Ríkisstjórnin sprungin!

  Í síðustu viku birti sunnlenska fréttablaðið Dagskráin viðtal við frægasta sjáanda landsins,  Láru Ólafsdóttur á Selfossi.  Viðtalið er gríðarlega merkilegt.  Enda er Lára gríðarlega merkileg.  Þó viðtalið sé stutt er það hlaðið stórum bombum.  Sú stærsta er fullyrðing Láru um að ríkisstjórnin springi í þessari viku vegna Magma málsins.  Á morgun er miðvikudagur.  Þannig að ríkisstjórnin er sprungin varla síðar en á föstudag.  Hvað tekur þá við?  Nú reynir á næstu sýn eða skynjun Láru.

  Til viðbótar er Lára búin að finna olíu á hafsbotni á Vestfjörðum,  við Grímsey og í Vestmannaeyjum á sömu slóð og Guðlaugur Friðþjófsson synti á sínum tíma.  Sérstakt fagnaðarefni er að olían skuli vera á hafsbotni á Vestfjörðum.  Ef hún væri ofar hafsbotni eru fiskimiðin fyrir vestan ónýt.

  Ekki nóg með það.  Til fjölda ára hefur Lára verið á fullu í að finna Madeleine McCann,  litlu stelpuna sem hvarf af hótelherbergi í Portúgal vorið 2007.  Lára hefur fundið út að Madeleine sé á lífi.  Lára á bara eftir að staðsetja hvar stelpan er stödd.  Hugsanlega er stelpan á meiri hreyfingu en svo að hægt sé að staðsetja hana.

  Lára varð heimsfræg um allt Ísland þegar hún spáði fyrir um rosalegan Krísavíkurskjálfta sem átti að skella á klukkan korter yfir ellefu 27. júlí sama ár.  Spáin var pínulítið ónákvæm.  Það eina sem gerðist var að heimskasta fólkið á Suðurlandi skalf úr hræðslu og flúði til annarra landshluta.  Aðrir á meintu skjálftasvæði skulfu líka af áhyggjum og keyptu skjálftaheld hús.  Svo heppilega vildi til að fyrir tilviljun átti Lára nokkur slík á lager.

  Spádómsgáfa Láru er ekki alveg á hreinu.  Stundum er Lára skráð sjáandi.  Í öðrum tilfellum segist hún ekki sjá sýnir heldur skynji hún ýmsa hluti.  Þá bregður hún við skjótt og skráir skynjanirnar samviskusamlega í stílabók sem hún hefur merkt "Draumar mínir og skynjanir".

  Einhverra hluta vegna hefur Lára ekki tekið boði James Randi sem var staddur hérlendis á dögunum.  Hann býðst til að greiða Láru 12 og hálfa milljón krónur ef hæfileikar hennar verða sannreyndir með einföldu prófi.  

  Hér er létt og hressandi útvarpsspjall við sjáandann spræka um hinn rosalega öfluga meinta Krísavíkurskjálfta:  http://blogg.visir.is/frostiloga/2009/07/29/loddari-afhjupa%C3%B0ur-i-beinni/

 

 

 

 

 

 

 

 

	Björk: Magma vinnur með AGS
Ábyrgðarmaður færslu Tenging við þessa frétt hefur verið rofin vegna kvartana.

Mikilvægt að leiðrétta

  Í gær bloggaði ég um glaðværa og ofur hamingjusama gesti á hinum frábærlega skemmtilegu Færeysku fjölskyldudögum á Stokkseyri  (sjá:  http://www.jensgud.blog.is/blog/jensgud/entry/1081699/ ).  Þar hélt ég eftirfarandi fram:  "Það hefur ekki einu sinni komið upp sú staða að menn séu ósammála um eitt né neitt"

  Vegna trúverðugleika þessarar bloggsíðu sé ég mig knúinn til að leiðrétta þetta.  Í gær hitti ég nefnilega Færeying sem hafði aðra sögu að segja.  Hann var í fótboltaliði Færeyinga sem keppti við Íslendinga á laugardaginn á íþróttavelli Stokkseyrar.  Þessi maður fullyrti að Íslendingar hafi verið rangstæðir allan leikinn.  Aðrir voru ósammála honum.

  Hér eru nokkur eftirminnanleg atriði úr leiknum:

Hvað þá með Færeyska fjölskyldudaga? Hápunkturinn er í kvöld!

