa Soda stream

  Soda stream gosdrykkjatækið og fylgihlutir þess (bragðefni,  gashylki og þess háttar) eru framleidd í hryðjuverkaríkinu Ísrael.  Kaup á ísraelskum vörum er stuðningur við hryðjuverk og nasisma.  Það er byggingavöruverslunin Byko sem selur Soda stream á Íslandi.  Andstæðingar hryðjuverka og nasisma eiga að beina viðskiptum til Húsasmiðjunnar eða annarra fyrirtækja í samkeppni við Byko.

  Í Heimilistækjum fæst þýskt hágæðagosdrykkjatæki,  Wasser Maxx.   Það er bæði betra og ódýrara en Soda stream.

 

Ísraelsher stöðvar hjálparskip

Eivör #1 á Íslandi og í Færeyjum aðra vikuna í röð

  Aðra vikuna í röð situr upphafslag plötunnar stórkostlegu,  Larva,  með Eivöru í 1.  sæti vinsældalista rásar 2.  Lagið,  Undo Your Mind,  er að sögn Eivarar samið og útsett undir áhrifum frá James Bond kvikmyndum.  Pabbi hennar,  Páll Jacobsen,  er mikill aðdáandi James Bond-myndanna.

  Aðra vikuna í röð á Eivör einnig topplagið í Færeyjum,  Vöka.   Þessa dagana er Eivör í Kanada að æfa fyrir hlutverk sem Marilyn Monroe í óperu eða söngleik Gavins Bryars  Everybody Can See I Love You  (sjá síðustu færslu).

Eivör í hlutverki Marilyn Monroe á sviði í Kanada

 

 

 

 

 

 

 

 

 

 

 

 

  Marilyn Monroe var þekkt bandarísk leik- og söngkona.  Þekktust er hún fyrir að hafa sungið afmælissöng fyrir John F.  Kennedy,  þáverandi forseta Bandaríkja Norður-Ameríku.  Marilyn hélt við Kennedy-bræður.  Þar á meðal John.  Hugsanlega átti það þátt í því að hún var myrt langt fyrir aldur fram (hvenær svo sem einhver aldur er passlegur til þess). 

  Myndlistamaðurinn Andy Warhol gerði andlit Marilynar ódauðlegt á skemmtilegu og frægu grafíklistaverki.

  Nú hefur breska tónskáldið Gavin Bryars samið einskonar óperu eða söngleik um Marilyn Monroe.  Verkið byggir hann á bókinni  Everybody Can See I Love You  eftir marg verðlaunaða kanadíska rithöfundinn Marilyn Bowering.  Verkið verður frumsýnt í Kanada 12.  júní.  Með hlutverk Marilynar Monroe fer færeyska álfadísin Eivör.  Hún fór síðasta þriðjudag héðan frá Íslandi beint til Kanada vegna þessa.

  Gavin Bryars er stórt nafn í tónlistarheiminum.  Hann er bassaleikari á sjötugsaldri sem hefur m.a. spilað með John Cage.  Gavin er í Sinfóníuhljómsveit Portsmouth í Englandi.  Eftir hann liggur fjöldi verka.  Þar af þrjár óperur og þrír sellókvartettar.   Þekktustu verkin eru  The Sinking of the Titanic  (frumflutt í Queen Elizabeth Hall í London 1969) og  Jesus´ Blood never failed me Yet.  Ýmsir frægir tónlistarmenn hafa flutt inn á plötur einstök lög eftir Gavin Bryars.  Þar á meðal Tom Waits,  Brian Eno og Apax Twin.

  Eivör er þokkalega vel kynnt í Kanada.  Hljómleikar hennar þar eru jafnan vel sóttir og plötur hennar hafa einnig selst ágætlega.  Hlutverk hennar sem Marilyn Monroe í  Everybody Can See I Love You  mun kynna Eivöru ennþá betur í Kanada og opna henni margar dyr víða um heim. 

  Efsta myndbandið sýnir hin ýmsu andlitsbrigði Marilynar.  Næsta myndband geymir gullfallegan sellókonsert eftir Gavin Bryars.

  Hér fyrir neðan eru myndbönd með Tom Waits og Eivöru.  Tom Waits flytur ljúft lag eftir Gavin Bryars.  Tom Waits er stórkostlegur.  Eins og Eivör og Gavin Bryars.  Þetta er "mega".

 

Það þarf að laga loka sekúndurnar í myndbandinu

  Myndband sem kynnir og dregur upp ágæta mynd af þessum venjulegu sídansandi Íslendingum er í íslenskum fjölmiðlum jafnan kallað átakið (án frekari skýringa).  Ég veit ekki hvað það er kallað í útlöndum.  Hitt veit ég að myndbandið er um margt vel heppnað.  Það á eftir að skerpa á vinsældum Emilíönu Torríni og hennar fjörlega  Jungle Drum  lagi.  Það er hið besta mál.  Verra er að allt annað lag er undir myndbandinu á þútúpunni (sjá hér fyrir neðan).

  Ef vel er að gáð má sjá í lok myndbandsins að unglingsstelpa neglir hnénu á sér í kviðinn á hundi.  Þetta hefði mátt vinna betur.  Til að mynda með því að hin stelpan sparkaði í hausinn á kvikindinu eða lemdi kröftuglega með skóflu.  Þá kæmi 100 ára gamall bóndi á dráttarvél og keyrði yfir skepnuna.  Því næst tækju stelpurnar og bóndinn nokkur nett dansspor áður en bóndinn færi örfáa kollhnísa í loftinu,  færi síðan í splitt og hlypi út í buskann á annarri hendi. 

  Það væri reisn yfir því.

