Skúbb! Pétur Blöndal fram til formanns

  Pétur H.  Blöndal,  alþingismaður,  liggur undir feldi og íhugar hvort hann eigi að bjóða sig fram í formannssæti Sjálfstæðisflokksins á morgun eða svo.  Rosa mikill áhugi og stemmning er fyrir því meðal flokksmanna.  Vinsældir Péturs ná einnig langt út fyrir raðir flokksbundinna.  Í skoðanakönnun á Útvarpi Sögu sögðust yfir 8 af hverjum 10 styðja framboð Péturs.  Þátttakendur í skoðanakönnunni voru hátt á 3ja þúsund.  Þetta viðhorf hefur sömuleiðis speglast í símatímum útvarpsstöðvanna. 

  Svo virðist sem áhugi fyrir framboði Guðlaugs Þórs til formanns Sjálfstæðisflokksins hafi koðnað niður.  Það fór vel af stað.  129 manns skráðu sig á fésbókarsíðu til stuðnings Guðlaugi.  En svo var eins og tjald væri dregið fyrir sólu.  Ekkert hefur gerst síðan og Gulli læðist með veggjum þessa dagana:  http://www.facebook.com/#!/pages/Skorum-a-Gudlaug-por-ad-bjoda-sig-fram-til-formanns-Sjalfstaedisflokksins/120442957997480 

Enginn rekinn úr Sjálfstæðisflokknum

Málunum reddað af snerpu og skilvísi

  Þegar útrásarvillingarnir voru að ræna bankana innan frá sameinuðust helstu ráðamenn þjóðarinnar í húrrahrópum fyrir snilli ræningjanna og kaffibollaburðarmönnum þeirra.  Hérlendis,  og ekki síður erlendis,  kepptust menn við að hlaða lofi og fálkaorðum á kvikindin.  Gagnrýnisraddir greiningardeilda erlendra seðlabanka og aðrir fjármálafræðingar voru kvaddar í kútinn með þeim rökum að viðkomandi þyrftu á endurmenntun að halda.  Þeir væru annað hvort heimskir eða fáfróðir.  Íslenska snilldin væri þess eðlis að ekki væri farið eftir reglum.  Kylfa væri látin ráða kasti.  Þannig tækist mönnum að græða á daginn og grilla á kvöldin.  "Hugsið ykkur hvað væri gaman ef við gæfum í!,"  hrópaði ríkisrekinn ritþjófur í fögnuði yfir því að velta íslensku bankanna var orðin margföld velta íslenska ríkisins.

  Þegar aðvörunarorð gagnrýnenda reyndust sannspá brást forsætisráðherrann,  Geir Haaarde,  og ríkisstjórn hans við með yfirlýsingum um að best væri að gera ekki neitt.  Ósýnileg hönd myndi kippa öllu í lag ef ekkert væri gert.  Svo bað hann guð að blessa Ísland.  Arftakar Geirs tóku vinnubrögðin í arf - þó í orði kveðnu sé stöðugt verið að bjarga öllu.  Alveg eins og hjá BP:

Innheimtuaðgerðum frestað

Ný og spennandi plata frá Hebba

  Herbert Guðmundsson er í hljóðveri þessa dagana að taka upp nýja plötu.  Plötuna vinnur hann með Svani syni sínum.  Sá var nýverið kosinn besti söngvarinn í Músíktilraunum.  Þeir feðgar semja lögin þannig að Svanur leggur til hljómagang,  kaflaskipti og þess háttar og Hebbi bregður laglínum ofan á.  Í bland semur Hebbi einnig upp á gamla mátann á kassagítarinn sinn.

  Þegar hafa 5 af 10 lögum plötunnar verið hljóðrituð.  Gulli Briem sér um trommuleikinn;  Tryggvi Hübbner og Stefán Magnússon (Eiríkssonar) spila á gítara;  Haraldur Þorsteinsson plokkar bassann;  Og Magnús og Jóhann syngja bakraddir. 

  Dr.  Gunni heyrði upptökurnar á dögunum og skrifar á bloggsíðu sína:  "Ég heyrði ekki betur en þetta væru allt meira og minna súperhittarar."

  Doktorinn hefur gott nef fyrir "hitturum".  Ég held ég fari rétt með að hann eigi vinsælasta lagið á rás 2 um þessar mundir,   Vinsæll  með Hvanndalsbræðrum.

