Sorglegustu söngvar sögunnar

  Þegar ég var krakki,  kannski 4ra til sex ára,  naut lagið "Söngur villiandarinnar" mikilla vinsælda (jú,  ég var einu sinni krakki.  Ég sver það).  Söngvarinn syngur í orðastað villiandar sem lendir í hremmingum vegna grófs ofbeldis byssuóðs veiðimanns.  Textinn er sorglegur.  Ég fór ætíð að skæla þegar lagið var spilað í útvarpinu.  Eldri bróður mínum þótti það verulega fyndið.  Hann vaktaði alla dægurlagaþætti í útvarpinu.  Þegar "Söngur villiandarinnar" var hljómaði kom bróðir minn hlaupandi með útvarp til mín.  Og ég grét með það sama af vorkunn yfir dapurlegum örlögum villiandarinnar.

  Útbreiddasta tónlistarblað heims,  hið bandaríska Rolling Stone,  var fyrir nokkrum mínútum að opinbera val lesenda sinna á sorglegustu söngvum allra tíma.  Niðurstaðan er þessi:

1  Tears In Heaven með Eric Clapton

  Tilefni þessa sönglags er verulega dapurlegt.  Fjögurra ára sonur Erics féll út um glugga á 53. hæð í blokkaríbúð og lést.  Eric tókst á við sorgina með því semja þennan kveðjuóð til sonar síns.  Það hvarflaði ekki að Eric að lagið yrði ofursmellur sem toppaði vinsældalista víða um heim,  sem varð í reynd.  Þetta var aðeins kveðja sem hann varð að koma frá sér og hrópa út í loftið.  Honum þykir gott að syngja lagið.  Það er honum "heilun".   

   

2  Hurt með Nine Inch Nails

  Textinn fjallar um þunglyndi, heróínfíkn söngvarans og sjálfsvígshugsanir.  Johnny Cash krákaði (cover song) lagið síðar og túlkaði frábærlega.  Gerði það að sínu.  Enda þekkti hann yrkisefnið að eigin raun. 

3  Everybody Hurts með REM

  Eins og með fleiri REM söngva er textinn óljós.  Margir túlka hann sem frásögn af ástarsorg.  Einkum unglingar þegar hvolpaást steitir á skeri.  

4  Cat´s In The Craddle með Harry Chapin

5  Something In The Way með Nirvana

6  He Stoped Loving Her með George Jones

7  Black með Pearl Jam

8  Sam Stone með John Prine

9  Nutshell með Alice in Chains

10  I´m So Lonesome I Could Cry með Hank Williams

  Þessi niðurstaða kemur mér að sumu leyti á óvart.  Til að mynda kemst "Seasons In The Sun" með Terry Jacks ekki á blað.  Sá söngur hefur oft verið kallaður sorglegasta sönglag sögunnar.  Reyndar án þess að vísað sé í neitt því til staðfestingar.  Slúðursögur voru í gangi á sínum tíma um að í Bretlandi og í Bandaríkjum Norður-Ameríku hafi verið gripið til ráðstafana svo að dauðvona fólk á sjúkrahúsum og elliheimilum yrði ekki vart við þetta sorglega sönglag.   

Hvaða þjóðir eru heiðarlegastar?

  Bandaríska tímaritið Reader´s Digest gerði áhugaverða rannsókn á dögunum.  Það dreifði 12 seðlaveskjum í sitthverri höfuðborg helstu ferðamannalanda heims (ég reikna með að þetta séu þau lönd sem íbúar Obamalands ferðast mest til - án þess að bomba upp íbúa þeirra).  Seðlaveskin voru skilin eftir á göngustígum og á bílastæðum við verslunarkjarna.  Í hverju veski voru peningar sem svara til um það bil 6000 íslenskum krónum,  ásamt persónuskilríkjum,  fjölskylduljósmyndum,  afsláttarmiðum og nafnspjöldum eigandans með símanúmeri og öðrum upplýsingum.  Síðan var beðið eftir því að vegfarandi rækist á veskið og kæmi því til eigandans.  Því miður reyndust sumir þannig innréttaðir að þeir skiluðu veskinu ekki til eiganda.     

Niðurstaðan varð þessi:

1. Helsinki, Finnlandi (veskjum skilað: 11 af 12)

2. Mumbai, Indlandi (veskjum skilað: 9 af 12)

3-4. Budapest, Ungvejaland (veskjum skilað: 8 af 12)

3-4. New York, Obamalandi (veskjum skilað: 8 af 12)

5-6. Moskva, Rússland (veskjum skilað: 7 af 12)

5-6. Amsterdam, Hollandi (veskjum skilað: 7 af 12)

7-8. Berlin, Þýskalandi (veskjum skilað: 6 af 12)

7-8. Ljubljana, Sloveniu (veskjum skilað: 6 af 12)

9-10. London, Englandi (veskjum skilað: 5 af 12)

9-10. Warsaw, Pólandi (veskjum skilað: 5 af 12)

11-13.  Bucharest, Rúmenia (veskjum skilað: 4 af 12)

11-13.  Rio de Janeiro, Brazilíu (veskjum skilað: 4 af 12)

11-13. Zurich, Swiss (veskjum skilað: 4 af 12)

14. Prag, Tékklandi (veskjum skilað: 3 af 12)

15. Madrid, Spáni (veskjum skilað: 2 af 12)

16. Lisbon, Portúgal (veskjum skilað: 1 af 12)

  Finnar eru heiðarlegir upp til hópa.  Þeir fara ekki einu sinni yfir á rauðu ljósi.  Veski voru skilin eftir í þremur öðrum löndum án þess að nokkru veski væri skilað.  Einhverra hluta vegna er ekki upplýst hvaða lönd það voru.  