Átakið hefur slegið í gegn

Veitingahússumsögn

 - Veitingahús:  Hamborgarafabrikkan,  Borgartúni

 - Einkunn: **** (af 5)

  Simmi og Jói,  aðstandendur Hamborgarafabrikkunnar,  eru þekktir útvarps- og sjónvarpsmenn.  Nöfn dúettsins eru þekkt.  Samt þekki ég lítið til þeirra.  Þeir hafa starfað á ljósvakamiðlum sem ég fylgist ekki með.  Gott ef ekki FM957 og/eða Bylgjunni.  Sömuleiðis sá ég eitthvað til þeirra í Idol eða X-factor.  Það er önnur saga.  Pabbi Simma er frændi minn og kann skrautskrift eins og fleiri í ættinni.  Það er líka önnur saga.  Ég þekki Simma og Jóa ekki neitt. 

  Hamborgarafabrikkan er innréttuð eins og milliklassastaður.  Mjúk svartklædd sæti,  járn og gler.  Næstum of flott fyrir hamborgarstað.  Mér taldist til að um 70 viðskiptavinir væru þarna inni á sama tíma og ég.  Greinilega vinsæll staður.

  Matseðillinn er í formi dagblaðskálfs.  Það má hafa ágæta skemmtun af að lesa "fréttir" og lýsingar á réttunum.  Allt er þetta í léttum dúr.  Kryddað smá húmor.  Sterkur bjór er kallaður Óléttöl,  svo dæmi sé tekið af kímni á matseðlinum.

  Ég fékk mér rétt sem kallast "Tægerinn".  Þar eru 4 tígrisrækjur í bragðgóðu speltbrauði með osti,  sólþurrkuðum tómötum og einhverju sem kallast papadew,  wakeman og lime-hvítlaukssósu.  Grænmetið er sagt vera brakandi ferskt.  Orðið brakandi á ekki við í þessu tilfelli.  Grænmetið er mjúkt en ekki brakandi.  Rétturinn kostar 1695 kall með frönskum kartöflum.  Það er eiginlega hvorki dýrt né ódýrt.  Bara eins og við má búast fyrir svona máltíð.  Góða máltíð. 

  Kunningi minn fékk sér hamborgaramáltíð sem kallast Neyðarlínan (112).  Í þeim pakka var pepperoni,  jalapeno,  chillipipar,  mesquite sósa og Tabasco sósa.  Hann var alsæll.  Þetta kostaði 1595 kall.  Franskar kartöflur voru með í dæminu.

  Afgreiðslustúlkan var einstaklega hress og gaf okkur tíma í létt spjall.  Hún er með húðflúrað á framhandlegg merki andstæðinga kjarnorku,  CND.  En hélt eins og fleiri að það táknaði ákall um frið.  Enda oft kallað "peace" merki og einnig hippamerki. 

  Þessi stelpa plataði okkur smá.  Hún upplýsti okkur um að franskar kartöflur fylgdu réttunum og spurði:  "Hvort viljið þið kokteilsósu eða bernaise sósu með frönsku kartöflunum?"  Þetta hljómaði eins og sósurnar væru innifaldar í verði.  Við völdum bernaise sósu.  Hún kostaði aukalega 195 kall þegar á reyndi.  Sem er enginn peningur og skipti ekki máli.  Sósan var góð.  Spurning dömunnar var hinsvegar villandi. 

  Glasið af Óléttum bjór kostar 595.  Það er gott verð og bjórinn bragðgóður.  Glasið er 400 ml (en ekki 500 ml eins og algengast er).

  Einungis lög með íslenskum flytjendum eru spiluð í Hamborgarfabrikkunni.  Það er jákvætt.  Verra er að þau voru hvert öðru leiðinlegra. 

  Að máltíð lokinni gerðum við upp.  Ös var við afgreiðslukassann.  Allt á fullu.  Blessuð kassadaman var undir miklu álagi því fjöldi manns var að borga fyrir hina flóknustu samsetningar á máltíðum.  Sumir borguðu hitt og þetta saman.  Aðrir borguðu hluta af máltíð saman og annað hver fyrir sig.  Þegar við kunningi minn vorum komnir út í bíl og ræddum málin kom í ljós að við höfðum borgað 100 kalli of lítið eða því sem næst.  Þó við værum með samviskubit yfir því treystum við okkur ekki til að fara aftur í kösina við kassann til að leiðrétta dæmið.  Ákváðum frekar að borga það sem á vantaði næst er Hamborgarfabrikkan verður heimsótt.  Sem verður á næstunni.  "Tægerinn" og "Neyðarlínan (112)" eru þess virði. 

Kvikmyndarumsögn

 - Titill:  Hafið (Oceans)

 - Flokkur:  Heimildarmynd

 - Einkunn:  *** (af 5)

 - Sýningarstaður:  Háskólabíó

  Ég hef grun um að kvikmyndin  Hafið  (Oceans) hafi tengingu við frönsku mörgæsakvikmyndina sem var svo vinsæl fyrir nokkrum árum.  Það er einhver samhljómur með þessum myndum.  Samt eru þær ólíkar.  Hafið  er ósvífin áróðursmynd.  Hún byrjar sakleysislega.  Er lengi í gang.  Það er allt í lagi að missa af fyrsta korterinu.  Þar sjást bara selir,  hvalir og fleiri skepnur synda í fjarlægð,  fuglar stinga sér í hafið og eitthvað svoleiðis.

  Að nokkrum tíma liðnum birtast nærmyndir af hinum fjölbreyttustu sjávardýrum.  Það er skemmtilegasti hluti myndarinnar.  Sem betur fer er hann einnig lengstur.  Þetta er mikill ævintýraheimur.  Margt fallegt og furðulegt á að líta.

  Undir lokin eru hugljúf myndskeið af vinalegum samskiptum manns og hákarla og hvala.  Skepnurnar eru eins og elskuleg gæludýr sem ekkert aumt mega sjá.  Þetta er yndislegt líf.

