Bestu frumburðir rokksögunnar

  Breska rokkblaðið New Musical Express hefur verið að velta fyrir sér hvaða fyrstu plötur,  frumburðir,  hljómsveita og sólóskemmtikrafta hafa heppnast best.  Ritstjórn blaðsins hefur birt sinn lista en leyfir einnig lesendum að taka þátt í leitinni að bestu fyrstu plötunum.  Sú kosning stendur ennþá yfir.  Sá listi hefur tekið á sig fast form.  Hugsanlega eiga einhverjar plötur á þeim lista eftir að skipta um sæti.  En þær plötur sem eru núna á listanum virðast vera komnar inn á hann til að vera þar.  Ég sakna þar plötu Sykurmolanna,  Life Is Too Good,  og Debut plötu Bjarkar.  Reyndar er engin sólóplata á listanum yfir þær 20 bestu.  Hvernig sem á því stendur.

  Plöturnar í allra efstu sætunum bera þess merki hverjir eru lesendur NME:  Ungir karlar hallir undir Brit-popp.  Suede og Oasis ættu varla möguleika í samskonar könnun hjá bandarískum rokkblöðum.  En þetta er fyrst og fremst skemmtilegur samkvæmisleikur.  Gaman væri að heyra ykkar viðhorf til listans.  Hann er svona (fyrir aftan er útgáfuárið):

1   Suede:  Suede (1993)

2   Oasis:  Definitely Maybe (1994)

3   The Strokes:  Is This It (2201)

4   Arctic Monkeys:  Whatever People Say I Am... (2006)

5   Joy Division:  Unknown Pleasures (1979)

6   The Stone Roses:  The Stone Roses (1989)

7   The Smiths:  The Smiths (1984)

8   The Jimi Hendrix Experience:  Are You Experienced (1967)

9   The Libertines:  Up The Bracket (2002)

10  The Clash:  The Clash (1977)

11  Sex Pistols:  Never Mind The Bollocks (1977)

12  Arcade Fire:  Funeral (2005)

13  Franz Ferdinand:  Franz Ferdinand (2004)

14  The Killers:  Hot Fuss (2004)

15  The Velvet Underground:  The Velvet Underground & Nico (1967)

16  The Doors:  The Doors (1967)

17  Led Zeppelin:  Led Zeppelin (1969)

18  The Beatles:  Please Please Me (1963)

19  The White Stripes:  The White Stripes (1999)

20  The Who:  My Generation (1965

Kallinn reddar þessu

  Ég þreytist ekki á að skemmta mér yfir "þúsundþjalasmiðnum".  Þessum sem reddar öllum hlutum.  Ef eitthvað er í ólagi þá lítur hann í kringum sig og grípur til þess sem hendi er næst til að kippa hlutunum í lag.  Hér eru nokkur skemmtileg dæmi:

  Það þarf að hræra deigið.  Hrærivélin er biluð.  Kallinn teygir sig þá bara í verkfæratöskuna,  grípur upp rafmagnsborinn og festir þeytispaðann framan á hann.  Málið leyst.

   Smá umferðaróhapp.  Framljósin vinstra megin í klessu.  Þetta er ekkert sem ekki er hægt að redda með tveimur vasaljósum.

  Afturglugginn vinstra megin fór í klessu.  Svo heppilega vildi til að afgangsgluggi úr bílskúrnum passar eins og hanski.  Það eina sem þurfti var dágóður slatti úr frauðplastsbrúsa.  Málið leyst.

  Jólakúlurnar frá því í fyrra finnast hvergi.  En nóg er til af litfögrum bjórdósum.  Vinur minn í Hafnarfirði hefur einmitt græjað þetta svona í mörg ár.  Virkar vel.  Eins og best verður á kosið.

  Það þarf að ferja nautið bæjarferð.  Óþarfi er að spandera í kostnað við nautgripavörubíl.  Heimilisdrossían dugir prýðilega.