  Gríðarlega undrun vekur hvað gestir þjóðhátíðar í Vestmannaeyjum eru prúðir og stilltir.  Það hafa ekki komið til kasta lögreglu nema 32 fíkniefnamál.  Kærðar líkamsárásir eru nokkuð færri.  Fjölmiðlar standa á öndinni yfir þessari friðsæld í Eyjum.  Hvernig er þá hægt að lýsa stemmningunni á Færeyskum fjölskyldudögum á Stokkseyri?  Þar hafa ekki komið upp nein mál:  Ekkert dóp,  engin slagsmál.  Það hefur ekki einu sinni komið upp sú staða að menn séu ósammála um eitt né neitt.  Þvert á móti.  500 gestir Færeyskra fjölskyldudaga eru algjörlega samstíga í að skemmta sér saman í glaðværð undir hverju frábæra tónlistaratriðinu á fætur öðru.

  Í kvöld er hápunktur Færeyskra fjölskyldudaga.  Hann hefst á hljómleikum Högna og hljómsveitar.  Högni sló rækilega í gegn hérlendis fyrir fjórum árum með laginu  Morning Dew.  Það var vinsælasta lagið á Íslandi vikum saman.  Vinsældunum fylgdi Högni eftir með fleiri lögum og hljómleikum á Íslandi.  Síðar spilaði hann tvívegis á Airwaves. 

  Högni nýtur velgengni í Danmörku,  Sviss og víðar.  Í heimalandinu,  Færeyjum,  er hann stórstjarna.  Þar var platan  Morning Dew  valin plata ársins.  Högni hefur a.m.k. tvígeis spilað á Hróarskeldu.  Og alltaf hlotið afbragðs góða dóma fyrir frammistöðuna.  Þrátt fyrir að plötur Högna séu góðar þá er hann ennþá betri á sviði.  Spilagleðin er svo mikil að meðspilarar og áheyrendur fara á flug.

  Hljómleikar Högna hefjast klukkan 9.  Eftir að þeim lýkur tekur við þjóðlagadanshljómsveitin Kvonn.  Þetta er mögnuð hljómsveit undir forystu 26 ára fiðlusnillingsins Angeliku Nielsen (nafnið Angelika þýðir kvönn). 

  Svo er komið að hljómleikum Eivarar og hljómsveitar.  Þau voru einnig með hljómleika í gær.  Meiriháttar frábæra hljómleika.  Ég hef sennilega verið á hátt í 30 hljómleikum með Eivöru.  Hún hefur aldrei verið betri og hljómsveitin hennar er stórkostleg.  Þau fóru á þvílíkum kostum að salurinn stóð ítrekað á öndinni hvort sem var undir ofurfallegum köflum eða þrusufössuðu gítarrokki þar sem rokkgírinn var settur í fluggír.  Er hljómleikunum lauk í gær mátti heyra marga segjast vera strax byrjaða að hlakka til hljómleikanna í kvöld.

  Dagskrá Færeyskra fjölskyldudaga lýkur með svokölluðum "All Star" dansleik.  Þar munu 16 færeyskir tónlistarmenn halda uppi þrumustuði fram á nótt.  Þeirra á meðal verða Eivör,  Högni,  Jens Lisberg, Hilmar Joensen,  Kristian Blak og Árni Andreasen.  Þetta verður einstakt tækifæri til að sjá Eivöru og Högna syngja allt öðru vísi stuðmúsík en fólk á að venjast með þeim. 

        

Óvenju þægir þjóðhátíðargestir

Stuð og fjör á Færeyskum fjölskyldudögum á Stokkseyri

 

 

 

 

 

 

 

  Færeyskir fjölskyldudagar á Stokkseyri fóru vel af stað í gærkvöldi.  Um 200 manns skemmtu sér heldur betur vel á dagskrá sem samanstóð af mögnuðum hljómleikum hljómsveitarinnar Kvonn,  kennslu í færeyskum dönsum og dansleik fram á nótt.

  Hljómsveitin Kvonn spilar dansvæna þjóðlagamúsík án söngs (instrumental).  Færni hljóðfæraleikaranna og spilagleði naut sín til hins ýtrasta.  Gestir klöppuðu vel og lengi eftir flutning hvers lags.  Einnig klöppuðu gestir óumbeðnir taktinn með í flutningi fjörmestu laganna.  Í lokin var Kvonn klöppuð upp.

  Kvöldið einkenndist af glaðværð og skemmtilegheitum.

  Í dag og á morgun eru aðal dagar Færeysku fjölskyldudaganna.  Hápunkturinn eru hljómleikar Eivarar og hljómsveitar í kvöld og annað kvöld.

  Klukkan hálf 2 eftir hádegi keppa Færeyingar og íslenskir víkingar í fótbolta á íþróttavelli Stokkseyrar.  Klukkan 4 eru stórtónleikar með Yggdrasil.  Það er áratuga gömul hljómsveit sem spilar blöndu af djassi og þjóðlagakenndri músík.  Eftir Yggdrasil liggja margar plötur og hljómsveitin hefur spilað á djass- og þjóðlagahátíðum víða um heim.

