Poppstjörnur á Alþingi

  Stjórnmálamenn eru heilt yfir ástríðufullir tónlistarunnendur.  Margir þeirra spila á hljóðfæri og flestir bresta í söng af litlu tilefni.  Nægir að nefna Árna Johnsen, Róbert Marshall og Guðmund Steingrímsson.  Hljómsveitin Upplyfting er skipuð Framsóknarmönnum og Gildran skipuð Vinstri-grænum.  Besti flokkurinn var að uppistöðu til skipaður tónlistarfólki, sem og Björt framtíð.  Ólafur F.  Magnússon,  fyrrverandi borgarstjóri Reykjavíkur,  var að senda frá sér glæsilega plötu með frumsömdum söngvum.

  Fjöldi poppstjarna er í framboði til Alþingis núna á laugardaginn.  Þar á meðal formaður Bjartrar framtíðar,  Óttar Proppé.  Hann leiðir listann í SV-kjördæmi og er söngvari hljómsveita á borð við Ham,  Dr. Spock og Rass.  Hinn söngvari Ham,  Sigurjón Kjartansson, og bassaleikarinn, S. Björn Blöndal borgarfulltrúi,  eru einnig á framboðslista Bjartrar framtíðar.  Aðrir borgarfulltrúar,  Karl Sigurðsson í Baggalúti og Einar Örn "Sykurmoli", eru líka á listanum.  

  Píanóleikarinn og Alþingismaðurinn Illugi Gunnarsson er í heiðurssæti Sjálfstæðisflokksins í Reykjavík-suður.  Hann hefur setið á Alþingi til margra ára og er menntamálaráðherra.  

  Á framboðslista Vinstri-grænna eru Björn Valur Gíslason, söngvari og gítarleikari Roðlaust og beinlaust;  svo og gítarhetjurnar Gunnar Þórðarson og Björgvin Gíslason, að ógleymdum Ragnari Kjartanssyni og söngkonunni Sigríði Thorlacius. 

  Á framboðslista Samfylkingarinnar eru feðginin Margrét Gauja Magnúsdóttir og Magnús Kjartansson.  Þau eru þekkt fyrir lagið "Sólarsamba".  Það skoraði hátt í Söngvakeppni sjónvarpsins á níunda áratugnum.  Magnús hefur spilað með mörgum þekktustu hljómsveitum landsins.  Þar af Trúbroti, Óðmönnum, Júdas, Brimkló, Haukum og Brunaliðinu.  Meðfram var hann bæjarfulltrúi Sjálfstæðisflokksins í Hafnarfirði.  Svala Björgvins og Þorsteinn Eggertsson eru ennfremur á framboðslista Samfylkingarinnar.  Svala er í heimsþekktu hljómsveitinni Steed Lord.  Þorsteinn er þekktur rokksöngvari. Var á sínum tíma kallaður "íslenskur Elvis" og söng síðar í hljómsveitinni Rokkbræðrum.  Hann er afkastamesti textahöfundur landsins.  

  Á framboðslista Dögunar er hljómborðsleikarinn og söngkonan Ásthildur Cesil Þórðardóttir. Hún spilaði með ýmsum helstu danshljómsveitum Vestfjarða.  Á landsvísu er hún kunnust fyrir kvennahljómsveitina Sokkabandið.

  Á framboðslista Flokks fólksins eru Inga Sæland,  Þollý Rósmundsdóttir og Sveinn Guðjónsson. Inga sló í gegn í X-factor fyrir nokkrum árum.  Þollý heldur úti skemmtilegri blúshljómsveit kenndri við hennar nafn.  Sveinn hefur spilað á hljómborð og sungið með mörgum hljómsveitum.  Hæst ber Roof Tops.  

  Gítarleikarinn, söngvarinn og söngvahöfundurinn Lýður Árnason er á framboðslista Pírata.

  Leiðtogi Alþýðufylkingarinnar,  Þorvaldur Þorvaldsson,  skemmtir með öguðum söng. Hann er mikill söngvari.        

  Eflaust er ég að gleyma einhverjum sem eiga heima í þessari samantekt.  Ábendingar eru vel þegnar.

  

Þetta vill Hillary ekki að þú sjáir

  Frú Hildiríður Clinton hefur gefið kost á sér til framboðs í embætti forseta Bandaríkja Norður-Ameríku.  Hún er frambjóðandi Demókrataflokksins.  Helsi keppinautur hennar er Dóni Trump.  Hann er forsetaframbjóðandi Repúblikana.  Reyndar í óþökk margra hæst settu flokkssystkina hans.

  Bæði tvö eiga fortíð.  Sumt sem hvorugt þeirra þykir heppilegt að rifja upp og flagga.  Til að mynda að fyrir örfáum árum var Dóni ákafur aðdáandi Hildiríðar.  Hann studdi fjárhagslega kosningaslag hennar við Hússein Óbama.  Hann hlóð hrósi á hana.  Kallaði hana góða konu.

  Þau láta eins og það sé gleymt og tröllum gefið.

 

 

 

 

 

 

 

 

  Kært hefur verið á milli Hildiríðar og Georgs W. Brúsks,  fyrrverandi forseta Bandaríkjanna.  Gróa á Leiti segir að þau daðri gróflega við hvort annað í hvert sinn sem fundum ber saman.  Þrátt fyrir að vera flokkssystkini Dóna þá ætlar Bush-fjölskyldan ekki að kjósa hann.  Óljóst er hvort að hún kýs Hildiríði í staðinn.  Það fer hljótt. 

