Grallararnir í N-Kóreu gefa í

   Norður-Kórea er lokaðasta ríki heims.  Að vísu er ekkert mál að ferðast til landsins.  Ferðamenn fá meira að segja innfæddan leiðsögumann.  Jafnvel leiðsögumenn.  Þeir fylgja ferðamanninum eins og skugginn, vaka yfir honum dag og nótt og reyna að uppfylla óskir hans.  Langi ferðamanninn að kíkja á pöbb;  ekkert mál.  Langi hann að kíkja á karókí-bar;  ekkert mál.  Það skrítna er að á þessum stöðum er einungis starfsfólk.  Engir gestir aðrir en ferðamaðurinn og leiðsögumaður hans.  

  Það er fleira skrítið í N-Kóreu.  Eiginlega flest.  Innfæddir fá ekki að fara úr landi.  Hvorki sem ferðamenn til annarra landa né til brottflutnings.  Þeir sem reyna að laumast úr landi eru í vondum málum ef þeir eru staðnir að verki.  Þá tekur við vist í þrælkunarbúðum við hryllilegar aðstæður. 

  Þjóðin býr við mikla fátækt og hungur.  Dæmi um vandræðaganginn er að landið er meira og minna rafmagnslaust.  Það sést glöggt á gervihnattamyndum.

  N-Kórea er merkt inn með útlínu.  Sunnan við sést ljósadýrðin í S-Kórea og ennþá sunnar í Japan.  Norðan við er Kína.  

  Þrátt fyrir fátæktina býr elítan við lúxus og allsnægtir.  Pabbastrákarnir sem fæddust með silfurskeið í munni og hafa engan skilning á vondum kjörum almúgans. 

      Eilífðarforseti landsins er afi núverandi leiðtoga og faðir næsta leiðtoga þar á undan.  Sá dó fyrir aldur fram eftir margra ára fyllerí.  Hans stíll var að sitja allsnakinn og þamba fínasta koníak.  Þess á milli samdi hann öll helstu klassísku tónverk sögunnar og fann upp hamborgarann.  Núverandi leiðtogi,  Kim Jong-un,  er meira fyrir að leika sér í vatnsrennibrautum.  Í síðustu viku vígði hann stærsta vatnsrennibrautargarð í heimi.  Engu er til sparað svo elítan geti leikið sér.

  Það er margt einkennilegt ef rýnt er í myndirnar.  Lengst til hægri á næst neðstu myndinni endar vatnsrennibraut óvænt upp úr þurru í góðri hæð og fjarri sundlaug.  Á neðstu myndinni er krökkt af fólki,  stappað,  en ekki einn einasti bíll á rúmgóðu bílaplani.  Illar tungur hvísla að einhver í N-Kóreu sé búinn að læra á fótósjopp.  Rennibrautagarðurinn sé til í raunveruleikanum en ekki eins glæsilegur og myndirnar sýna.

  Annars er aldrei að vita.  Það er svo margt undarlegt í austri.  Vegir eru breiðir og rúmgóðir.  Hinsvegar er hending ef á þeim sést bíll.  Það eru tíðindi til næsta bæjar ef 2 eða 3 bílar sjást samtímis á götu.  Menn smella ljósmynd af svo sjaldgæfri sjón.  Engin eru götuljósin.  Rafmagnsleysinu um að kenna.  Lögregluþjónar stýra umferðinni.  Þeim er iðulega kalt vegna aðgerðarleysis.

  Til að spara bensín skiptast börn á að ýta skólarútunni.   

  Ólíkt föður sínum lætur Kim Jong-un ekki sjá sig með gleraugu.  Samt er hann mjög nærsýnn.  Í stað gleraugna notar hann kíki.  Honum þykir meiri reisn yfir því.

   

 

  

     

Sjö stjörnu lífsstíll Kim Jong-un

Kynlíf í eða utan hjónabands

  Í helgarblaði DV er fróðlegt og áhugavert viðtal við nokkrar íslenskar konur sem eru múslímar.  Þær eru giftar og eiginmenn þeirra eru einnig múslímar.  Það er allt hið besta mál.  Það er gott framtak hjá DV að kynna okkur sem erum ekki múslímar viðhorf þessa fólks á sem flestum sviðum. 

  Í viðtalinu kemur fram að konurnar voru hreinar meyjar þegar þær gengu í hjónaband.  Þær eru ánægðar með það og fullyrða að kynlíf í hjónabandi sé betra (en utan þess).  Hvernig vita þær það?  Hvernig fá þær samanburð?  

 

Loksins gift eftir fjögurra ára trúlofun

Broslega heimskir þjófar

  Í grófum dráttum skiptast þjófar í tvo flokka.  Í öðrum flokknum eru heimskingjar.  Þeir sem falla í þann flokk eru þjófar vegna heimsku.  Í hinum flokknum eru menn með meðalgreind eða rúmlega það.  Þeir eru siðblindir.  Þeir hasla sér helst völl á sviði banka eða stjórnmála.

  Heimsku þjófarnir eru skemmtilegri.  Þeir eru að auki ekki eins stórtækir.  

  Einn þjófurinn birtist í búðarlúgu á aktu-taktu skyndibitastað í Halifax.  Hann krafðist peninganna úr kassanum.  Afgreiðslumaðurinn svaraði því til að staðurinn opnaði ekki fyrr en eftir 10 mín.  Með þeim orðum taldi afgreiðslumaðurinn sig vera að upplýsa þjófinn um að það væru engir peningar komnir í kassann.  Þjófurinn misskildi þetta og sagði:  "Ég hinkra þá bara!"   Afgreiðslumaðurinn hringdi þegar í stað í lögguna.  Hún kom að vörmu spori og handtók þjófinn þar sem hann sat úti á vegarkanti og beið eftir því að skyndibitastaðurinn opnaði.    

  Annar þjófur ruddist inn í banka í Edinborg og krafðist 5000 punda (um milljón ísl. kr.).  Gjaldkerinn þóttist ekki heyra hvað hann sagði,  bað hann um að taka af sér grímuna og tala skýrar.  Við það komst styggð að þjófnum.  Hann hljóp út úr bankanum og inn í að næsta banka skammt frá.  Þar var biðröð við gjaldkerastúkuna.  Þjófurinn stillti sér upp í röðina sem styttist hægt.  Glöggur starfsmaður bankans hringdi á meðan í lögregluna og tilkynnti um mann með grímu.  Löggan mætti í skyndi og handtók þjófinn í þann mund sem röðin kom að honum.  

  Í Sussex á Englandi rölti öldruð veikburða kona með plastpoka.  Þjófur hljóp að henni,  hrifsaði af henni pokann og hljóp í burtu.  Í pokanum var nokkurra daga safn af hundaskít.  Gamla konan hefur þann hátt á að hirða samviskusamlega upp eftir hundinn sinn og safna í poka.  Þegar pokinn er fullur röltir kella með hann í grenndargám.   

  Í London lenti bankagjaldkeri í þrefi við vopnaðan þjóf með grímu.  Þjófurinn hafði rétt gjaldkeranum plastpoka og miða.  Á miðanum voru afskaplega illa skrifuð fyrirmæli sem áttu að vera:  "Put the money in the bag" (Settu peningana í pokann).  Gjaldkeranum sýndist sem stæði á miðanum "Put the honey in the bog" (Settu hunangið í mýrarfenið).  Gjaldkerinn,  hrekklaus og hjálpleg eldri kona,  benti þeim grímuklædda á að það væri heilsubúð í næsta húsi.  Þar gæti hann fengið hunang.  Við það "sprakk" ræninginn úr stressi og öskraði:  "Hvers vegna ætti ég að vilja hunang?"  Við hrópin rumskuðu aðrir starfsmenn bankans og hringdu í lögregluna.  Þegar lögreglan sveif inn í bankann með handjárn á lofti voru gjaldkerinn og ræninginn ennþá að þrefa.  Gjaldkerinn var í miðju kafi að upplýsa ráðvilltan ræningjann um mýkjandi eiginleika hunangs við hálsbólgu.  