  Það þarf að snyrta hekkið.  Slétta það að ofan.  Kallinn reddar því.

Rás 2 til fyrirmyndar

  Það er afskaplega aulalegt þegar dagskrárgerðarmenn útvarpsstöðva tala um "cover song",  "coverlag",  ábreiðulag,  ábreiðu, mottu,  tökulag eða endurvinnslu þegar rætt er um  lag flutt af öðrum en höfundinum og / eða frumflytjanda lagsins.  Í morgunútvarpi rásar 2,  Virkir morgnar,  er dagskrárliður sem heitir Bítlakrákan.  Þetta er til fyrirmyndar.  Þar er um að ræða flutning hinna ýmsu tónlistarmanna á lögum eftir Bítlana. 

  Kráka er snilldar þýðing Steina Briem á "cover song".  Kráka vísar til hermikráku án forliðsins "hermi" og lýsir fyrirbærinu þannig skilmerkilega.  Það er ekki (endilega) verið að herma eftir frumflutningnum heldur flutning á lagi sem er þekkt í flutningi annars flytjanda.  Til viðbótar hljómar kráka líkt enska orðinu "cover".  Ennfremur hefur krákan það umfram önnur orð sem notuð hafa verið um fyrirbærið að það býður upp á sögnina að kráka lag eftir aðra.  

.

  Umsjónarmenn Virkra morgna á rás 2,  Andri Freyr Viðarsson og Guðrún Dís Emilsdóttir,  eiga hrós skilið fyrir að bjóða upp á Bítlakráku dagsins.  Bæði vegna þessa dagskrárliðar (og fleiri áhugaverðra efnistaka) og ekki síður fyrir nafnið á dagskrárliðnum.  Fleiri dagskrárgerðarmenn rásar 2 eiga skilið sama hrós fyrir að brúka orðið kráka.  Þar á meðal Margrét Erla Maack (sem var fyrst dagskrárgerðarmanna rásar 2 til að taka þetta upp) og Óli Palli.  Rás 2 er að standa sig á þessu sviði,  sem og fleiri sviðum.  Við á Nálinni fm 101,5 höfum ekki látið okkar eftir liggja.  Nálin er í fríi í nóvember.  Það er verið að endurstilla senda og laga fleiri hluti.  Svo fer Nálin aftur í loftið 1.  desember.  Það verður gaman.  

Borgarstjóri hrekkir næstum sjötugan mann

  Á síðasta kjörtímabili kom upp sérkennilegt mál í borgarstjórn.  Þannig er að Reykjavíkurborg leggur borgarstjórnarflokkunum til fjárstyrki.  Borgarstjórnarflokkur Frjálslynda flokksins,  F-listi,  klauf sig frá Frjálslynda flokknum í tvígang á kjörtímabilinu.  Einhversstaðar í því ferli kom upp ágreiningur um það hvort fjárstyrkur borgarinnar ætti að fylgja Frjálslynda flokknum eða borgarstjórnarflokki F-listans. 

  Löglærðir menn lögðust yfir málið.  Niðurstaðan var sú að Frjálslynda flokknum bæri fjárstyrkurinn.  Einhverra hluta vegna hefur styrkurinn ekki skilað sér til Frjálslynda flokksins.  Á dögunum boðaði borgarstjórinn Guðjón Arnar Kristjánsson, fyrrverandi formann Frjálslynda flokksins, á sinn fund til að ganga frá þessu máli.  Þegar Guðjón Arnar mætti á tilsettum tíma var borgarstjórinn fjarri góðu gamni.  Til hans spurðist ekki.  Ruku menn þá upp á milli handa og fóta.  Þeir leituðu af sér allan grun.  Meðal annars hvort verið gæti að um 1. apríl væri að ræða.  Svo reyndist ekki vera.  Þarna virðist sem annarskonar hrekkur hafi verið í gangi.  Hrekkur borgarstjóra við næstum sjötugan mann (66 ára).  Það er illa gert og ljótt.   