 

 

 

 

 

 

 

 

  Kosningavél Hildiríðar hefur ekki hampað afmæliskorti sem Bill sendi flokkssystur sinni,  Miss Móniku Lewinsky.  Hún hefur aldrei boðið Móniku í afmælið sitt.

 

 

 

 

 

 

.

49% styðja Clinton samkvæmt CNN

Tónlist Ólafs F. Magnússonar í spilun erlendis

  Internetið er skemmtilegt.  Ekki síst Fésbókin.  Þar kynnist fólk hvaðanæva úr heiminum með sömu áhugamál.  Þetta gerist sjálfkrafa.  Allt í einu er ég orðinn Fésbókarvinur annarra með sömu ástríðu fyrir tónlist og ég.  Forrit Fésbókar stýra þessu.  Gott mál.

  Einn góðan veðurdag var þýskur útvarpsmaður, Tom Nettie,  orðinn Fésbókarvinur minn.  Ég held að þar áður hafi leiðir legið saman á einhverjum tónlistarsíðum Fésbókar. Ég fékk einkapóst frá honum með fyrirspurn um Ólaf F. Magnússon. Lagið "Máttur gæskunnar" - sem ég póstaði á Fésbókarsíðu minni - heillaði hann.

  Tom er með tveggja tíma kvöldþátt,  The Golden Circle of Good Music,  á föstudagskvöldum á ensku útvarpsstöðinni Phoenix:  https:/www.facebook.com/events/362216267452447/.  Hann er einnig með - ásamt konu sinni - podcast þætti á þýsku.  Hann hefur verið með lagið í fastri spilun síðustu vikur.  Hér má heyra það á mínútu 43:  http://andreaduenkel.podomatic.com/entry/2016-10-22T07_01_41-07_00 

  Nú er Tom líka byrjaður að spila lag Ólafs,  "Ekki láta þá sökkva",  svo sem heyra má á mínútu 37:30 í sérþætti um norður-evrópska tónlist.  

      

  

Alltaf reikna með því að farangur skemmist og verði viðskila

  Allir sem ferðast með flugvél verða að gera ráð fyrir því að farangur fylgi ekki með í för.  Hann getur átt það til að ferðast til annarra áfangastaða.  Jafnvel rúntað út um allan heim.  Farangur hegðar sér svo undarlega.  Þetta er ekki eitthvað sem gerist örsjaldan.  Þetta gerist oft.  Ég hef tvívegis lent í þessu.  Í bæði skiptin innanlands.  Í annað skiptið varð farangurinn eftir í Reykjavík þegar ég fór til Seyðisfjarðar að kenna skrautskrift.  Hann kom með flugi til Egilsstaða daginn eftir.  Í millitíðinni varð ég að kaupa námskeiðsvörur í bókabúð í Fellabæ og taka bíl á leigu til að sækja farangurinn þegar hann skilaði sér.  

  Ég sat uppi með útgjöld vegna þessa óbætt.  Ekkert að því.  Það kryddar tilveruna.  

  Í hitt skiptið fór ég til Akureyrar. Farangurinn kom með næstu flugvél á eftir einhverjum klukkutímum síðar.  Það var bara gaman að bíða í kaffiteríunni á Akureyrarflugvelli á meðan.  Þar voru nýbakaðar pönnukökur á boðstólum.

  Eitt sinn heimsóttu mig hjón frá Svíþjóð.  Farangurinn týndist.  Ég man ekki hvort að hann skilaði sér einhvertíma.  Að minnsta kosti ekki næstu daga.  Hjónin neyddust til að fata sig upp á Íslandi.  Þeim ofbauð fataverð á Íslandi.  Kannski fóru þau í vitlausar búðir í Kringlunni.    

  Vegna þess hversu svona óhöpp eru algeng er nauðsynlegt að taka með í handfarangri helstu nauðsynjavörur.  

  Ennþá algengara er að farangur verði fyrir hnjaski.  Það er góð skemmtun að fylgjast með hleðsluguttum ferma og afferma.  

        

Töskunum mokað út fyrir flugtak

Sænska Nóbelsakademían áttar sig ekki á Bob Dylan

  Bandaríska söngvaskáldið Bob Dylan hefur aldrei verið fyrirsjáanlegt.  Hann kom fram á sjónbarsviðið á fyrri hluta sjöunda áratugarins.  Hann var til að byrja með Woody Guthrie jukebox.  Síðan sjálfur öflugt söngvaskáld í hans anda.  Söngtextarnir óvenju ljóðrænir.  Þá mátti túlka sem þjóðfélagsgagnrýni.  Einkum í samhengi við aðra sem hann var í slagtogi við í þjóðlagasenunni í New York.  

  Umfram marga í henni var og er Dylan mjög góður lagahöfundur.  Framan af ferli urðu lög hans ofurvinsæl í flutningi annarra:  The Byrds,  Peter, Paul & Mary,  Manfred Mann,  Sonny & Cher, Joan Baez og margra annarra sem ég man ekki eftir í augnablikinu.   