  Eftir hljómleika Yggdrasil tekur við kennsla í færeyskum dönsum.

  Kvölddagskrá hefst klukkan 9 með hljómleikum Benjamins Petersen.  Með honum spilar bassasnillingurinn Mikael Blak.  Því næst stígur hljómsveitin Kvonn á stokk.  Svo eru það Eivör og hljómsveit.  Mikill spenningur ríkir fyrir þeim hljómleikum.

  Síðan verður dansað fram á rauða nótt við undirleik og söng stuðboltans Jens Lisbergs og hljómsveitar.  Þvílíkt fjör.  

  Það er einmuna veðurblíða á Stokkseyri.  Sólin skín,  blankalogn og þurrt.  Gestum fjölgar jafnt og þétt.  Allir eru glaðir.  

  

Gestir farnir að streyma í sólina á Færeyskum fjölskyldudögum á Stokkseyri

  Þó dagskrá Færeyskra fjölskyldudaga á Stokkseyri hefjist ekki fyrr en klukkan 20.00 í kvöld er fólk farið að streyma til Stokkseyrar.  Þegar hafa á annað hundrað manns komið sér fyrir á góðu tjaldstæði staðarins og bætist stöðugt við.  Enda veður einstaklega gott á Stokkseyri.  Sól,  logn og þurrt. 

  Sjálfur er ég og minn kunningjahópur svo spenntur fyrir færeysku dagskránni að okkur halda engin bönd.  Þrátt fyrir annir í bænum verður því slegið upp í kæruleysi og brunað til Stokkseyrar á næstum því löglegum hraða. 

  Um dagskrána í kvöld má lesa hér:  http://www.jensgud.blog.is/blog/jensgud/entry/1081185/ . 

  Dagskráin í heild er hér:  http://www.stokkseyri.is/web/news.php?nid=4934&view=one .   

Fjörið er að hefjast!

  Það er dálítið misjafnt eftir hvernig fjöri fólk sækist um verslunarmannahelgina.  Í Vestmannaeyjum er Þjóðhátíðin alveg að detta inn.  Þar flýtur allt í dópi og lögreglan hefur þegar þurft að taka á sex fíkniefnamálum (að kvöldi fimmtudags) og nóg eftir.  Slagsmálin eru einnig hafin.  Þegar hafa fjórar líkamsárásir verið kærðar.  Ofurölvun og drykkjulæti eru allsráðandi.  Þessi stemmning á við marga.  Aðrir sækja í annarskonar fjör.  Allt annarskonar fjör.

  Dagskrá færeyskra fjölskyldudaga hefst klukkan 20.00 annað kvöld á Stokkseyri.  Þetta er annað árið sem Færeyskir fjölskyldudagar eru haldnir á Stokkseyri.  Það er samdóma álit allra að afskaplega vel hafi til tekist í fyrra.  Ekki eitt einasta mál kom upp.  Engin fíkniefni.  Engin slagsmál.  Ekki einu sinni deilur.  Bara rosalegt fjör alla helgina.  Allir kátir og glaðir og samstíga í að skemmta sér.

  Annað kvöld hefst fjörið í Menningarverstöðinni á Stokkseyri með færeyskri tónlist.  Þar á meðal verða hljómleikar með hljómsveit Angeliku Nielsen,  Kvonn. 

  Angelika er 26 ára gömul.  Hún var og er undrabarn á fiðlu.  Hún hefur spilað með mörgum helstu tónlistarmönnum Færeyja.  Hún er jafnvíg á djass,  rokk,  þjóðlagamúsík,  klassík og hvað sem er.  Hún hefur spilað með hljómsveitum út um allt.  Meðal annars í Asíu og Ameríku.  Hún hefur til að mynda verið í sérstakri hljómsveit afburðahljóðfæraleikara frá öllum heimshornum.  Þar að auki er hún flinkur skrautskrifari.  Það veit alltaf á gott.  Þegar hún var 12 eða 13 ára mætti hún á skrautskriftarnámskeið hjá mér.  3ja daga námskeið.  Hún missti af fyrsta deginum.  En strax á öðrum degi var hún komin fram úr öllum samnemendum.  Það þurfti varla að kenna henni.  Hún greip alla leiðsögn í fyrstu atrennu og réð fullkomlega við skrautskriftina.  Það kom engum sem til þekkti á óvart.  Hún var og er vön að dúxa í hverju sem er.  Meira að segja frönsku.

  Kvonn spilar "instrumental" þjóðlagakennda dansmúsík (http://www.tutl.com/webshop/index.php?productID=288).  Við af Kvonn tekur 6 manna hljómsveit Árna Andreasen.  Í kjölfarið kenna Hilmar Joensen og Gunnvör færeyska dansa.  Því næst spilar 5 manna hljómsveit harmónikkusnillingsins Hilmars fyrir dansi (http://www.youtube.com/watch?v=gLEnKKtHxZc.  Afsakið ömurleg tóngæði myndbandsins).  Hún flytur fjörmikla og kántrý-kennda stuðmúsík fram á rauða nótt.  Það verður gríðarmikið fjör.