  Skyndilega hellist ljótleikinn yfir í formi villimennsku mannsins.  Góðu dýrin eru illa leikin af veiðifærum mannsins.  Sporður og uggar eru skornir af lifandi hákarli.  Honum er hent ósjálfbjarga aftur í sjóinn.  Hann getur lítið synt án þessara sundfæra.  Niðurlægður og örkumla bíður hans hægur dauðdegi á sjávarbotni. 

  Það kemur ekki fram í myndinni hver ástæðan er fyrir þessari villimennsku.  Ég hef óljósan grun um að sporðurinn og uggarnir séu notaðir í lyf. 

  Í myndinni er reynt að hræða fólk frá því að vera á sjó.  Það eru sýndar myndir af skipum í vonsku veðri.  Lítið má út af bregða til að illa fari.

  Myndinni lýkur í svartsýniskasti yfir útrýmingu dýrategunda. 

  Vegna langa miðkafla myndarinnar er ástæða til að mæla með henni sem ágætis skemmtun.  Ég varð var við að krakkar sátu heillaðir undir myndinni og þurftu margs að spyrja fullorðna sessunauta.  Blessuð börnin fara snöggtum fróðari heim af myndinni.  Það þarf bara að segja þeim að það sé ekki bara maðurinn sem er vondur við dýr.  Dýr eru líka vond við dýr þó því sé leynt í myndinni.     

 

Eivör ofsótt af Íslendingi

  Það hefur hent fleiri en einn og fleiri en tvo karlkyns aðdáendur færeysku söngkonunnar Eivöru að gera sér ranghugmyndir um samskiptin við Eivöru.  Sumir hafa haldið að þau tvö væru svo gott sem gengin í hjónaband.  Íslendingur nokkur hefur gengið lengra en aðrir.  Hann fór að elta Eivöru fyrir þremur árum;  sækja alla hljómleika með henni hérlendis og í nágrannalöndum.  Fyrir tveimur árum flutti maðurinn út til Færeyja.  Síðan hefur hann meðal annars haldið til í tjaldi í heimaþorpi Eivarar,  Götu í Færeyjum.  Þar á meðal hefur hann tjaldað í garðinum við hús Eivarar. 

  Maðurinn hefur sent Eivöru allt upp í tugi pósta á dag og tjáð sig grimmt um hana á færeyskri fésbókarsíðu.

  Eivör hefur kært manninn til lögreglu og óskað eftir nálgunarbanni.  Lögreglan getur þó ekkert gert á meðan maðurinn brýtur engin lög.  Að vísu hefur maðurinn hótað umboðskonu Eivarar öllu illu.  Meðal annars að brenna heimili hennar til kaldra kola.  Hann stendur í þeirri trú að hún standi í vegi fyrir því að þau Eivör séu hjón.  Hótanirnar hafa aðeins verið munnlegar þannig að þær nægja ekki til að lögreglan grípi til aðgerða.

"Hún getur ekkert!"

  Það var rosalega gaman að taka þátt í atkvæðatalningu í Ráðhúsinu í borgarstjórnarkosningunum um helgina.  Ég var svokallaður "Umboðsmaður framboða".  Nokkru munaði að þarna var nóg og gott að bíta og drekka:  Lambalæri,  smurbrauð af öllu tagi,  úrval gosdrykkja,  kökur,  súkkulaðikex,  hnetumix,  kaffi,  te,  bjór,  Breezer,  koníak,  viský...  Æ,  þarna tók óskhyggjan völd.  Síðasttöldu drykkirnir voru ekki í boði.

  Því miður varð ég ekki var við eina einustu vísu.  Gamalreyndir talningamenn undruðust vísnaleysið.  Þess í stað var áhugavert að skoða ógilda atkvæðaseðla.  Ýmsir höfðu merkt ákveðið við tiltekinn flokk en strikað yfir nafn eða nöfn hjá öðrum flokki.  Það má ekki.  Það má einungis eiga við þann lista sem viðkomandi kýs.  

  Skemmtilegasti ógildi seðillinn sem ég sá var þannig að kyrfilega var merkt við H-listann en við nafn Hönnu Birnu á D-lista hafði verið skrifað skýrum stöfum:  "Hún getur ekkert!"

  

  

Besti og Samfylking ræða saman

Eivör í 1. sæti i tveimur löndum með sitthvort lagið

  Nýja platan með Eivöru,  Larva,   er töluvert þungmeltari en fyrri plötur hennar.  Jafnframt er músíkstíllinn verulega frábrugðinn þjóðlagakenndri vísnatónlistinni sem Eivör er þekktust fyrir.  Á  Larva  er það rafmagnað tölvuhljómborð sem ræður för.  Engu að síður kunna margir vel að meta þessa frábæru plötu,  Larva.   Og ennþá fleiri eiga eftir að læra að meta hana þegar fram líða stundir.

  Upphafslag  Larva,  Undo your Mind,   flaug um helgina upp í 1. sæti vinsældalistans á rás 2.  Svo skemmtilega vill til að á sama tíma flaug annað lag af  Larva,  Vöka,  upp í 1.  sæti færeyska vinsældalistans.  Það er óvenjulegt að sami flytjandi sitji í toppsæti vinsældalista tveggja landa með sitthvort lagið.  En Eivör er ekki venjuleg og ekki Larva  heldur.  Larva  er þessa vikuna í 7.  sæti yfir söluhæstu plöturnar á Íslandi.

  Sjá plötuumsögn:  http://jensgud.blog.is/blog/jensgud/entry/1057725

Glæsilegur kosningasigur Sigurjóns Þórðarsonar og Frjálslynda flokksins

  Þvers og kruss um landið urðu sviptingar í pólitíkinni í nótt.  Fjórflokkurinn fékk víða skell og rótgrónir meirihlutar féllu kylliflatir.  Fyrir utan stórsigur Besta flokksins í Reykjavík og Lista fólksins á Akureyri vekur athygli glæsilegur kosningasigur Sigurjóns Þórðarsonar,  formanns Frjálslynda flokksins,  í Skagafirði.  Frjálslyndi flokkurinn hefur ekki áður átt þar bæjarfulltrúa.  Nú er Frjálslyndi flokkurinn með næstum 12% meira fylgi í Skagafirðinum en Samfylkingin. 