  Hebbi hefur sent frá ótal öfluga smelli í áranna rás.  Sumir eru orðnir sívinsælir,  svo sem  Can´t Walk Away,  Hollywood  og  Svaraðu kallinu.  Síðasta plata hans,  Spegill sálarinnar,  kom út 2008 og var hans besta.  Um hana má lesa hér:  http://jensgud.blog.is/blog/jensgud/entry/737633/

  Fyrir helgi var viðtal við Hebba á visir.is.  Þar getur að heyra upphaf lagsins  Time.  Sjá:  http://www.visir.is/atti-erfitt-med-ad-vidurkenna-fraegdina---myndband/article/201045375416

  Time  verður fyrsta lagið af plötunni sem fer í útvarpsspilun.  Ég ætla að hlusta á það í vikunni og læt ykkur vita hvernig það hljómar.  Þangað til er gaman að rifja upp: 

Bestu plötur síðasta aldarfjórðungs

  Poppblaðið Spin hóf göngu sína fyrir aldarfjórðungi.  Það hefur náð þeirri stöðu að vera næst söluhæsta bandaríska poppblaðið á eftir Rolling Stone.  Rolling Stone er söluhæsta poppblað heims.  Í tilefni af tímamótunum tók ritstjórn Spin sig til og setti saman lista yfir bestu plötur síðasta aldarfjórðungs. 

  Þessar plötur skoruðu hæst (innan sviga er útgáfuár plötunnar):

1   U2:  Achtung Baby  (1991)

2   Prince:  Sign O´the Times  (1987)

3   The Smiths:  The Queen is Dead  (1986)

4   Nirvana:  Nevermind   (1991)

5   Radiohead:  OK Computer   (1997)

6   Public Enemy:  It Takes a Nation of Millions to Hold Us Back  (1988)

7   Guns N´ Roses:  Appetite for Destruction  (1987)

8   PJ Harvey:  Rid of Me  (1993)

9   Pavement:  Slanted and Enchanted   (1992)

10  Nine Inch Nails:  The Downward Spiral  (1994)

11  The Replacements:  Tim  (1985)

12  OutKast:  Stankonia   (2000)

13  Sonic Youth:  Daydream Nation   (1988)

14  Beastie Boys:  Paul´s Boutique   (1989)

15  Hüsker Dü:  New Day Rising   (1985)

33  Björk:  Debut  (1993)

75  Björk:  Post  (1995)

  Það er áhugavert að bera saman við þennan lista annan þar sem lesendur NME kusu bestu plötur níunda áratugarins.  Sjá:  http://www.jensgud.blog.is/blog/jensgud/entry/1068992/

  Til að auðvelda samanburðinn lita ég plöturnar sem komu út á níunda áratugnum og hef fjólubláar þær sem voru einnig á lista NME.

  Ritstjórn Spin hefur greinilega breiðari músíksmekk en lesendur NME.  Og eðlilega er hlutfall bandarískra platna hærra hjá Spin þó Írarnir í U2 séu í toppsætinu og The Smiths í því 3ja. 

  Gaman væri að heyra viðhorf ykkar til þessa lista yfir bestu plötur síðasta aldarfjórðungs. 

Útúrsteiktur lax

  Byrjið á að veiða í Elliðaánum 4 væna laxa eða 8 titti.  Komið við í Húsasmiðjunni og Melabúðinni (eða Fjarðarkaupum) á leiðinni heim.  Í þessum verslunum skal kaupa 2 steikarpönnur,  10 lítra pott,  smjörstykki,  kryddið Best á lambið  (ef það er ekki til má með hálfum huga nota salt og pipar í staðinn),  16 litla lauka og 3 kíló af kartöflum.  Þegar heim er komið skal kasta glaðlega kveðju á heimilisfólkið.  Síðan eru kartöflurnar settar í pottinn og soðnar.  Laukurinn er saxaður fantalega en laxinn flakaður snyrtilega og skorinn í nett stykki.

  Laukurinn er smjörsteiktur lítillega á báðum pönnunum áður en laxinn er kryddaður og steiktur með.  Best er að hafa hitann á hæsta styrk til að laxinn brúnist án þess að steikjast um of.

  Rétt áður en kartöflurnar eru fullsoðnar skal flysja þær og skera í þunnar flögur.  Því næst er laxinn og laukurinn færður á fat.  Kartöflurnar eru settar á pönnuna og látnar malla á meðan heimilisfólkinu er smalað eins og köttum inn í borðstofu.

  Með laxinum er best að drekka ískalt klakavatn með sítrónusneið á glasbrúninni.  Eftir matinn er boðið upp á vindla og viskí með klaka.  