Týr fer mikinn á heimsmarkaði

  Í ársbyrjun 2002 höfðu Íslendingar ekki hugmynd um að í Færeyjum væri blómlegt tónlistarlíf.  Það breyttist snarlega þegar Guðni Már Henningsson spilaði lagið  Ormurin langi  með færeysku hljómsveitinni Tý á Rás 2 snemma árs 2002.  Lagið sló svo rækilega í gegn að í árslok var það mest spilaða lag í íslensku útvarpi.  Lagið vakti upp öfluga færeyska tónlistarbylgja,  kölluð færeyska byljan,  hérlendis.  Það sér hvergi fyrir enda á vinsældum færeyskrar tónlistar á Íslandi.

  Fyrir tveimur árum náði færeyska hljómsveitin Týr óvænt 1. sæti á ameríska vinsældalistanum CMJ.  Hann mælir spilun hjá svokölluðum háskólaútvarpsstöðvum í Bandaríkjum Norður-Ameríku og Kanada.  Útvarpsstöðvarnar eru reyndar ekki alfarið bundnar við háskóla heldur einnig aðrar framhaldsskólaútvarpsstöðvar.

  Á dögunum kom út platan  Valkyrja  með Tý.  Hún fer mikinn á heimsmarkaði.

  Hér eru nokkur dæmi um það:

  -  #15 á vinsældalista Billboard,  bandarísks tímarits sem tekur saman hina ýmsu vinsældalista.  Vinsældalistinn með þessari niðurstöðu kallast Heatseeker´s. 

  - #22 á vinsældalista Billboard sem kallast Current Hard Music.

  - #39 á vinsældalsita Billboard sem kallast Overall Hard Music.

  - #70 á vinsældalista Billboard sem kallast "Óháði vinsældalistinn".

  - #4 á alþjóða þungarokksvinsældalista iTunes (metal chart). 

  - #2 á kanadíska iTunes þungarokksvinsældalistanum. 

  - #9 á kanadíska rokkvinsældalistanum. 

  - #72 á almenna kanadíska vinsældalistanum. 

  - #45 á almenna þýska vinsældalistanum. 

  - #76 á almenna svissneska vinsældalistanum. 

  - #26 á kanadíska þungarokksvinsældalistanum. 

Fólk elskar að láta plata sig

  Sumt fólk er þannig innréttað að það fær "kikk" út úr því að láta plata sig.  Það kann ekki við sig öðruvísi.  Það lætur ekkert tækifæri ónotað til að láta plata sig.  Svo skemmtilega vill til - fyrir þetta fólk - að einnig er til fólk sem sækir í að plata aðra.  Þegar þessar tvær manngerðir ná saman er alltaf stutt í að þær fái báðar sitt "kikk".  Annar aðilinn platar hinn.

  Leigumarkaðurinn er góður vettvangur fyrir þessa skemmtun.   Líka spilasalir,  Nígeríubréf,  bankaviðskipti,  viðskipti með snákaolíu,  töfraplástra og jarðskjálftaheld hús.  

Svikarar á leigumarkaði

Nefnum götur og vegi eftir heimsfrægum Íslendingum

  Maður hét Levon Helm.  Hann var söngvari og trommuleikari kanadísku hljómsveitarinnar The Band.  Annarrar af tveimur fyrstu hljómsveitum til að spila músíkstílahræru sem fengu samheitið americana (ópoppuð amerísk rótarmúsík;  blanda af rokki, kántrýi, blús og þjóðlagamúsík).  Hin hljómsveitin var Creedence Clearwater Revival.

   Levon Helm fæddist í Bandaríkjum Norður-Ameríku en flutti til Kanada á sjötta áratugnum.  Um miðjan sjöunda áratuginn tók söngvaskáldið Bob Dylan sér hlé frá kassagítar.  Hann fékk Levon og kanadíska félaga hans til að spila með sér rafmagnaða rokkmúsík.  Samstarfið varð langt og farsælt. 

  Undir lok sjöunda áratugarins fóru Levon og félagar að senda frá sér plötur undir hljómsveitarnafninu The Band.  Nafnið The Band hafði fram að því verið óformlegt heiti á hljómsveitinni sem spilaði með Bob Dylan.  

  Fjöldi laga með The Band varð vinsæll og er í dag klassískt rokk.  Nægir að nefna lög eins og "The Night They Drow Old Dixie Down" og "The Weight".  

  Levon Helm dó í fyrra.  Síðustu æviárin bjó hann í Woodstock í New York ríki.  Yfirvöld þar á bæ hafa nú formlega heiðrað minningu Levons með því að endurnefna þjóðveginn Route 375.  Héðan í frá heitir hann Levon Helm Memorial Boulevard.  Flott dæmi. 

  Íslenskir embættismenn ættu að gera eitthvað svona.  Nefna götur og vegi eftir heimsfrægustu Íslendingum:  Björk,  Eivör,  Laxness,  Sigur Rós,  Leoncie...  

 

  Til gamans má geta að Levon hét í raun Lavon.  Kanadamenn gátu hinsvegar ekki borið það nafn fram rétt.  Þeir gátu aðeins borið nafnið fram sem Levon.  Til að koma í veg fyrir rugl og til að einfalda málin tók Lavon upp ritháttinn Levon á nafni sínu.  

  1971 sló bandaríska söngkonan Jóhanna frá Bægisá (Joan Baez) óvænt í gegn með sönglagi Levons og Robba Róbertssonar,  The Night They Drove Old Dixie Down.  Í flutningi Jóhönnu toppaði lagið vinsældalista þvers og kruss um heiminn.  Og fór í 3ja sæti bandaríska vinældalistans.  