Stálu í stað þess að bjarga

Hræðilegar niðurstöður um ökumenn

  Almennt eru Bretar betri,  þægilegri,  kurteisari og tillitssamari bílstjórar en Íslendingar.  Bretarnir þekkja bílinn sinn betur og vita til hvers hin ýmsu tæki og takkar í honum eru.  Þar munar mestu um stefnuljósið.  Flestir Bretar vita af því og meirihlutinn kann að nota það.  Rannsókn á hegðun breskra ökumanna er tæplega hægt að yfirfæra á íslenska ökumenn.  Samt er fróðlegt og merkilegt að skoða niðurstöðuna.  Rannsóknin náði til 2000 breskra ökumanna:

   Fjórðungur skilgreinir sig lélegan bílstjóra.  Algengasta klúðrið er að nota ekki stefnuljós,  hvorki á hringtorgum né þegar beygt er við gatnamót.    

  60% telja að þeir myndu ekki standast ökupróf ef þeim væri skellt í það í dag.

  70% viðurkenna að aka reglulega yfir leyfilegum ökuhraða.  Jafnvel stunda hraðakstur.

  Fjórðungur játar á sig ölvunarakstur.    

  Jafn margir hafa dottað undir stýri.  Kannski er samhengi þar á milli.

  Þriðjungur hefur keyrt utan í aðra bíla við að leggja í stæði eða aka úr stæði.  

  Það tók þennan bílstjóra innan við fimm mínútur að aka út úr bílastæði og út af bílaplaninu.  Það sem skipti mestu máli:  Hann rakst ekki utan í neinn bíl.   

Kvikmyndarumsögn

 

 

 

 

 

 

 - Titill:  Málmhaus

 - Höfundur og leikstjóri:  Ragnar Bragason

 - Leikarar:  Þorbjörg Helga Dýrfjörð,  Ingvar E. Sigurðsson,  Halldóra Geirharðsdóttir,  Sveinn Ólafur Gunnarsson

 - Einkunn: **** (af 5)

  Myndin er ólík því sem ég hélt.  Ljósmyndir af aðalpersónunni,  Heru Karlsdóttur (Þorbjörg Helga Dýrfjörð),  með andlitsfarða að hætti norskra svartmálmshausa og nafn myndarinnar gáfu vonir um að svartmálmi væri gert hátt undir höfði.  Sú er ekki raunin.  Rokkmúsík er sparlega notuð.  Uppistaðan af henni er laufléttur popp-metall.  Það er ekki fyrr en undir lok myndarinnar sem Hera syngur og spilar svartmálmsslagara.  Sá er frábær!  Ég hlakka til að kaupa hann á plötu og hlusta oftar á hann.  Þó ekki sé nema fyrir þetta eina lag er góð ástæða til að skreppa í kvikmyndahús.  En það kemur fleira til.  Hera syngur og spilar annað lag,  ljúfa ballöðu,  í lok myndar.

  Myndin gerist í sveit.  Bóndasonurinn á bænum,  Baldur,   er þungarokkari og spilar á gítar í hljómsveit.  Við fáum ekki að heyra í hljómsveitinni;  sjáum aðeins ljósmynd af henni.  Einn sólléttan sumardag ekur hann á dráttarvél um tún.  Aftan á vélinni er heyþyrla.  Drifskaftið er bert og óvarið.  Það er bannað.  Á sjöunda áratugnum þegar síða hippahárið var málið ollu hlífðarlaus drifsköft dauðsföllum.  Þegar drifskaft nær hárlokki er það fljótt að rífa höfuðleðrið af viðkomandi.  Þetta er einmitt það sem hendir Baldur.  Hann ekur yfir ójöfnu á túninu og hárið flækist í drifskaftinu.

  Hera systir hans verður vitni að slysinu.  Hún er 12 ára.  Hún og foreldrar þeirra ná ekki að vinna úr sorginni.  Þau festast í sorginni,  döpur,  þögul og sinnulaus.  Þetta er drama.  Árin líða.  Hera leitar huggunnar í að hlusta á plötusafn Baldurs og spila á gítarinn hans.  Sorgin fléttast saman við "gelgjuna":  Mótþróa,  uppreisn og stjórnleysi.  

  Hera fær áhuga á norskum svartmálmshausum þegar Bogi Ágústsson les frétt um þá í Sjónvarpinu.  Fréttin sagði frá dómum sem þeir fengu fyrir kirkjubrennur og morð.   

  Dramað í myndinni er létt upp með einstaka brandara og broslegu atviki.  Margt ber til tíðinda.  Sagan er trúverðug.  Þökk sé góðum og sannfærandi leik.  Mest mæðir á Þorbjörgu Helgu.  Hún vinnur feitan leiksigur og hlýtur að fá Edduna.  Hlutverkið er margbrotið og krefst margs umfram leikræna hlutann.  Gítarleikur hennar er fínn,  söngurinn snilld,  "slammið" flott...  Það er sama hvar borið er niður:  Hún neglir þetta allt niður.  Hún er jafn trúverðug sem illa áttuð unglingsstelpa og málmhaus sem gefur skít í allt og alla.  Áhorfandinn hefur samúð með henni og sýnir öfgafullum uppátækjunum skilning.  Þorbjörg Helga er stórkostlegur leikari.  

  Persónan sem Sveinn Ólafur leikur er sterkt útspil í framvindu sögunnar.  Sá, ja, klunnalegi og grunni karakter leggur til grínið og dregur fram ennþá fleiri hliðar á Heru.  Hliðar sem hlaða undir skilning á persónunni og trúverðugleika hennar.   

  Það er ekki gott að staðsetja sögusviðið í tíma.  Og kannski óþörf smámunasemi að reyna það.  Upphaf myndarinnar gæti gerst snemma á níunda áratugnum eða fyrr.  Þetta er á dögum vinylplötunnar og kassettutækisins.  Fréttir af norskum svartmálmshausum hafa varla ratað í íslenska fréttatíma fyrr en um miðjan tíunda áratuginn. 

  Í kynningartexta um myndina er gefið upp að sögusviðið í byrjun sé 1970.  Það passar ekki.  Þá voru hljómsveitir eins og Iron Maiden og Ac/Dc ekki til, né heldur ýmsar aðrar sem koma við sögu.  Þetta skiptir engu máli.  Þetta er áhugaverð bíómynd en ekki sagnfræði.         

  Myndataka er alveg ljómandi góð og klipping Valdísar Óskarsdóttur afbragð.  Þegar andlegt svartnætti persónanna liggur í þunglyndi er áferðin grá og drungaleg.  Reyndar lengst af.   

  Það segir eitthvað um kvikmyndina að frá því að ég sá hana þá hefur hún sest að í hausnum á mér.  Ég rifja upp senur úr myndinni og langar ákaflega mikið til að heyra aftur rokklagið með Heru/Þorbjörgu.  Það er svo meiriháttar flott.      

      

     

Hræddi börn í Húsdýragarðinum

Veitingahússumsögn

 

  - Veitingastaður:  Salatbarinn,  Faxafeni 9 í Reykjavík

  - Réttur:  Hlaðborð

  - Verð:  1800 kr.

  - Einkunn:  **** (af 5)

  Hlaðborð margra veitingastaða er góður kostur.  Mörg asísk veitingahús bjóða upp á hlaðborð á ágætu verði (1400 - 1600 kr.).  Sjávarbarinn á Grandagarði býður upp á glæsilegt sjávarréttahlaðborð á 1600 kr.  Salatbarinn á Hótel Cabin er einnig góður kostur. 

  Salatbarinn í Faxafeni er örlítið dýrari en hinir.  Í samanburði við salatbarinn á Hótel Cabin er verðmunurinn réttlátur.  Á Hótel Cabin kostar hádegishlaðborðið 1490 kr. (kvöldverður 1850 kr.).  Hér fyrir neðan má lesa um salatbarinn á Hótel Cabin.  Af öllum hlaðborðum er samanburður á Salatbarnum í Faxafeni og salatbarnum á Hótel Cabin eðlilegastur.  Þeir eru líkastir.  