 

Borgarstjóri veiddi lax

Skiffle

  Í hinum frábæra sjónvarpsþætti  Popppunkti  í kvöld var spurt um flytjanda skiffle-lagsins  Rock Island Line  með skoska söngvaranum Lonnie Donegan.  Skiffle var og er merkilegt fyrirbæri rokksögunnar.  Þetta var upphaflega blúsafbrigði í Bandaríkjunum á þriðja áratugi síðustu aldar.  Þegar Skotinn Ewan McColl kynnti Bretum blúsinn á sjötta áratugnum skall skiffle-æði yfir Bretland.  Þar fór Lonnie Donegan fremstur í flokki.  Hann söng í skiffle-útfærslu fjölda bandarískra laga eftir Woody Guthrie og Leadbelly.  Raðaði þessum skiffle-lögum á breska vinsældalistann.

  Ef svona lög kæmu út í dag væru þau sennilega flokkuð sem létt órafmagnað kántrý-pönk.

  Hljómsveitin The Quarrymen,  sem varð síðar Bítlarnir,  var skiffle-hljómsveit.  Írinn Van Morrison var líka í skiffle-deildinni.  Í myndbandinu hér fyrir ofan flytur skiffle-kóngurinn Lonnie Donegan lag úr smiðju Leadbellys.  Í myndbandinu hér fyrir neðan flytur enska írsk-ættaða þjóðlagapönksveitin The Pogues eitt vinsælasta lag Ewans McColls,  Dirty Old Town.       

  Til gamans:  Dóttir Ewans,  Kirsty heitin (það var siglt yfir hana úti fyrir Mexikó)  átti vinsælt lag í flutningi leikkonunnar Tracy Ullman,  They Don´t Know:

  Sjálf skoraði Kirsty McColl hátt á vinsældalistum með lagi eftir Billy Bragg,  A New England. 

Annað frægt lag með Kirsty McColl og The Pogues er  Fairytale of New York:

   Annað flott lag með Billy Bragg er  Seven and Seven is:

  Billy Bragg hefur átt mörg lög á breska vinsældalistanum.  Aðeins einu sinni hefur hann þó náð 1. sætinu.  Það var með lagi Bítlanna,  hljómsveitarinnar sem byrjaði sem skiffle-hljómsveit,  She´s Leaveing Home:

 

  Svo haldið sé áfram að teygja á tengingunni þá var eiginkona Ewans McColls,  Peggy Seeger,  systir eins frægasta söngvahöfundar Bandaríkjanna,  Petes Seegers.  Hann er meðal annars höfundur  Turn,  Turn,  Turn.   Eins þekktasta lags The Byrds:

  Og  Bells of Rhymney:

 

Hér er Pétur gamli sjálfur að syngja lag Woodys Guthries fyrir Hussein forseta Bandaríkjanna:

  Af öðrum lögum Woodys Guthries er þekkt  Pretty Boy Floyd   með The Byrds:

Bestu plötur níunda áratugarins

  Að undanförnu hafa lesendur breska poppblaðsins New Musical Express dundað sér við að velja bestu plötur níunda áratugarins (80´s kalla enskumælandi þann áratug).  Listinn yfur bestu plöturnar hefur tekið á sig ákveðna mynd.  Þessar 20 plötur eru í efstu sætunum (innan sviga er útgáfuárið):

1   The Cure:  Disintegration (1989)

2   The Smiths:  The Queen is Dead (1986)

3   Joy Division:  Closer (1980)

4   The Cure:  Pornography  (1982)

5   The Stone Roses:  The Stone Roses  (1989)

6   The Cure:  The Head on the Door (1985)

7   The Smiths:  Meat is Murder  (1985)

8   Pixies:  Doolittle  (1989)

9   The Smiths:  The Smiths   (1984)

10  The Smiths:  Hatful of Hollow  (1984)

11  New Order:  Technique  (1989)

12  New Order:  Low-Life  (1985)

13  Pixies:  Surfer Rosa  (1988)

14  U2:  The Joshua Tree  (1988)

15  New Order:  Power,  Corruption & Lies  (1983)

16  Jesus & Mary Chain:  Psychocandy  (1985)

17  Echo & The Bunnymen:  Ocean Rain  (1984)

18  Sonic Youth:  Daydream Nation  (1988)

19  The Clash:  Sandinista  (1980)

20  REM:  Murmur  (1983)

  Níundi áratugurinn skilaði tiltölulega fáum flottum plötum miðað við næstu áratugi á undan (og eftir).  Sú er skýringin (að hluta) á að The Cure,  Joy Division/New Order og The Smiths eru áberandi í efstu sætunum.  Ég skerpi á því með litum.