  Ofurvinsældir lagsins í flutningi Jóhönnu kom öllum í opna skjöldu.  Líka henni sjálfri.  Ennþá meira Levon og félögum í The Band.  Þeir móðguðust og tóku vinsældunum illa.  Sökuðu Joan Baez um að hafa stolið af sér vinsældum.  Fannst sem Jóhann hefði valtað yfir þá.  Eftir á að hyggja voru viðbrögð liðsmanna The Band kjánaleg.  Þeir sendu lagið frá sér tveimur árum áður.  Vegna vinsælda lagsins í flutningi Joan Baez er þetta The Band lagið sem flestir þekkja.    

  Jóhanna las aldrei texta lagsins skrifaðan heldur lærði hann (frekar illa)  þegar hún spilaði lagið með The Band.  Sitthvað lærði hún vitlaust.  Það lagðist illa í Levon og þá hina í The Band.  Þeir voru ekki fyrir svona kæruleysi.    

 

Kleppur er víða

 

 

 

 

 

 

 

  Íslendingar hafa löngum hlegið að heimsku bræðranna á Bakka í Svarfaðardal,  þeim Gísla, Eiríks og Helga.  Heimildir herma að þeir hafi verið svo illa gefnir að einföldustu verk þvældust fyrir þeim og enduðu iðulega í klúðri.  Áreiðanlegustu heimildir herma að þannig hafi það verið en þekktustu sögurnar af Bakkabræðrum eru þó innfluttar frá Bretlandi.  Það eru flökkusögur sem margir kannast einnig við sem sögur af dönsku Molbúum.

 

 

 

 

 

 

 

 

 

  Við þurfum ekki lengur innfluttar sögur af vitleysisgangi.  Af nógu er að taka hér á höfuðborgarsvæðinu.  Gott dæmi: Þessa dagana skiptist starfsfólk umhverfis- og skipulagssviðs á við lögregluna um að koma fyrir og fjarlægja litríkar gangbrautir í Laugardal.  

  Starfsfólk umhverfis- og skipulagssviðs kemur gangbrautunum niður og lögreglan rífur þær upp jafn óðum.  Þannig hefur það gengið fyrir sig í dag.  Líklegt er talið að þetta haldi áfram fram eftir helgi.  Enda fátt annað að gera á þessum tíma árs.  Lögreglustjórinn útskýrði framgöngu lögreglunnar með þeim orðum að enginn hafi gefið lögreglunni fyrirmæli um að fjarlægja EKKI litríku gangbrautirnar.  

  Verktakar sem breyttu Hofsvallagötunni í hjólreiðavæna götu á dögunum lentu í svipuðu atviki.  Þeir höfðu ekki undan að merkja hjólreiðastíga í skærum litum.  Starfsmenn Reykjavíkurborgar spúluðu merkingarnar jafn harðan í burtu.   Það var ekki fyrr en fjölmiðlar komust í málið sem lát varð á þráteflinu.

  Á Seltjarnarnesi stóð lengi á stalli glæsilegur skúlptúr eftir Sigurjón Ólafsson.  Þegar World Class byggði æfingastöð á Nesinu átti að færa skúlptúrinn.  Það tókst ekki betur til en svo að honum var fyrst komið fyrir í geymslu og síðar hent þaðan út með "öðru" rusli.  Að lokum fannst hann í reiðuleysi og allur í klessu úti á túni innanum drasl.  

   

 

 

 

 

 

  Mynd tekin af www.eirikurjonsson.is

Eivör fær dönsk tónskáldaverðlaun

 

 

 

 

 

  Danska tónskáldafélagið heitir DJBFA.  Það er dálítið einkennilegt nafn.  Skýringin á því er sú að þetta er skammstöfun á miklu lengra nafni,  Danske Jazz, Beat og  Folkemusik Autorer.  Félagar í danska tónskáldafélaginu eru nálægt 1500.  Árlega heiðrar félagið þrjú dönsk tónskáld sem hafa skarað fram úr árið áður.  

  Í fyrradag voru heiðursverðlaun veitt tónskáldunum sem stóðu upp úr 2012.  Eitt þeirra þriggja var færeyska álfadrottingin Eivör.  Verðlaunin voru veitt við hátíðlega athöfn fyrir framan 600 gesti.  

  Formaður DJBFA,  Susi Hyldgaard, fór fögrum orðum í lýsingu á færeyska tónskáldinu.  Hún sagði meðal annars eitthvað á þessa leið:  Undir söng Eivarar sitjum við bergnumin.  Við finnum fyrir rigningunni,  sjáum græna hóla og klettana.  Við heyrum í öldunið hafsins... Og mitt í því öllu skynjum við hvernig hún býður okkur velkomin í sitt hlýja hjarta.

  Heiðursverðlaun DJBFA eru gríðarmikil viðurkenning fyrir tónskáldið Eivöru.  Þar fyrir utan fylgir þeim 25 þúsund danskar krónur (525 þúsund íslenskar krónur).  Það er hægt að kaupa eitthvað sniðugt fyrir þann pening.  

   

Egill kærir Gillz

  Líkamsræktarfrömuðurinn og einkaþjálfarinn Egill Einarsson stendur í ströngu þessa dagana.  Það er margt sem hefur mætt á honum.  Það er líka margt sem mæðir á honum.  Nú er hann að undirbúa stefnu á hendur fjölmiðlafígúrunni Gillz,  öðru nafni Gillzenegger,  fyrir stórfelldar ærumeiðingar.  Tilefnið er það að fígúran,  Gillz,  hefur valdið Agli óbætanlegum skaða.  Dregið nafn hans niður í svaðið og reitt af honum æruna gróflega.  Svo gróflega að eftir stendur ærulaus maður.  Enginn hefur leikið mannorð og æru Egils jafn grátt og Gillz.  Velt Agli eins og hveitipoka upp úr sora og hugarfari nauðgara.  