  Ég vissi að Sigurjón nýtur mikils persónulegs fylgis í Skagafirðinum.  Þar starfar hann sem heilbrigðisfulltrúi.  Úrslitin koma mér því ekki á óvart.  Ég er úr Skagafirðinum og þekki til vinsælda Sigurjóns meðal minna gömlu sveitunga.  Þetta eru engu að síður tíðindi. 

  Frjálslyndi flokkurinn vann sömuleiðis kosningasigur á Ísafirði.  Þar bauð flokkurinn fram í samfloti með fleirum undir merki Í-lista.  Í-listinn náði inn 4 bæjarfulltrúum af 9.  Líklegt er að Kristján Andri Guðjónsson og félagar í Í-listanum myndi meirihluta á Ísafirði ásamt bæjarfulltrúa Framsóknarflokksins. 

  Það er góð sveifla á Frjálslynda flokknum.

   

Mætti á margar möppumessur

Hvað er til ráða?

  Vítt og breitt um land gráta menn (og nokkrar konur) fögrum tárum yfir því að geta ekki kosið annað en fjórflokkinn.  Fólkinu svíður þetta óréttlæti.  Það er í uppnámi og veit ekki sitt rjúkandi ráð.  Sumir íhuga að mæta ekki á kjörstað.  Aðrir íhuga að skila auðu.  Ég hef hvatt þetta fólk til hleypa andanum á skeið og setja saman vísu.  Það má vera hvort sem er staka eða limra.  Vísuna skal rita á kjörseðilinn.  Þannig má koma skilaboðum á framfæri skýrar en með því að skila auðu eða sitja á gólfinu heima hjá sér.

  Reykvíkingar eru lausir við þetta vandamál.  Hér stendur valið á milli þriggja álitlegra framboða:  H-lista,  framboð um heiðarleika og almannahagsmuni;  F-lista Frjálslynda flokksins;  og Ælist-a Jóns Gnarrs og félaga.

  Leiðtogi H-lista,  framboðs um heiðarleika og almannahagsmuni,  Ólafur F. Magnússon,  hefur fyrir löngu síðan sannað að hann er gegnheill hugsjónamaður.  Hann hefur aldrei þegið féboð (mútur).  Spilling er eitur í hans beinum.  Hann hefur barist eins og ljón fyrir áframhaldandi staðsetningu flugvallarins í Vatnsmýri.   Hann hefur staðið einarður gegn því að eigur og auðlindir almennings lendi í höndum fégráðugra siðblindra braskara.  Bara svo fátt eitt sé nefnt.  Þar fyrir utan er Ólafur skemmtilegur og litríkur stjórnmálamaður sem hefur oft lífgað hressilega upp á sjórnmálaumræðuna.  Til að mynda er hann mælti af munni fram á borgarstjórnarfundi á dögunum þetta kvæði um borgarfulltrúa Björgólfsfeðga,  Hönnu Birnu:

Gírug í ferðir,  gráðug í fé

grandvör hvorki er hún né 

gætir hófs í gerðum sínum

gjafir fær frá banka fínum

Auðmjúk er við auðvalds fætur

ávallt að þess vilja lætur

Velferð viljug niður sker

víða hnífinn fína ber

sjaldnast nálægt sjálfri sér

sárt í annars bakið fer

Laugaveg,  flugvöll láttu kjurrt

lata Hanna farðu burt

í Valhöll heim að vefja þráð

með vinum þínum í síð og bráð

 

  Það getur verið hollt að rifja upp hvernig umræðan var fyrir tveimur árum:  

Kjörstaðir opnaðir klukkan 9

Varúð! Úlfur í sauðagæru í bloggheimi

  Undanfarna daga hefur einhver farið mikinn undir nafninu Bjartmar Guðlaugsson í athugasemdakerfi hinna ýmsu bloggvettvanga.  Viðkomandi hefur meðal annars vitnað í þekkt textabrot tónlistarmannsins Bjartmars Guðlaugssonar og segist þá vera að vitna í sína eigin texta.  Málið er að tónlistarmaðurinn Bjartmar Guðlaugsson hefur aldrei skrifað athugasemd við bloggfærslur. 

  Það sem verra er:  Sá sem villir þarna á sér heimildir og þykist vera tónlistarmaðurinn Bjartmar Guðlaugsson er að rífa kjaft í athugasemdakerfinu.  Hann fer í aulalegar ritdeilur við bloggfærsluhöfunda og dregur þannig upp vonda mynd af tónlistarmanninum.  

  Þarna er um lögbrot að ræða.  Það verður kært til lögreglu,  gerandinn leitaður upp,  dreginn fyrir dóm og hýddur.  

Heiðarlegur frambjóðandi

  Er ekki eitthvað að þegar fólk segir eftirsjá vera af mútuþega í pólitík?  Er afsögn mútuþega ekki fagnaðarefni?  Þetta er áfangasigur í baráttunni gegn spillingu.  Afsögn Steinunnar Valdísar setur þrýsting á Dag,  Gísla Martein,  Guðlaug Þór og Hönnu Birnu.  Það er bannað með lögum að taka við mútum.

  Ólafur F. Magnússon leiðir H-listann,  framboð um heiðarleika og almannaheill.  Hann er með lengsta starfsaldur í borgarstjórn af þeim sem eru í framboði nú.  Það hefur aldrei hvarflað að Ólafi F.  að þiggja mútur.  Hann er heiðarlegur stjórnmálamaður.