  Á laugardag og sunnudag bætast við hljómleikar og dansleikir með Eivöru,  Högna,  Yggdrasil,  Jens Lisberg (sjá:  http://www.jensgud.blog.is/blog/jensgud/entry/1080345/)  og fjölda annarra.  Meira um það síðar.

 

Raunir mínar og sendibílstjóra

  Ég á töluverð samskipti við sendibílstjóra.  Þannig háttar til að ég fæ með óreglulegu millibili nokkur vörubretti af góðum vörum frá útlöndum.  Ég þarf aðstoð sendibíls með lyftu og tjakktrillu til að sækja vörubrettin á Vöruhótelið og koma þeim á lagerinn til mín.  Lagerhúsnæðið er þannig staðsett að hann er í kjallara.  Niður að dyrunum er 15 - 20 metra langur hallandi rampur.  Ég er ekki klár í að átta mig á halla.  Ég giska á að hallinn sé um það bil 20%.  Mér finnst hann ekki vera brattur.  Ég er vanur að bakka niður rampinn á litla sendibílnum mínum til að sækja vörur.  Rampurinn er hinsvegar of mjór fyrir stóru sendibílana sem koma með brettin.  Þeim bílum er lagt á jafnsléttu og bílstjórinn röltir með brettin á trillu niður rampinn. 

  Í dag var þetta dálítið öðru vísi.  Þegar ég leiðbeindi bílstjóranum að ég þurfi að fá vörubrettin niður rampinn áttum við samtal á þessa leið:

  - Ég fer ekki niður rampinn með brettin,  mótmælti bílstjórinn.

  - Nú? 

  - Já,  ef ég fer niður rampinn með bretti þá dett ég.

  - Það hefur aldrei verið neitt vandamál að fara með bretti niður rampinn.  Ekki einu sinni í hálku á vetrum.

  - Ungir strákar geta farið niður rampinn án þess að detta.  Ég get hringt fyrir þig í einhvern bílstjóra sem treystir sér til þess.  En ég dett í rampinum.  Það er alveg pottþétt. 

  - Það dettur enginn í rampinum.  Hann er ekki það brattur.

  - Jú,  ég þekki mig og ég hef farið niður ramp.  Ég datt.  Ég ætla ekki að detta aftur.  Ég set brettin hér á planið og þú getur þá hringt í annan bílstjóra sem treystir sér niður rampinn.  Það gæti orðið dýrt fyrir þig ef ég fer niður rampinn og dett. 

  Mikið lengra varð samtalið ekki.  Við þetta sat.  Bílstjórinn setti brettin út á plan.  Næstu klukkutíma dundaði ég mér við að selflytja vörurnar (á þriðja tonn) af brettunum niður rampinn og inn á lager með því að hlaða þeim á litla einskonar innkaupakerru sem ég á.  Það var hressandi líkamsrækt.  Ég sparaði mér að borga slysabætur fyrir bílstjóra sem hefði dottið í rampinum.  

 

Íslenskt lag á færeyskri plötu

 

  Fyrir nokkrum dögum kom út platan  Syng ein góðan  með færeyska stuðboltanum Jens Lisberg.  Þar flytur hann lagið  Litli tónlistarmaðurinn  eftir Freymóð Jóhannesson.  Það er þekktast í flutningi Bjarkar Guðmundsdóttur á plötunni  Gling gló.  Í flutningi Jens Lisbergs heitir lagið  Mamma.   Jens Lisberg er í hópi vinsælustu tónlistarmanna Færeyja.  Hann hefur sent frá sér á annan tug platna.  Fjöldi laga hans hafa skorað hátt á færeyskum vinsældalistum.

  Sex manna hljómsveit Jens Lisbergs leikur fyrir dansi á Færeyskum fjölskyldudögum á Stokkseyri núna um verslunarmannahelgina.  Það verður mikið hopp og hí.  Fjörlegir dansleikir eru sérsvið Jens Lisbergs og félaga.  Í bland við frumsamin lög og önnur vinsæl færeysk lög flytur Jens Lisberg þekkt bandarísk kántrý-stuðlög á borð við  Hello Mary Lou  og  Diggi,  Liggy,  Lo.   Þau syngur Jens við færeyska texta eftir Karl Eli.  Það verður heldur betur líf og fjör á dansgólfinu á Stokkseyri um helgina.