  Siðblinda fígúrunnar,  Gillz,   hefur haldið fyrir Agli vöku mánuðum og árum saman.  Hann er meira og minna ósofinn - allt að því uppvakningur (zombie) - á sama tíma og fígúran,  Gillz,  sefur vært eins og kornabarn.  Siðlaus framkoma fígúrunnar,  Gillz,   hefur ekki aðeins verið Agli erfið heldur fjölskyldu hans einnig og heimiliskettinum.  Einkum vegna þess að í sumra augum líta þeir eins út.  Munurinn er sá að Egill er hágrenjandi pissudúkka viefandi kærum upp á dag hvern á meðan Gillz er granítharður boðberi nauðgarans. 

  Fullvíst þykir að fígúran,  Gillz,  gagnstefni Agli.  Jafnvel tvisvar.  

  Þegar ljósmynd af fígúrunni,  Gillz,  er "gúggluð" kemur upp myndin til vinstri.  Þegar ljósmynd af Agli Einarssyni er "gúggluð" kemur upp myndin til hægri.  Eru þeir nokkuð svo líkir - ef frá er talið að klæðnaðurinn er álíka?

      

 

Ekki Egill heldur Gillz

Hvað vekur öflugustu viðbrögðin?

  Á samfélagsmiðlum netheima (twitter, facebook, blogg og svo framvegis) upplýsa notendur um það helsta sem á daginn hefur drifið.  Vinir og kunningjar fá að fylgjast með því hvað er í matinn,  hvað sé að frétta af börnunum,  flutningi í nýja íbúð,  flutningi á milli landa,  ferðalögum,  nýja starfinu og annað slíkt.  Það er gaman.  Þetta eru samt ekki "statusarnir" sem vekja öflugustu viðbrögð, fá flest "like",  flestar deilingar og mesta umræðu. 

  "Statusar" eða "tíst" sem eru sprottin af augljósri reiði fá kröftugustu viðbrögðin og er deilt hraðast og af flestum.  Þetta leiðir rannsókn í ljós sem náði til 200.000 notenda.

  Skilaboð sem lýsa vonbrigðum,  depurð eða andúð vekja ekki hálft því jafn öflug viðbrögð og þau öskureiðu.  

   

Færeysk plata til heiðurs og til minningar um bítilinn George Harrison

  Færeyski gítarleikarinn Stanley Samuelsen er annarsvegar þekktur af sólóferli og hinsvegar sem einn þriggja gítarleikara Trio Acoustica.  Stanley hefur sent frá sér átta sólóplötur.  Hann hefur einnig spilað töluvert með ítalska fiðluleikaranum Marco Santini.  Nú hefur Stanley hljóðritað 5 lög eftir breska bítilinn George Harrison.  George spilaði á sólógítar í Bítlunum (The Beatles).  Hann var liðtækur í einstaklega fallegum röddunum Bítlanna. 

  George fór rólega af stað sem söngvahöfundur.  Ekki auðvelt hlutskipti fyrir óöruggan og leitandi söngvahöfund að vera í hljómsveit með tveimur af bestu söngvahöfundum rokksögunnar,  John Lennon og Paul McCartney.  Í hina röndina var það ögrun og stór áskorun að eiga upp á pallborð með þeim á því sviði.  Harrison þurfti að koma með virkilega bitastæða söngva sem stóðust samanburð við það besta eftir Lennon og McCartney.  Harrison stóðst prófið.  Lög hans settu iðulega sterkan og framsækinn blæ á plötur Bítlanna.  Hann fór að mörgu leyti aðra leið í útsetningum en Lennon og McCartney.

  George Harrison fór glæsilega af stað í sólóferil eftir daga Bítlanna.  Virkilega glæsilega með plötupakkanum  All Things Must Pass.  Snilldar pakki 3ja platna.  Þegar frá leið urðu plötur hans mistækari.  Alveg eins og hjá öðrum Bítlum.  Eins og gengur.  En engin samt léleg í tilfelli Harrison. Jú,  kannski Gone Troppo.  

  Á níunda áratugnum stofnaði Harrison hljómsveitina Traveling Wilburys með Byb Dylan,  Jeff Lynne,  Tom Petty og Roy Orbison. 

  Krabbamein dró Harrison til dauða 2001.  Einkasonur hans,  Dhani Harrison,  er giftur íslenskri konu.  Ég man ekki nafn hennar en hún er dóttir Kára Stefánssonar í Íslenskri erfðagreiningu.

  Færeyski gítarleikarinn Stanley Samuelson nýtur liðsinnis dóttur sinnar,  Astrid,  við gerð plötunnar til heiðurs Harrison.  Astrid syngur öll lögin og spilar á gítar.  Þau eru fimm:

  Long Long Long

  Here Comes The Sun

  So Sad

  Beware of Darkness

  Your Love Is Forever

  Hægt er að hlusta á lögin og kaupa þau til niðurhals með því að smella á þessa slóð: 

 https://itunes.apple.com/gb/album/tribute-to-george-harrison/id710444149

Breskt dagblað hvetur til Íslandsferða

  Breska fríblaðið Metro státar sig af því að vera stærsta og útbreiddasta dagblað heims.  Ég hef ekki forsendur til að rengja það.  Á tímabili var íslenskt fríblað í Danmörku,  Nyheds-eitthvað,  toppurinn.  Á sama tíma íslenskt dagblað gefið út í Boston.  Það hét Boston News eða eitthvað álíka.  Núna er ekkert íslenskt dagblað gefið út utan Íslands.  Satt en ótrúlegt.