  Salatbarinn í Faxafeni býður upp á fleiri heita rétti.  Salatbarinn á Hótel Cabin er aðeins með einn heitan rétt (oftast kjúklingavængi eða kjötbollur í brúnsósu).  Salatbarinn í Faxafeni er með marga heita rétti:  Steiktan fisk,  kjötbollur í brúnósu,  rjómapasta með skinku eða grænmeti,  kjúklingabita,  kjúkling í sósu (seasame eða tikka masala eða mango eða teriyaki...),  soðnar skrældar kartöflur,  sætar kartöflur,  grænmetisblöndu,  steiktan lauk,  brokkoli gratín,  lasagna með kjöthakki eða grænmeti,  núðlur með kjöti,  kartöfluklatta,  fylltar kartöflurúllur...

  Heitu réttirnir eru mismunandi eftir dögum.   Suma daga er lambalæri,  bearnaise sósa og brúnaðar kartöflur.  Steiktu fiskréttirnir eru jafnan spennandi:  Karfi eða langa eða steinbítur eða smjörsteiktur þorskur...

  Hægt er að velja á milli tveggja tegunda af súpu.  Oftast er önnur mexíkönsk kjúklingasúpa.  Hin getur verið sveppasúpa eða aspassúpa eða brokkolísúpa eða blómkálssúpa.  Nýbakað grófkorna brauð fylgir.

  Sjálfur salatbarinn er eins og best verður á kosið.  Gott úrval af grænmeti,  baunum,  túnfiski,  sólþurrkuðum tómötum,  niðursoðnum ávöxtum,  ferskum ávöxtum,  soðnum eggjum...  Og gott úrval af köldum sósum.

  Salatbarinn er snyrtilegur staður í milliklassa.  

 

 

 

 

 

 

 

 

 

 

Síðustu 10 umsagnir:

 Hótel Cabin:  http://jensgud.blog.is/blog/jensgud/entry/1309370/

Grillmarkaðurinn:  http://jensgud.blog.is/blog/jensgud/entry/1298062

Ruby Tuesday:  http://www.jensgud.blog.is/blog/jensgud/entry/1296771/

Grill 66:  http://www.jensgud.blog.is/blog/jensgud/entry/1296313/

Prikið:  http://www.jensgud.blog.is/blog/jensgud/entry/1288948/

Noodle Station:  http://jensgud.blog.is/blog/jensgud/entry/1287104

Benzin Café:  http://www.jensgud.blog.is/blog/jensgud/entry/1284984/

Pizza King:  http://www.jensgud.blog.is/blog/jensgud/entry/1282151/

Ikea:  http://www.jensgud.blog.is/blog/jensgud/entry/1280116/

Fljótt og gott:  http://www.jensgud.blog.is/blog/jensgud/entry/1279446/

Einelti er glæpur

  Það er fyrir löngu síðan tímabært að einelti verði tekið föstum tökum sem glæpsamleg hegðun.  Einelti á að skilgreina sem glæpsamlegt ofbeldi og gerendur gerðir ábyrgir.  Líka þegar um börn á skólaaldri er að ræða.  Það þarf að gera kennara og aðra skólastjórnendur ábyrga fyrir því að einelti sé meðhöndlað sem glæpsamlegt athæfi og enginn afsláttur veittur frá því.

  Það er óþolandi að eineltismál séu leyst með því að fórnarlambi eineltis sé gert að skipta um skóla.  Það er skólaskylda og ÖLLUM á að líða vel í skólanum sínum.  Það á að vera gaman að vera í skóla.  Það á að vera tilhlökkun alla morgna að mæta í skólann.  Grunnskólaár eiga að vera samfelld skemmtun.      

  Með samstilltu átaki er hægt að útrýma einelti út úr öllum skólum.  Það gerist með því meðhöndla einelti eins og hvert annað glæpsamlegt ofbeldi. 

  Ég held og vona að í flestum skólum sé einelti ekki vandamál.  Engu að síður er óþægileg staðreynd að í sumum skólum er einelti viðvarandi árum og áratugum saman.  Jafnvel eru dæmi þess að kennari sé forsprakki eineltis.  

  Sú staða sem meðfylgjandi myndband sýnir á ekki að þurfa að koma upp.  Pattaralegi strákurinn sem lagður er í einelti bregst seint og síðar meir til varnar og tekur í hnappadrambið á hrekkjusvíninu.  Ofbeldisseggurinn hafði níðst á honum árum saman.  Pattinn lét það yfir sig ganga þangað til hann "snappaði" eins og myndbandið sýnir.  Jú, jú,  gott á hrekkjusvínið.   En breytir engu um að þessi staða á ekki að þurfa að koma upp. 

 

„Drekktu klór og dreptu þig“

Flugbíll á göturnar og í loftið eftir rúmt ár

  Þú ferð út í bíl að morgni.  Bíllinn reynist vera innikróaður.  Öðrum bílum hefur verið lagt of nálægt framan við og aftan við.  Jafnframt hefur snjóruðningstæki rammað bílinn inn með myndarlegum snjógarði.  Þarna kæmi sér vel að geta hafið bílinn á loft eins og þyrlu og flogið á áfangastað.  Þetta er ekki neitt sem þarf að bíða eftir fram á næstu öld.

  Eftir aðeins rúmt ár kemur svona flugbíll á almennan markað.  

  Til að byrja með verður hægt að velja á milli tveggja tegunda.  Minni tegundin sem almenningur kemur til með að kaupa heitir TF-X.  Hún er tveggja manna,  kostar svipað og er álíka rúmfrek í bílskúr og algengustu jeppar.

  Þegar bíllinn hefur sig lóðrétt á loft þá liggja vængirnir þétt með hliðum hans.  Alveg eins og þegar fugl hefur slíðrað vængi sína.  Yst á vængjum bílsins eru súlur með svörtum spöðum (sjá mynd).  Súlurnar fara í lóðrétta stöðu,  snúast á ógnarhraða, spaðarnir spennast út og mynda hreyfil (eins og þyrluspaðar).  

  Eftir að bíllinn er kominn í æskilega flughæð eru vængirnir réttir af og súlurnar á endunum leggjast láréttar niður.  Bíllinn svífur eins og fugl.  Aftan á bílnum er hreyfill sem hjálpar til við flugið.  

  Bílnum er lagt á sama hátt og við flugtak.  Reyndar er líka hægt að taka hann á loft og lenda honum á sama hátt og flugvél.  En það kallar á gott rými fyrir útspennta vængina. 

  Bílarnir verða með sjálfstýringu eins og flugvélar.  

  Ætla má að ýmsar spurningar kvikni þegar bíllinn kemur á markað 2015.  Dugir hefðbundið ökuskírteini til að stjórna flugbíl?  Kallar þetta á einhverskonar blöndu af flug- og ökuskírteini?

  Þegar bíllinn er á lofti eiga þá umferðarreglur ökutækja að gilda eða þarf nýjar reglur?  Á lofti eru bílarnir ekki einskorðaðir við vinstri og hægri heldur þarf einnig að taka tillit til bíla fyrir ofan og neðan.

  Samfélagslegir ávinningar af flugbílavæðingu eru margir.  Mestu munar um að flugbílar létta á umferðarþunga og draga stórlega úr sliti á malbiki.

  Það verður heldur betur gaman hjá nefndarfíknum embættismönnum að sitja fundi um breyttar reglur vegna flugbílanna.     

Naut ásta með þúsund bifreiðum

Það er auðvelt að stýra aldrinum

  Aldur er teygjanlegra hugtak en orðið strax.  Strax þýðir + eða - 4 til 5 ár.  Hjá þokkalega fullorðnu fólki getur aldur verið + eða - 10 til 15 ár borinn saman við aldur sem afmælisdagar telja.  Tvær sjötugar manneskjur geta verið á mjög ólíkum aldri andlega og líkamlega.  Sumir eru ungir í anda.  Jafnvel barnalegir.  Fjörmiklir stuðboltar og alltaf til í sprell.  Þetta fólk finnur engan mun á hugsun sinni og viðhorfum frá því 10 - 15 árum áður. 

  Oft fer það saman að þetta fólk er unglegt í útliti og hreyfingum.  Það setur ekki fyrir sig aldur þegar löngun kviknar til að flandra um útlönd eða skokka upp á fjöll.  Það hugsar einfaldlega ekkert út í aldur.  Það tekur heldur ekkert eftir því að samferðamenn eru iðulega miklu yngri.