  Hér má heyra sýnishorn af lögunum á plötunni  Syng ein góðan.  Lagið  Mamma  er nr. 10: 

 http://www.tonlist.is/Music/Album/536897/jens_lisberg/syng_ein_godan/

  Hér má lesa meira um plötuna:

http://www.tutl.com/webshop/index.php?productID=477&PHPSESSID=2472besnacl4d2kc81g2n0itv3

  Hér er hægt að heyra fjögur lög sem Jens Lisberg syngur á ensku fyrir alþjóðamarkað:

http://www.myspace.com/jenslisberg

  Meira um Færeyska fjölskyldudaga á Stokkseyri:

http://www.facebook.com/event.php?eid=140751525953424&ref=search#!/pages/Faereyskir-fjolskyldudagar/140770739276188?ref=ts

http://www.stokkseyri.is/web/news.php?nid=4934&view=one

Furðulegur siður Seltirninga

  Stundum á ég leið um verslunarmiðstöðina á Eiðistorgi.  Ég held að hún heiti ekki neitt en sé kölluð Eiðistorg.  Þar er Hagkaup,  banki,  apótek,  pósthús,  pöbb,  vínbúð,  ritfangaverslun og ýmislegt annað.  Þarna er líka sjoppa.  Fyrir framan sjoppuna,  á gangi verslunarmiðstöðvarinnar,  eru 3 borð og nokkrir stólar.  Eitt borðið er stærra en önnur.  Sennilega ætlað til að fólk standi við það.  Að minnsta kosti eru engir stólar við það.

  Svo gott sem daglega eru á þessu stóra borði nokkrir vettlingar og húfur.  Bæði vettlingapör og stakir vettlingar.  Ég fatta ekki hvers vegna í ósköpunum Seltirningar geyma vetlinga sína og húfur á þessu borði,  stundum dögum saman.

 

Sjáðu fjörið á G!Festivali í Götu í Færeyjum

  Um síðustu helgi fór fram stærsta árlega tónlistarhátíðin í Færeyjum,  G!Festivalið í Götu.  Fulltrúar danska poppblaðsins Gaffa létu sig ekki vanta á svæðið.  Sjónvarpsdeild vefmiðilsins gerir grein fyrir G!Festivalinu í máli og myndum.  Það er gaman að skoða.  Sjá:   

http://gaffa.dk/tv/clip/374 

http://gaffa.dk/tv/clip/380 

http://gaffa.dk/tv/clip/368 

http://gaffa.dk/tv/clip/375 

http://gaffa.dk/tv/clip/371. 

Stuð,  stuð, stuð!  Og fjörið verður jafnvel ennþá meira á Færeyskum fjölskyldudögum á Stokkseyri um næstu helgi.  Þar verða Eivör,  Högni,  Kristian Blak,  Jens Lisberg,  Angelika Nielsen  og samtals hátt í tveir tugir færeyskra tónlistarmanna. 

Missið ekki af Rokklandi!

  Rokkland á rás 2 er þáttur sem helst má ekki missa af.  Síst af öllu í dag.  Þó þetta sé jafnan eðalflottur þáttur undir styrkri stjórn snillingsins Óla Palla þá verður þátturinn í dag extra eðalflottur og toppar flesta eða jafnvel alla fyrri þætti Rokklands.  Það er næsta víst.  Um síðustu helgi var Óli Palli nefnilega - ásamt fjölda annarra Íslendinga - staddur á G!Festivali í Götu í Færeyjum.  Þátturinn ber þess sterk merki.  Ljósmyndin í "haus" þessa bloggs er frá G!Festivali fyrir örfáum árum.

  Meðal viðmælenda Óla Palla í Rokklandi í dag verða: Jón Tyril,  forsprakki G!Festivals og gítarleikari Clickhaze;  Eivör;  hljómsveitin Páll Finnur Páll (sjá myndband hér fyrir neðan);  Sigvör Laksá,  umboðsmaður Eivarar;  Kristian Blak,  hljómborðsleikari og aðalsprauta færeysks tónlistarlífs (sjá myndband hér fyrir neðan);  íslensku hljómsveitirnar FM Belfast og Bárujárn;  færeyska þungarokkssveitin Heljareyga sem er hliðarverkefni Hera,  söngvara og gítarleikara Týs (sjá myndband neðsta myndbandið);  hljómsveitin Áfenginn;  Synarchy,  danska hljómsveitin Nephew (sjá myndband hér efst) og margt fleira spennandi.  Þvílíkt fjör. 

  Rokkland er á dagskrá rásar 2 á milli klukkan 16.00 og 18.00.  Eivör og Kristian Blak fara síðan á kostum á Færeyskum fjölskyldudögum á Stokkseyri um næstu helgi - ásamt hátt í tveimur tugum annarra færeyskra tónlistarmanna.  Það verður meiriháttar gaman. 