  Í fimmtudagsblaði Metro er mælt með því að þeir sem eigi eftir að taka út haustfrí velji sér einhvern af eftirtöldum 5 áfangastöðum:  Ísland,  Kúpu,  Ítalíu,  Sri Lanka eða Oman.  Þunginn í meðmælunum með Íslandi er sá að norðurljósin sem sjást á Íslandi verði sérlega áberandi og fjörug þetta haustið.  Vísað er til fullyrðinga geimvísindastofnunar, Nasa, í því sambandi.  Heildarkostnaður við 7 nátta ferð til Íslands er aðeins um 170 þúsund kall:  Flug, gisting og morgunverður.  Góður og ódýr kostur fyrir Breta.  Einn af 5 bestu kostum.  Til samanburðar kostar ræfilsleg 5 daga ferð til Ítalíu Bretann hátt á þriðja hundrað þúsund.  Valið er auðvelt.   

  

Ævintýri í leigubíl

 

   Það er oft gaman að taka leigubíl.  Í dag hringdi ég á leigubíl.  Ég bý við einstefnuakstursgötu.  Þegar mig fór að lengja eftir bílnum rölti ég upp götuna til að leigubíllinn þyrfti ekki að keyra niður einstefnuna.  Þar sem ég stóð við enda götunnar sá ég allt í einu að leigubíllinn kom akandi upp götuna á móti einstefnu.  Ég settist inn í bílinn og sagði:  "Þú kemur brunandi hér upp gegn einstefnu."  Bílstjórinn svaraði:  "Já,  ég kom frá hliðargötu og misreiknaði mig.  Ég ætlaði að bakka upp götuna en eitthvað fór úrskeiðis."

  Svo tók hann dálítinn krók í vitlausa átt.  Það var reiðulaust af minni hálfu.  Því næst ók hann að gatnamótum með götuljósum.  Þar loguðu rauð ljós.  Bílstjórinn lét það ekki trufla sig heldur ók rakleiðis yfir gatnamótin gegn rauðu ljósi.  Sem betur fer var umferð hæg og aðrir bílstjórar negldu niður til,  náðu þannig að forða árekstri og flautuðu ákaft.  Mér varð að orði:  "Hvað er þetta?  Er allt í rugli með ljósin?"  Bílstjórinn var hinn rólegasti og svaraði:  "Já,  þau bara blikka.  Þetta er eitthvað rugl."

  Mér varð litið yfir gatnamótin.  Þar var pallbíll staddur með vinnumönnum og blikkandi gulu ljósi.  Leigubílstjórinn hafði tekið meira mark á þeim ljósum en umferðarljósunum á gatnamótunum.  Bílstjórinn bætti við:  "Það er allt í rugli í gatnagerð á þessum árstíma.  Maður er alveg ringlaður út af þessari dellu.  Það væri nær að sinna gatnagerð yfir hásumarið þegar allir eru í sumarfríi og engin umferð." 

  Eftir þetta gekk allt vel fyrir sig.  

 

Furðulegar ljósmyndir

  Á ferðalagi um veraldarvefinn (internetið) verða á vegi allra af og til ljósmyndir sem skilja eftir stór spurningamerki.  Það er erfitt að átta sig á því hvað er í gangi;  hvað fólki gengur til.  Fólk er skrýtið.  Hér eru nokkur sýnishorn valin af handahófi:

   Hvað er í gangi með konuna í bakgrunninum?

 

 

 

 

 

 

 

 

 

 

  Arabi með ýstru, hringi í geirvörtum og hvolp?  Ljótan hvolp.    Náttúruunnandi með grasköngla. 

  Vodka og gaddaólar.  Pottþétt töff blanda. 

  Einmitt það sem hann óskaði sér í afmælisgjöf:  Uppblásin dúkka með svínsandlit.

 

Fólk þarf að bera virðingu fyrir sektum

 

  Hvers vegna gefa íslenskir ökumenn ekki stefnuljós?  Hvers vegna tala íslenskir ökumenn á ferð í síma?  Hvers vegna leggja "heilbrigðir" í stæði merkt fötluðum?  Hvers vegna nota hjólreiðamenn ekki öryggishjálm?  Svarið er einfalt:  Ástæðan er sú að Íslendingar bera enga virðingu fyrir umferðarlögum um þessi atriði né heldur sektum við því að brjóta þessi lög. 

  Þekkir þú einhvern sem hefur verið sektaður fyrir að gefa ekki stefnuljós?  Ekki ég heldur.  Og þó.  Fyrir 2 eða 3 árum var auglýst átak fyrir notkun stefnuljósa.  Þá vikuna notuðu flestir stefnuljós.  Einstaka manneskja var föst í gamla farinu og fékk smá sekt.  Sektin var svo lág að það var hlegið að henni.  Síðan hefur enginn skipt sér frekar af stefnuljósum.

  Oft og tíðum birtast fréttir af rannsóknum sem leiða í ljós að ökumaður á ferð sem talar í síma tapar einbeitingu og athygli í umferðinni á meðan.  Reyndar sér maður það ósjaldan í umferðinni.  Sömu rannsóknir sýna að það er enginn munur á því hvort að ökumaður talar í handfrjálsan búnað eða heldur sjálfur símanum við eyrað.  Handfrjáls búnaður er í raun verri vegna þess að hann veitir falskt öryggi.  

  Það er kjánalegt að halda í lög um handfrjálsan símabúnað.  Það ber enginn virðingu fyrir kjánalegum lögum.  Ofan á þennan kjánagang þá er refsilaust að ökumaður tali í talstöð.   

  Við höfum nýlegt dæmi um frjálsíþróttamann sem leggur jafnan jeppa sínum beint á ská í tvö stæði merkt fötluðum.  Útskýring hans er sú að hann vilji frekar borga 5000 króna sekt fyrir það en láta "hurða" bílinn á þrengra stæði.  Enda sé bíllinn á einkanúmeri.     