     

 

 

 

 

 

 

 

 

 

 

 

 

Eftirsjá af Steinunni Valdísi

Smásaga - peysuklúbburinn

 

   Peysuæfingin gekk vel í kvöld.  Fyrst æfði hópurinn að klæða sig í og úr ullarpeysum.  Síðan voru það þunnar hnepptar peysur.  Svo þunnar prjónaðar rúllukragapeysur.  Svo þunnar.  Því næst hálfgert peysuvesti með rennilás.  Þá var röðin komin að hettupeysum.  Þvílíkt fjör!

  Peysuklúbburinn hittist klukkan 8 á hverju fimmtudagskvöldi og tekur léttar peysuæfingar.  Stundum er dagskráin brotin upp með skemmtilegum sögum af peysum.  Stundum eru sýndar skuggamyndir af peysum.  Stundum skiptast félagarnir á ljósmyndum af af ættingjum sínum í peysum.

.

  Eftir þessa vel heppnuðu peysuæfingu í kvöld röltir Þorlákur æringi austan af landi í átt að litla kofanum á horninu,  Hamborgaraveisluhöllina.  Á leiðinni sér hann frímúrara.  Hann er reyndar aðeins of langt í burtu til að Þorlákur æringi geti verið viss um að þetta sé frímúrari. Í stað þess að ganga úr skugga um það vindur Þorlákur æringi sér inn í litla kofann og pantar ostborgara með aukaosti,  franskar, kokteilsósu og bjórkollu.  Andlit þjónsins er eins og það hafi lent undir óðu hestastóði:  Bólgur og kúlur þekja það,  ásamt blóðugum plástrum og sáraumbúðum.  Það rétt sést glitta í augun.  Eins og á Sigurði Einarssyni bankaræningja og flóttamanni.  Augun eru stokkbólgin.  Engu að síður er þjónninn smeðjulegur.  Blikkar Þorlák æringja af og til á milli þess sem hann afgreiðir veitingarnar.  Nokkru eftir að þjónninn hefur raðað kræsingunum á borðið leggur hann reikninginn einnig á borðið.

  Þorlákur æringi rekur augun í að aukaostur er verðlagður á 80 kall.  Honum er brugðið.  Hann er miður sín.  Fer að skjálfa eins hrísla í vindi og kallar örvæntingafullur á þjóninn:

  - Heyrðu manni,  ertu að verðleggja eina ostsneið á 80 kall?

  Já,  þjónninn kannast við það.  Þorlákur æringi bendir taugaveiklaður á að hægt sé að kaupa heilt oststykki á 300 kall í Bónus.  Það náist alveg tuttugu - þrjátíu sneiðar út út einu slíku oststykki.

  Það snöggfýkur í þjóninn.  Á milli samanbitinna tanna fullyrðir hann að Hamborgaraveisluhöllin kaupi niðursneiddan ost í 11-11 og það bætist þjónustugjald við að skella auka ostasneið á hamborgarann.  "Það eru aðeins heilalausir hálfvitar frá helvíti sem átta sig ekki á þessu," öskrar þjónninn og hefur misst þolinmæðina.  Hann stekkur að Þorláki æringja,  rífur bjórkolluna úr höndunum á honum og hellir eldsnöggt úr henni í vask fyrir innan afgreiðsluborðið.  Í kjölfarið sópar hann með vinstri hendinni hamborgaranum,  kokteilsóssuni og frönsku kartöflunum af borðinu niður á gólf.  Með krepptum hnefa hægri handar lemur hann af alefli í nefið á Þorláki æringja.  Og hrópar um leið:  "Út,  út!  Drullaðu þér út og komdu aldrei hingað aftur,  fáviti!"

.

  Þorláki æringja mislíkar frekar en hitt þessi framkoma.  Aðallega út af því að hann er óvænt kominn með heiftarlegar blóðnasir.  Það leggst alltaf illa í hann.  Hann er lítið fyrir blóðnasir.  Þorlákur æringi hendir sér eins og byssubrandur í gólfið og bítur í fótinn á þjóninum.  Þjónninn hrópar skrækróma:  "Bíturðu mig,  helvítið þitt?"  Þorlák æringja langar til að gangast undanbragðalaust við því að rétt sé til getið.  En hann hefur áhyggjur af því að hann muni stama ef hann reynir að segja "já".  Það vill henda ef hann kemst í uppnám.  Þess vegna ákveður hann að játa hvorki né neita í bili.  Í huganum veltir hann samt fyrir sér að viðurkenna þetta síðar í betra tómi.  Þjónninn hefur gripið borðviftu og neglir henni ítrekað í höfuðið Þorláki æringja.  Um leið hrópar þjónninn á afgreiðsludömu:  "Hringdu á lögguna!"

  Afgreiðsludaman hlýðir.  Á meðan halda þjónninn og Þorlákur æringi áfram að veltast um gólfið í fangbrögðum.  Borð og stólar brotna og fjúka um salinn.  Sem betur fer eru ekki fleiri þarna inni.  Viðureignin er nokkuð jöfn.  Þjónninn er öllu vanur.  Tómatsósuflöskur,  bjórkönnur og fleira dynja ásamt hnefum á Þorláki æringja.  Hann er meira í því að bíta þjóninn.  Við hvert vel heppnað bit tekur þjónninn krampakenndan kipp og verður ákafari í barsmíðunum. 