  Listinn ber þess merki að það eru Bretar sem greiða atkvæði.  Allar plöturnar eru breskar nema Pixies, Sonic Youth og REM.  Þær eru bandarískar.

  Á listann vantar plötur Sykurmolanna.  Skrýtið.

  Gaman væri að heyra viðhorf ykkar til þessa lista.  Ekki síst hvaða plötu ykkur þykir vanta á hann.

Rokkhátíð á Sauðárkróki

 

  Helgina 13. - 14.  ágúst verður tónlistarhátíðin GÆRAN 2010 haldin á Sauðárkróki.  Nánari staðsetning er húsnæði Loðskinns,  Borgarmýri 5.  Miðaverð er aumar 4000 krónur fyrir stútfulla tónlistardagskrá báða dagana,  frítt í sund,  frítt í kvikmyndahús,  frítt fólk...

  Hálfur þriðji tugur hljómsveita mun halda uppi geðveiku fjöri.  Þar á meðal verða skagfirskir stuðboltar á borð við Bróðir Svartúlfs,  Gillon,  Fúsaleg Helgi,  Binna P,  Herramenn og Davíð Jóns.  Kynnar verða taktkjaftarnir Siggi Bahama og Beatur.

  Af fleiri skemmtikröftum má nefna hljómsveitina Múgsefjun,  Bigga Mix,  Hoffman,  Metallica... Eða,  ja sko,  nei sko,  eða sko það er ekki búið að tilkynna öll böndin og ég fór lítillega fram úr mér.  Óvart.  Málið er að fylgjast með og skrá sig á síðuna http://www.facebook.com/#!/pages/Saudarkrokur-Iceland/TONLISTARHATIDIN-GAERAN-2010/109182002449012?v=wall&ajaxpipe=1&__a=49

Íslendingar skikkaðir til að skipta um fána

  Ef svo klaufalega tekst til að Ísland endi inn í miðjum kæfubelg Evrópusambandsins mun það hafa ýmsar og meiri breytingar í för með sér en ætla má í fljótu bragði.  Þetta hefur farið lágt.  Meira að segja Heimssýn hefur ekki nefnt það.  Eitt það einkennilegasta er að íslenski fáninn brýtur mannréttindalög ESB.  Mannréttindadómsstóll ESB hefur þegar fellt dóm með þeirri niðurstöðu að kross sé trúartákn.  Skiptir þar engu máli hvort krossinn sé hugsaður sem heiðið tákn eða kristinn virðingarvottur við aftökubúnað.  Trúartáknum má einfaldlega ekki hampa á opinberum stöðum,  svo sem skólum,  almenningsvögnum og svo framvegis.

  Mér er til efa að Íslendingar hugsi um íslenska fánann sem trúartákn.  En ef Ísland verður hluti af ESB þarf ekki nema eina manneskju til að kæra fánann til Mannréttindadómsstóls ESB.  Niðurstaðan liggur fyrir.  Íslendingar þyrftu að skipta honum út fyrir gamlan fána með mynd af saltfisksflaki. 

  Að auki þyrfti að breyta upphafsatriði þessa myndbands.  Og ýmsu öðru.

Úr umsóknarferli í viðræðuferli

Pönkbyltingin

  Á hippárunum á seinni hluta sjöunda áratugarins talaði ungt fólk stundum með tilhlökkun um það þegar "68-kynslóðin",  hipparnir,  myndu taka við stjórn landsins.  Fólkið sem mótmælti stríði,  sagðist kúka á kerfið,  boðaði frjálsar ástir og dópaði.  Það yrði fjör.  Það var heldur ekkert langt í að Davíð Oddsson yrði borgarstjóri,  forsætisráðherra,  Seðlabankastjóri,  ritstjóri Moggans;  Ásta Ragnheiður Jóhannesdóttir,  DJ-drottning,  yrði alþingiskona og allskonar;  rokkstjarnan Óttar Felix Hauksson - sem rokkaði með nakinni kvenmannsgínu - yrði formaður Sjálfstæðisfélags Kópavogs;  Már Guðmundsson yrði Seðlabankastjóri... Og svo framvegis.  Og svo framvegis.  Tony Blair varð forsætisráðherra Bretlands.  Bill Clinton varð forseti Bandaríkjanna.