  Hann er ekki einangraður frekjuhundur.  Þetta er algeng afstaða jeppagutta.  Sektin fyrir að leggja í stæði merkt fötluðum er svo lág að það er hlegið að henni.  Þar fyrir utan eru þessi spjátrungar aldrei sektaðir fyrir að leggja í stæði merkt fötluðum.  Þeir fá að komast upp með þetta vegna þess að þeim er vorkunn.  Frekja þeirra og ótillitssemi ræðst augljóslega af andlegri fötlun.  

   

  

Fékk ekki að borga sektina

Plötuumslög í sínu rétta umhverfi

  Þegar rölt er um New York borg ber margt fyrir auga sem kemur kunnuglega fyrir sjónir.  New York borg er vettvangur margra kvikmynda,  sjónvarpsþátta og tónlistar.  Demókratar eru ráðandi.  Íbúar eru um 8 milljónir.  Daglegir túristar í New York eru jafn margir:  8 milljónir.

  New York er suðupottur fjölmenningar í tónlist og ýmsu öðru,  með sitt  Kínahverfi,  litlu Ítalíu,  fátækrahverfi svertingja (Harlem) og svo framvegis.  New York er heimsálfa ólíkra hverfa,  ólíkra menningarsvæða...

  Mörg af frægustu plötuumslögum rokksögunnar hafa verið ljósmynduð í NY.   Það er þess vegna sem gestkomandi í New York borg kannast við umhverfið.

 

 

 

 

 

 

 

 

 Plötuumslag bresku mod-hljómsveitarinnar The Who  "The Kids are Allright",   byggir á ljósmynd í New York.

 

  Umslag plötunnar "Too Long in Exile" með írska söngvaranum Van Morrison.

 

  "After The Gold Rus" með kanadíska tónlistarmanninum Neil Young skartar ljósmynd frá NY.

  Umslag plötunnar "Live at Max´s Kansas City" með NY sveitinni Velvet Underground.

 

  Hljómsveitin New York Dolls og umslag samnefndrar plötu.

  Ramones, enn ein NY sveitin og umslag plötunnar "Rocket to Russia".

  Steely Dan brugðu sér í Central Park garðinn í NY til að sitja fyrir á mynd á umslag plötunnar "Pretzel Logic".

  Söngleikjaplatan "West Side Story".

  Bob Dylan bjó í NY og þurfti ekki að sækja myndefni langt.

  Dylan fór samt til London til að filma myndband við lagið "Subterranean Homesick Blues".

Söluhæstu lög allra tíma

  Söluhæsta lag allra tíma er "White Christmas" í flutningi Bings Grosbys.  Þetta lag hefur haldið forystusæti í marga áratugi.  Reyndar með þeirri undartekningu að "Candle in the Wind" með Elton John fór á tímabili fram úr.  Í dag er staðan sú að "White Cristmas" hefur selst í 50 milljónum eintaka á móti 33 milljónum eintaka sölu á "Candle in the Wind" með Elton John. 

  Hér fyrir neðan er listi yfir söluhæstu lög frá og með árinu 1958.  Þessi listi mælir ekki sölu á lögum hvers árs fyrir sig (sölu í árslok) heldur heildarsölu frá því að lagið kom út.  Það er gaman að skoða listann út frá ártalinu vegna þess að plötusala hefur vaxið gríðarlega mikið frá einum áratug til annars.  Bæði fjölgar jarðarbúum hratt og fram eftir sjöunda áratugnum voru aðeins til plötuspilarar á fínni heimilinum og eða þar sem ungt fólk var til heimilis.  Í dag eiga nánast allir einstaklingar tæki til að spila músík af plötu, disk eða iPad...

 1958 Kingston Trio 'Tom Dooley'   8.241.000 points

1959 Bobby Darin 'Mack The Knife'   6.994.000 points

  Ég lauma hér inn kráku (cover song) Marks Lonegans á "Makka hníf" úr þýsku "Túskildingsóperu" Kurts Weills.  Mark heldur hljómleika hérlendis 30. sept.  Það er fyrir löngu löngu löngu síðan uppselt á hljómleikana.  Mark er einn af helstu gruggurum Seattle (grunge).  Þekktastur sem söngvari Screaming Trees.  Hann var að senda frá sér sólóplötu.  Flottasta lagið er þessi kassagítarútfærsla af "Makka hníf":  

 