  Áður en langt um líður eru Þorlákur æringi og þjónninn báðir orðnir alblóðugir,  marðir og lurkum lamdir.  Hvorugur gefur eftir.  Að lokum dúndrar Þorlákur æringi óvart olnboga í andlitið á þjóninum sem rotast með það sama.  Þorlákur æringi er enn með blóðnasir.  Tvö glóðaraugu hafa bæst við.  Hann skokkar léttur á fæti út úr Hamborgaraveislusalnum og rykkir að sér jakkanum sem er í henglum.  Þorlákur æringi spýtir út úr sér nokkrum brotnum tönnum um leið og hann sest inn í bíl sinn.  Þegar Þorlákur æringi ekur burt syngur hann glaðlega:  "Fríða litla lipurtá,  ljúf með augu fjögur djúp og blá..."   Í baksýnispeglinum sér hann víkingasveit lögreglunnar hlaupa með byssur á lofti inn í Hamborgaraveisluhöllina.  Í þeim svifum raknar þjónninn úr rotinu.  Lögreglumennirnir hjálpa honum á fætur og rétta honum klút til að þurrka framan úr sér blóðið.  Þeir eru fullir samúðar.  Forsprakkinn leggur handlegginn vinalega yfir axlir þjónsins og segir hlýlega:  "Það voru hrikaleg mistök af ykkur að opna hamborgarastað í þessu hverfi.  Frá því staðurinn var opnaður í gærmorgun er þetta tólfta útkallið hingað á þessum tveimur dögum.  Það er algjöör djöfulsins skríll sem býr í þessu hverfi."

--------------------------------------------------------------

Fleiri smásögur og leikrit:

.

 - Vinalegur náungi:

http://jensgud.blog.is/blog/jensgud/entry/1041105

.

 - Gamall einbúi

 http://jensgud.blog.is/blog/jensgud/entry/1036775

.

- Saga af systrum

http://www.jensgud.blog.is/blog/jensgud/entry/1017021/

.

 - Jólasaga

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétta nunnan:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

.

- Í plötubúð:

http://jensgud.blog.is/blog/jensgud/entry/260037

Missið ekki af

  Kosningabaráttan hefur verið í daufara lagi.  Það er doði yfir öllu.  Fólk er eins og dofið eftir allar upplýsingarnar um gengdarlausa spillingu,  grófar einkavinavæðingar,  mútur,  keypta stjórnmálamenn,  bankarán,  siðblindu og það allt.  Og sér hvergi fyrir enda á svindlinu og svínaríinu.  - Þó varaformannsefni Sjálfstæðisflokksins,  Ólöf Nordal,  stappi stálinu í flokksbræður sína með hughreystandi ummælum á borð við:  "Þessi Rannsóknarskýrsla og þetta allt saman er að þvælast eitthvað fyrir okkur tímabundið."  Gagnrýni á spillinguna líður hjá eins og hver annar þynnkuhausverkur.  

  Á milli klukkan 4 og 5 í dag verður spennandi dagskrá á Útvarpi Sögu.  Þar munu etja kappi Ólafur F.  Magnússon,  leiðtogi H-lista,  framboðs um heiðarleika og almannahagsmuni,  og Einar Skúlason,  frambjóðandi Framsóknarflokksins.  Mér segir svo hugur að þetta verði hressilegur þáttur.  Ég spái því að Ólafur muni leggja Einar á hné sér og hýða hann á bossann með upprifjunum um margháttaða grófa spillingu Framsóknarflokksins í Reykjavík (eins og víðar). Af nógu er að taka.

 

 

 

 

 

 

 

 

 

  Fyrir þá sem ekki vita sendir Útvarp Saga út á FM 99,4 á suð-vestur horninu.  Ég veit ekki með aðra landshluta.  Áreiðanlega er hægt að finna upplýsingar um það á www.utvarpsaga.is.  Það er sömuleiðis hægt að hlusta á stöðina beint af þeirri heimasíðu.

.

.  

Skattar munu hækka eitthvað

Neyðarleg húðflúr

  Í útvarpsþættinum skemmtilega,  Harmageddon,  á X-inu var sagt frá manni,  Kristni,  sem fékk sér húðflúr.  Útlendingur sem starfar hérlendis húðflúraði nafnið Kristinn á hann.  Svo klaufalega tókst til að seinna i-ið fylgdi ekki með.  Kristinn situr því uppi með húðflúr sem er stafsett Kristnn.  Honum þykir það ekki flott.

  Það rifjaðist upp fyrir mér hliðstætt dæmi.  Ung kona,  Ingibjörg,  fór í djammferð til Danmerkur ásamt vinkonu sinni.  Vel í glasi ákvað konan að fá sér húðflúr (þetta var áður en húðflúrstofur voru opnaðar á Íslandi).   Merkja sig nafni sínu.  Einn stafur gleymdist.  Ég man ekki hver.  En síðan hefur konan hulið húðflúrið.  Alveg miður sín.

  Gaman væri að heyra ef þið kannist við svona dæmi.

  Myndirnar af húðflúrunum hér fyrir neðan eru sönnunargögn sem lögð hafa verið fram fyrir dómsstólum. Erlendis tengjast húðflúrstofur oft eiturlyfjum.  Í Bandaríkjunum,  til að mynda, hafa margir lært húðflúr í fangelsum.  Þeir eru ómenntaðir og stafsetning ekki þeirra sterka hlið.  Því fer stundum sem fer.

  Þessi hérna er nýleg.  Stúlkan fullyrti að hafa beðið um 3 stjörnur í andlitið.  Síðan hafi hún sofnað og húðflúrarinn farið hamförum.  Hún krafðist þess að húðflúrarinn borgaði leiser-aðgerð þar sem auka stjörnurnar yrðu fjarlægðar.  Húðflúrarinn féllst á það en sagði þó að stúlkan hafi óskað eftir öllum þessum stjörnum.  Það varð dómssátt.  Síðar viðurkenndi stúlkan að hafa í raun beðið um allar stjörnurnar.  Pabbi hennar hafi aftur á móti tryllst er hann sá stjörnuskarann.  Hún hafi þá brugðið á það ráð að skrökva sig út úr klípunni.

"Sorg og gleði."  Tragedy - Comedy.  D-ið í tragedy hefur skolast til.