  Dylan varð kóngur bandarísku þjóðlagasenunnar.  Kærasta hans,  Joan Baez var drottningin.  1965 slátraði Dylan þeim titli sínum.  Hann mætti á stærstu árlega þjóðlagahátíðina með rokksveit. Háværa með rafmagnshljóðfærum.  Allt varð brjálað. Dylan var púaður niður.

  Sagan segir að þetta hafi komið honum í opna skjöldu.  Hann kom inn á markaðinn fyrir daga Bítlaæðisins.  Hann heillaðist af bresku Bítlunum og ekki síður af bandarísku Bítlunum,  The Byrds.  Hann samdi fyrsta smáskífulag The Byrds,  "Mr.  Tambourine Man".  Honum þótti rökrétt skref að rokkast.

  Þegar hippabylgjan skall á var Dylan ekki að öllu leyti samstíga.  Og þó.  Samt.  Ekki í háværri gagnrýni á hernað Bandaríkjanna í Víetnam.  En í músík og jákvæðri afstöu til vímuefna.  

  Gamlir samherjar kvörtuðu sáran undan því að Dylan tæki ekki þátt í andófi gegn Víetnamstríðinu.  Síðar upplýsti Dylan að hann hafi tekið meðvitaða ákvörðun um að verða ekki sá hippaleiðtogi sem kallað var eftir. Hann vildi ekki vera leiðtogi.  Hann vildi bara vera tónlistarmaður.  Söngvahöfundur án leiðtogahlutverks.

  Foreldrar Dylans eru gyðingar. Biblíutilvitnanir urðu snemma áberandi í textum hans. Á áttunda áratugnum snérist hann til kristni. Varð mjög upptekinn af því.  Afgreiddi þrjár plötur sem boðberi kristni.  Síðar rjátlaðist sá ákafi af honum.

  Dylan heldur stöðugt áfram að koma á óvart.  Söngrödd hans hefur alltaf verið fagurfræðilega vond.  Á síðustu árum hefur skrækt hæsi bæst við mikla nefmælgi og sérkennilegar áherslur.  Hann var á sínum tíma fyrsti frægi söngvari sem söng illa.  Að auki lélegur gítarleikari og falskur munnhörpublásari.  En bara flott.  

  Fyrir nokkrum árum kom Dylan á óvart með jólaplötu.  Söng (töluvert illa) þekkt gömul jólalög.  Næst kom hann á óvart með plötu sem inniheldur gamla Frank Sinatra slagara. 

  Dylan hefur sjaldnast gefið upp afstöðu til forseta- og alþingiskosninga í Bandaríkjunum.  Undantekningu gerði hann með stuðningi við forsetaframboð Husseins Obama. 

  Nú hefur Dylan verið heiðraður með bókmenntaverðlaunum Nóbels.  Þetta eru frægustu og hæst skrifuðu bókmenntaverðlaun heims.  Svo bregður við að Dylan hefur ekki sýnt nein viðbrögð.  Hann á ekki snjallsíma og er ekkert á samfélagsmiðlum á netinu.  Einu viðbrögð - sem óvíst er hvernig á að túlka - er að fréttatilkynning um verðlaunin birtust á heimasíðu Dylans en var fjarlægð skömmu síðar.    

  Til gamans má geta að þegar Dylan spilaði í fyrra skipti á Íslandi þá reykti hann yfir sig af hassi á Hótel Nordica áður.  Stal reiðhjóli sem hann mætti á í Laugardalshöll (nánast næsta hús). Var illa skakkur og skrækur í fyrstu lögum.       

    

Sakar Dylan um hroka og dónaskap

Tákn flokkanna

 

 

 

 

 

 

 

 

 

  Öll alvöru fyrirtæki og félög skarta lógói (einkennismerki/tákni).  Af heimsfrægustu best heppnuðu lógóum má nefna Nike, Mercedes Benz og friðarmerkið.  

  Kostir góðra lógóa er að þau tákni það sem þau standa fyrir.  Sem dæmi er Benz-merkið bílstýri.  Því augljósar sem táknið er þeim mun betra.

  Annar kostur er að lógóið sé ofur einfalt.  Þumalputtaregla er að hver sem er geti teiknað lógóið án þess að hafa fyrirmynd fyrir framan sig.

  Lógó þarf að þola lélega prentun og mikla smækkun án þess að afskræmast.  Það þarf að þola svart-hvíta prentun.  Það þarf að vera fallegt og tignarlegt

  Flokksmerki íslensku framboðanna til alþingiskosninga eftir viku eru skemmtilega fjölbreytt og flest ólík.  Viðhorf mitt til lógóa þeirra er algjörlega óháð viðhorfi til flokkanna.  

Nr. 1  Samfylking.  Rauður punktur.  Einfaldara getur lógó varla verið.  Það er stóri kosturinn.  Einnig að rauði liturinn staðsetur flokkinn augljóslega til vinstri.  Þó að áhorfandinn nemi það varla nema í undirvitund þá lýsist punkturinn örlítið upp til hægri.  Það laðar fram tilfinningu fyrir (billjard-) kúlulaga formi.  Virkilega djarft lógó.  Á móti vegur að andstæðingar geta túlkað merkið sem rautt viðvörunarljós eða rautt stöðvunarljós. Merkið tapar mikið til gildi í svart-hvítu og nýtur sín ekki án samhengis við flokkinn.  Til dæmis að taka þá myndi rauður punktur í veggjakroti ekki virka sem stuðningur við Samfylkinguna.  Upphaflega var lógóið rauður punktur með þykku hvítu S.  Það var fúsk.  