  Svo eru það hinir.  Þessir sem fæðast gamlir.  Strax á unglingsárum tala þeir eins og gamalt fólk;  hlusta á sömu músík og gamalt fólk;  klæðast eins og gamalt fólk og hegðar sér eins og gamalt fólk.  Sálin gránar á undan hárunum. 

  Upp úr miðjum aldri sest þetta fólk á helgan stein.  Það dregur sig í hlé.  Hættir að sækja skemmtanir.  Fussar og sveiar og hneykslast á ungdómnum.  Þetta fólk kveikir alltof snemma á lendingarljósunum.  Það býr sig undir aðflug mörgum áratugum of snemma.

  Hugurinn ber menn hálfa leið.  Í hvora áttina sem er.  En það er líka hægt að hafa líffræðileg áhrif á líkamsklukkuna.  Til að mynda með því að borða beikon í öll mál.  Það sýnir ný rannsókn.  Beikon færir klukkuna aftur um 10% í það minnsta.  Það sem meira er:  Efnið í beikoni sem hefur þessi áhrif er níasín.  Einnig kallað B13.  Það merkilega er að fram til þessa hefur níasín verið talið hraða öldrun.  En í tilfelli beikons eru áhrifin þveröfug.  

  Kostirnir við beikon eru fleiri.  Það er hægt að steikja heilan vikuskammt af beikoni á einu bretti.  Beikon er ekkert verra snætt kalt.  Þetta sparar uppvask.  Morgunmatur,  hádegismatur,  kvöldmatur,  millimálasnarl.  Bara grípa nokkrar vænar beikonsneiðar hvenær sem er.  Þetta er fingramatur sem kallar ekki á hnífapör eða diska.  

  Önnur öflug yngingaraðferð er að skúra gólf.  Hún er vel þekkt.  Kiddi Vídíófluga á Egilsstöðum byrjaði nýverið að skúra reglulega gólf í bensínsjoppu.  Hann vottar að hann hafi yngst um mörg ár við það.  

  Skúringar og beikon eru lykill að langlífi.  Skemmtun og bragðgóður biti á einu bretti. 

 

 

 

Óttist ekki aldurinn!

Færeyskt lag í 1. sæti á bandaríska vinsældalistanum

  Það er ekki á hverjum degi sem færeyskt lag er í toppsætinu á bandaríska internetvinsældalistanum og þriðja sæti á bandaríska almenna vinsældalistanum.  Þetta gerist ekki einu sinni annan hvern dag.  En þetta var nú bara að gerast.  Og gæti gerst aftur.  

  Þannig er að á dögunum kom út plata með bandarísku söng- og leikkonunni Cher.  Platan heitir Closer to the Truth.  Öflugasta lag plötunnar heitir My Love.  Það er eftir færeysku söngkonuna og söngvahöfundinn Gretu Svabo Bech.  

  Closer to the Truth er 26. plata Cher.  Jafnframt hennar fyrsta plata í 12 ár.  Gríðarlegur spenningur var fyrir plötunni.  Hún flaug í toppsæti bandaríska internetvinsældalistans,  3ja sæti digitalvinsældalistans (plötur seldar í stafrænu formi) og 3ja sæti almenna bandaríska vinsældalistans (plötur seldar í föstu formi).  

  Platan hefur verið ofarlega á sölulistum víðar um heim.  Til að mynda er hún í 11. sæti kanadíska vinsældalistans,  13. sæti ástralska digitalvinsældalistans, 17. sæti ástralska almenna vinsældalistans,  19. sæti ítalska almenna vinsældalistans og 20. sæti ungverska almenna vinsældalistans.   

  Stelpan í Miðvági í Færeyjum er í góðum málum. 

  Meira má lesa um Gretu með því að smella á þennan hlekk:  http://jensgud.blog.is/blog/jensgud/entry/1311692/

  Greta er miklu betri söng- og tónlistarkona en Cher.

  

Kvikmyndarumsögn

  - Titill:  Hross í oss

  - Höfundur handrits og leikstjóri:  Benedikt Erlingsson

  - Leikarar:  Ingvar E. Sigurðsson,  Charlotte Böving,  Steinn Ármann Magnússon,  Kjartan Ragnarsson,  Helgi Björnsson

  - Framleiðandi:  Friðrik Þór Friðriksson

  - Einkunn: ****1/2 (af 5)

   Í stuttu máli er Hross í oss sveitaróman með gamansömu ívafi.  Kynferðisleg spenna liggur í loftinu.  Annarsvegar á milli konu á einum sveitabæ og manns á öðrum bæ.  Hinsvegar á milli stóðhests í eigu konunnar og meri í eigu mannsins.  

  Fleira ber til tíðinda í litlu sveitinni.  Þar á meðal tíð óhöpp og dauðsföll manna og hrossa (tíð í því samhengi að þetta er fámenn sveit).    

  Mörg skondin atriði dúkka upp sem laða fram bros.  Inn á milli eru nokkur meinfyndin.  

  Auglýsingamyndin af stóðhesti á meri með mann á baki skemmir fyrir áhorfandanum.  Sú sena væri miklu fyndnari ef hún kæmi á óvart.  Skaðinn er samt ekki meiri en svo að þetta er engu að síður bráðfyndið atriði.  Þar fyrir utan er ljósmyndin af því svo mögnuð að fullur skilningur er á notkun hennar.

  Myndin er óður til hrossins.  Hver senan á fætur annarri sýnir hross skeiða tignarlega.  Þar af eru margar nærmyndir af fótaburðinum.  Líka af auga hests.  Við fáum að sjá glannalega sundreið.  Allt er það hið besta augnkonfekt,  svo og íslenska landslagið.  

  Myndin er hæg.  Samtöl fá.  Falleg myndataka,  góð tæknivinna,  fínn leikur.  

  Ég er sannfærður um að útlendingar munu auðveldlega hrífast mjög af Hross í oss.       

Kröfuharkan eykst

  Gamaldags umburðarlyndi og frjálslyndi eru á hröðu undanhaldi.  Þess í stað vaða smámunasemi og sérviskuleg kröfuharka uppi sem aldrei fyrr.  Það er eiginlega sama hvar borið er niður.  Þetta er allsstaðar og allt á eina bókina lært.  Til að mynda er íslenskt flugfélag að auglýsa þessa dagana eftir flugmönnum til vinnu.  Í auglýsingunum er tekið fram að umsækjendur þurfi að vera með gilt flugskírteini.

  Svona "tiktúrur" eru ekki bundnar við Ísland,  fremur en svo margt annað.   Frá Danmörku berast  fréttir um hliðstæða öfugþróun.  Þarlent safnaðarráðið er farið að taka fram í auglýsingum eftir prestum að þeir þurfi að trúa á guð.     

Gott og gleðilegt framtak.

  Breska dægurlagahljómsveitin Bítlarnir (The Beatles) er virtasta og vinsælasta hljómsveit sögunnar.  Hljómsveitin var skammlíf en skildi eftir sig aragrúa af ódauðlegum og sívinsælum söngvum.  Fyrsta plata Bítlanna,  Please Please Me,  kom út 1963.  Síðasta plata Bítlanna,  Abbey Road, var hljóðrituð 1969 og kom út það ár.  Þá var hljómsveitin hætt.  Snemma árs 1970 kom út platan Let It Be.  Hún var uppsóp af mismikið frágengnum hljóðritunum frá janúar 1969.

  Á ferlinum sló hljómsveitin ótal sölumet sem flest standa enn í dag - þrátt fyrir að plötusala og markaðurinn hafi margfaldast að umfangi á þeirri hálfu öld sem liðin er frá útgáfu fyrstu plötu Bítlanna.  Viðskiptavild Bítlanafnsins og liðsmanna hljómsveitarinnar er risastór.  Unglingar jafnt sem ellilífeyrisþegar kannast við nöfnin John Lennon,  Paul McCartney,  George Harrison og Ringo Starr.  

  Bítlarnir spiluðu aldrei á Íslandi.  Enda hætti hljómsveitin hljómleikastússi 1966 og læsti sig inni í hljóðveri eftir það. 