Húðflúrarar eru mis góðir teiknarar.  Unga sæta kærastan lýtur út eins og gömul indversk herfa á húðflúrinu.

Hann bað um mynd af uppáhalds píkupoppsstjörnunni sinni,  Britney Spears.  Sá sem er svo vankaður á einmitt skilið svona mynd af Britney.  En aulinn var ekki sáttur.

"Allir eru að gera það."  Þarna slæddist auka e inn í orðið else.

"Aðeins guð mun dæma mig."  Það er við hæfi að kjáninn sé með orðið judge vitlaust stafsett. 

Það er ekkert töff að vera félagi í illvígu glæpagengi,  Chi-Town,  þegar Town er vitlaust stafsett.

"Til fjandans með kerfið."  Þetta er ekki nógu "kúl" þegar einu s er ofaukið í orðinu system.

"Ég er æði."  Nei,  þú er bara kjánalegur þegar fyrra e-ið vantar í orðið awesome. 

Þessi ætlaði að heiðra hljómsveitina Radiohead með tilvísun í plötu hennar,  Heiðrum þjófinn (Hail to the Thief).  Einhverra hluta vegna hafa orðið stafavíxl í orðinu thief.

"Enginn veit hvað morgundagurinn ber í skauti sér."  Það eiga að vera þrjú o í tomorrow.  Ekkert a.

"Spilin sem þú færð í hendur skipta ekki máli heldur hvernig þú spilar úr þeim."  Kannski ágæt speki.  En ekki ágætt að það vantar a í orðið dealt.

Eivör í 7. sæti íslenska vinsældalistans

  Nýja plata Eivarar,  Larva,  er seintekin,  þungmelt,  tilraunakennd og ólík fyrri plötum færeysku álfadrottningarinnar.  Þrátt fyrir það tekst mörgum Íslendingum að meðtaka upphafslag plötunnar í fyrstu atrennu.  Í vikunni flaug lagið  Undo Your Mind  í einu stökki upp í 7. sæti vinsældalista rásar 2.  Það er glæsilegur árangur.  Og næsta víst að lagið muni hækka á vinsældalistanum þegar fleiri venjast því.

  Dómur um  Larva:  http://www.jensgud.blog.is/blog/jensgud/entry/1057725/

Frábærlega fyndinn hrekkur

 

  Litla hafmeyjan  á rás 2 er einn allra skemmtilegasti þáttur í íslensku útvarpi (ég þekki ekki nógu vel til útlendra útvarpsstöðva upp á samanburð að gera).  Að venju fóru félagarnir á kostum í þættinum í dag.  Mestu munaði þar um nettan hrekk þeirra við trommusnillinginn og plötusnúðinn DJ Viðar,  vinsælasta plötusnúð austan Eyjafjallajökuls.

  Forsagan er sú að sonur Viðars,  Andri Freyr,  er annar tveggja umsjónarmanna  Hafmeyjunnar.  Viðar lætur það ekki hindra sig í að hringja inn í þáttinn og taka þátt í spurningakeppni þegar vinningur er hvítlauksristaður humarhali.  Viðar kann betur flestum öðrum að meta svoleiðis lostæti.

  Hinn umsjónarmaður  Hafmeyjarinnar,  Doddi litli,  bregður á leik.  Lætur vinninginn ekki skila sér til Viðars.  Viðar,  kominn með litla fingur á humarbitann,  sættir sig ekki við að bitinn sé rífinn frá sér þegjandi og hljóðalaust heldur sækir málið af fullum þunga.  En reynir að sýna kurteisi og næstum því skilning á vandamálinu til að byrja með.  Að því kemur þó að kurteisin virðist ekki ætla að skila árangri og kappinn fer að byrsta sig.  Viðar er ekki vanur að sætta sig við að menn séu með múður.  Hann er vanari að taka í hnakkadrambið á þeim sem eru með stæla og kynna þeim reyðfirska sjóarahnefa.  Dodda litla til happs var að í samtali þeirra skildu landshlutar þá að.  

  Hér má heyra þáttinn: 

http://dagskra.ruv.is/ras2/4522439/2010/05/22/ 

  Hrekkurinn við Viðar er í síðasta þriðjungi þáttarins.  Annars er þátturinn það skemmtilegur að ástæða er til að hlusta á hann allan.  Andri Freyr á afmæli í dag og er að mestu fjarri góðu gamni.  Helgi Seljan hleypur í skarðið.  Til hamingju með afmælið,  Andri!

  Ljósmyndin hér fyrir ofan var tekin fyrir næstum fjórum áratugum af súpergrúppunni Frostmarki.  Viðar stendur þarna í röndóttri peysu,  einbeittur á svip og ákveðinn.  Við hlið hans er hljómborðsleikarinn Leifur Leifs,  sonur Jóns Leifs.  Lengst til vinstri með bassann er Guðmundur Einarsson,  síðar aflahæsti skipstjóri Vestfjarða til margra ára.  Fyrir miðju er,  nú gamli maðurinn ég.  Þarna ætti líka að vera gítarsnillingurinn Villi Guðjóns.  Og líka gítarleikari frá Þorlákshöfn sem heitir Gunnar (að mig minnir).  Gott ef gítarleikarinn þarna heitir ekki Andrés eða eitthvað svoleiðis og var frá Blönduósi.  Við vorum allir á Laugarvatni.  Hann var rekinn úr skólanum (man ekki fyrir hvað).  Við Viðar stálum einhverjum plötum frá honum af því tilefni (og frá fleirum í bland).  Svo vorum við reknir fyrir fyllerí.  Eins og gengur.  Þá rændum við plötubúðir í Reykjavík í staðinn.  Það var ódýrara en kaupa plöturnar.  Svo er hneykslast á ólöglegu niðurhali í dag.  Tímarnir líða og breytast.