 

Klúður - má ekki endurtaka sig

 

  Í Fréttablaðinu í dag er birtur útdráttur úr grein eftir Guðmund Gunnarsson,  formann Rafiðnaðarsambandsins,  á Eyjunni.  Fyrirsögn greinarinnar er "Glundroðinn við völd".  Tilvitnunin hefst á þessum orðum:  "Afstaða stjórnarandstöðunnar með órólegu deildinni er orðin mjög stór þrándur í götu gagnvart upprisu íslensks atvinnulífs." 

  Þarna er rangt eftir Guðmundi haft.  Hann stafsetur nafn Þrándar réttilega með stóru Þ.  Hinsvegar stafsetur hann ranglega nafn þorpsins Götu með litlu g. 

  Þrándur í Götu var höfðingi á Austurey í Færeyjum fyrir þúsund árum.  Hann átti hálfa Austurey og var merkilegur maður um margt.  Þessi forfaðir færeysku álfadísarinnar Eivarar var fyrsti menntamálaráðherra Færeyja.  Barðist fyrir menntun Færeyinga.  Hann barðist gegn skattgreiðslum Færeyinga til norska kóngsins.  Hann var ásatrúarmaður og barðist gegn kristnitöku í Færeyjum. 

  Hérna erum við vinirnir,  ég og Þrándur í Götu.  Þrándur var svo þver og fastur fyrir að það er túlkað á snilldar hátt með styttunni af honum í Götu.

  Það er flott að vísa til Þrándar í Götu í því samhengi sem Guðmundur gerir.  En gætum að því að nota stórt Þ og stórt G þegar vísað er til Þrándar í Götu. 

Jólakakan

 

  Eftirfarandi uppskrift að jólakökunni góðu fékk ég senda.  Mér segir svo hugur að fleiri kunni vel að meta þessa einföldu,  fljótlegu og skemmtilegu uppskrift.

Jólakakan góða

Hráefni:
1 bolli vatn
1 bolli sykur
4 stór egg
2 bollar þurrkaðir ávextir
1 teskeið bökunarsódi
1 teskeið salt
1 bolli púðursykur
1 bolli sítrónusafi
1 bolli hnetur
1 flaska af eftirlætis viskíinu 

Meðhöndlun:
1. Smakkaðu viskíið til að ganga úr skugga um að það sé ekki skemmt.
2. Takið stóra skál. Athugið viskíið aftur til að vera alveg viss um að það sé ekki skemmt.
3. Hellið viskíinu í bolla og drekkið.
4. Endurtakið.
5. Kveikið á hrærivélinni, hrærið 1 bolla af smjöri í stóra mjúka skál.
6. Bætið 1 teskeið út í og hrærið aftur.
7. Athugið hvort viskíið sé nokkuð farið að skemmast.
8. Fáið ykkur annan bolla.
9. Slökkvið á hrærivélinni.
10. Brjótið tvær fætur og bætið í skálina og hendið útí bollanum af þurrkuðu ávöxtunum.
11. Hrærið í kveikivélinni.
12. Ef þurrkuðu ávextirnir festast við hrærarana losið þá þá af með rúfskjárni.
13. Bragðið á viskíinu til að athuga brestgatið.
14. Næst, sigtið 2 bolla af salti. Eða einhverju.
15. Athugið viskíið.
16. Sigtið sítrónusafann og teygið hneturnar.
17. Bætið einu borði, skeið, af sykri eða eitthvað. Hvað sem þú finnur nálægt.
18. Smyrjið ofninn.
19. Stillið kökuformið á 250 gráður.
20. Gleymið ekki að hræra í stillaranum.
21. Hendið skálinni út um gluggann og rokið lúðunni.
22. Athugið vískíið aftur. Og aftur. Farið að sofa. Það langar engan í jólaköku lengur. Ekki núna.