  Vissulega urðu miklar breytingar á vestrænum samfélögum.  Frjálsræði jókst og gömul gildi úreltust.  En samt.  Þetta varð ekki eins og vonir stóðu til.  "Eitt sinn hippi,  ávalt hippi" varð meira þannig að "nú er hann orðinn kótelettukarl".

  1976/77 bylti pönkið hipparokkinu og ný kynslóð,  pönkkynslóðin,  varð ráðandi afl með nýjum viðhorfum.  Gerðu-það-sjálf/ur (Do-it-yourself) var hugmyndafræðin;  að kýla á hlutina.  Fræbbblarnir og Sex Pistols hraunuðu yfir hippana.  Anarkismi var málið.

 

  Nú hefur það gerst sem fáa óraði fyrir:  Pönkbyltingin er orðin staðreynd í borgarstjórn Reykjavíkur.  Jón Gnarr var áberandi í pönksenunni.  Myndin hér efst er af pönksveit hans,  Nefrennsli.  Óttar Proppe,  forsprakki hinnar frábæru pönksveitar Rass,  er kominn í borgarstjórn:

   Líka Einar Örn.  Hann er orðinn formaður Sorpu bs.

  Og Dr.  Gunni er þarna einnig.  Hann er orðinn formaður Strætó bs.

 

Jón Gnarr með lyklavöldin

Djöflahorn

  Dauðsfall bandaríska þungarokkssöngvarans Ronnie James Dio hefur blásið hressilegu lífi í umræðu og vangaveltur um það tákn sem kallast djöflahorn.  Djöflahorn eru mynduð þannig að hnefinn er krepptur en vísifingur og litliputti látnir vísa sperrtir út í loftið.  Þetta þykir svipa til útlits lítils höfuðs með vegleg horn.

  Ronnie gekk til liðs við bresku þungarokkshljómsveitina Black Sabbath 1979.  Fyrirrennari hans þar við hljóðnemann,  Ozzy Osbourne,  var (og er) vanur að veifa til áhorfenda tákni sem kallast friðarmerki.  Það er myndað með krepptum hnefa en vísifingur og langatöng spennt út í loftið þannig að þau mynda stafinn V (victory = sigur).  

  Þetta friðartákn var allt að því einkennismerki Ozzy og Black Sabbath.  Ronnie James Dio vildi ekki herma algjörlega eftir Ozzy en þótti sniðugt að veifa djöflahornum í staðinn.  Ronnie lærði táknið af ítalskri ömmu sinni.  Þegar hún bauð börnum góða nótt veifaði hún þessu tákni í merkingunni "Varaðu þig á djöflinum!"  

  Ímynd Black Sabbath gekk út á daður við djöfladýrkun og kukl.  Ronnie þótti djöflahornin smellpassa við þá stemmningu.  Sem þau og gerðu.  Fjöldi annarra þungarokkara fór að flagga döflahornum.  Áður en langt um leið urðu djöflahornin einskonar kveðjutákn þungarokkara.

  Ronnie var hinsvegar ekki fyrstur rokkara til að veifa djöflahornum.  Bítillinn John Lennon átti til að bregða djöflahornum á loft um og upp úr miðjum sjöunda áratugnum.  Í hans tilfelli átti táknið að vera ástarkveðja.  Það átti að líkjast hjarta.  

  Á umslagi Bítlaplötunnar  Guli kafbáturinn  sést Lennon veifa djöflahornum.  Nokkru síðar fór hann að glugga í fræðum kuklarans Alesters Crowleys og uppgötvaði að kuklarar túlkuðu þetta sem djöflatákn.  Lennon var þá snöggur að skipta yfir í friðartáknið.  Hann hélt sig við það eftir þetta.

  Þungarokkararnir - aðrir en Ozzy - hafa aftur á móti haldið sig við djöflahornin.  Hér eru Marilyn Manson,  Slipknot,  Flea (Red Hot Chili Peppers) og aularnir í Anvil:

  Rapparar hafa á seinni árum einnig tileinkað sér djöflahornin.  Hér er það Snoop Doggy Dogg í Metallica bol:

  Brúskur forseti missti sig stundum í djöflahornum og allskonar rugli þó samstarfsfólk hans harðbannaði honum að veifa þessu tákni framan í ofurkristna íhaldsmenn.  Karl Rowe hýddi Brúsk alltaf í einrúmi eftir svona klúður.  Brúski fannst það gaman.