1960 Elvis Presley 'It's Now Or Never'  10.981.000 points
1961 Elvis Presley 'Surrender'  6.405.000 points
1962 Pat Boone 'Speedy Gonzales'   8.463.000 points
1963 Beatles 'I Want To Hold Your Hand'  14.435.000 points  #5
1964 Beatles 'Can't Buy Me Love'   8.063.000 points
1965 Rolling Stones 'Satisfaction'
1966 Frank Sinatra 'Strangers In The Night'
1967 Scott McKenzie 'San Francisco (Be Sure To Wear Flowers)'  10.303.000 points
1968 Beatles 'Hey Jude'  13.972.000 points  #7
1969 The Archies 'Sugar Sugar'  9.974.000 points
1970 George Harrison 'My Sweet Lord'  11.434.000 points
1971 Carly Simon 'You're So Vain'  7.815.000 points
1972 Hot Butter 'Popcorn'  7.856.000 points
1973 Rolling Stones 'Angie'  9.001.000 points
1974 Terry Jacks 'Seasons In The Sun'  10.678.000 points
1975 Queen 'Bohemian Rhapsody'  9.008.000 points
1976 Abba 'Dancing Queen'  8.739.000 points
1977 Bee Gees 'How Deep Is Your Love'  8.039.000 points
1978 John Travolta & Olivia Newton-John 'You're The One That I Want'  12.139.000 points  #10
1979 Pink Floyd 'Another Brick In The Wall (Part II)'  11.810.000 points
1980 Barbra Streisand 'Woman In Love'  11.227.000 points
1981 Kim Carnes 'Bette Davis Eyes'  10.602.000 points
1982 Culture Club 'Do You Really Want To Hurt Me'  10.543.000 points
1983 Irene Cara 'Flashdance...What A Feeling'  11.953.000 points
1984 Stevie Wonder 'I Just Called To Say I Love You' 11.667.000 points
1985 USA For Africa 'We Are The World'  14.600.000 points  #4
1986 Madonna 'Papa Don't Preach'  8.261.000 points
1987 Whitney Houston 'I Wanna Dance With Somebody'  7.897.000 points
1988 Phil Collins 'A Groovy Kind Of Love'  8.042.000 points
1989 Madonna 'Like A Prayer'  9.520.000 points
1990 Sinead O'Connor 'Nothing Compares 2 U'  10.128.000 points
1991 Bryan Adams '(Everything I Do) I Do It For You'  15.694.000 points  #3
1992 Whitney Houston 'I Will Always Love You'  16.547.000 points  #2
1993 UB 40 '(I Can't Help) Falling In Love With You'  10.353.000 points
1994 All-4-One 'I Swear'  10.872.000 points
1995 Coolio feat. L.V. 'Gangsta's Paradise'  12.942.000 points  #9
1996 Los Del Rio 'Macarena'  14.126.000 points  #6
1997 Elton John 'Candle In The Wind 1997'  21.314.000 points  #1
1998 Celine Dion 'My Heart Will Go On'  11.256.000 points
1999 Britney Spears 'Baby One More Time'  8.918.000 points
2000 Madonna 'Music'  7.414.000 points
2001 Kylie Minogue 'Can't Get You Out Of My Head'  8.123.000 points
2002 Shakira 'Whenever Wherever'  8.541.000 points
2003 Outkast 'Hey Ya!'  6.817.000 points
2004 Maroon 5 'This Love'  7.791.000 points
2005 James Blunt 'You're Beautiful'  9.469.000 points
2006 Shakira feat. Wyclef Jean 'Hips Don't Lie'  9.845.000 points
2007 Timbaland feat. OneRepublic 'Apologize'  10.912.000 points
2008 Leona Lewis 'Bleeding Love'  10.420.000 points
2009 Black Eyed Peas 'I Gotta Feeling' 13.044.000 points  #8
2010 Eminem feat. Rihanna 'Love The Way You Lie'  9.067.000 points
2011 Adele 'Rolling In The Deep' 11.969.000 points
2012 Carly Rae Jepsen 'Call Me Maybe'  11.611.000 points
2013 Robin Thicke feat. T.I. & Pharrell Williams 'Blurred Lines'

Undarleg afhommun

 

 

  Fæstir velta fyrir sér kynhneigð annarra.  Ekki fremur en hárlit eða skóstærð.  Einstaka manneskja lætur samkynhneigð trufla sig.  Viðbrögðin brjótast út í yfirlýstri andúð á samkynhneigð.  Þetta getur þróast út í þráhyggju,  löngun til að refsa samkynhneigðum eða afhomma eða reka liðið aftur inn í skápana.  Ótal oft hefur seint og síðar meir komið í ljós að þetta eru varnarviðbrögð manns sem á í örvæntingarfullri baráttu við eigin bælda samkynhneigð.  

  Gagnkynhneigður maður sem er öruggur með sína kynhneigð veltir ekki fyrir sér kynhneigð annarra manna.  Samkynhneigð heldur aðeins vöku fyrir skápahommum.  

  Í vikunni var prestur í Iowa í Bandaríkjum Norður-Ameríku fundinn sekur um að nauðga ungum drengjum á þeirri forsendu að hann væri að lækna þá af samkynhneigð.  Upphaflega viðurkenndi presturinn fyrir lögreglunni að hafa beitt fjóra drengi þessari afhommunartækni.  Síðar komu átta aðrir drengir fram og ásökuðu prestinn um að hafa níðst á sér.

  Presturinn lýsti fyrir lögreglunni aðferð sinni:  Á meðan hann hefði kynferðislegt samneyti við drengina þá færi hann með kröftuga bæn sem gerði drengina "kynferðislega hreina" í augum guðs.

  Presturinn var dæmdur í 17 ára fangelsi.  Hann þarf þó ekki að sitja inni í einn einasta dag sæki hann sálfræðitíma á 5 ára skilorðstíma.  

  Fórnarlömb prestsins og fjöldi annarra mótmæla útfærslu dómsins.  Þeirra fremst í flokki er eiginkona prestsins og móðir fjögurra barna þeirra.  Henni þykir fórnarlömbum nauðgana sýnd mikil lítilsvirðing með þessum allt að því refsilausa dómi.       

Nýtt lag frá Högna Lisberg, MTV og Opna bandaríska tennismótið

 

 

 

 

 

 

 

  Fyrir nokkrum dögum skrifaði ég bloggfærslu um ný lög sem færeyska söngvaskáldið,  söngvarinn og trommuleikarinn Högni Lisberg er að senda frá sér.  Um það má lesa með því að smella á slóðina:  http://jensgud.blog.is/blog/jensgud/entry/1310157/ 

  Ég mæli með því að þið lesið þá bloggfærslu áður en lengra er haldið hér.  Svona til að allt sé í réttu samhengi. 