  Nr.  2  Dögun.  Merkið er fallegt, listrænt og sýnir dagrenningu.  Samhverfa er kostur.  Dökkblár neðri hluti staðsetur flokkinn til hægri.  Hann á þó frekar að tákna sjó og land (fjöll).  Upphaflega var teikning af fljúgandi sjófugli ofan í merkinu.  Blessunarlega ekki lengur.  Enda myndar hvíti flöturinn sjófuglstákn að auki.  Breyting í fiskveiðimálum er eitt af stóru málum Dögunar (Frjálslyndi flokkurinn er einn af hornsteinum Dögunar).

  Nr. 3  Vinstri græn.  Lógóið er listrænt og sýnir V laga form.  Rauða vinstri hliðin staðsetur framboðið til vinstri.  Græni flöturinn undirstrikar grænu pólitíkina.  Ókosturinn er að það er ekki auðvelt að teikna merkið án fyrirmyndar.  

  Nr. 4  Framsóknarflokkurinn.  Fallegt, samhverft og tignarlegt lógó.  Græni liturinn vísar til landbúnaðar og bænda.  Formið er tilvísun í gras.  Smart samsetning á dökkum og ljósum lit.  Ókosturinn er hvað þetta er flókið.  Það er erfitt er að teikna lógóið fríhendis án reglustiku og án þess að hafa fyrirmynd við hönd.  

  Nr. 5  Viðreisn.  Fallegt tákn samsett úr 3 bláum V og 3 appelsínugulum.  Það er rífleg áhersla á V,  upphafsstaf Viðreisnar.  Blái liturinn vísar til hægri.  Appelsínuguli liturinn vísar inn að miðju.  Merkið líkist vélspöðum á mótorbát.  Ókosturinn er að öll þessi V gera merkið heldur betur margbrotið - þó að auðvelt sé að teikna það.     

  Nr. 6  Björt framtíð.  Flötur merkisins og fjólublár litur vísa til heiðursmerkja á borð við orður.  Slaufur þar ofan á geta verið útfærsla á B og F.  Kostur er að ekkert annað framboð skartar fjólubláum lit.  Gallinn er að lógóið er ekki að koma neinum skilaboðum áleiðis.  Líka er það alltof flókið.  Það er ekki auðvelt að teikna það fríhendis án fyrirmyndar.  

  Nr. 7  Sjálfstæðisflokkurinn.  Í áranna rás hefur táknið,  ránfugl,  stöðugt færst í rétta átt. Upphaflega var þetta skelfilega flókin myndskreyting fremur en lógó.  Á síðari tímum hefur teikningin verið einfölduð verulega.  Íhaldsmenn halda eðlilega í allflest óbreytt.  Lógóið er engu að síður tignarlegt og blái liturinn vísar til hægri flokks.  

  Nr. 8  Píratar.  Lógóið er ljótt.  Það sýnir hring utan um svart-hvítan fána með hvítu merki innan í.  Virðist vera útflattur þorskur.  Svona óljóst er það klúður (fúsk).  Kostur er að fáninn myndar P.

  Nr. 9 Alþýðufylkingin.  Alltof alltof flókin teikning af rauðum fánum.    

  Nr. 10  Flokkur fólksins.  Flassandi amatörismi.  Útlínur Íslands og ofan í þær troðið X F með löngu millibili.  Liturinn er ljósbleikur og merkið nánast hverfur þegar það er smækkað.  Þar fyrir utan er þessi útfærsla fagurfræðilega afskaplega ljót. 

  Nr 10  Íslenska þjófylkingin.  Allra, allra, allra versta lógó ársins.  Flókið og ljótt.  Svart letur ofan í dökkbláan bakgrunn.  Ótrúleg smekkleysa.  Þetta er subbuleg klessa.  Í smækkun og í svart-hvítri útgáfu er það algjör klessa.   

.      

   

Píratar mælast stærstir

Hvað er í gangi? Spaugilegar furðumyndir

 

 

 

 

 

 

 

 

 

 

  Sumar ljósmyndir eru þannig að erfitt er að átta sig á því hvað þar er í gangi.  Þarna er stúlka að snæða pylsu.  En af hverju gerir hún það svona?

 

 

 

 

 

 

 

 

 

 

  Í mörgum tilfellum er fólk í undarlegum stellingum í tilteknum danssporum.  Hér er einkennilegasta útfærslan. 

 

 

 

 

 

 

 

 

 

 

 

 

 

 

 

   

  Það er gamall og góður siður að bursta tennurnar kvölds og morgna.  En er þetta heppilegasta stellingin:  Annar fóturinn ofan á hurð og sími við tærnar?

 

  

 

 

 

 

 

 

 

 

 

  Stolist í bjórinn.  En af hverju er dósin þarna?

 

 

 

 

 

 

 

 

 

  Ég hef ekki hugmyndaflug til að átta mig á því hvað þarna er í gangi.  Konur að skríða hver yfir aðra. 

  Myndirnar má stækka með því að smella á þær.  Þá verða þær skýrari og auðveldara að átta sig á aðstæðum.

Er Trump búinn að vera?