Sólbaðslöggan orðin að veruleika

  Í vetur þegar Álfheiði Ingadóttur fór að klæja í lófana að banna eitthvað var gantast með að hún myndi sennilega banna fullorðnu fólki undir 19 ára aldri að fara í sólbað.  Ávinningurinn yrði tvíþættur:  Annarsvegar fengi Álfheiður útrás fyrir bannáráttuna;  hinsvegar myndi bannið skapa fjölda nýrra starfa.  Þetta kallaði á stofnun fjölmenns hóps harðsnúinna lögreglumanna sem myndu vera á þönum alla daga á milli sólbaðsstofa,  ylstrandarinnar í Nauthólsvík og annarra þeirra svæða sem fólk sækir á sólríkum dögum.  Það yrði að fjárfesta í einni eða fleiri þyrlum til að leita uppi ungt fólk í sólbaði.

  Til viðbótar þyrfti að útbúa heilmikið pappírsbákn til að afgreiða sektarmiða og innheimta sektir.  Þetta kallar einnig á nýtt unglingafangelsi fyrir sólbaðsunnendur sem láta sér ekki segjast.  Að auki yrði til nýr iðnaður við að falsa nafnskírteini með ófyrirsjáanlegum afleiðingum þegar öll ungmenni landsins eru skyndilega orðin 19 ára eða eldri.

  Nú er brandarinn orðinn að veruleika.  Álfheiður hefur fengið samþykkt á alþingi lagafrumvarp sem bannar fullorðnu fólki undir 19 ára aldri að fara í sólbað.  Í greinargerð með frumvarpinu er tekið fram að banninu sé ætlað að hindra að ungt fólk fari í sólbað í fegrunarskyni.  Rannsóknir hafa sýnt að sólbrún húð hefur margfalt aðdráttarafl gagnvart hinu kyninu í samanburði við föla og veiklulega húð.  Með banninu er verulega dregið úr líkum á ótímabærri þungun fullorðins fólks undir 19 ára aldri.  

  Verið er að skipa nefnd til að finna út með hvernig hægt er að koma í veg fyrir að íslensk ungmenni laumist í sólbað í sólarlandaferðum.  

  Fullorðið fólk undir 19 ára aldri getur sparað sér pening með því að sólbaða aðeins annan helming líkamans.  Þá fær það bara hálfa sekt en nær samt öllum ávinningi af ljósinu.  Meðal annars D-vítamíni og upptöku á kalki til styrktar tönnum,  hári,  húð og nöglum;  og serótíni til að vinna gegn þunglyndi.  Með þessari aðferð verður að láta sér nægja að slá á ýmis húðvandamál aðeins á annarri hlið líkamans (exem,  sóriasis,  bólur o.s.frv.).  

 

 

 

 

 

 

 

Ljósabekkjabann orðið að lögum

Sjáið Eivöru sem Marilyn Monroe

  Hér er skemmtileg mynd af færeysku álfadrottningunni Eivöru í hlutverki Marilyn Monroe í óperunni  Anyone Can See I Love You  á sviði í Kanada í gær.   Með á myndinni er mótsöngvari hennar,  breski baritónsöngvarinn Richard Morris.  Óperan er sögð vera djasskennd og sönghlutverk Eivarar er skrifað í tónhæð Marilyn Monroe.  Sjá meira um óperuna hér:  http://www.jensgud.blog.is/blog/jensgud/entry/1063834/

  Fleiri góðar fréttir af Eivöru:  Nýja platan hennar,  Larva,  hefur verið að rokka um sæti 5 til 7 á íslenska vinsældalistanum yfir söluhæstu plöturnar undanfarnar vikur.  Hún er í 6.  sætinu þessa vikuna.  Það er næsta víst að  Larva  á eftir að seljast vel á löngum tíma.  Hún er töluvert seinteknari en fyrri plötur Eivarar.  Það tekur þess vegna nokkurn tíma fyrir marga að "ná" plötunni.  Þegar þeim hjalla er náð er auðheyrt að  Larva  er besta plata ársins 2010.  Sjá umsögn:  http://jensgud.blog.is/blog/jensgud/entry/1057725

  Upphafslag  Larva,  Undo Your Mind,  hefur dvalið í efstu sætum vinsældalista rásar 2 nú um nokkurra vikna skeið.  Í dag er lagið í 2.  sæti.  Næstu tvær vikur á undan var það í toppsætinu.  Frábært lag,  samið og útsett undir áhrifum frá James Bond.  Það er gaman að bera saman Eivöru á myndbandinu hér fyrir neðan og Eivöru í hlutverki Marilyn Monroe hér fyrir ofan.