Gleðifrétt um samtakamátt fólks og skuldlausan Ómar

  Fréttin um skuldlausan Ómar er gleðileg um margt.  Í fyrsta lagi vegna þess að Ómar er orðinn skuldlaus.  Í öðru lagi sýnir hún að Íslendingar kunna að þakka fyrir sig;  hvort sem er fyrir framlag Ómars sem skemmtikrafts í hálfa öld eða sem hugsjónarmanns er stendur með náttúrunni;  náttúru landsins.  Þetta geta Íslendingar þegar á reynir.  Magnað.

Ómar orðinn skuldlaus

Var ég Baugspenni?

  Síðustu daga hef ég ítrekað verið spurður að því hvort ég hafi verið Baugspenni.  Til að byrja með vissi ég ekki hvaðan á mig stóð veðrið í veðurblíðunni.  Við nánari eftirgrennslan kom í ljós að á vef sem kallast amx.is er eins og látið að því liggja að ég hafi yfirgefið klapplið Baugsfeðga. 

  Þar segir (http://www.amx.is/fuglahvisl/15316/) í inngangi:

   "Bloggarar snúa nú hver á fætur öðrum baki við Baugsfjölskyldunni og eru skrif eins þeirra til marks um breytinguna. Jens Kristján Guðmundsson sem lengi vel var mest lesni bloggari vefsins blog.is skrifar nú um Jón Ásgeir:" 

  Inngangnum fylgir létt og skemmtileg bloggfærsla sem ég skrifaði á dögunum:  http://www.jensgud.blog.is/blog/jensgud/entry/1078288/ 

  Við bloggfærsluna hnýta smáfuglarnir á amx.is eftirfarandi: 

  "Smáfuglarnir taka ekki undir allt það sem Jens segir í færslu sinni. En þeir velta þó fyrir sér hvort skrifin séu til marks um að nú styðji engir gamla Baugsveldið nema Ólafur Arnarsson, Þorvaldur Gylfason og Ólafur Stephensen?"

  Af þessum orðum á amx.is má ráða að ég hafi verið Baugspenni.  Ég kannast ekki við neitt í þá áttina.  En það er ekkert að marka.  Ég kannast ekki við allt.  Minnið er stopult.

  Í bloggfærslu minni lagði ég út af frétt RÚV um að Jón Ásgeir og systir hans deildu um undirskrift.  Við það er því að bæta að JÁJ sendi frá sér yfirlýsingu á Pressunni þar sem hann vísar frétt RÚV á bug sem staðlausum stöfum.  Segir að þau systkini greini ekki á um neitt nema eignarrétt á nafninu Bónus.

  Fréttastofa RÚV hefur ekki dregið frétt sína til baka og vitnar í greinargerð lögmanns JÁJ þar sem þessu með undirskriftina er víst haldið fram.  jÁJ verður klárlega að kæra lögmann sinn og fréttastofu RÚV til að hreinsa sig og systur sína af ásökunum um alvarlega glæpi.

Skúbb! Merkasta endurkoma hljómsveitar í rokksögu Íslands

  Nei,  ég er ekki að tala um Trúbrot.  Endurkoma Trúbrots er jafn óraunhæf og endurkoma Bítlanna.  Hljómborðssnillingurinn Karl Sighvatsson,  trommusnillingurinn Gunnar Jökull og bassaleikarinn og söngvarinn Rúnar Júlíusson eru fallnir frá.  Ég er ekki heldur að tala um Steina spil eða Frostmark.  Ég er að tala um hljómsveitina sem að margra mati var í bland "besta og merkasta" hljómsveit "Rokk í Reykjavík" senunnar,  ÞEYR.  Ég set "besta og merkasta" innan gæsalappa vegna þess að pönkbyltingin snérist ekki beinlínis um það besta og merkilegasta.  Engu að síður,  já,  sko... eða þannig.

  Tónlist Þeysara hefur elst assgoti vel (nema platan "Þagað í hel".  Hún var þöguð í hel).  Aðrar plötur Þeysara eru í hópi bestu og merkustu platna íslensku rokksögunnar.  Háðsádeila Þeysara á nasisma dansaði á línunni og kom í veg fyrir að hljómsveitin fengi þann hljómgrunn sem henni bar erlendis. 

  Gítarleikari Þeysara,  Guðlaugur Kristinn Óttarsson,  og trommuleikari Þeysara,  Sigtryggur Baldursson,  stofnuðu hljómsveitina Kukl og útrás íslenskra rokkara hófst fyrir alvöru:

  Á dögunum birtist söngvari Þeysara,  Magnús Guðmundsson,  í myndbandinu "Drápa":

  23. ágúst sameinast hópurinn aftur og heldur hljómleika í Reykjavík.  Meira um það síðar.