  Á undanförnum árum hafa Bítlarnir og Ísland fléttast saman,  æ ofan í æ,  hægt og bítandi,  fastar og þéttar.  Fyrst var það Ringo.  Hann kom til Íslands 1984 og spilaði með Stuðmönnum um verslunarmannahelgi í Atlavík.   

  Sama ár fóru launþegar á Íslandi í langt og mikið verkfall.  Mig minnir að það hafi bæði verið BSRB og starfsfólk á fjölmiðlum sem stóðu að því.  Baráttufundur var haldinn á Lækjartorgi.  Fundinum barst skeyti frá ekkju Johns Lennons,  Yoko Ono.  Í því sendi hún fundinum baráttukveðjur.  Fyrst héldu menn að um sprell væri að ræða.  En það tókst að sannreyna að skeytið væri frá Yoko.  Hún átti íslenska vini í myndlistageiranum, hafði fengið áhuga á Íslandi og fylgdist náið með íslensku samfélagi.  

  Nokkrum árum síðar setti Yoko upp stórkostlega myndlistarsýningu á Kjarvalsstöðum.  Hún er frumleg, djörf og hugmyndarík myndlistakona.   Nokkrum árum þar á eftir setti Yoko upp myndlistarsýningu á sama stað með myndverkum Johns Lennons.  Hann var lunkinn teiknari með skemmtilega einfaldan stíl.  

  Fyrir 13 árum kom Paul McCartney til Íslands.  Hér dvaldi hann um hríð.  Ferðaðist um landið með þáverandi eiginkonu sinni.  Svo leiðinlega vildi til að íslenskir ljósmyndarar sýndu Paul frekjulega aðgangshörku.  Það lagðist illa í Paul og hann hefur ekki komið hingað síðan.  Hafi ljósmyndararnir skömm fyrir ókurteisina.  Kannski var þetta bara einn ljósmyndari.  Hinsvegar breytti Paul texta lagsins Why Don´t We Do It In The Road frá og með Íslandsheimsókninni.  Eftir það hefur hann jafnan sungið textann "Why don´t we do it in the Fjörðs".  

 

  2007 vígði Yoko Ono merkilega ljósasúlu í Viðey,  Friðarsúluna.  Á ensku heitir súlan Imagine Peace Tower.  Hún er kennd við þekktasta lag Johns Lennons,  Imagine.  Reist til minningar um Lennon og friðarboðskap hans.

  Friðarsúlan hefur fengið mikla umfjöllun í poppmúsíkblöðum og -fjölmiðlum um allan heim.  Ef "Imagine Peace Tower" er "gúgglað" innan gæsalappa koma upp á aðra milljón síður.  Ef gæsalöppunum er sleppt koma upp 28 milljón síður.  Súlan er nefnilega oft aðeins kölluð Imagine Peace.  

  Yoko hefur ætíð sjálf verið viðstödd þegar kveikt er á Friðarsúlunni á fæðingardegi Johns Lennons,  9. október.  Sonur þeirra Johns,  Sean Lennon,  er jafnan með í för (og á afmæli sama dag),  ásamt Ringo og ekkju George Harrisons.

  Yoko og Sean Lennon eru miklu oftar á Íslandi en þegar Friðarsúlan er tendruð.  Þau troða reglulega upp á Iceland Airwaves með hljómsveitinni Plastic Ono Band,  hljómsveitinni sem John Lennon setti saman eftir að Bítlarnir hættu.  Plastic Ono Band spilaði á sólóplötum hans og sólóplötum Yokoar.  Liðsskipan Plastic Ono Band er losaraleg.  George Harrison,  Ringo Starr og Eric Clapton voru í Plastic Ono Band.  Á hljómleikum Plastic Ono Band á Íslandi hafa m.a. verið gítarleikarar Wilco og Sonic Youth,  svo og Lady Gaga.   

  Yoko Ono hefur veitt við hátíðlega athöfn í Reykjavík friðarverðlaun Johns Lennons.  Í fyrra veitti Lady Gaga þeim viðtöku.  

  Starfsmaður á Hilton hótelinu (sem lengst af hét Hótel Esja) við Suðurlandsbraut sagði mér að Yoko og Sean væru mun oftar á Íslandi en við áðurnefnd tilefni.  Þau séu með annan fótinn á Íslandi.

  Á heimasíðu Yokoar og á Fésbók er Yoko ólöt við að hampa Íslandi.  Þegar íslensk yfirvöld hófu auglýsingaátakið Ispired By Iceland í kjölfar vandræða vegna eldgosins í Eyjafjallajökli var gert út á skemmtilegt myndband um Ísland.  Helmingurinn af spilun og deilingu á myndbandinu var í gegnum heimasíðu Yokoar.  

  Einkasonur George Harrisons,  Dhani,  er tíður gestur á Íslandi.  Hann er giftur íslenskri konu,  Sólveigu Káradóttur (Stefánssonar í Íslenskri erfðagreiningu).  Ég er ekki alveg viss en mig minnir að Þórunn Antonía Magnúsdóttir hafi sungið með hljómsveit hans.  Einnig rámar mig í að hljómsveit hans hafi spilað á Airwaves.            

  Það var gott og gleðilegt framtak hjá borgarstjórn Reykjavíkur að gera Yoko Ono,  ekkju bítilsins Johns Lennons,  að heiðursborgara Reykjavíkur.  Vel við hæfi og undirstrikar skemmtilega sívaxandi samfléttun Bítlanna og Íslands.  

   

„Eðlilegur þakklætisvottur“

Poppstjörnur sem vilja ekki verðlaun og titla

  Flestu fólki þykir gott að fá viðurkenningu.  Eiginlega sama fyrir hvað.  Klapp á kinn í formi orðu,  titils eða sigurs í vali eða útnefningu fyrir eitthvað.  Það þykir heldur betur fínt að vera handhafi Grammy-verðlauna,  Eddu-verðlauna,  MTV-verðlauna og hvað þau heita öll þessi verðlaun sem fjölmiðlar gera svo mikið úr.

   Svo eru það hinir sem gagnrýna allt svona pjátur og prjál.  Hæðast að handhöfum fálkaorðu og "sir" titilsins breska.  Þegar söngvari Rolling Stones var aðlaður með "sir" titlinum fussaði gítarleikarinn Keith Richards og hæddi Mick Jagger fyrir að taka við titlinum.  Keith þótti þetta vera algjörlega á skjön við allt sem rokk stendur fyrir.  Mick svaraði gagnrýni Keiths á þá leið að það væri auðvelt fyrir þá að gelta sem aldrei kæmi til greina að aðla.

 

   Þegar betur er að gáð þá má finna poppstjörnur sem boðist hafa titlar, orður, verðlaun og annað slíkt en neitað að veita því viðtöku.  Eða skila prjálinu.  Það gerði til að mynda bítillinn John Lennon.  Hann á afmæli á morgun.  Fyrir mörgum áratugum fengu Bítlarnir MBE orður úr hendi Bretadrottningar.  Nokkrum árum síðar skilaði John Lennon sinni orðu í mótmælaskyni við hernað Bretlands í Biafra (að mig minnir) og því að lag hans,  Cold Turky,  var að lækka á breska vinsældalistanum.  Frábær Lennon-blús. 

  Færri vita að David Bowie hefur í tvígang hafnað öðlun og orðu úr hendi Bretadrottningar.  Í annað skiptið átti hann að fá CBE orðuna.  Í hitt skiptið átti að slá hann til riddara og veita honum "sir" titil.  Í hvorugt skiptið vildi Bowie að fjölmiðlar gerðu sér mat úr tíðindunum.  Það yrði túlkað sem hann væri að slá sér upp á því að vera í uppreisn.  Sem hann er ekki (þrátt fyrir flott lag,  Rebel, Rebel).  Hann veit einfaldlega ekkert fyrir hvað orðan og "sir" titillinn standa.  Hann langar ekki að vita það.  Þetta er fyrir utan hans áhugasvið.  Hans áhugamál er tónlist en ekki titlatog.  Hann lætur slíkt eftir Sir Paul McCartney,  Sir Elton John,  Sir Cliff Richard og Sir Mick Jagger  Það "böggar" hann ekkert að þeim þyki þetta fínt.  Hann er tónlistarmaður á öðrum forsendum.  