 

Rokkstjörnudóp

  Á seinni hluta áttunda áratugarins starfaði ég sem blaðamaður.  Ég skrifaði aðallega um poppmúsík fyrir dagblöð og tímarit.  Eitt sinn komu í heimsókn til mín þrír liðsmenn þá vinsællar hljómsveitar.  Erindið var að framundan var hljómleikaferð hjá hljómsveitinni.  Ég bjó í lítilli kjallaraíbúð.  Í kjallaranum var einnig kyndiklefi.  Til að eyða kyndiklefalyktinni hafði frúin sett matarsóta í litla desertukál sem komið var fyrir ofan á heitum ofni.  Það virkaði eins og besta loftræstikerfi.

  Strákarnir í hljómsveitinni voru í annarlegu ástandi.  Þeir voru varla fyrr mættir á svæðið en einhver þeirra kom auga á matarsótann.  Hann hrópaði fagnandi:  "Vá,  hvað þú átt mikið!  Megum við fá smá?"  Ég áttaði mig varla á við hvað var átt og svaraði í hálfkæringi:  "Endilega!"  Það skipti engum togum að strákarnir rúlluðu eldsnöggt peningaseðlum upp í einskonar sogrör.  Síðan lögðust þeir á desertuskálina og sugu upp í nefið góða slurka af matarsótanum.

  Heimsóknin var stutt enda erindið fyrirliggjandi í fréttatilkynningu.  Er þeir kvöddu hnippti einn þeirra í mig og sagði hálf hvíslandi í trúnaði:  "Þetta er ekki gott efni.  Alltof mikið "köttað"."

  Lagið hér fyrir neðan hefur ekkert að gera með frásögnina.  Þetta er bara ljúf dönsk ballaða með hljómsveitinni The Arcane Order.  Ég vissi ekki fyrr en bara í gær að Danir gætu rokkað.  Jú,  jú,  auðvitað leiðindaskarfurinn Lars Ulrich.  En þar fyrir utan hafði ég lengi leitað að dönsku rokki.  Án árangurs.  DAD er ekki talin með (nema vegna skemmtilega viðtalsins í Litlu hafmeyjunni siðasta laugardag).

Lokað fyrir aðgang Ólafs F. að tölvugögnum sínum

 

   Borgarfulltrúar sem náðu ekki kjöri 29. maí láta formlega af embætti núna 12.  júní.   Þeirra á meðal er Ólafur F.  Magnússon,  fyrrverandi borgarstjóri.  Í gær ætlaði hann að sækja gögn úr tölvunni sinni með netpósti sínum í borgarstjóra- og borgarfulltrúatíð sinni.  Þá kom í ljós að búið er að loka fyrir aðgang hans að þessum gögnum.  Skýringin virðist vera sú að "mistök" hafi verið gerð á skrifstofu núverandi borgarstjóra,  Hönnu Birnu Kristjánsdóttur.  "Mistökin" hafa ekki verið leiðrétt.  Ólafur F.  nær ekki tölvugögnum sínum. 

  "Mistökin" koma Ólafi F.  ekki á óvart.  Hann er löngu vanur "hrekkjum" Hönnu Birnu þegar hún er í "stríðnistuði".

Meirihlutinn í Skagafirði klofnar vegna herbergis í Miðgarði

  Úrslitin í sveitastjórnarkosningunum í Skagafirði á dögunum voru söguleg.  Meðal annars vegna þess að þar náði fulltrúi Frjálslynda flokksins glæsilegri kosningu.  Formaður Frjálslynda flokksins,  formaður flokksins,  Sigurjón Þórðarson,  náði kjöri sem sveitastjórnarmaður.  Í kosningunum fyrir fjórum árum vantaði Frjálslynda flokkinn aðeins örfáum átkvæðum upp á að ná kjöri.  Ég man ekki hvort það voru 4 eða 5 atvkæði.  Eða eitthvað svoleiðis.

  Nú hafa Framsóknarflokkurinn og VG náð meirihluta í Skagafirði.  Ég er dálítið áhugasamur um sveitastjórnarmál í Skagafirði.  Ég er fæddur og uppalinn í útjarðri Hóla í Hjaltadal,  á bæ sem heitir Hrafnhóll.  Þar var pabbi minn oddviti og formaður Sjálfstæðisflokks Skagafjarðar.  