Gefið embættismönnunum nafn og andlit

  Umfjöllun um þá sem eru að fara illa út úr samskiptum við banka,  fjármögnunarfyrirtæki,  ríki og borg einkennist af þvi að talað er um þessi fyrirbæri eins og andlitslaus embætti.  Fólk kvartar undan bönkum,  fjármögnunarfyrirtækjum,  Íbúðalánasjóði,  ríkisvaldi og embættum sveitarfélaga.  Það er eins og þessi fyrirbæri séu sjálfstæðar andlitslausar stofnanir.  Sú er hinsvegar ekki raunin.  Þarna eru einstaklingar að verki.  Jú,  vissulega fulltrúar sinna embætta.

  Gefum þessum fulltrúum nafn.  Látum þá standa fyrir sínum embættisverkum undir nafni.  Rétt eins og fórnarlömb embættisfærslna þeirra.  Ekki leyfa þeim að fela sig á bak við stofnunina sem þeir vinna hjá.  Þetta eru einstaklingar sem eiga að standa skil á sínum embættisfærslum.  Undir nafni.

Ætla að stöðva útburð

Mikilvægt að leiðrétta

  Einn allra skemmtilegasti og fróðlegasti útvarpsþáttur heitir "Nei hættu nú alveg".   Hann er á dagskrá rásar 2 á milli klukkan 15.00 og 16.00 á sunnudögum.  Þar fer stjórnandinn,  Villi "Naglbítur", á kostum ásamt gestum.  Í síðasta þætti varpaði Villi fram spurningu um það hvenær bandaríski söngvarinn Elvis Presley hafi fallið frá.  Rétt svar var 1977.  Í inngangi að spurningunni sagði Villi hann Elvis kallinn hafa verið góðan lagahöfund. 

  Málið er að Elvis var ekki lagahöfundur.  Eftir hann liggur ekki eitt einasta lag.  Það breytir þó engu um að Elvis var frá söngvari,  frábær túlkandi,  með frábæra sviðsframkomu og frábær um margt annað.  En hann var ekki lagahöfundur.

Styrktartónleikar Aflsins

  Árlegir styrktartónleikar Aflsins verða haldnir í Akureyrarkirkju fimmtudaginn 4.  nóvember klukkan 20.00.  Áætlað er að þeir standi til klukkan 23.00 eða svo.  Eftirtaldir koma fram á tónleikunum:

  -  Karlakór Akureyrar - Geysir

  -  Heimir Ingimarsson

  -  Rúnar Eff

  -  Óskar Pétursson

  -  Kór Glerárkirkju

  -  Kynnir verður Jokka

  Aflið er systursamtök Stígamóta á Norðurlandi.  Þetta eru fjárvana samtök sem byggja á starfi sjálfboðaliða.  Allir sem koma fram á tónleikunum gefa sína vinnu. 

  Það er mikilvægt að hver sem möguleika hefur á að sækja þessa tónleika geri það - og taki með sér gesti.  Miðaverð er aðeins 1500 kall.  Enginn posi er á staðnum.  Það er upplagt fyrir vinnufélaga á Húsavík, Ólafsfirði og víðar að taka sig saman og fjölmenna.

www.aflidak.is

http://www.facebook.com/event.php?eid=105129009553250

http://www.facebook.com/event.php?eid=105129009553250#!/pages/wwwaflidakis/108443469173520?v=wall

http://www.facebook.com/event.php?eid=105129009553250#!/profile.php?id=100000927585079

Nálin farin í frí

  Sunnudagshugvekjan  í kvöld varð ekki alveg eins og að var stefnt.  Ég var með lagalista þáttarins á svokölluðum minnislykli.  Það er ansi þægilegt.  Nema að áður en þátturinn var hálfnaður þá fraus tölvan.  Stokkfraus.  Mér til happs varð að í hljóðveri Nálarinnar eru nokkrir geisladiskar.  Það sem er ennþá betra er að þó diskarnir séu fáir þá eru þeir hver öðrum betri.  Ég gat því spilað ljúf lög af þeim diskum og þóttist ekki sjá frosnu tölvuna.