   Lag Högna sem þar er kynnt til sögunnar,  Fólkið í Sprekkunum,  kraumar undir Topp 30 vinsældalistanum á Rás 2.  Magnað lag.  Smellið á þessa slóð og kjósið lagið:  http://www.ruv.is/topp30?mottekid=1 

  22. ágúst sendi Högni frá sér annað flott lag,  Drukni.  Það má heyra með því að smella á:  http://www.youtube.com/watch?v=oVnJp2jPX80

  Núna var Högni að senda frá sér 3ja lagið á færeysku,  Villir hundar.  http://www.youtube.com/watch?v=__kcAJ_WlHA

  Til viðbótar þeim upplýsingum sem komu fram í bloggfærslunni er vitnað er til hér efst þá hefur bandaríska sjónvarpsstöðin MTV verið dugleg við að spila lög Högna.  Líka evrópska MTV.  Þar fyrir utan hefur bandaríska tennissambandið US Open Tennis Campaigns gert út á lög Högna bæði í ár og í fyrra.  Þetta má sjá með því að smella á:  http://vimeo.com/73317624

  Til að hnýta allt í samhengi er gott að hverfa röskan áratug aftur í tímann og rifja upp þegar Högni kom sterkur inn á markaðinn sem trommuleikari trip-hopp hljómsveitarinnar Clickhaze.  Eivör söng og þau Högni höfðu áður verið saman í hljómsveitinni Reverb þar sem Eivör öskraði Led Zeppelin lög í bland við Bob Dylan ballöður í þorpinu Götu á Austurey. 

 

Hvað er í hamborgaranum þínum?

 

 

 

 

 

 

 

  Veistu hvað er í samlokunni þinni?  Þessari sem kallast hamborgari?  Áleggið er flöt "kjötbolla";  hakkað nautakjöt.  Í auglýsingum segir:  "Einungis úr 1. flokks úrvals ungnautahakki af nýslátruðum."  Stenst það skoðun?  

  Í nýrri rannsókn í Bandaríkjum Norður-Ameríku voru hamborgarnir efnagreindir.  Það er að segja hamborgarakjötið.   Þetta voru hamborgarar frá 8 helstu hamborgarakeðjunum í Ameríku.  Niðurstaðan var þessi:

  Helmingurinn af hamborgarakjötinu var vatn (allt upp í 62,4%.  Í skásta tilfellinu var vatnið aðeins 37,7%).  Það kom ekki á óvart.  Matvælaframleiðendur eru orðnir lagnir við að drýgja framleiðsluna með vatni.  

  Hitt kom verulega á óvart:  Kjöt var ekki nema 8,45% af kjötinu!  Í grófasta dæminu var kjötið bara 2,1%.  Það eru hrein og klár vörusvik,  næstum eins og íslensku kjötlokurnar sem voru án kjöts.  Í skásta dæminu var kjötið 14,8% af kjötinu.

  Hvaða fylliefni fylla upp í 41,5% sem kjötið samanstendur af ásamt vatni og kjöti?  Í stuttu máli:  Drasl og viðbjóður.  Bein, brjósk, æðar, fituvefi, taugar og svo framvegis.  Að ógleymdum saurgerlum!

  Þannig lítur fylliefnið í hamborgaranum út:

 

 

 

 

 

 

 

 

 

 

 

  Það er spurning hvort að íslenskir hamborgarar séu frábrugðnir þeim bandarísku.  Hér voru til skamms tíma tvær hamborgarakeðjur sem eru áberandi í Bandaríkjunum.  Annars vegar McDonalds og hinsvegar Burger King (Burger King hefur lengst af verið ensk keðja með útibú víða um heim).  Þannig keðjur hæla sér af því að bjóða upp á nákvæmlega eins vöru frá einu landi til annars.  

  Margir sem eiga það til að laumast í hamborgara segjast ætíð fá magakveisu í kjölfarið.  Til að verjast henni er ástæða til að sniðganga hamborgarakeðjur í útlöndum.

  Ég hef sannfæringu fyrir því að rammíslenskir hamborgarastaðir séu lítið sem ekkert í því að drýgja nautakjötið hjá sér.       

Fær skaðabætur frá ljótri konu

  Fyrir nokkrum árum hittust ókunnug kona og ókunnugur maður.  Þau felldu hugi saman,  eins og gengur með ungt fólk.  Með þeim tókust heitar ástir.  Sagan endar ekki þar,  heldur er rétt að byrja.  Þau gengu í hjónaband og síðan í eina sæng.  Að röskum níu mánuðum liðnum fæddi hans gullfallega kona barn.

  Barnið var ótrúlega ljótt,  að mati mannsins.  Hann mat stöðuna þannig að útilokað væri að jafn fagur Kínverji og hann sjálfur gæti verið faðir svona ljóts barns.  Öll börn og fullorðnir í hans ætt eru hver öðrum fallegri.  Það var næsta víst að köttur hafi komist í ból bjarnar.  

  Kappinn lét þegar í stað taka DNA sýni úr ljóta barninu til að ekkert færi á milli mála.  Niðurstaðan var sú að hann væri örugglega faðir barnsins.  Þá var ekki um annað að ræða en rannsaka ljósmyndir af ættingjum konunnar.  Þar var klárlega einhver ljótur arfberi.  Rannsóknin leiddi í ljós að það var kínverska eiginkonan,  barnsmóðirin,  sem var svona herfilega ljót.  Hvernig mátti það vera?

  Svarið leyndist í leyndarmáli:  Konan hafði - áður en hún kynntist fagra manninum - farið í sex lýtaaðgerðir.  Samtals hafði hún kostað sem svarar 12 milljónum íslenskra króna í nýtt útlit.  

  Maðurinn taldi sig vera illa og gróflega svikinn.  Hann sótti þegar í stað um skilnað frá flagðinu.  Samtímis kærði hann konuna fyrir að hafa af makalausri ósvífni leitt sig í gildru.  Dómarinn var manninum sammála.  Hann dæmdi konuna til að borga fórnarlambinu sömu upphæð og andvirði lýtalækninganna + álagi.  Samtals 14 milljónir ísl. króna.

 

 

 

 

 

 

 

 

 

  Hvað varð um að útlitið skipti ekki máli?  Það sé innrætið sem skipti máli.   Er fegurðardýrkunin ekki komin út í öfgar í Kína?  Þetta er ljót frétt.