   

Færeyska álfadrottningin á afmæli

  Bandaríski rithöfundurinn Ernest Hemingway á afmæli í dag.  Einnig fjöldi tónlistarmanna.  þar á meðal Bretinn Norman Cook (Fatboy Slim),  bandaríski trommarinn Bill Berry (R.E.M.),  breski trommarinn Will Champion (Coldplay),  bandaríski djassgítaristinn Kenny Burrell og bandaríski djasspíanistinn Henry "Hank" Jones.  

  Þetta lið fellur allt í skuggann af færeysku álfadrottningunni Eivöru.  Hún er 27 ára í dag.  Um verslunarmannahelgina skemmtir hún ásamt fjölda annarra færeyskra tónlistarmanna á færeyskri fjölskylduhátíð á Stokkseyri.  Það verður í fyrsta skipti sem Eivör skemmtir 27 ára á Íslandi.  Eftir tvo eða þrjá mánuði kemur út bók um hana.  Til hamingju með afmælið,  Eivör!

Kúvending hjá Baugssystkinum

  Hingað til hefur Baugsfjölskyldan verið afskaplega samheldin og samstíga í málflutningi.  Það hefur reynst henni öflugur styrkur þegar á móti hefur blásið.  Nú er hinsvegar þrengt svo að Jóni Ásgeiri að hann kúvendir í stíl.  Hann sakar systur sína um grófa skjalafölsun;  að hafa án hans vitneskju falsað nafn hans undir lánasamning vegna láns frá Glitni til eignarhaldsfélaginu 101 Chalet.  Þetta þýðir að vitundarvottar á samningnum eru sömuleiðis ósvífnir glæpamenn.

  Kristín,  systir Jóns Ásgeirs,  segir þetta vera svívirðilega haugalygi.  Það er alvarlegt mál:  Að lýsa því yfir að Jón Ásgeir sé ófyrirleitinn lygari.

  Þegar þessi staða er komin upp er full ljóst að annað hvort þeirra systkina er siðblind og forhert glæpamanneskja.  Hver er meira í kókinu og hver er meira í diet kókinu?  

 

 

 

Systkinin ósammála

Górillur leika sér í "klukki"

 

  BBC greinir frá því að rannsókn,  sem gerð var af háskólanum í Portsmouth,  hafi leitt í ljós að górillur eigi það til að bregða sér í eltingaleik,  samskonar þeim sem krakkar stunduðu fyrir daga tölvuleikja.  Þetta er svokallaður "klukk" leikur.  Ein górilla læðist aftan að annarri og slær létt í hana.  Um leið hleypur sú górillan sem sló á harðaspretti út í buskann.  Hin górillan eltir og reynir að "klukka" górilluna sem hóf leikinn.  Þegar það tekst snýst hlutverkið við.  Þannig getur leikurinn haldið áfram um hríð þangað til báðar górillurnar eru orðnar örmagna af þreytu. 

  Górillurnar fara ekki í "klukk" ef þær halda að fólk sjái til.  Rannsakendur háskólans í Portsmouth komust að þessu er þeir skoðuðu myndbandsupptökur af górillum.  Górillur og fleiri apategundir gera ýmislegt fleira þegar þær halda að fólk sjái ekki til þeirra.  Meira um það síðar.  Þangað til er upplagt að sjá í myndbandinu hér fyrir ofan apa skemmta sér við að hrekkja tígrisdýr.

Svona býr íslenski sendiherrann í Færeyjum

  Færeyingar eru áhugasamir um fallegan arkitektúr og fögur húsakynni.  Öfugt við Íslendinga sem sækja mest í ljótan arkitektúr og kunna engan veginn það sem einkennir færeyska byggingarlist:  Að byggingar falli vel að umhverfinu. 

  Íslenski sendiherrann í Færeyjum,  Albert Jónsson,  býr í afar fallegu húsi í Þórshöfn.  Svo skemmtilega vill til að konan hans,  Ása Baldvinsdóttir,  býr í sama húsi.  Ennþá skemmtilegri tilviljun er að sonur þeirra,  Baldvin,  er hljómborðsleikari Lokbrár.   

Hnefaleikakeppni aldarinnar

 

   Það stendur mikið til.  Jói sleggja hefur skorað á sjálfan sig í boxeinvígi aldarinnar.  Það hefur aldrei áður ríkt jafn mikill spenningur fyrir hnefaleikakeppni.  Hnefaleikahöllin er þéttsetin.  Það er fyrir löngu síðan uppselt á bardagann.  

  Fyrsta lota byrjar frekar rólega.  Jói sleggja þreifar fyrir sér.  Hann er að kynnast sér.  Vega og meta veikleika sína og styrkleika.  Rétt áður en bjallan glymur nær Jói sleggja að koma upphöggi á sjálfan sig.  En nær að verjast með því að sveigja andlitið aftur á bak á síðustu stundu.  En hrekst um leið út í horn.