  Það er ekki beinlínis samhengi á milli þess að tölvan fraus og hins:  Að útsendingar Nálarinnar munu liggja niðri í nóvember.  Ástæðan fyrir því er fyrst og fremst sú að eitthvað ólag eða vanstillingar hafa verið á sendum Nálarinnar.  Til að taka sendana í gegn og koma öllu í besta horf falla útsendingar niður á meðan.  Frekar en vera í óvissu með hvað það tekur langan tíma hefur verið ákveðið að útsendingar Nálarinnar hefjist aftur 1.  desember.  Og þá með miklum látum.   Ýmislegt annað verður lagfært í leiðinni þannig að Nálin kemur mun sterkari til leiks en áður.  Kemur eins og sprengja inn á markaðinn. 

      

Sunnudagshugvekjan: Heimsfrumflutningur í útvarpi á lagi með Megasi

 

  Sunnudagshugvekjan  er að venju á dagskrá Nálarinnar fm 101,5 á milli klukkan 19.00 og 21.00.  Í þættinum í kvöld ber helst til tíðinda heimsfrumflutningur í útvarpi á lagi sem Megas syngur við annan mann.  Meira segi ég ekki að sinni um það dæmi.  En það er spennandi og flott.  Að öðru leyti verður  Sunnudagshugvekjan  með hefðbundnu sniði:  Í fyrri klukkutímanum er boðið upp á klassísk rokklög.  Samt ekki lög sem hafa verið mest áberandi í útvarpi eða á pöbbum undanfarin ár.  Nema þá í flutningi annarra en þeirra sem þekktastir eru fyrir lögin.

  Um miðbik þáttarins eru það föstu liðirnir:  Pönk-klassíkin,  reggí-perlan og "skrýtna lagið".  Sú breyting hefur orðið á að ekki er lengur spiluð djass-klassíkin.  Í hennar stað verður boðið upp á "færeyska lagið".  Að þessu sinni verður það með Högna Reistrup.

  Í seinni klukkutímanum eru spiluð lög með íslenskum flytjendum í bland við heimspopp.  Ég hef grun um að þar leynist assgoti magnað grænlenskt lag. 

  Hægt er að hlusta út um allan heim á netinu með því að smella á:  http://media.vortex.is/nalinfm 

Vitlaust spurt í Útsvari

  Spurningaþátturinn Útsvar var jafn skemmtilegur og fróðlegur í sjónvarpinu í kvöld og oftast áður.  Afskaplega vel heppnaður þáttur í flesta staði.  Þáttur sem ómögulegt er að missa viljandi af.  Mér var þó afskaplega illa brugðið þegar spurt var:  "Höfuðborg hvaða fylkis í Bandaríkjunum heitir Helena?"

  Gefið var rétt fyrir svarið:  Montana.  

  Montana er ekki fylki í Bandaríkjum Norður-Ameríku.  Montana er ríki í Bandaríkjunum.  Höfuðborg Montana-ríkis er Helena.   

  Ég er miður mín yfir þessu.  

Sunnudagshugvekjan endurflutt í kvöld

  Sunnudagshugvekjan  frá síðustu helgi á Nálinni fm 101,5 verður endurflutt á þessari sömu útvarpsstöð núna (föstudag) á milli klukkan 19.00 og 21.00.  Með því að smella á eftirfarandi hlekk má sjá lagalistann:  http://jensgud.blog.is/blog/jensgud/entry/1109690/ .  Ég fékk einkar góð viðbrögð við kráku Villmanna á lagi Bubba Morthens  Talað við gluggan.  (athugið að í færeysku er 1 n í  gluggan).  Fólki þykir þetta vera "töff" hjá Villmönnum.

  Eins fékk ég góð viðbrögð við blússlagaranum  Bring it on Home to Me  með Sonny Terry & Brownie McGhee.