  1996 átti að veita Nick Cave MTV-verðlaun sem besti karlkyns tónlistarmaðurinn.  Plata hans,  Murder Ballads,  hafði slegið rækilega í gegn.  Þegar Nick barst boð um að mæta til að veita verðlaununum móttöku skrifaði hann stjórnendum MTV langt bréf.  Hann þakkaði heiðurinn en afþakkaði hann jafnframt.  Sagðist ekki vera í keppni við einn né neinn.  Hann gæti ekki orðið sigurvegari í keppni án sinnar þátttöku.    

  Í fyrra stóð til að vígja Guns N´ Roses formlega inn í Frægðarhöll rokksins með tilheyrandi lúðrablæstri, ræðuhöldum og öðru slíku.  Söngvarinn,  Axl Rose,  brást hinn versti við og settist við skriftir.  Í harðorðu bréfi til stjórnenda Frægðarhallarinnar frábað hann sér að vera vígður þangað inn og harðbannaði að nokkur maður myndi samþykkja innvígslu fyrir sína hönd eða mæla fyrir sinn munn.  Bannið gilti jafnt um starfsmenn útgáfufyrirtækis hans,  starfsmenn Frægðarhallarinnar og aðra liðsmenn Guns N´ Roses.    

  Breska pönksveitin Sex Pistols brást við á líkan hátt þegar vígja átti hljómsveitina inn í Frægðarhöllina.  Í bréfi til stjórnenda hallarinnar sagði:  "Ykkar safn.  Piss í víni.  Við mætum ekki.  Við erum ekki apakettirnir ykkar eða hvað?"

Smásaga um ofbeldi

 Maður á fertugsaldri var í morgun dæmdur í níu mánaða fangelsisvist.  Þar af átta skilorðsbundna.  Um var að ræða afar gróft og hrottalegt ofbeldi án tilefnis.  Eða öllu heldur vegna neyðarlegs misskilnings.  Árásarmaðurinn réðist fyrirvaralaust á fórnarlambið er þeir mættust á gangstétt.  Sló hann í andlitið með þeim afleiðingum að hann rotaðist.  Þá stappaði árásármaðurinn á höfði hans og sparkaði víðsvegar í líkamann.  Afleiðingarnar urðu höfuðkúpubrot,  nefbrot,  brotinn kjálki,  brotin rifbein,  varanlegar sjóntruflanir,  þrálátur höfuðverkur og skemmt bak. 

  Dómarinn er elsti starfandi dómari landsins.  Hann er 72ja ára.  Það voru gerð við hann starfslok fyrir 12 árum.  Hann hélt þó áfram að mæta til vinnu á hverjum virkum degi.  Líka þegar frídaga ber upp á virka daga.  Þá mætir hann á slaginu klukkan 10.  Hann bankar fyrst lengi á dyr og hamast á dyrahúninum.  Þegar líður á dag byrjar hann að sparka í dyrnar.  Undir lok dags fer hann að góla formælingar ætlaðar meintu starfsfólki innan dyra.  Á slaginu klukkan 15.00 snýr hann heim á leið og heldur áfram formælingum.

  Dómshald vegna líkamsárásarinnar gekk hratt og vel fyrir sig.  Það voru lögð fram læknisvottorð og öllum bar saman um atburðarrás.  Hrólfur hrotti kvaðst iðrast gjörða sinna sárlega og lofaði að gera þetta ekki aftur. Hann hafði tekið feil á Palla pylsu og systur sinni.  Þau eru nefnilega bæði ljóshærð.  Eini munurinn er sá að systirin er með sítt krullað hár en Palli pylsa krúnurakaður.  Hrólfur gat ekki vitað nema systirin hefði farið í klippingu.  Þar fyrir utan var Palli pylsa í svipuðum jakka og systirin.  Bara smá litamunur.  Jakkinn hans Palla var stuttur og bleikur en jakki systurinnar hvítur frakki. 

  Hrólfur taldi sig eiga óuppgerðar sakir við systur sína.  Hún hafði reynt að sannfæra kærustu Hrólfs um að hann væri rangeygur og með stór útstæð eyru.  Þar fyrir utan skuldaði hún honum tvær sígarettur.  Hann taldi brýnt að kæfa endurgreiðslufælni hennar á sígarettum niður áður en hún yrði kækur.  Dómarinn hafði skilning á þessu sjónarmiði.  Hann gætir þess vandlega sjálfur að láta engan skulda sér neitt.  Hann rifjaði upp fyrir dómsal þegar skólabróðir hans í barnaskóla skilaði honum ekki snjóbolta sem hann lánaði honum einn daginn.  Skólabróðirinn bar því við að allur snjór hefði horfið af jörðu nóttina eftir lánið.  Þess vegna væru ekki hægt að endurgjalda snjóboltann.  Dómarinn tók fram og lagði þunga áherslu á að skilvísi ætti að ganga fyrir öllu.  Að skýla sér á bak við afsakanir væri ódrengilegt.  Hann hefði neyðst til þess að beita skólabróðir sinn dagsektum.  Þær fólust í því að borða nestið hans á hverjum skóladegi.  Skólabróðirinn var ósáttur við þetta.  Innheimta dagsekta kostaði fyrir vikið fantaleg slagsmál alla dagana.  En undan henni var ekki komist.  Það hjálpaði að aldursmunur var á drengjunum.  Sá skuldugi var 3 árum yngri.  Það munar um 3 ár þegar annar er 9 ára og hinn 6 ára.  Þetta var eldri drengnum engin skemmtun.  Fjarri því.  Ekki nema fyrstu tvær vikurnar.  Eftir það fékk hann leiða á einhæfu nesti stráksins.  Alltaf rúgbrauð með kæfu.  Hann gaf stráknum ströng fyrirmæli um að fá foreldrana til að hafa nestið fjölbreyttara.  Fyrirmælin voru virt að vettugi.  

  Á meðan dómarinn rifjaði söguna samviskusamlega upp eftir bestu vitund myndaðist kurr í salnum.          Frammíköll og annar hávaði setti dómarann út af laginu.  Hann komst í uppnám og tapaði andlegu jafnvægi.  Snöfurlega kvað hann upp dóminn:  "Palli pylsa er dæmdur í níu mánaða fangelsi.  Þar af átta skilorðsbundna.  Hann skal borga allan útlagðan kostnað við dóm þennan."  Dómarinn sló hamrinum í borðið og hljóp þegar í stað út úr dómssalnum.  Hávaðinn og köllin í viðstöddum mögnuðust.  Allt rann saman í einn klið.  Þetta var eins og fuglabjarg.  Dómarann langaði til að kaupa sér pylsu í Bæjarins bestu og hlakkaði til.  Þess vegna var asi á honum.

  Áður en hann slapp úr húsi náðu saksóknari,  lögfræðingur,  og dómvörður að króa hann af.  Saksóknarinn henti sér á gólfið,  hékk í hempu dómarans og hrópaði:  "Þú dæmdir vitlausan man til fangelsisvistar!"

  "Hann er ekkert svo vitlaus," mótmælti dómarinn.  "Ég var miklu vitlausari á hans aldri."

  "Palli pylsa er fórnarlambið.  Þú áttir að dæma Hrólf hrotta í fangelsi!"  staglaðist saksóknarinn á og aðrir tóku undir.

  "Við getum ekkert hringlað með dóma," útskýrði dómarinn og baðaði út höndum í æsingi.  "Það myndi rýra traust almennings á dómstólum landsins. Trúverðugleiki embættisins er í húfi."

  Viðstaddir sáu í hendi sér að þetta var rétt.  Skoðanakannanir sýndu að traust almennings á dómstólum stóð höllum fæti.  Eins og staðan var kom ekki annað til greina en reyna að gera gott úr þessu.  

  "Við sjáumst þá bara á Frímúrarafundinum klukkan átta í kvöld,"  sagði saksóknarinn,  snérist á hæl og fór að blístra lagið um hamingjusamasta hund í heimi..    