  Kosningabaráttan um embætti forseta Bandaríkja Norður-Ameríku hefur verið óvenju fjörleg í ár.  Munar þar mestu um framgöngu auðmannsins Dóna Trumps.  Hann var hallur undir Demókrata (enda New York-búi) uns hann ákvað að verða forseti og veðjaði þá réttilega á að reppaflokkinn.

  Kosningabarátta hans hefur gengið bærilega lengst af.  Hann hefur nýtt sér þekkt "trix" sem gáfust vel á fyrri hluta síðustu aldar.  Verra er að upptökur hafa lekið út þar sem ljúflingurinn hælir sér af því að komast upp með að grípa um kynfæri kvenna og kyssa þær án leyfis.  Giftar jafnt sem ólofaðar.  

  Þetta hrífur ekki íhaldssamar konur í Bandaríkjum Norður-Ameríku.  Þær hrífast að áformum Dóna um að einangra Bandaríkin með aðskilnaðarmúr á landamærum Mexíkó, banna múslima, refsa fyrir fóstureyðingu,  fangelsi pólitíska keppinauta,  banna innflutning á vörum frá Kína og eitthvað svoleiðis.  En ekki að hann grípi um kynfæri kvenna.  Það verður okkar manni að falli. Jafnvel þó að hann segist komast upp með það vegna frægðar.

   

Hvetur Trump til að hætta vælinu

Glæsileg plata frá fyrrum borgarstjóra Reykjavíkur

  Á dögunum kom út platan "Ég elska lífið" með Ólafi F. Magnússyni.  Áður hafa heyrst frá honum stök lög sungin af Páli Rósinkrans.  Þau eru á plötunni.  Páll er frábær söngvari.  Tvímælalaust einn sá besti á landinu.  Það heyrist glöggt í þeim fimm lögum sem hann syngur á tíu laga plötunni.

  Ólafur og Guðlaug Dröfn Ólafsdóttir syngja hin lögin.  Hún er auðheyranlega lærð í öguðum klassískum söng.  Afskaplega raddfögur og þægilega lágstemmd.  Söngur hennar fellur vel að söngstíl Ólafs.  Söngstíl sem klæðir tónlistina betur en annars mjög svo góður söngur Páls.  Ólafur syngur af einlægni, innlifun og næmri tilfinningu fyrir boðskap söngtextanna.  Enda allir nema tveir ortir af honum.  Þeir eru innihaldsríkir, boðandi og gefandi.  Þeir eru vel ort ljóð sem standa sterk án tónlistar.  En falleg tónlistin og snotrar laglínur lyfta þeim.

  Eitt ljóðið,  "Ferðabæn", er eftir langömmu Ólafs, Önnu Guðmundsdóttur.  Annað,  "Ákall", er eftir afa hans, Stefán Ágúst Kristjánsson.  Þau tvö ljóð eru alveg í anda frumsömdu ljóðanna.  Ólafur er höfundur allra laga.  Þau eru lipurlega samin.  Laglínur vinalegar og auðlærðar.  Sumar með krækju (hook line),  svo sem "Máttur gæskunnar".  Öll lögin eru róleg, hlýleg og flest með sálmakenndum blæ.    

  Upphafslagið,  "Gott og göfugt hjarta",  gefur tóninn.  Textinn er heilræðavísa.  Laglínan er falleg og hátíðleg.  Hún er undirstrikuð með - að mestu - órafmögnuðum hljóðfærum.  Þar af setur saxófónn sterkan svip á. Vilhjálmur Guðjónsson "galdrakarl" útsetur snyrtilega og spilar á öll hljóðfæri á plötunni að frátöldu gítarplokki Gunnars Þórðarsonar á móti honum í tveimur lögum. Vilhjálmur raddar að auki með Ólafi og Guðlaugu. Raddanir eru hvarvetna smekklega nýttar og vel heppnaðar í alla staði.  Eins og öll platan.  Hún er glæsileg.  Mitt uppáhaldslag er óður til Eyjabakka,  "Ekki láta þá sökkva".      

  

Kvikmyndarumsögn

  - Titill: Can´t Walk Away

  - Tegund:  Heimildarmynd um tónlistarmanninn Herbert Guðmundsson

  - Framleiðendur/myndatökumenn:  Ómar Örn Sverrisson og Friðrik Grétarsson

  - Sýningarstaður:  Egilshöll Sambíó

  - Einkunn: ****

  Titill myndarinnar,  "Can´t Walk Away",  vísar til vinsælasta lags Hebba (Herbert Guðmundsson).  Lags sem náði ofurvinsældum um miðjan níunda áratuginn.  Varð íslenskt einkennislag "80´s".  Gekk svo í endurnýjun lífdaga um aldarmótin.  Fór á þvílíkt flug að það fer enn með himinskautum.

  Lagið kemur eðlilega við sögu í myndinni.  Hinsvegar snýst myndin ekki um það.  Þess í stað er farið yfir viðburðarríkt lífshlaup Herberts frá barnæsku.  Tónlistarferill hans er rakinn í bland við annað sem á daga hefur drifið.  Í einkalífinu hafa skipst á skin og skúrir:  Brostin hjónabönd, fangelsisvist, eiturlyfjafíkn, eignamissir og gjaldþrot.  Hebbi dregur ekkert undan.  Reynir ekkert að fegra sinn hlut.    