  Ýmsum þykir gaman að hlusta á netinu.  Það er gert með því að smella á þennan hlekk:  http://media.vortex.is/nalinfm 

 

Þarfar upplýsingar um kýr

 

Eftirfarandi texti er sagður vera heimildarritgerð um kýr eftir nemanda á miðstigi grunnskóla:

Nytsemi kýrinnar

Kýrin er húsdýr, en hana má líka finna fyrir utan húsið. Hún býr oftast í sveitinni en kemur líka inn í bæinn, en bara þegar hún á að deyja. En það ákveður hún ekki sjálf.

Kýrin hefur sjö hliðar: Efri hliðina, neðri hliðina, fremri hliðina, aftari hliðina, eina hliðina, hina hliðina og innri hliðina. Á framhliðinni er höfuðið og það er til þess að það sé hægt að festa hornin einhvers staðar. Hornin eru gerð úr horni og þau eru bara skraut. Þau geta ekki hreyft sig en það geta eyrun. Þau eru við hliðina á hornunum. Kýrin hefur tvö göt framan á höfðinu. Þau heita kýraugu.

Á afturhliðinni er halinn. Hún notar hann til þess að reka í burtu flugur svo að þær detti ekki í mjólkina.

Á efri hliðinni og einni hliðinni og hinni hliðinni er bara hár. Það heitir kýrhár og er alveg eins á litinn og kýrin.

Neðsta hliðin er mikilvægust því að þar hangir mjólkin. Þegar mjólkurkonan opnar kranana þá rennur mjólkin út. Þegar það er þrumuveður, verður mjólkin súr.

Beinin í kúnni heita kúbein. Það er líka hægt að nota þau til að draga út nagla.

Kýrin borðar ekki svo mikið, en þegar hún gerir það borðar hún alltaf tvisvar. Þegar kúnni er illt í maganum gerir hún ost. Það eru göt í ostinum.

Kýrin er með gott lyktarskyn. Við getum fundið lyktina af henni langar leiðir. Hvolpar kýrinnar heita kálfar. Pabbi kálfanna heitir naut og það heitir maður kýrinnar líka. Nautið gefur okkur ekki mjólk og þess vegna er hann ekki spendýr.

Þegar kúnni er slátrað, hella menn mjólkinni í fernur sem maður kaupir í búðinni. Fæturnir fjórir eru sendir til smiðsins. Það heitir endurvinnsla.

Kýrin er nytsamt dýr. Þess vegna finnst mér mjög vænt um kýrnar.

 

Sparnaðarráð

  Það er rosalega dýrt að keyra um Ísland.  Bara stuttur rúntur fram og til baka á milli Reykjavíkur og Egilsstaða getur kostað 20 þúsund kall eða meira.  Þegar manneskja ferðast ein er eðlilegast og ódýrast að ferðast á puttanum.  Það er aðeins snúnara þegar stórfjölskyldan ferðast saman:  Mamma,  pabbi,  amma,  afi,  börn,  barnabörn og bíll.  En það er engin ástæða til að leggja árar í bát.

  Til að spara bensínkostnað undir þessum kringumstæðum þarf aðeins að komast yfir kaðalspotta.  Síðan er drekkhlöðnum bílnum lagt úti í kanti,  rétt við bæjarmörkin.  Næsti bíll sem á leið hjá er stoppaður.  Við bílstjóra þess bíls er sagt:  "Hann drap á sér hjá mér.  Ertu til í að leyfa honum að hanga spölkorn aftan í þínum bíl?  Ég er ekki að fara langt."

  Trixið er að framlengja stöðugt hvert ferð er heitið.  Miklu skiptir að vera kurteis.  Segja:  "Það er bara aðeins lengra,  vinurinn.  Við erum alveg að verða komnir."

  Á ársgrundvelli getur þessi aðferð sparað hundruð þúsunda. 