  Næsta lota hefst á harðri sókn.  Jói sleggja á í vök aö verjast.  Áhorfendur standa með honum.  Það gefur honum aukið sjálfstraust.  Hann verst eins og óður maður um leið og hann reynir að finna veika bletti á sjálfum sér.  Ótal vindhögg setja strik í reikninginn.  Jói sleggja finnur fyrir þreytu.  En hann lætur ekki deigan síga.  Það er að duga eða drepast. Hann lætur höggin dynja á sér.  En verst samt hetjulega.  Hugsunin snýst um að verja höfuðið fyrir óvæntum stungum.

  Bjallan hringir.  Það er jafntefli enn sem komið er.  Jói sleggja ákveður í samráði við þjálfara sinn að beita óþokkabrögðum í 3ju lotu.  Um leið og hún hefst kýlir Jói sleggja viljandi undir beltistað.  Dómarinn dregur upp gula spjaldið.  Jói hrifsar gula spjaldið af dómaranum og étur það.  Það snöggfýkur í dómarann.  Hann dregur upp rauða spjaldið.  Jói sleggja hrifsar það einnig af honum og étur það.  Dómarinn gefur merki um hlé á bardaganum.  Síðan kallar hann reiðilega og skipandi til þjálfarans hans Jóa sleggju:  "Komdu með vatn handa kallinum.  Það er ekki hægt að láta hann éta tvö skraufþurr spjöld í röð án þess að drekka vatn með."

  Þjálfarinn hlýðir.  Jói sleggja þambar tvo lítra af vatni og biður um meira.  Hann er í stuði.  Hann kemur auga á skúringafötuna fulla af óhreinu sápuvatni og þambar allt úr henni líka.  Jói sleggja er hörkutól og engin pempía.  Hann rífur moppuna af skúringastönginni og sporðrennir henni (ekki skúringastönginni.  Bara moppunni).  Enda orðinn svangur eftir allan hamaganginn.  

  Það gutlar í Jóa sleggju þegar dómarinn hleypir bardaganum í gang aftur.  Jói sleggja tekur á öllu sínu.  Undir lok 3ju lotu nær hann upphandarhöggi og vankast.  Hann fylgir því eftir með rothöggi beint í andlitið.  Dómarinn gefur merki um að bardaganum sé lokið.

  Áhorfendur tryllast.  Allir standa með Jóa sleggju.    

  Jói sleggja rankar við sér.  Dómarinn krýnir hann sigurbelti undir drynjandi lófaklappi áhorfenda.  Þegar Jói sleggja yfirgefur hringinn flykkjast fréttamenn að honum.  Spurningarnar dynja á Jóa.  Aðallega sú hvers vegna hann berjist bara við sjálfan sig.  Jói sleggja svarar hreinskilnislega.  Hann hefur engu að leyna:  "Ég hef einfaldan smekk. Ég berst aðeins við þann besta."

----------------------------

Fleiri smásögur og leikrit:

 - Peysuklúbburinn

http://www.jensgud.blog.is/blog/jensgud/entry/1059543/

.

 - Vinalegur náungi:

http://jensgud.blog.is/blog/jensgud/entry/1041105

.

 - Gamall einbúi

 http://jensgud.blog.is/blog/jensgud/entry/1036775

.

- Saga af systrum

http://www.jensgud.blog.is/blog/jensgud/entry/1017021/

.

 - Jólasaga

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétta nunnan:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

.

- Í plötubúð:

http://jensgud.blog.is/blog/jensgud/entry/260037

Sólböð gegn sykursýki, krabbameini, þunglyndi, beinþynningu...

  Sífellt hlaðast upp sannanir fyrir því að sólböð eru holl og góð í flesta staði.  Hreint og klárt lífsnauðsynleg góðri heilsu.  Engu að síður stóðst Álfheiður Ingadóttir ekki mátið á dögunum og festi í lög að Íslendingum undir 19 ára aldri sé stranglega bannað að fara í sólbað að viðlögðum háum fjársektum,  fangelsun og eignarupptöku á sólkremum sem notuð eru við lögbrotið.

  Nú var sænsk rannsókn að staðfesta það sem margar eldri kannanir hafa bent til:  Að sólböð eru mikil og góð vörn gegn sykursýki.  Þau draga úr líkum á sykursýki um 30%.  

Sjá:  http://www.pressan.is/Frettir/LesaFrett/solbod-heilsusamleg-samkvaemt-nyrri-saenskri-rannsokn---dregur-ur-likum-a-sykursyki

http://naturalnews.tv/v.asp?v=234

http://www.jensgud.blog.is/blog/jensgud/entry/1067220/

  

Útlit fyrir gott helgarveður