  Myndin er heppilega hrá og látlaus; blanda af gömlu sjónvarpsefni, frásögnum samtíðarmanna og því að kvikmyndatökuvélar fylgdu Hebba eftir eins og skuggi hvert fótmál síðustu fimm ár.  Hún er hröð og þétt.  Hvergi slakað á.  Það er eitthvað í gangi á hverri mínútu. Allt á fullu allan tímann.

  Jákvæðni Hebba er aðdáunarverð.  Hann tekur öllu mótlæti af æðruleysi og vill öllum vel.  Leitar alltaf að björtu hliðunum.  Hann er góð og yndislega manneskja.  Myndin kemur því til skila.     

  Gaman var að fylgjast með viðbrögðum áhorfenda.  Mikið hlegið og undir lokin braust í tvígang út ákaft lófaklapp.  Á leið út úr Egilshöll heyrði ég ungan mann segja:  "Þetta var  þrusu skemmtileg mynd!"  Félagar hans tóku undir það.  Ég geri það líka.  Hvet alla sem tök hafa á að skottast í Egilshöll Sambíó.  Það er góð skemmtun.  

 

               

Kvikmyndin um Hebba frumsýnd í kvöld

  Gríðarmikill spenningur er fyrir heimildarmyndinni um tónlistarmanninn sívinsæla Herbert Guðmundsson.  "Can´t Walk Away" heitir hún, eftir þekktasta lagi hans.  Sýningar hefjast á myndinni klukkan 20.00 í kvöld,  í Egilshöll Sambíó.  Næsta sýning er klukkan 22.00.   

  "Trailerinn" má sjá HÉR   

  Nánar um sýningartíma og lýsingu á myndinni má sjá HÉR 

Upphefð poppmenningarinnar

  Ekki kemur beinlínis á óvart að bandaríska söngvaskáldið Bob Dylan hljóti bókmenntaverðlaun Nóbels í ár.  Meira undrunarefni er að hann hafi ekki fengið þau fyrir langa löngu.  Foreldrar hans eru gyðingar.  Til margra ára hefur spurst út að nafn hans sé í pottinum yfir þau sem koma til greina.  

  Vegna þess hve lengi hefur verið gengið framhjá Dylan hafa fréttaskýrendur hallast að annarlegum viðhorfum dómnefndarinnar.  Snobbi.  Dylan flytur sín ljóð við gítarglamur og einfaldar laglínur.  Á sumum bæjum þykir svoleiðis ekki fínt.  Langt í frá.  Lágmenning kallast það.

  Nóbels-verðlaun Dylans eru upphefð fyrir dægurlagaheiminn.  Viðurkenning á því að bestu söngvaskáld hans eigi heima í flokki með Halldóri Kiljan Laxness, Günter Grass og Ernest Hemingway.

  Áhrif Dylans eru gríðarmikil á samtíðamenn.  Hann kenndi Bítlunum að reykja hass.  Hann breytti viðhorfum til dægurlagatexta.  Áður voru þeir einskonar léttvægt örþunnt smjörlag ofan á brauð.  Skiptu litlu máli og stóðu höllum fæti án laglínu.  Dylan bauð hinsvegar upp á ljóðræna, djúpa, safaríka og magnaða texta.  Þeir stóðu keikir án laglínu.  Engu að síður skipti laglínan heilmiklu máli.  Dylan er góður lagahöfundur.  Fjöldi tónlistarmanna hefur náð toppsætum vinsældalista með lögum hans.  Hver kannast ekki við lög eins og "Mr. Tambourine Man" (The Byrds),  "Blowin in the Wind" (Peter, Paul & Mary), "Knocking on Heavens Door" (Guns N´ Roses) og "Like a Rolling Stone" (The Rolling Stones)?    

 

Bob Dylan fær Nóbelinn

Trump hermir eftir íslenskum útrásarvíkingum

  Í kjölfar bankahrunsins á Íslandi í október 2008 var rætt við ýmsa sem fóru með aðal hlutverk í þeim hildarleik.  Það var eðlilegt.  Hitt var ekki eins eðlilegt:  Þeir áttu það sameiginlegt að sjúga upp í nefið í tíma og ótíma.  Stundum gripu þeir um nefið um leið.  

  Menn mér kunnugri í eiturlyfjafræðum segja þetta vera einkenni þeirra sem "sniffa" kókaín.  Ástæðan er sú að eftir "sniffið" þá verða einhver korn eftir í nefgöngunum.  Síðan hrökkva þau til og rúlla fram nefið.  Þá eru ósjálfráð viðbrögð að sjúga upp í nefið.  

  Nú hafa glöggir rekið eyrun í það að ljúflingurinn Dóni Trump,  forsetaframbjóðandi í Bandaríkjum Norður-Ameríku, hermir eftir íslensku bankaræningjunum.  Í kappræðum sýgur hann um 100 sinnum upp í nefið.  Sjálfur þvertekur hann fyrir að vera kókaínfíkill heldur fái hann alltaf gallaðan hljóðnema.  

  

Trump saug 93 sinnum upp í nefið

Bestu lög Lennons

  Nú í vikubyrjun,  9. október, kveiktu myndlistakonan Yoko Ono og Ólavía Harrison, ekkja George Harrison(ar) og tengdamóðir dóttur Kára Stefánssonar; svo og Barbara Starr, eiginkona Ringos, á Friðarsúlu Johns Lennons úti í Viðey.  Af því tilefni tóku blaðamenn breska tónlistartímaritsins New Musical Express (NME) saman lista yfir bestu lög Lennons.  Ég ætla að enginn sé 100% sammála niðurstöðunni. Að minnsta kosti er ég það ekki.  Þetta er fyrst og fremst skemmtilegur samkvæmisleikur.  