-------------------------------------

Fleiri sparnaðarráð:

 http://www.jensgud.blog.is/blog/jensgud/entry/1099543/

http://www.jensgud.blog.is/blog/jensgud/entry/1031748/

http://jensgud.blog.is/blog/jensgud/entry/665336

http://jensgud.blog.is/blog/jensgud/entry/640833

http://jensgud.blog.is/blog/jensgud/entry/530712

http://jensgud.blog.is/blog/jensgud/entry/537968

http://jensgud.blog.is/blog/jensgud/entry/501251

http://jensgud.blog.is/blog/jensgud/entry/686753

http://www.jensgud.blog.is/blog/jensgud/entry/1073015/

     

Lagalistinn í kvöld

  Hér er listi yfir þau lög sem spiluð voru í  Sunnudagshugvekjunni  á Nálinni fm 101,5 í kvöld.  Þátturinn hefur aldrei gengið jafn algjörlega snurðulaust fyrir sig.  Það veit á gott.  Ég velti fyrir mér einum hlut varðandi þáttinn og þætti vænt um að heyra ykkar viðhorf:  Undanfarnar vikur hef ég boðið upp á fastan lið sem kallast djass-klassíkin.  Þar er um að ræða þekkta ljúfa perlu úr djasssögunni.  Spurningin er sú hvort það sé of "þungt" að hafa þessa djass-klassík með.  Fólk sem er óvant að hlusta á djass getur styggst við djassinn.  Ég velti fyrir mér að leggja þennan lið af.

  Þessi lög voru spiluð í kvöld:

 

1   Kynningarlag þáttarins:  Fílharmoníusveit Kulusuk,  Grænlandi:  White Riot

2   Deep Purple:  Hush

3   Georgie Satallietes:  Games People Play

4   Uriah Heep:  Easy Livin´

5   Motorhead:  Ace of Spades

6   Grosby,  Stills,  Nash & Young:  Teach Your Children

7   The Byrds:  Father Along

8   Sonny Terry & Brownie McGhee:  Bring it on Home to Me

9   Chuck Berry:  Johnny B. Good

10  Óskalag fyrir Sigurð I.B. Guðmundsson:  Bítlarnir:  Mr. Moonlight

11  Tillaga frá Rögnvaldi gáfaða:  The Jam:  Going Underground

12  Óskalag fyrir Guðmund Júlíusson:  Gary Moore:  Still Got the Blues

13  Djass-klassíkin:  John Coltrane:  I Love You

14  Pönk-klassíkin:  Sex Pistols:  God Save The Queen

15  Reggí-perla dagsins:  Gregory Isaacs:  Mr. Brown

16  Skrýtna lagið:  Focus frá Hollandi:  Hocus Pocus

17  Gímaldin:  Salome

18  Villmenn frá Færeyjum:  Talað við gluggan

19  Steinn Kárason:  Paradís

20  Mannfred Mann:  Sikelele (s-afrískt þjóðlag)

.

  Ef þarna leynast lög sem ykkur langar til að heyra þá er hægt að hlusta á þáttinn endurfluttan á föstudaginn,  á milli klukkan 19.00 og 21.00.

 .

Sunnudagshugvekjan í kvöld: Deep Purple, Uriah Heep, Motorhead...

  Sunnudagshugvekjan  svífur í loftið núna klukkan 19.00 á Nálinni fm 101,5 og verður á góðu flugi til klukkan 21.00.  Í fyrri hluta þáttarins eru spiluð klassísk rokklög.  Um miðbik þáttarins spretta föstu liðirnir óvænt fram:  Djass-klassíkin,  pönk-klassíkin,  "skrýtna lagið" og reggí-perla dagsins.  Í seinni hluta þáttarins ráða íslensk lög ríkjum ásamt heimspoppi. 

  Ýmis fróðleikur slæðist með.  Þar á meðal notadrjúgt hagkvæmnisráð.  Og ekki má gleyma óskalögunum.  Þau verða með Bítlunum,  Gary Moore og The Jam.