  Á síðasta sveitastjórnarfundi í Skagafirði bar til tíðinda að nýr meirihluti klofnaði í afgreisðlu á umsókn karlakórsins Heimis um að fá afnot af herbergi í Miðgarði í Varmahlíð.  Ágreiningurinn setti umsóknina í klessu.  Karlakórinn fær ekki afnot af þessu herbergi.  Einhverra hluta vegna.  

Sviptingar á fjölmiðlamarkaði

  Það eru ekkert voðalega mörg ár síðan ekki var þverfótað fyrir íslenskum dagblöðum:  Vísir,  Mogginn,  Tíminn,  Alþýðublaðið,  Þjóðviljinn,  Dagblaðið og Dagur.  Til viðbótar þessum 7 dagblöðum voru gefin út vegleg helgarblöð.  Annað hét Helgarpósturinn (síðar Pressan) og hitt hét Eintak.  Um tíma kom Eintak einnig út á miðvikudögum.  Á mánudögum kom Mánudagsblaðið út.  Þá var gaman að vera blaðafíkill.  Dagurinn og kvöldin fóru í að lesa dagblöð og vikublöð.

  Í dag eru aðeins gefin út 3 dagblöð:  Mogginn,  Fréttablaðið og DV.  Síðastnefnda blaðið kemur út þrisvar í viku.  Nýlega hættu hin blöðin að gefa út blöð á sunnudögum.

  Þróunin virðist vera í þessa átt:  Að dagblöð séu á hallandi fæti.  Í Færeyjum hafa áratugum saman verið gefin út 2 dagblöð,  Dimmalætting (sem líkist Mogganum) og Sósíalurin (sem líkist DV og Fréttablaðinu).  Bæði blöðin komu út 5 sinnum í viku.

  Fyrir tveimur mánuðum fækkaði Sósíalurin útgáfudögum niður í 3.  Þá brá svo við að sala jókst um 12%.  Útgáfufyrirtæki Sósíalsins (í eigu starfsfólks) hefur gengið í gegnum fleiri breytingar á síðustu árum.  Það heldur úti nokkrum vefsíðum:  planet.fo,  portal.fo,  sportal.fo,  sosialurin.fo og kannski fleirum.  Einnig heldur Sósíalurin nú úti annarri af tveimur einkaútvarpsstöðvum Færeyja,  Rás 2 (hin er kristilega útvarpsstöðin Lindin).  Rás 2 er músíkstöð.

  Svona er þróunin á gervihnattaöld.

Einföld aðferð til að afhomma

  Það þarf ekki meira til.  Þetta kennslumyndband tekur innan við 3 mínútur.  Að vísu þarf að horfa á það tvisvar eða þrisvar til að læra aðferðina utan að.  En hún er einföld og auðlærð.  Og pottþétt.  Þetta er ekki leikið grínatriði.   

Ekki kaupa Soda stream

  Soda stream gosdrykkjatækið og fylgihlutir þess (bragðefni,  gashylki og þess háttar) eru framleidd í hryðjuverkaríkinu Ísrael.  Kaup á ísraelskum vörum er stuðningur við hryðjuverk og nasisma.  Það er byggingavöruverslunin Byko sem selur Soda stream á Íslandi.  Andstæðingar hryðjuverka og nasisma eiga að beina viðskiptum til Húsasmiðjunnar eða annarra fyrirtækja í samkeppni við Byko.

  Í Heimilistækjum fæst þýskt hágæðagosdrykkjatæki,  Wasser Maxx.   Það er bæði betra og ódýrara en Soda stream.

 

Ísraelsher stöðvar hjálparskip

Eivör #1 á Íslandi og í Færeyjum aðra vikuna í röð

  Aðra vikuna í röð situr upphafslag plötunnar stórkostlegu,  Larva,  með Eivöru í 1.  sæti vinsældalista rásar 2.  Lagið,  Undo Your Mind,  er að sögn Eivarar samið og útsett undir áhrifum frá James Bond kvikmyndum.  Pabbi hennar,  Páll Jacobsen,  er mikill aðdáandi James Bond-myndanna.

  Aðra vikuna í röð á Eivör einnig topplagið í Færeyjum,  Vöka.   Þessa dagana er Eivör í Kanada að æfa fyrir hlutverk sem Marilyn Monroe í óperu eða söngleik Gavins Bryars  Everybody Can See I Love You  (sjá síðustu færslu).