 

1  #9 Dream

2  Imagine

3  Jailous Guy 

4  Oh My Love 

5  Gimme Some Truth

6  Happy X-mas (War is Over) 

7  Mind Games

8  Watching the Wheels

9  Woman

10 Instant Karma

 

Besta íslenska lagið er norskt

  Öll elskum við Ríkisútvarpið, RÚV:  Sjónvarpið, Rás 1, Rás 2 og Rondo.  Þó að aldrei finnist neinn hlustandi á Rondo í hlustendamælingu þá er sú stöð í uppáhaldi hjá mörgum.  Oftar flottur djass en leiðinlegt óperugaul.  

  Í gærkvöldi var sjónvarpsdagskrá RÚV einstaklega glæsileg: Barnatími klukkustundum saman.  Þetta kom sér vel á flestum heimilum:  Börnin sofnuð og fullorðna fólkið gat ótruflað fylgst með Rannveig og krumma, tuskubrúðum og Línu langsokk.  Dagskráin var svo spennandi að hún hélt vöku fyrir vistmönnum á heimili aldraðra á Hlíð á Akureyri.

  Barnadagskrá laugardagskvöldsins féll í skugga á vali RÚV á besta ÍSLENSKA barnalaginu.  Almenningur fékk að taka þátt og kaus rafrænt.  Í dag lá niðurstaða fyrir.  Besta íslenska barnalagið er norskt.  Það er eftir Thorbjörn Egner og heitir So, ro, lillemann. 

Ofbeldið heldur áfram

  Það er svakalegt að fylgjast með því hvernig ráðist er á heiðursmanninn Dóna Trump þessa dagana.  Maðurinn hefur unnið sér fátt til saka umfram sterka löngun til að verða forseti Bandaríkja Norður-Ameriku og eitthvað svoleiðis.  Nú hefur hljómsveitin U2 bæst í hóp ofsækjenda ljúflingsins.  Þessi frægasta hljómsveit heims er á hljómleikaferð um Bandaríkin.  Þar er spjótum beint að heiðursmanninum afar gróflega.  Hvað eru þessir írsku Jesú-guðspjallaguttar að skipta sér af forsetakosningum handan við sjó og land?  

  Það er annað með stórleikarann Robert De Niro.  Hann má skipta sér af.  Hann er sveitungi Dóna.  En mætti vera orðvarari.  Það er ekki til fyrirmyndar að segjast langa til að kýla prúðmennið í andlitið.  Bara óuppalinn götustrákaskríll segir svoleiðis.  

  Smella hér

  

„Grípa í píkuna á þeim“

Ný íslensk kvikmynd - mikil tilhlökkun

  Um næstu helgi hefjast sýningar á splunkunýrri íslenskri kvikmynd. Hún heitir "Can´t Walk Away".  Sýningarstaðurinn er Egilshöll Sambíó.  Þetta er heimildarmynd um einn ástsælasta tónlistarmann þjóðarinnar í hálfa öld,  Herbert Guðmundsson.

  Hebbi, eins og hann er jafnan kallaður, á að baki skrautlegan tónlistarferil og ennþá skrautlegra lífshlaup þar fyrir utan.  Fljótlega eftir fermingu var hann farinn að syngja með áberandi hljómsveitum.  Raddsviðið er breitt.  Litbrigði söngraddarinnar svipar til Johns Lennons en Hebbi varð einnig þekktur fyrir að afgreiðs Led Zeppelin-lög alveg eins og Robert Plant.  

  Þekktustu hljómsveitir Hebba á áttunda áratugnum voru Tilvera, Eik og Pelican.  Á fyrri hluta níunda áratugarins söng hann vinsælt lag, "Megi sá draumur rætast", með hljómsveit sinni Kan.  1985 kom út 3ja sólóplatan,  "Dawn of the Human Revolation".  Hún inniheldur lagið "Can´t Walk Away".  Það sló þvílíkt í gegn.  Allar götur síðan er það einkennislag níunda áratugarins, þess tímabils sem kallað er 80´s. 

  Fram til þessa dags hafa komið út vinsælar plötur og smellir frá Hebba.  Nægir að nefna "Hollywood", "Svaraðu kallinu",  "Time", "Eilíf ás" og "Sumarið er stutt". 

  Í einkalífinu hafa skipst á skin og skúrir:  Ástarsambönd og hjónabönd hafa brotlent; eiturlyfjaneysla, fangelsun, gjaldþrot, atvinnuleysi, róttæk trúskipti, ísbúðarekstur, harðvítugar nágrannaerjur og þannig mætti áfram telja.

 

 

 

 

 

 

...

Af hverju geta menn ekki verið vinir?

  Flokksfundur Framsóknarflokksins í Háskólabíói var bíó.  Aðdragandinn var sérkennilegur.  Sigmundur Davíð reyndi sólarhringum saman að ná sambandi við forsætisráðherrann,  Sigurð Inga Jóhannsson.  Á sama tíma náðu allir aðrir - sem vildu ná sambandi við forsætisráðherra - sambandi við hann.  Meira að segja óvenju góðu sambandi.