  Tölvuvæddir njóta þeirra forréttinda að geta smellt á eftirfarandi hlekk til að hlusta:   http://media.vortex.is/nalinfm 

Lykillinn fundinn að skilningi á listum og bókmenntum

  Ég hef lengi velt fyrir mér hvar lykilinn sé að finna að skilningi á listum og bókmenntum heimsins.  Einkum hafa þessar vangaveltur sótt að mér eftir að þingmaðurinn arðgreiðsluglaði,  Ásbjörn Ólafsson,  lýsti yfir í pontu viðbjóði sínum á listum.  Nú hefur biskupinn yfir Íslandi og Vestmannaeyjum svipt hulunni af leyndarmálinu.  Það er Nýja testamentið "sem er lykillinn að skilningi á listum og bókmenntum heimsins". 

  Þetta einfaldar mjög kennslu í listum og bókmenntum.  Það þarf aðeins að láta nemendur lesa Nýja testamentið.  Þá öðlast þeir skilning á hljómfræði,  mynduppbyggingu,  litafræði,  leiklist og hvað skilur að góðar og vondar bókmenntir. 

  Þjóðir heims sem lesa ekki Nýja testamentið eru hér eftir aðhlátursefni.  Þær hafa engan skilning á listum og bókmenntum.  Það er þeim ægileg háðung.   

  Sá sem hefur ekki lesið Nýja testamentið er algjörlega skilningslaus gagnvart  Tunglskinssónötunni.  Í hans eyrum er þetta aðeins sundurlaus hávaði.

Vegið að rótum trúarinnar

Besti þátturinn endurfluttur klukkan 11.00: The Long Ryders, Dylan, Gene Clarke...

  Besti tónlistarþáttur í íslensku útvarpi,  Fram og til baka og allt í kring,  var á dagskrá Nálarinnar fm 101,5 síðasta fimmtudag á milli klukkan 19.00 og 21.00.  Þessi glæsilegi þáttur verður endurfluttur í dag,  laugardag,  á milli klukkan 11.00 og 13.00.  Í þættinum spilað Gunni "Byrds" (Gunni í Faco,  Gunni í Japis...) bráðskemmtileg lög með frönsku hljómsveitinni Les Negrettes Vertes og ennþá skemmtilegri lög með bandarísku cow-pönk sveitinni frábæru The Long Ryders.  Einnig spilaði hann lög með Cream,  Eric Burdon,  Doors,  Dylan,  Gene Clarke,  Clarence White,  Roger McGuinn og fleiri hetjum.  Gestur Gunnars var Kormákur Bragason,  söngvari hljómsveitarinnar Gæðablóðs.  Eðlilega voru því nokkur lög með Gæðablóði spiluð líka. 

  Spjall þeirra Gunnars og Kormáks var allt hið áhugaverðasta,  sem og kynningar Gunnars á lögunum sem spiluð voru í þættinum.  Þar fljóta með margir góðir fróðleiksmolarnir.  Missið ekki af endurflutningnum.  Það er auðvelt að hlusta á netinu.  Bara smella á þessa slóð:  http://media.vortex.is/nalinfm .

  Munið svo að greiða atkvæði í skoðanakönnunum hér til vinstri á síðunni.

Sunnudagshugvekjan endurflutt: Faith No More, The Stranglers, Paul McCartney, sparnaðarráð, "skrýtna lagið"...

  Sunnudagshugvekjan  frá síðasta sunnudegi verður væntanlega endurflutt á Nálinni fm 101,5 núna á milli klukkan 19.00 og 21.00.  Með því að smella á eftirfarandi hlekk er með auðveldum hætti hægt að sjá lagalista þáttarins:  http://www.jensgud.blog.is/blog/jensgud/entry/1107321/ . Lagaröðin er kannski ekki alnákvæm.  En samt að mestu leytu.

  Upplagt er að hlusta á netinu.  Það er gert með því að smella á þennan hlekk:    http://media.vortex.is/nalinfm