 

Fløgu ummæli

 

- Titill:  Larva

- Flytjandi:  Eivör

- Einkunn: ***** (af 5)

 

  Þessi sjöunda sólóplata færeysku áfladísinnar Eivarar kemur áreiðanlega mörgum í opna skjöldu.  Platan er ólík hennar fyrri plötum.  Þetta er tilraunakennt tölvupopp.  Á köflum dálítið ágengt og hávært.  Fyrir okkur hin sem höfum heyrt Eivöru syngja með Orku er platan rökrétt framhald af þátttöku hennar í þeirri frábæru hljómsveit.  

  Á færeysku er orðið larva notað yfir seyði (á millistigi eftir klak áður en þau verða fiskar).  Á ensku þýðir "larva" lifra.  Nafn plötunnar er tilvísun í að tónlistarferill Eivarar sé nýlega hafinn og enn í mótun. 

  Samverkamenn Eivarar á plötunni eru meðal annars helstu liðsmenn Orku.

  Hingað til hefur Eivör samið og sungið flesta söngva sína á færeysku.  Nú er markaðssvæði hennar orðið alþjóðlegt.  Öll lög nema eitt eru sungin á ensku.  Færeyska lagið,  Vöka, er  mitt uppáhald á plötunni.  Það hefst á ljúfu hljómborðs "riffi".  Er á líður æsast leikar.  Færeyski kórinn Mpiri tekur undir.  Úr verður væg Rammstein stemmning.  Æðislega magnað og flott lag.

  Platan hefst á tölvupopplaginu  Undo Your Mind:  Fallegri laglínu með ófyrirsjáanlegri framvindu.  Fögur söngrödd og breitt raddsvíð Eivarar nýtur sín vel.  Eivör þenur röddina fyrirhafnarlaust af öryggi.  Hljómborðshljómurinn er rafmagnaður,  drynjandi og "töff".  Lagið er samið og útsett undir áhrifum frá tónlist James Bond kvikmyndanna.  Faðir Eivarar er aðdáandi James Bond mynd.

  Í næsta lagi,  Fill the Air,  er söngröddin mjúk og hvíslandi á milli þess sem hún er þanin.  Útsetningin lætur ekki mikið yfir sér.  Eitthvað sem hljómar líkt og klapp liggur undir upphafserindinu og dúkkar upp af og til í laginu.  Barnakór tekur undir og íslenski Caput hópurinn kemur við sögu.  Fjölbreytt og magnað lag.

  Þriðja lagið er endurgerð af  Wall of Silence  með færeysku súpergrúppunni Clickhaze.  Dulmagnað lag með vinalegri laglínu. Clickhaze byrjaði sem trip-hop hljómsveit.  Það eymir örlítið eftir af því í laginu.  Skemmtilegt uppátæki hjá Eivöru að blístra í laginu.  Það smellpassar.

  Fjórða lagið,  All Blue,  er lágstemmd tölvupopp-ballaða.  Undurfagurt lag.  Það er vægur djasskeimur af því. Lágvær og sparlega notaður bjöllukliður gefur laginu draumkenndan blæ. 

  Fimmta lagið er  Waves and the Wind.  Sérkennilegur trommutaktur leiðir það ásamt notalegu hljómborðsstefi. 

  Sjötta lagið er  Is it Cold Outside.  Söngröddin er hvíslandi yfir tölvuhljómborðinu.  Lagið stigmagnast.  Takturinn verður hraðari.  En lagið endar á þægilegu nótunum.

  Sjöunda lagið,  Even if the sun don´t Shine,  er ofur rólegt og ljúft. Hvíslandi söngrödd og einfalt hljómborð. 

  Áttunda lagið,  Hounds of Love,  er eftir bresku tónlistarkonuna Kötu Brúsk (Kate Bush).  Eivör afgreiðir lagið svolítið í anda Kötu.  Lagið er ágengt,  öflugt og glæsilegt.  Ástæðan fyrir því að Eivör ákvað að kráka (cover song) þetta lag er að henni þykir vera svo mikil Eivör í því.  Og það er tilfellið.  Lagið er eins og klæðskerasaumað fyrir Eivöru.  Það var hljóðritað "live" í einni töku.  Það þurfti ekki að endurtaka það.  Lagið steinlá í fyrsta rennsli.  

  Níunda lagið er Vöka sem áður er minnst á.  Tíunda lagið er  So Close to being Free.  Tölvupopplag sem rafmagnast og æsist er á líður.  Það koma töluverð læti við sögu áður en yfir líkur. 

  Ellefta og síðasta lagið á plötunni er  Stay in the Light.  Rólegt og þægilegt lag með hvíslandi söng.  Ofur heillandi og snoturtt.

  Larva er frekar seintekin plata.  Það þarf að hlusta á hana nokkrum sinnum áður en fegurðin í músíkinni síast inn.  Mér þótti platan áhugaverð,  forvitnileg og spennandi við fyrstu rennsli. Eftir nokkrar spilanir hafði ég samt efasemdir.  Það var eins og lögin ætluðu ekki að síast almennilega inn.  Eftir ennþá fleiri spilanir opnuðust flóðgáttir.  Þetta var dálítið eins og þegar ég var að meðtaka Sigur Rós á sínum tíma.  Núna er niðurstaðan sú að  Larva  sé besta plata Eivarar til þessa. Ekki nóg með það.  Skrefið sem hún stígur með þessari plötu frá því að vera vísnasöngkona er stórt.  Skrefið er djarft.  Þetta er dúndur góð plata.  Ein besta plata ársins 2010.  Ég er orðinn háður plötunni.  Spila hana aftur og aftur.  Og hlakka til í hvert sinn sem ég set hana á "play". 

  Gefið plötunni tækifæri.  Verið meðvituð um að það tekur tíma að venjast henni.  Uppskeran verður ríkuleg.

.