  Sambandsleysi tvímenninganna átti ekki að koma að sök.  Forsætisráðherrann mátti hvergi sjá til né heyra í Sigmundi án þess að margfullyrða að hann færi ekki gegn honum í formannskosningu.  Sigmundi þótti þetta þreytandi og óþörf tugga.  Það lá í augum úti að hann væri formaður, ætti að vera og yrði formaður áfram.  Það þurfti ekki að ræða slíkt.  Pólitískt innsæi staðfesti það.  100% stuðningur við eyðibýlisbóndann í NA-kjördæmi undirstrikaði þetta.

  Sigmundur Davíð gekk glaðbeittur til formannskjörs.  Sjálfsöryggið geislaði af honum.  Þá kom babb í bátinn.  Að sameiginlegu bílastæði Háskólabíós og Hótel Sögu renndu rútur.  Út úr þeim streymdi fólk sem leit ekki út eins og Framsóknarmenn:  Gult á hörund og skáeygt með svart hár.  Það var greinilegt að Sigurður Ingi og erlendar leyniþjónustur voru að beita brögðum.  Rútubílstjórar hafa vottað að rútur með kanadískum Kínverjum komu á svæðið.  Sigmundur Davíð horfði upp á þetta fólk hlaupa út um allt. Eins og kettir sam þurfti að smala. Á sama tíma fjölmenntu stuðningsmenn hans í Háskólabíó en var snúið öfugum við.  Rammöfugum.  Fundust hvergi á kjörskrá. En kínversku túristarnir frá Kanada?  Voru þeir á kjörskrá flokksfundar Framsóknarflokksins?  Það hlýtur að vera.  Annars væri Sigmundur ennþá formaður.        

     

Sigmundur: Kosningarnar voru áfall

Íslendingar líða dýraníð

  Íslendingar eru dýraníðingar.  Svínabændum hefur þótt sjálfsagt að gelda gelti án deyfingar eða annarra aðferða til að milda sársaukann.  Sársaukahrínið í dýrunum hljómar eins og fögur sinfónía í eyrum svínabænda.  Kröfum um úrbætur var mætt af stjórnvöldum með áhugaleysi.  Það þurfti að gefa bændum góðan tíma til að reyna að venja sig af pyntingunum.

  Lengst af þótti hið besta mál að klippa rófuna af grísum.  Án deyfingar.

  Af og til komast í umferð myndbönd af fólki að misþyrma hestum.  Það hefur ekki þótt ástæða til aðgerða.  

  Í nýju búvörulögunum er dýraníð samþykkt.  Dýraníð breytir engu um styrkveitingar.

  Nýjasta dæmið er af misþyrmingu á lambi í Hörgárdal.  Það er dæmigert.  Fjöldi manns horfði upp á smalamann ganga í skrokk á lambi.  Lambið hafði örmagnast.  Í þannig aðstæðum er eðlilegast að taka það í fangið og reiða á hesti.  Eða setja upp í næsta bíl.  Í Hörgárdal var annar háttur hafður á.  Smalinn greip lambið, hóf það á loft og grýtti í jörðina.  Þessu næst sparkaði hann í það og stappaði á hálsi þess.  

  Viðstaddir létu gott heita.  Kipptu sér ekki upp við þetta.  Því síður var gripið í taumana.  Enn síður var ofbeldið tilkynnt eða kært til yfirvalda.  Í sveitinni ríkir þöggun um málið.

  Fólk sem misþyrmir dýrum er líklegt til að beita annað fólk ofbeldi.  Það skortir samkennd.  

 

 

     

Grunur um dýraníð í Hörgársveit

Nýtt framboð og kosningasvindl

  Gríðarmikill áhugi er fyrir því á meðal stuðningsmanna Sigmundar Davíðs Gunnlaugssonar að hann stofni nýjan Framsóknarflokk.  Bjóði fram í komandi alþingiskosningum og snúi þannig aftur sem sigurvegari.  Hann hefur aldrei kynnst því að vera "lúser".  Alltaf verið sigurvegari.  Þangað til á flokksþingi Framsóknarflokksins um helgina.  Niðurstaðan var svo óvænt, ný og brött að hann kunni ekki að höndla niðurlæginguna: Að vera "lúser".  Hann klappaði ekki fyrir sigurvegaranum.  Þess í stað tók hann á sprett út af flokksþinginu og hljóp í felur.  Fór í fýlu.

  Illar tungur herma að hann skorti kjark til að bjóða fram undir nafni nýs flokks.  Hann velji alltaf öruggu leiðina:  Að þiggja 1. sæti Framsóknarflokksins í NA-kjördæmi og kyngi niðurlægingunni á flokksþinginu.

  Sveinn Hjörtur Guðfinnsson forseti Framsóknarfélags Reykjavíkur og fleiri játa að svindlað hafi veri gróflega í formannskjörinu.  Samt dugði það ekki til.  Sigmundur Davíð tapaði.  Vigdís Hauksdóttir sakar Litlu gulu hænuna um að hafa skreytt sig með stolnum fjöðrum.  Tími til kominn að flett sé ofan af illfyglinu.

  Nýtt framboð Sigmundar Davíðs og stuðningsmanna hans er spennandi hugmynd.  Það er þörf á Nýja Framsóknarflokknum.  Eða eitthvað svoleiðis.        

„Þekkjum ekki taparann Sigmund Davíð“