----------------------------------------

Fleiri smásögur og leikrit:

 - Hvalkjöt

   http://jensgud.blog.is/blog/jensgud/entry/1310514/         

  - Bílasaga

http://jensgud.blog.is/blog/jensgud/entry/1303801/

 - Barátta góðs og ills

http://jensgud.blog.is/blog/jensgud/entry/1221278

- Skóbúð

http://jensgud.blog.is/blog/jensgud/entry/1195115

- Rómantísk helgarferð

http://www.jensgud.blog.is/blog/jensgud/entry/1289612/

- Álfar

http://jensgud.blog.is/blog/jensgud/entry/1167432/

.

- Bóndi og hestur

 http://www.jensgud.blog.is/blog/jensgud/entry/1122498/

.

- Í plötubúð:

http://jensgud.blog.is/blog/jensgud/entry/260037

.

 - Gömul hjón

http://jensgud.blog.is/blog/jensgud/entry/1098829/

.

 - Hnefaleikakeppni aldarinnar:

http://www.jensgud.blog.is/blog/jensgud/entry/1077689/

.

 - Peysuklúbburinn

http://www.jensgud.blog.is/blog/jensgud/entry/1059543/

.

 - Vinalegur náungi:

http://jensgud.blog.is/blog/jensgud/entry/1041105

.

 - Gamall einbúi

 http://jensgud.blog.is/blog/jensgud/entry/1036775

.

- Saga af systrum

http://www.jensgud.blog.is/blog/jensgud/entry/1017021/

.

 - Jólasaga

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétta nunnan:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

Plötuumsögn

 

  - Plata:  Bárujárn

 - Flytjandi:  Hljómsveitin Bárujárn

 - Útgefandi:  Melur Records

 - Einkunn: ****

 .

  Á níunda áratugnum töluðu Íslendingar iðulega um þungarokk sem bárujárn.  Ég er ekki viss en mér finnst eins og andstæðingar hafi uppnefnt þungarokkið bárujárnsgarg.  Þungarokksunnendur gripu nafnið á lofti og notuðu það í jákvæðri merkingu.  

  Hvort sem ég man þetta rétt eða rangt þá er bárujárn ennþá notað í umræðu um þungarokk.  Sennilega þó einkum af okkur sem erum komnir á eða yfir miðjan aldur.

  Fyrir okkur er hljómsveitarnafnið Bárujárn villandi.  Bárujárn er ekki þungarokkshljómsveit.  Músíkstíllinn er brimbrettarokk (sörf).  Nafnið er orðaleikur;  tilbrigði við leikinn á bárum hafsins.

  Brimbrettarokk var létt og fjörugt rokk í Suður-Kaliforníu í Bandaríkjunum á fyrri hluta sjöunda áratugarins.  Gítarleikarinn Dick Dale fann upp brimbrettarokkið þegar hann kryddaði gítarrokk með arabískum tónum frá Mið-Austurlöndum.  The Beach Boys spiluðu léttpoppaða útgáfu af brimbrettarokki.  Eiginlega var meira "surf" í lagaheitum The Beach Boys en í músíkinni. 

  Brimbrettarokk Bárujárns er hart og allt að því pönkað.  Sver sig mjög í ætt við margt sem gítarleikarinn Link Wray gerði.  Hann var ekki brimbrettarokkari.  Hinsvegar hafði hann mótandi áhrif á brimbrettarokk Dicks Dale og fleiri.  Link var pönkaður og hávær (faðir þvergripsins og gítarriffsins). 

  Styrkur Bárujárns liggur í því hvað músíkin er hrjúf, rokkuð, pönkuð og "lifandi".  Spilagleði geislar af hverjum tóni og kröftugum söng.   

  Fyrir minn smekk er söngurinn hljóðblandaður aðeins of aftarlega.  Hann er öflugur og það er svo sem ekki skaði af því að hafa hann á sama styrk og hljóðfæraleikinn.  Þetta er smekksatriði.

  Þeramín-spil Heklu Magnúsdóttur setur sterkan og skemmtilegan "speis-rokk" svip á músíkáferðina.  Aðrir hljóðfæraleikarar eru trommarinn Leifur Ýmir Eyjólfsson,  bassaleikarinn Oddur S. Lárusson og gítarleikarinn Sindri Freyr Steinsson.  Sindri Freyr syngur jafnframt og á ættir að rekja til Hjaltadals í Skagafirði.  Það er kostur.  Hann er sonur tónlistarmannsins Steins Kárasonar.

  Þeramín er þetta einkennilega rafhljóðfæri þar sem stöng stendur upp úr kassa.  Hendur snerta ekki hljóðfærið heldur nálgast stöngina og spila á hana þannig.

  Daníel Sigurðsson blæs í trompet í laginu  Cha, Cha, Cha.  Blástur hans setur ljúfan blæ á þetta eitt mest grípandi lag plötunnar.  Reyndar eru öll lögin fljóttekin og aðlaðandi.  

  Það mæðir töluvert á hljóðfæraleikurum Bárujárns í þessari músík.  Sindri Freyr þarf að hræra snögghentur í gítarstrengjunum.  Leifur Ýmir (Ýmir er afskaplega flott nafn) keyrir hamaganginn áfram með hröðum og þróttmiklum trommuleik.  Oddur S. Lárusson styður við botninn af öryggi eins og klettur.    

  Upplýsingar á stórbrotnum (í bókstaflegri merkingu) umbúðum eru dálítið "lókal".  Gefið er upp að lagið Út sé kráka (cover song) eftir Pál Ísólfsson.  Það bendir til þess að aðrir söngvar á plötunni séu frumsamdir.  Engar upplýsingar eru þó um það.

  Upptökur eru sagðar hafa farið fram hjá Frikka og Jóa í Hafnarfirði.  Frikki er upptökustjórinn Friðrik Helgason.  En aðeins þeir sem til þekkja vita hver Jói er.

  Upptökur eru sagðar hafa einnig farið fram heima hjá ömmu Steinunnar.  Meira fáum við ekki að vita um það hverjar amman og Steinunn eru.  

  Vegna þess hvað söngur er hljóðblandaður aftarlega er eins og textar skipti litlu máli.  Þeir eru samt ljóðrænir og ágætir.  Orðalag er ekki ungæðislegt.  Það sver sig meira í ætt við þá sem hafa lesið Hávamál eða önnur gömul kvæði.  Dæmi úr söngnum um Vígspá:

  Hún fyllti fleira og fleira

Heimsmynd falla tók.

  Og hljóðmynd frá eyra

Og mun að lokum foldu fylla dreyra.

  Niðurstaða:  Þessi plata er vel heppnuð í flesta staði.  Hún er skemmtileg.  Það skiptir mestu máli. 

        

     

Fræga fólkið eldist ekki

  Það er gaman að bera saman ljósmyndir af unglingum annarsvegar og hinsvegar ljósmyndir af sama fólki nokkrum áratugum síðar.  Einkum er gaman að skoða þannig myndir af fræga fólkinu í útlöndum.  Það er eins og það eldist ekki á sama hátt og aðrir.  Kannski vegna þess að fræga fólkið á peninga til að kaupa þjónustu förðunarfræðinga,  stílista,  lýtalækna og þess háttar.  Eða þá að frægðinni fylgir heilsusamlegt líferni,  góður svefn og staðgóður hollur matur.

 

  Enski söngvarinn Boy George naut mikilla vinsælda á níunda áratugnum.  Hann er ennþá að sprikla í músík,  kominn á sextugsaldurinn.  Hann málar sig ennþá til spari.  Þess á milli er hann ófarðaður og strákslegur.

  Annar vinsæll enskur söngvari kallast Billy Idol.  Hann sló í gegn með pönksveitinni Generation X á áttunda áratugnum.  Síðar varð hann ennþá vinsælli sem sólósöngvari.  Hann litar ennþá á sér hárið, notar augnskugga og eyrnalokka. 

  Enski gítarleikarinn og söngvarinn Peter Frampton var ofurstjarna um miðjan áttunda áratuginn.  Hann hefur löngum verið talinn afar snoppufríður.

  Bandaríska söngkonan Barbra Streisand hefur alltaf verið stelpuleg.

 

 

 

 

 

 

 

 

 

 

 

 

  Madonna er vön að gera út á kynþokkann.

  Bandaríska rokkhljómsveitin Guns N´ Roses varð heldur betur vinsæl í lok níunda áratugarins.  Söngvarinn,  Axl Rose,  á í vandræðum með skapið í sér.  Og sitthvað fleira.  En alltaf sami töffarinn.

Allir skotnir í Harry prins

Fjórða lagið á færeysku frá Högna. Magnað lag. Eivör gestasöngvari!

  Færeyski tónlistarmaðurinn Högni Lisberg hefur sent frá sér fjórða og síðasta lag á nýrri Ep-plötu.  Platan er sú fyrsta á farsælum ferli Högna sungin á færeysku.  Þetta er dúndur flott plata.  Verulega mögnuð.  Eins og reyndar fyrri sólóplötur Högna.  Þessi toppar samt dæmið.

  Eivör syngur með Högna í laginu,  Minnið.   Knut Háberg spilar á hljómborð.  Svo skemmtilega vill til að þau þrjú;  Eivör, Högni og Knut, voru saman í þungarokkshljómsveitinni Reverb í Götu fyrir næstum tveimur áratugum.  Þá voru þau 12 ára og spreyttu sig meðal annars á Led Zeppelin og Bob Dylan. 

  Ep-plötu Högna má kaupa á www.hogni.com.  

  Önnur lög af Ep-plötu Högna:   http://jensgud.blog.is/blog/jensgud/entry/1313951/

Kallinn sem drap sjoppu

  Það er ekki öllum - sem stunda viðskipti - gefið að laða að sér viðskiptavini og halda viðskiptavinum.  Fyrir þremur áratugum eða svo keypti sjómaður utan af landi litla sjoppu í Reykjavík.  Kallinn var eitthvað á sjötugsaldri.  Ég held að hann hafi ekki verið kominn á eftirlaunaaldur. 

  Hann bölvaði tíðum og var argur út í allt og alla.  Kannski spilaði inn í að hann stóð einn vaktina meira og minna frá klukkan 7 á morgnana og fram til hálf tólf á kvöldin alla daga vikunnar.  Líka um helgar.

 

  Áður var sjoppan rekin sem fjölskyldufyrirtæki.  Hjón og börn þeirra skiptust á vöktum.  Það gekk vel og fjölskyldan keypti aðra og miklu stærri sjoppu.

 

  Ég bjó í næsta húsi við sjoppuna.  Ég átti oft erindi í hana.  Til að mynda þegar óvænta gesti bar að garði.  Þá stökk ég út í sjoppu og keypti kex eða niðursoðna ávexti og ís. 

  Eitt sinn er ég bað um niðursoðna ávexti svaraði sjóarinn ergilegur:  "Ég er hættur að selja þessa helvítis ávexti!"

  "Nú?  Var dræm sala í þeim?" spurði ég.

  "Öðru nær,"  var svarið.  "Dósirnar voru í efstu hillunni þarna.  Ég þarf að sækja stiga inn á lager til að komast í efstu hilluna.  Ég er búinn að fá nóg af því að vera á stöðugum þvælingi með stiga fram og til baka."

 

  Kallinn hætti að selja allar vörur sem höfðu verið í efstu hillunni.

  Ég keypti reglulega Helgarpóstinn í sjoppunni.  Einn daginn voru viðbrögð sjóarans þannig:  "Ég er hættur að selja þetta andskotans sorprit."

 

  Í Helgarpóstinum hafði birst grein sem sjóarinn taldi vera árás á sjoppur.  Ég man ekki um hvað greinin var.  Hugsanlega að sjoppur seldu unglingum undir lögaldri sígarettur eða eitthvað slíkt. 

  Helgarpósturinn fékkst ekki eftir þetta í sjoppunni.  Um svipað leyti hætti sjóarinn að selja DV af álíka ástæðu,  blaðsölustráknum í hverfinu til mikillar gleði.  Þetta margfaldaði söluna á DV hjá stráknum.

  Oftar en einu sinni varð ég vitni að því þegar sjóarinn setti viðskiptabann á kúnna.

 

  Stutt frá sjoppunni var pylsuvagn.  Ég var á leið í sjoppuna þegar unglingsdrengur kom röltandi frá vagninum japlandi á pylsu.  Í þann mund sem ég bar upp erindi mitt í sjoppunni kom drengurinn inn,  greip munnþurrku úr statífinu,  þurrkaði sér um munninn og gekk út. 

  Sjóarinn þaut út á stétt á eftir stráknum og gerði hróp að honum.  Krossbölvaði honum fyrir að stela frá sér munnþurrku.  Sagðist aldrei ætla að afgreiða hann framar í sjoppunni.

  Þegar sjóarinn snéri aftur inn í sjoppuna var hann móður og másandi.  Hann hélt áfram að skammast yfir ósvífninni í dregnum.  "Dreng djöfulsins djöfullinn kaupir pylsu af öðrum og ryðst hingað inn og stelur munnþurrku.  Þvílík helvítis ósvífni!"

 

 Á þessum árum voru gosdrykkir einungis seldir í glerflöskum.  Fólk "skilaði" tómum flöskum í sjoppur og fékk greitt fyrir.  Sjaldnast kom fólk með eina eða tvær flöskur.  Vaninn var að safna mörgum flöskum áður en þeim var skilað.  Á þessum árum voru gosdrykkir til spari.  Ekki eitthvað sem fólk drakk daglega. 

  Ég var staddur í sjoppunni þegar ungur karlmaður gekk þar inn.  Sjóarinn tók á móti honum með hrópum:  "Þú skalt ekki voga þér að koma með fleiri gler hingað, helvítis dóni.  Maður sem getur ekki tæmt flöskur er ekki velkominn hingað.  Ég þurfti að skúra lagergólfið í gær út af glerinu sem þú komst með í gær.  Það lak úr því maltöl.  Drullaðu þér út og láttu ekki sjá þig hér framar!"

  Maðurinn hrökklaðist út án þess að segja orð.  Sjóarinn hélt áfram að bölva honum í góða stund eftir það. 

 

  Svona reitti sjóarinn af sér kúnnana eins og hann væri að taka niður jólaskraut.  Ég flutti úr hverfinu og kallinn seldi sjoppuna.  Hann kenndi stórmörkuðunum um að ganga af sjoppum dauðum.  Sjoppan er þó ennþá í rekstri.   

 

 

Dularfullt mál upplýst

 

 

 

 

 

 

 

 

  Gríðarlega undarleg sjón blasti við gestum og gangandi í færeyska bænum Klakksvík í gær.  Klakksvík er einskonar Akureyri þeirra Færeyinga;  höfuðborg norðureyjanna.  Íbúar eru á fimmta þúsund.  Það sem vakti undrun Klakksvíkinga í gær - og enn í dag - er að einn af bílum stofnunar sem heitir Nærverk ók um götur bæjarins án númeraplatna.  Þetta er nýlegur og flottur silfurlitaður Renault fólksbíll (sjá mynd.  Ég er ekki alveg viss en mig minnir að Nærverk sé einhverskonar félagsmálastofnun).  

  Múgur og margmenni þusti að bílstjóranum hvar sem hann lagði bílnum.  Alla þyrsti í að vita hvers vegna engar númerplötur væru á bílnum.  Bílstjórinn svaraði því til að hann hefði ekki hugmynd um það.  Númerplöturnar væru horfnar af bílnum og það væri ekkert sem hann gæti gert í því.

  Rannsóknarblaðamenn gengu í málið.  Út úr rannsóknarblaðamennskunni kom að Nærverk skuldaði bifreiðagjöld (á færeysku kölluð vegaskattur).  Lögreglan hefði þess vegna klippt númeraplöturnar af bílnum.  Þær færu ekki á bílinn aftur fyrr en bifreiðagjöld væru í skilum.  

  Svo virðist vera sem gíróseðill vegna bifreiðagjaldsins hafi ekki skilað sér til Nærverks.  Nærverk getur ekki borgað gíróseðil sem ekki skilar sér.  Málið er í vandræðalegum hnút.  Á meðan er bíllinn kjánalegur með engar númeraplötur.